الألحان المتكرره في بعض الأغاني - الصفحة 2

**فؤاد** · #11 07/01/2009, 15h23

اقتباس:

المشاركة الأصلية كتبت بواسطة جابر الحسيني

بليغ حمدي فقد أخذ من ألحان غيره في أغنية موعود و تحديدا في مقطع " لا جراحنا بتهدى يا قلبي و لا ننسى اللي كان يا قلبي " في الكوبليه الثالث الذي يبتدئ بشوف بقينا فين ...
أما الأغنية اللتي أخذ منها ذلك اللحن فهي أيضا لحليم .. و هي كامل الأوصاف اللتي لحنها محمد الموجي ، و تحديدا مطلع الأغنية " كامل الأوصاف فتني و العيون السود خذوني " ،

مش عارف إذا كان حد خاذ باله منها قبل كده ..

ياأستاذ جابر
بدون محدا يشوفها
أنت شفتها خلاص
الفنان فنان يافنان
تسلم وتسلم مواضيعك الجميله أيضاً

**جابر الحسيني** · #12 09/01/2009, 15h20

مثال آخر لسه واصل طازة من مكتبة الأستاذ القباج ،
قوليلي إيه غير حالي لعبد الغني السيد و من ألحان السنباطي مطلعها الموسيقي (لكن على العود) هو نفسه مطلع أغنية ثومة إفرح يا قلبي لنفس الملحن

هنا

**محمود الساحلي** · #13 09/01/2009, 15h43

السلام عليكمومشكورررررين على هذا الشرح المفصّل الرائعمن أساتذة روح الفن الأصيلتحيااااتي للجميع

**فؤاد** · #14 09/01/2009, 16h14

اقتباس:

المشاركة الأصلية كتبت بواسطة جابر الحسيني

مطلعها الموسيقي (لكن على العود) هو نفسه مطلع أغنية ثومة إفرح يا قلبي لنفس الملحن

تصدق ياجابر
بس حليها بيني وبينك
انا من فتره عايز أعرف أسم أغنية أُم كلثوم
ودلوقتي حضرتك قلتها ((أفرح ياقلبي ))
تصدق الاغنيه دي مبحبهاش موش لحاجه
بس بحس أن أم كلثوم دمها تقيل ومش لايقه عليها
زي الست ورده لما قالت (( يادلالي عليه يادلالي )) بحس أنو ورده هنا موش غجريه وبس (عفواً علي اللفظ )
(( بس أوعي الأستاذ بشير عياد يسمع بكده ))

تحياتي
حبيبك
فؤاد

**فؤاد** · #15 12/01/2009, 16h26

اقتباس:

المشاركة الأصلية كتبت بواسطة محمود الساحلي

السلام عليكمومشكورررررين على هذا الشرح المفصّل الرائعمن أساتذة روح الفن الأصيلتحيااااتي للجميع

أستاذ محمـــــود

ألف شكر للأساتذه والكبار هنا في سماعي
وشكراً لك وأهلاً بكَ
باين علي حضرتك مستعجل ؟؟

**The Lion 98** · #16 12/01/2009, 19h18

موضوع رائع جدا يا أستاذنا تسلم إيديك عليه
لي ملاحظتين بخصوص هذا التشابه (مش ها نقول نقل و ذلك عملا بمبدأ إن بعض الظن إثم)
1- في رأئعة نجاة قلبك راح فين و تحديدا في حملة "قربك يسعدني و القرب مافيش.... و قليل توعدني و كتير ما تجيش) و لاحظ نفس الجملة مع رائعة فيروز سوا ربينا (إنت و أنا درنا ع كل الابواب .... حبينا و كبرنا بموسم العناب)
على رأي معلقنا الكروي التونسي الشهير رءوف بن خليف : بالمليمتر يا حبيبي بالمليمتر
2- مقدمة رائعة نجاة (برضه) آه بحبه شوف نفس الجملة الموسيقية الأخيرة قبل ما تقول جملة "العوازل ياما قالوا"
و شوف نفس الجملة قبل ما حليم يقول "خسارة خسارة .... فراقك ياجارة"
على راي معلقنا الكروي المصري الشهير حمادة إمام : مش ممكن مش ممكن مش ممكن

**فؤاد** · #17 12/01/2009, 20h02

اقتباس:

المشاركة الأصلية كتبت بواسطة The Lion 98

موضوع رائع جدا يا أستاذنا تسلم إيديك عليه

1- في رأئعة نجاة قلبك راح فين و تحديدا في حملة "قربك يسعدني و القرب مافيش.... و قليل توعدني و كتير ما تجيش) و لاحظ نفس الجملة مع رائعة فيروز سوا ربينا (إنت و أنا درنا ع كل الابواب .... حبينا و كبرنا بموسم العناب)
2- مقدمة رائعة نجاة (برضه) آه بحبه شوف نفس الجملة الموسيقية الأخيرة قبل ما تقول جملة "العوازل ياما قالوا"
و شوف نفس الجملة قبل ما حليم يقول "خسارة خسارة .... فراقك ياجارة"

والله مباين عليك فنان وعندك أذن موسيقيه 100%

**The Lion 98** · #18 12/01/2009, 20h18

اقتباس:

المشاركة الأصلية كتبت بواسطة فؤاد عبد الحميد

والله مباين عليك فنان وعندك أذن موسيقيه 100%

شهادة أعتز بيها جدا يا استاذنا و عشان الكلام الحلو ده خد دي كمان من أخوك العبد الغلبان

3- مقدمة رائعة العندليب ( أحتار خيالي) و كمان مقدمة "ربنا يستر عليا" سماح النوبة يا أستاذ فؤاد و لو أنك هاتزعل مني بس الأمر لله رائعة ستنا فايزة أحمد (يا لولي الندا) ربنا يجعنا لعيلانا بخير

**The Lion 98** · #19 12/01/2009, 20h29

حتى موسيقار الأجيال نفسه عمل نفس الموضوع لما استخدم موسيقى تتر مسلسل تليفزيوني قديم بطولة فاتن حمامة إسمه "حكاية وراء كل باب"
و راح واخدها Copy & paste
و حطاه مقدمة لآخر كوبليه في آخر ما غنى (أو هكذا ادعوا) من غير ليه

**The Lion 98** · #20 12/01/2009, 20h48

4- معلش مرة تانية ما تزعلش مني في رائعة فايزة أحمد (حمال الأسية) اسمعها في أول الكلام "حمال لأسية ظالمينك حبايبي) و أسمعها بعينها و حيلها من الست أصالة و هي بتقول "سامحتك سامحتك"