ممثلين وممثلات غنوا مع المطربين

[جابر الحسيني]

المشاركة الأصلية كتبت بواسطة فؤاد عبد الحميد

1. عبد السلام النابلسي عندما قال( وليالي زمان) مع عبد الحليم في ضحك ولعب وجد وحب
2. 
   
3. نجيب الريحاني ( اغنية عيني بترف ) مع ليلي مراد

إيه دى يا أستاذ فؤاد
أنا أطالب بحقوقي المادية و الأدبية
و حاشتكيك لصاحب الموضوع رأسا

[جابر الحسيني]

المشاركة الأصلية كتبت بواسطة غازي الضبع

كده إحنا جينا في ملعب سيادة الرئيس
لإنه من عشاق إسماعيل يس
وأحب أعطي مثال آخر على أغنية يظهر فيها طرب عالي جدا من كلا من إسماعيل يس وشكوكو
أغنيتي .. لآ إنت القرد ، والحب قندلة

لا خلونا كده في الممثلين الذين لا علاقة لهم بالغناء،

إسماعيل ياسين و شكوكو و عزيز عثمان ... رغم اشتهارهم باللون الخفيف و الكوميدي(المونولوج) إلا إنهم مطربين بشهادة الجميع بس شكلهم كان له دور كبير في توجههم لهذا اللون (زي ما كان عبد الوهاب نصح إسماعيل ياسين في بداياته).

على فكرة أداء إسماعيل ياسين كان كارثة في أغنية في يوم من الأيام (بس أظنه كان متعمد كده)

[غازي الضبع]

المشاركة الأصلية كتبت بواسطة جابر الحسيني

لا خلونا كده في الممثلين الذين لا علاقة لهم بالغناء، إسماعيل ياسين و شكوكو و عزيز عثمان ...

يا راجل
عزيز عثمان مالوش علاقة بالغناء
ده بالذات مطرب ابن مطرب
دا من أجمل وأكثر المطربين تمكناً

[فؤاد]

المشاركة الأصلية كتبت بواسطة mokhtar haider

ما تنسوش أن اسماعيل يس كان مطرب قبل دخوله في التمثيل الفكاهي.... و من وراء الأغنية الفكاهية اللي اشتهر بها في أفلامه اكتشفت أنه مطرب بدقة الآداء قلما عرفت مثلها....

الأستاذ الكبير
مختار حيدر
أحمدك يارب
معي هنا
أنا مش مصدق أنا قلت مش ممكن هنتقابل أبداً
أنا بشكرك جداً جداً

[فؤاد]

المشاركة الأصلية كتبت بواسطة جابر الحسيني

إيه دى يا أستاذ فؤاد
أنا أطالب بحقوقي المادية و الأدبية
و حاشتكيك لصاحب الموضوع رأسا

حبيبي جابر
أنا لم الاحظ الصفحه اللي حضرتك كتبت فيها
ملحوقه
ومشكور أوي أوي علي فرحتك بالموضوع
وخد مني دي
طب
ودي
ودي
وديييييييييي

[جابر الحسيني]

المشاركة الأصلية كتبت بواسطة جابر الحسيني

إسماعيل ياسين و شكوكو و عزيز عثمان ... رغم اشتهارهم باللون الخفيف و الكوميدي(المونولوج) إلا إنهم مطربين بشهادة الجميع

يا أخ غازي الظاهر إنك ما كملتش قراءة كلامي أو أنا مكتبتوش بشكل يسمح بالتعبير بشكل واضح عن الفكرة
و الكلام اللي اقتبسته من مشاركتي هو ما كنت أقصده

و اسمح لي أعمل تعديل بسيط في المشاركة بتاعتي علشان الفكرة تتوضح
كل ما سأقوم بتعديله هو رجوع إلى السطر من بداية ذكري للأسماء

[haytham hassan]

السلام عليكم
كده برضه تنسوا رشدى أباظة غنى امتى ؟!!
رشدى أباظة كان بيغنى مع الست صباح فى أغنية " إيدك عنى اوعى " لما كان بيرد عليها ويقول " أوف شو بخيلة " وده كان من فيلم " إيدك عن مراتى " مع إبراهيم خان -الله يرحمه- وأى خدمة تانى !!!

[غازي الضبع]

المشاركة الأصلية كتبت بواسطة جابر الحسيني

يا أخ غازي الظاهر إنك ما كملتش قراءة كلامي أو أنا مكتبتوش بشكل يسمح بالتعبير بشكل واضح عن الفكرة

و الكلام اللي اقتبسته من مشاركتي هو ما كنت أقصده

و اسمح لي أعمل تعديل بسيط في المشاركة بتاعتي علشان الفكرة تتوضح
كل ما سأقوم بتعديله هو رجوع إلى السطر من بداية ذكري للأسماء

أيوة كده ريحت قلبي
أصل عزيز عثمان ده من المطربين اللي بيوزنوا دماغي قوي
وهو من القلائل اللي بيغنوا بسلطنة ..
حاجة كده من بتاعة زمان قوي
صوت جميل ومتمكن جدا

[فؤاد]

المشاركة الأصلية كتبت بواسطة غازي الضبع

أيوة كده ريحت قلبي
أصل عزيز عثمان ده من المطربين اللي بيوزنوا دماغي قوي
وهو من القلائل اللي بيغنوا بسلطنة ..
حاجة كده من بتاعة زمان قوي
صوت جميل ومتمكن جدا

الظاهر ياأستاذ غازي ياكبيرنا
عجبك الموضوع خالص
يارب يعجبك علي طول السنه اللي جايه
وشكراً علي أهتمامك
ألف شكر

[mokhtar haider]

الأستاذ الكبير
مختار حيدر
أحمدك يارب
معي هنا
أنا مش مصدق أنا قلت مش ممكن هنتقابل أبداً
أنا بشكرك جداً جداً

استاذ فؤاد... معنتها إيه يعني.... مش احنا نتقابل كال يوم في المنتدى؟؟؟ مش مشروط ترد علي و الا أرد عليك عشان نتقابل... إحنا أصدقاء أعضاء دائمين في المنتدى و الصدف و الاهتمامات و الاتجاهات هي اللي تقرر المقابلات مع بعض... و إذا ما ساعدتش الصدف على المقابلة فنحن دايما أصدقاء... و الا كنت فاكر إني واخذ موقف منك لسمح الله... اطمن يا سيدي أنا أعزك و أتابعك مثلك مثل كل أعضائنا الأفاضل إلهي يخليكم للمنتدى و لبعض...
و الا انت حمدت ربنا أننا تقابلنا في أغاني فايزة يا فايزاوي ؟ يا رجل انت ما شفتش أني رفعت أجمل أغاني فايزة اللي في المنتدى و أني طلبت أيضا أجمل أغانيها؟
تحب أقول لك يا فايزاوي ؟ تعالى.... أنا أحب فايزة و تابعتها منذ سنة 1958 و انت سيادتك بصراحة من مواليد أي سنة ؟
مرة ثانية اطمن يل سيدي... أنا سماعاوي و فايزاوي و فؤاداوي


و في سياق الموضوع.... انتم نسيتم فؤاد المهندس و عبد المنعم مدبولي.... هذا الأخير كان غنى أغنية اشتهؤرت كثير من ألحان كمال الطويل العربجي
مع تحياتي