ممثلين وممثلات غنوا مع المطربين

[جابر الحسيني]

على ما أذكر حسين رياض و زينات صدقي غنوا سوى في أحد الأفلام أغنية على دول يامّى

[جرامافون]

على ما أذكر حسين رياض و زينات صدقي غنوا سوى في أحد الأفلام أغنية على دول

حسين رياض غني كتير وعندي ليه اسطوانة لا اتذكر كانت
بتقول ايه .. لكني ححاول اطلعها وارفعها في المنتدي وله
اغنية للأطفال مشهور وغيرها .. أما زينات صدقي فكان
عندي ليها اغنية بتغنيها وكانت لطيفة جدا ونادرة وكانت
عبارة عن بكرة فيلم سينما 16 ملي بالالوان كانت بتغني
فيها فوق السطوح وكانت الاغنية معمولة في فيلم نصف
ساعة لترشيد الخلف والمواليد وحصلت عليها لما باعوا
مكتب شركة انتاج الفيلم للروبابيكيا لكنها للاسف ضاعت مني

[abuaseem]

بلا شك الموضوع جميل بس العنوان طويل شوية فاقترح مثلا :

حف الشطر الاخير فيكون العنوان

ممثلون و ممثلات غنوا مع المطربين

او نغير الاسم الى:

غناء ممثلي الدراما باعتبار ممثلي الكوميديا في العادة ليهم في غناء المنولوجات

وبقاء الاسم على ما هو عليه برضه مش حيغير في جمال و فكرة الموضوع

[جرامافون]

حف الشطر الاخير فيكون العنوان

ممثلون و ممثلات غنوا مع المطربين
او نغير الاسم الى:
غناء ممثلي الدراما باعتبار ممثلي الكوميديا في العادة ليهم في غناء المنولوجات
وبقاء الاسم على ما هو عليه برضه مش حيغير في جمال و فكرة الموضوع

معقول
أنت بتستأذن ياأبو عاصم
أنت تؤمر يا كبير
مش كفاية ان صاحب الموضوع ده أخي فؤاد الحبيب

أنت فاتحله حضن موضوعك القيم عن الفنانيين الليبيين

في الالبوم .. مد ايدك وسمي
طب والنبي لو أخي فؤاد مغيروش ححذفله كل اللي رفعه
في الألبوم
فعلا عنوان طووووووويل يقطع النفس




(تحياتي يا أبو عاصم حبيت احييك بعد اذنك طبعا)

[unicorn]

المشاركة الأصلية كتبت بواسطة جرامافون

طب والنبي لو أخي فؤاد مغيروش ححذفله كل اللي رفعه
في الألبوم

و بالذات صور فايزة
ايام ما كان صوتها ضخم
(من سنة 1967 حتي 1970 )

[فؤاد]

الأستاذ أبو عاصم
الأستاذ عمرو ( جرامافون )
تحيه طيبه
أعملوا اللازم يارجاله
شوفوا اللي يليق وعدلوا
هو أحنا لينا كلمه دلوأتي
مخلاص

آل أيه
ملقوش في التفاح عيب
قالولوا ياأحمر الخدين

[فؤاد]

المشاركة الأصلية كتبت بواسطة unicorn

و بالذات صور فايزة

ايام ما كان صوتها ضخم

(من سنة 1967 حتي 1970 )

لأ لأ لأ
ده هو صوتها وصورتها هي اللي ساعااااااااااااااااااااااااااااااااااااات بتبسطني وتسعدني ( ساعات )

[محمد البولندي]

محمود عبد العزيز غني الكيمي كيمي كا تعظيم للكيميا يا في فيلم الكيف
والفيلم بتاع نايلون وبلابيعو كان فيه اغنيه مشتركه بالملايات اللف بين حسن فايق واسماعيل يس الي هي هس هس هس