* : فهرس ألحان الموسيقار رياض السنباطي بأصوات نجوم الطرب بالمنتدى (الكاتـب : doctorluxor - آخر مشاركة : نور عسكر - - الوقت: 00h06 - التاريخ: 29/11/2020)           »          نجاة الصغيرة (الكاتـب : سماعي - آخر مشاركة : نور عسكر - - الوقت: 22h42 - التاريخ: 28/11/2020)           »          فى يوم .. فى شهر .. فى سنة (الكاتـب : د.حسن - آخر مشاركة : حازم فودة - - الوقت: 22h33 - التاريخ: 28/11/2020)           »          نجاة علي (الكاتـب : Talab - آخر مشاركة : tarab - - الوقت: 22h19 - التاريخ: 28/11/2020)           »          الاستاذ عبدالله كريستة يتحدث عن حباته و ابدعاته (الكاتـب : abuaseem - - الوقت: 22h02 - التاريخ: 28/11/2020)           »          محمد الجراري(مونولوجيست) (الكاتـب : Karim Samaali - آخر مشاركة : غريب محمد - - الوقت: 17h08 - التاريخ: 28/11/2020)           »          إسماعيل أحمد (الكاتـب : jamal67 - آخر مشاركة : الرقي 2000 - - الوقت: 16h49 - التاريخ: 28/11/2020)           »          عزت الجاهلى (الكاتـب : سماعي - آخر مشاركة : نور عسكر - - الوقت: 16h48 - التاريخ: 28/11/2020)           »          فؤاد حجازي (الكاتـب : رضا المحمدي - آخر مشاركة : حماد مزيد - - الوقت: 16h47 - التاريخ: 28/11/2020)           »          محمد عبد المطلب (الكاتـب : الباشا - آخر مشاركة : نور عسكر - - الوقت: 16h40 - التاريخ: 28/11/2020)


العودة   منتدى سماعي للطرب العربي الأصيل > مجلس العلوم > الدروس والنوت الموسيقية > محاضرات ودروس

محاضرات ودروس مبادئ تعليم الكتابة الموسيقية

رد
 
أدوات الموضوع طرق مشاهدة الموضوع
  #1  
قديم 14/12/2013, 21h42
الصورة الرمزية خليـل زيـدان
خليـل زيـدان خليـل زيـدان غير متصل  
طاقـم الإشـراف
رقم العضوية:307960
 
تاريخ التسجيل: octobre 2008
الجنسية: مصرية
الإقامة: مصر
المشاركات: 2,724
افتراضي ذكريات الزمن الجميل للفنان عادل صموئيل

من حظنا الجميل أن بيننا فنان رائع وهو الأستاذ عادل صموئيل
لنا شرف صحبته ، فقد عاصر كبار نجوم الغناء وعمل مع الكثير منهم
لذا أرجوه أن يروي لنا ذكرياته مع أهل الفن .. مؤكد ستسعدنا ونرى بها جوانب
لم نكن نراها إلا من خلاله .. له خالص الشكروالتحية مقـدماً


‫ط§ط³ظ…ط§ط¹ظٹظ„ ظٹط³ ظ…ظ†طھط¯ظ‰ ط³ظ…ط§ط¹ظٹ ظ„ظ„ط·ط±ط¨ ط§ظ„ط¹ط±ط¨ظٹ ط§ظ„ط£طµظٹظ„ 2‬‎ - YouTube
__________________


التعديل الأخير تم بواسطة : خليـل زيـدان بتاريخ 15/12/2013 الساعة 04h52
رد مع اقتباس
  #2  
قديم 14/12/2013, 23h34
الصورة الرمزية عادل صموئيل
عادل صموئيل عادل صموئيل غير متصل  
Moderator
رقم العضوية:249452
 
تاريخ التسجيل: juin 2008
الجنسية: مصرى
الإقامة: مصر
العمر: 70
المشاركات: 176
افتراضي رد: ذكريات الزمن الجميل للفنان عادل صموئيل

الاخ العزيز الريحانى
اشكرك من كل قلبى على هذه اللفتة الكريمة الجميلة
المشكلة الاساسية اللى بيعانى منها كل فنان من فنانى الزمن الجميل وانا اقلهم يعنى ... بس على الاقل انا واحد من الاقلية القليلة جدا الباقية على قيد الحياة منهم ... هو كان حظى انى عملت معهم وانا صغير جدا يعنى كان سنى عشرين سنة بينما زملائى كان اعمارهم بتترواح من خمسين سنة وانت طالع وده يمكن الشىء الوحيد انى موجود بعد مارحلوا وبينى وبينكم انا مولود سنة 1950 وكتير كنت اتمنى انو اكون اتولدت سنة 1930 مثلا وكنت عاصرت كل هؤلاء العمالقة من بداياتهم وانتهيت معهم ولكن يمكن الله عمل الحكمة دى انى اكون موجود بعدهم بشوية ويكون الله سخرنى انى اقدم لكم اللى اتعلمته منهم وبالذات النوت الموسيقية وشوية العزف المتواضع اللى على ماقسم .. وشوية معلومات وكلام عنهم ممكن يستمتع عشاقهم بالكلام عنهم .. بالذات لأن فيه كلام كتير اتكتب عليهم بعد وفاتهم من ناس عايزة تظهر لكن الحقائق بتختلف عما رأيته بعينى ... بس هى الكارثة الكبرى بتأتى من سوء التتابع

اقصد بالتتابع يعنى لو رجعنا لورا 500 سنة من اول وقت ابتدا يبقى فيه فن عربى فى بداية تقنينه .. بمعنى ان من 500 سنة الفن الكلاسيكى الاوربى وصل لأوج مجده ووصل تطوره للدرجة التى نراها عليه الآن يعنى لماتسمع سيمفونية ليوهان سباستيان باخ بيعزفها اوركسترا سيمفونى على اعلى درجة من الجودة وتقول الله ايه الحلاوة دى ... لو رجعنا للوراء عدة قرون نجدهم كانوا بيعزوفها كده بالحرف وحافظوا على المستوى ده خلال القرون التالية
اولا لتطور الآلات الموسيقية فى عصر الباروك وثانيا لتطور كل القوالب الموسيقية حتى وصلت لما هى عليه الآن
والاخطر والاهم اطلاقا تطور التدوين الموسيقى لأعلى درجة وهى اللى بندون بيها الآن ومن هنا كان المؤلف الموسيقى بيدون العمل بدقة متناهية وبيتنفذ بدقة متناهية .. والنوت كلها بتفضل للتاريخ لذلك كانت النوت المكتوبة من 500 سنة بتتعزف بنفس الجودة والنكهة اللى بتتعزف بيها النهاردة من غير ما ينقص او يزيد حرف .. يعنى كان ساعتها الاعتماد فى التداول على النوتة الموسيقية فقط لأن وسائل التسجيل الصوتى ظهرت بعد الوقت ده بييجى 300 سنة وطبعا كانت بدائية جدا حتى الاربعينيات يعنى استعمالها كان بينقص مش بيزود .. يعنى السيمفونية كانت فى حدود 54 دقيقة وسعة الاسطوانة الحجارى القديمة 7 دقائق فقط غير طبعا رداءة الصوت لأن كان السميعة بتوع الكلاسيك متعودين يروحوا الاوبرا يسمعوا ع الطبيعة .. بعد باخ جاء العشرات منهم بيتهوفن وموتسارت وغيرهم كثيرون المهم نرجع للتتابع ... يعنى الموسيقى لما تطورت كان كل مؤلف موسيقى بييجى بيعمل تقدم اكثر ... لأنو الاول بيشرب من اللى قبله ثم يبدع ... لما نرجع للكلام ده عندنا فى الشرق او فى مصر بالتحديد نجد ان التدوين الموسيقى بلغ ذروة كماله ( مع ادخال المقامات الشرقية والاوزان الايقاعية عليه ) فى اواخر الثلاثينيات .. قبلها لمدة خمس قرون كان المطربين والملحنين بيتداولوا الالحان بالتلقين او الحفظ وخطورة التلقين او الحفظ انك ممكن يطير منك حرف هنا وحرف هنا ومع التدوال تلاقى اللحن معالمه اتغيرت عاملة زى واحد ماشى شايل شوال فول مخروم بيخر الشوال وزنه 25 كيلو على ما يوصل يكون فاضل نصه ... ومع ذلك العمالقة بتوعنا اولا حفظوا القديم اوى واستخرجوا منه كل المدارس الفنية وبدأ التطور على يد عبد الوهاب .. وطالما حصل تطور الكل لازم يتطور يعنى واحد فى قرية بتطبخ على الحطب راح اشترى بوتاجاز تعالى تانى سنة تلاقى القرية كلها عندها بوتاجازات .. ثم ظهرت الفلتة الغنائية ام كلثوم واللى قلبت الغنا العربى 180 درجة .. يعنى كان اشهر اسم قبلها كانت منيرة المهدية كان عندها عيبين خطيرين اولهم ان معظم كلمات اغانيها سوقية والبلد ساعتها كان فيها مثقفين كتير وشعراء فطاحل يعنى المستوى الثقافى كان عالى جدا ومحتاج الغنا المحترم الكلمات .. وثانى اخطر عيب فى منيرة المهدية انها كانت بتغنى بطريقة المشايخ بتوع زمان اللى هى استعمال العُرب الكتير اوى اكتر من الازم فى كل جملة بحيث انك ماتقدرش تدندن مع نفسك اللى هى بتقوله .. المشايخ كانوا بالطبع بيستعملوا عرب كتير بس محددة وفى مكانها لذلك كان لهم عشاق كتير فضلوا يسمعوهم حتى بعد التطور التالى لذلك العصر لكن منيرة المهدية كانت بتزود العُرب حبتين .. وانا فى نظرى تزويد العرب زى فى الشاى الطبيعى تحط 3 ملاعق سكر لكن لما تكرمنى وتحط 27 ملعقة سكر طبعا ده ما يبقاش كرم ( والمصيبة النهاردة اصالة بتعمل كده )
جاءت ام كلثوم وغنت غناء جميل وسلس يعنى تعيش معاها من اول حرف ال آخر الاغنية وبدأت فى تقديم روائع الكلام والقصائد السهلة والصعبة وتبنت الشعراء الموهوبين امثال بيرم التونسى ثم احمد رامى وقلبت الغناء المصرى رأسا على عقب ... الكارثة ان من الاربعينيات الى السبعينيات كان العصر الذهبى للموسيقى المصرية يعنى اعلى درجة نضج للعمالقة .. لكن بعد ذلك ابتدأ الانهيار الى ان وصل اليوم الى الصفر ... يعنى اللى جم بعد العمالقة ما اخدوش منهم زى الطبيعى ولكن ابتدوا شىء جديد مقرف من عندهم

انا آسف للإطالة ولكن انا احب اكتر اسألونى وانا اجيب لأن اللى فى مخى كتير اوى اوى ما اعرفش ابتديه منين
مع اطيب تحياتى

التعديل الأخير تم بواسطة : خليـل زيـدان بتاريخ 15/12/2013 الساعة 04h52
رد مع اقتباس
  #3  
قديم 15/12/2013, 00h45
الصورة الرمزية خليـل زيـدان
خليـل زيـدان خليـل زيـدان غير متصل  
طاقـم الإشـراف
رقم العضوية:307960
 
تاريخ التسجيل: octobre 2008
الجنسية: مصرية
الإقامة: مصر
المشاركات: 2,724
افتراضي رد: ذكريات الزمن الجميل للفنان عادل صموئيل

تسلم الأيـادي أستاذنا الجميل يا حـلو الرواءِ
هذه معلومات جيدة تسعد الكثير من الأحباب

أرجو أن تروي لنا ما يجول بخاطرك ، شعورك عند أول عمل لك مع كبار النجوم
كواليس الحفلات ، البروفات ، القفشات ، أبرز تعليقات الجمهور وردود أفعال المطربين
الحفلات الخارجية وكيفية استقبال الشعوب العربية لنجوم الطرب وأهم المواقف
أحب العازفين إلى قلب المطربين .. مواقف طريفة أو حرجة أثناء الحفلات .. وهكذا ..


__________________


التعديل الأخير تم بواسطة : خليـل زيـدان بتاريخ 15/12/2013 الساعة 04h53
رد مع اقتباس
  #4  
قديم 15/12/2013, 04h32
الصورة الرمزية نور عسكر
نور عسكر نور عسكر غير متصل  
طاقـم الإشـراف
رقم العضوية:348516
 
تاريخ التسجيل: décembre 2008
الجنسية: @
الإقامة: @
المشاركات: 10,638
افتراضي رد: ذكريات الزمن الجميل للفنان عادل صموئيل

الأستاذ الموسيقار عادل صموئيل المحترم
تحية أخوية طيبة .. أعرف أن الكلمات ومهما كانت معبرة فإنها لاتفي بحقك ، وكنت أود تحيتك والثناء على مشاركاتك في مجلس المشرفين ، وهنا أحييك من كل قلبي وإحترامي لكم ولموهبتكم ومحبتكم في نشر وتعليم الإسس الصحيحة لمباديء الموسيقى وما يرتبط بها من أمور فنية عديدة .
سلمت يداك ودمت بموفور الصحة ، وننتظر هذه الذكريات الجميلة والتي ستسعدنا وتسعد أعضاء سماعي ، وشكراً للحبيب الريحاني وجهوده الدائمة
* تصحيح بسيط .. إضافة حرف { الميم } الى الإسم الكريم صموئيل ، مع التقدير .
رد مع اقتباس
  #5  
قديم 16/12/2013, 02h45
الصورة الرمزية عادل صموئيل
عادل صموئيل عادل صموئيل غير متصل  
Moderator
رقم العضوية:249452
 
تاريخ التسجيل: juin 2008
الجنسية: مصرى
الإقامة: مصر
العمر: 70
المشاركات: 176
افتراضي رد: ذكريات الزمن الجميل للفنان عادل صموئيل

احبائى
بالطبع الاسئلة هى اللى بتوجد خيط الكلام ونشد الخيط يطلع كلام انا دايما لما بكتب مش بكون محضر كل العناصر لكن وسط الكتابة بتطلع حاجات تانية والكلام بيجيب بعضه ,
الكلام عن الفنانين واول مرة التعامل معاهم .. بيختلف من شخص لشخص يعنى من عازف لعازف مع فنان او آخر
بمعنى انا طبعا نشأت وترعرعت ( حلوة ترعرعت دى ؟ ) يعنى اتولدت سنة 1950 وكل اهل بيتى ( مع ان ماحدش منهم مالوش لا فى الموسيقى ولا الشعر ) ولا حتى عائلتى الكبيرة يعنى كان ناس من اعلى الوظائف والدرجات لكن الفن مفيش خالص .. المهم انهم لاحظوا ان عندى حاسة موسيقية عالية جدا حتى من ايام الرضاعة يعنى كانت البزازة فى فمى ولما الراديو يذيع موسيقى حلوة كنت امتنع عن الاكل واسرح ولما مطرب يكون صوته وحش باكل وساعة البطون تتوه العقول وابى رحمه الله كان بيتذكر الايام دى يعنى لما يغنى عبد الوهاب كنت اسمع اوى ولما يغنى صالح عبد الحى كنت آكل ... لحد ما كان سنى عشرين سنة وابتديت العمل مع كبار العمالقة .. يعنى شعورى زى شعور اى شخص بيموت فى مطربين من زمان ونفسه يشوفهم اكيد اول مرة بيشوفهم بتحصل له حاجات غريبة وبيحس انهم مخلوقات آتية من الفضاء وفيه شعور تانى يعنى الشخص اللى انا بحس انه شخص عادى مثلى مثله .. ومن الامثلة هانى شاكر مثلا يعنى كان زميلى فى الكلية ( كلية التربية الموسيقية بالزمالك ) ماكانش لسه بقى هانى شاكر ... كان طالب عادى صوته حلو ونفسه يبقى مطرب وبعدين عرفنا انه هو اللى مثل دور سيد درويش وهو صغير فى فيلم سيد درويش بتاع كرم مطاوع .. يعنى انا كنت ابتديت اشتغل واعزف وكان هو لسه طالب فقط كنت بعزمه على الفطار وكان بيهزر معايا كان مسمينى عادل بيه فلوس نظرا لأنه كان لسه بياخد مصروفه من والدته كأى طالب .. ومن ضمن الهزار كان يقول لى لما اشتهر حاخليك تعزف معايا ... طبعا كعادة الحياة كان فى الكلية اكتر من طالب صوته حلو منهم الفنان محمد رؤوف وكذا واحد مش فاكرهم بعد كل السنين لكن هانى شاكر كان حظه من السما يعنى تهيأت له ظروف انه يبدأ من القمة يعنى ملحنين كبار وعلى الفرقة الماسية من اول مرة ويعنى من ناحيتى الآن بعتبر هانى شاكر من المعدودين الباقين من سلالة زمن الفن الجميل اللى بتنقرض .. حارجع تانى للكلام عن هانى شاكر بعدين بس اكمل موضوع لما تشوف فنان لأول مرة .. كان هانى شاكر بالنسبة لى شخص عادى لكن عبد الحليم مثلا كان حاجة تانية موضوع تانى يعنى هو النجم الكبير الى بسمعه من عشرين سنة فى الراديو ... الشعور ده كان بيحسه زملائى العواجيز منهم يعنى اللى عاصروا ام كلثوم اول ما ابتدت يعنى بيندهوا لها بإسمها عادى وكان ممكن واحد منهم يشخط فيها لو غلطت وكان زمان اعظم عازف رق فى تاريخ البشرية العربية اسمه ابراهيم عفيفى وهو أصلاً اتعلم منه العظماء اللى بعده يعنى حسن انور وحسين معوض ومحمد العربى وكل عازف رق كان ابراهيم عفيفى له فضل عليه حتى لو مش بطريقة مباشرة يعنى ممكن معاشرة شخصية يعنى عزف على مزهر او دف جنبه او سمعه فى الراديو بس بتمعن اوى واتعلم منه ... كان ابراهيم عفيفى ده ابتدا مع ام كلثوم اول ما قرروا يعملوا لها فرقة موسيقية .. يعنى انتم شفتم مسلسل ام كلثوم ؟ يمكن دى الحاجة الوحيدة اللى صح فيه ان ام كلثوم بنت فلاحة فقيرة جت من القرية بتنشد قصائد دينية بدون طبعا آلات موسيقية على طريقة المشايخ .. بعدين شاء الله ( الذى يعطى من يشاء ) ان ام كلثوم تتعرف اوى ويقبل عليها كبار الملحنين واقنعوها انها تغنى الاول على تخت وكان فيه صعوبة بإقناع والدها اللى كان واخد خط دينى بأن ام كلثوم تغنى على تخت .. المهم ان التخت الاول ده كان عازف الرق فيه ابراهيم عفيفى .. طبعا هو كان عازف كبير وهى لسه فتاة ريفية كانت بتقول له ياعمى وهو كان الوحيد اللى ممكن بشخط فيها ويشتمها احيانا لما تغلط وام كلثوم قالت عنه ابراهيم عفيفى كان بيسترنى .. بمعنى ان المطرب ممكن وهو بيغنى لو فيه حرف طويل طبعا الطول ده بحساب يعنى اما روند او روندين مربوطين يعنى 8 او بلانش .. المطرب القدير لما يحب يطول بيطول بحساب يعنى لو روند وحب يطولها لازم يقول روند زيها او روندين زيها المهم ينزل على الدوم .. المطرب الفاشل ما يعرفش يحسبها ممكن لما يطول يطول3 او 3 ونص ده ممكن يكسر الميزان ... الحكاية دى كانت بتحصل مع ام كلثوم فى الاوائل يعنى لما كانت لسه بتتعلم الغناء العاطفى وبالذات الالحان الصعبة او اللى فيها شغل زى بتاعة زكريا او القصبجى ثم السنباطى كان ابراهيم عفيفى لما يلاقيها خرجت عن الرتم بيعمل لها دومين ورا بعض .. الدوم الاول بيشتمها والدم التانى هو الدوم الجديد اللى حتغنى منه .. الحركة دى بالعبقرية بتاعة ابراهيم عفيفى والعبقرية الصاعدة بتاعة ام كلثوم كانت بتبقى للمستمع حاجة حلوة جدا يعنى بيعملوا صيحة استحسان .. يعنى الفنان القدير ممكن لو غلط يعمل حركة انت تحس انه بيعمل تجويد ... وكان الكارثتين اللى فقدتهم ام كلثوم فى طول حايتها الفنية الكارثة الاولى وفاة ابراهيم عفيفى فى الستينات .. من هنا كان لازم تعتمد على نفسها بنسبة 99% يعنى انا مرة سمعت تسجيل حفلة لأغنية اراك عصى الدمع فى الجملة بتاعة اذا مت ظمئـــــــــــــــــــــــــــــــــــان التطويل ده هى كانت مش مظبوطة فى الليلة دى غلطت فيها 3 مرات نفس الغلطة لو ابراهيم عفيفى كان موجود ماكانتش غلطت
الكارثة التانية وفاة محمد عبد صالح .. وانا حضرته فى آخر سنة وشوية .. لكن طبعا كنت مذاكر تاريخه من زملائى اللى عايشوه وقت طويل ... محمد عبده صالح ده كان لقبه فى فرقة ام كلثوم الديزل .. والديزل دى كلمة عند اهل مصر معناها زمان كان القطار السريع اللى بيطلع من القاهرة مش بيقف غير فى الاسنكدرية يعنى بيطلع مافيش حاجة تحوشه فى السكة كل الإشارات مفتوحة مفيش حاجة تقف فى وجهه .. كان عبارة عن خزينة حفظ لأغانى ام كلثوم
زى ما انت لو عندك اغانى ام كلثوم كلها من اول اغانى فيلم سلامة لحد آخر لحظة على فولدر كمبيوتر واى اغنية تختارها تضغط عليها تشتغل ... كان حافظ كل الاغانى وبالذات الكلمات يعنى حافظ الاغنية والكلام اى اغنية لأم كلثوم تخطر على بالك دكتور متخصص فى ام كلثوم يعنى .... ولو تلاحظوا كانت دائما وقفتها لازقة فيه عشان كان كتير بيلقنها الكلام .. السر اللى انتم ماتعرفهوهوش .. كانت ام كلثوم زمان يعنى لحد قبل وفاتها رحمها الله ب 3 سنين كانت بتغنى 3 وصلات كل وصلة ساعة او اكتر .. لو فيه اغنية جديدة النهاردة كانت فى الوصلة الاولى تغنى الاغنية اللى قبلها عشان تغنى ساعة ونص صوتها يفتح .. كانت بعكس كل المطربين كل ماتغنى وقت اطول تلعلع اكتر بعكس ناس تغنى ربع ساعة يتقطع نفسهم .. وكانت فى الوصلة الثانية تغنى الاغنية الجديدة .. السر فى الوصلة الثالثة ..دى كانت بتكون اغنية من التراث بتاعها يعنى ليلى ونهارى اروح لمين الحاجات اللى ماقبل عبد الوهاب الاقدم يعنى .. كانت بتدخل سينما قصر النيل مش فى مخها تختار حاجة ... وممكن الجمهور يطلب منها كذا او حد من حبايبها المقربين بين الوصلة الثانية والثالثة او ممكن سفير دولة صديقة يهمس لها جلالة الملك بيسلم عليكى وهو نفسه يسمع منك اغنية كذا
على طول بتقول لمحمد عبده صالح خلاص خلص الموضوع طبعا اى عازف فى فرقة ام كلثوم لازم يكون سامع كل اغانيها وحافظها من زمان بييجى دور محمد عبده صالح قبل رفع الستارة بيداعب قانونه بيقول بسرعة جدا البداية ولو فى جملة صعبة بعدها يعنى بيقول لك ملخص المقدمة فى ثوانى وانت طبعا بتفتكر ولوتلاحظ كمستمع ان القانون دايما متواجد اوى يعنى لما هى تحب تعيد بيكون هو السباق للتأشير للفرقة بالإعادة بس اخطر حاجة انه كان على طول بيفكرها بالكلام يعنى يقول لها اول كلمة فى الجملة .... الكارثة بعد وفاة محمد عبده صالح راح الشخص اللى بيفكرها بالكلام والكارثة كانت كارثتين لأنها بلغت من العمر عتيا يعنى كان ممكن تنسى الكلام ودى حصلت فى اغنية اسأل روحك فى الكوبليه بتاع كنت زمان بلاقيك بحنانى ... يعنى نسيت الكلام اكتر من مرة وطبعا مفيش حد متعود يلقنها
بس بعد الحفلة دى هى بقت تعتمد على نفسها يعنى تذاكر الاغنية اكتر من الاول .. واقول لكم على سر تانى الحركة بتاعة اغنية اسأل روحك عملت عقدة نفسية عند فايزة ووردة ( بس ده سر ماتقولوش لحد ) ازاى ؟ اى حركة او مشكلة تحصل فى حفلة ام كلثوم كل فناني العالم العربى بيشوفها لأن الكل بلا استثناء كان بيسمع ام كلثوم لذلك حصلت عندهم عقدة نفسية طيب ما انا ممكن انسى الكلام ولوتلاحظو بعدها ان كلتاهما فايزة ووردة بقوا يحطوا بيبتر ( حامل نوتة ) جنبها وتحط عليه كلمات الاغنية بخط كبير وقلم شكله غبى يعنى الكلمة اد الجاموسة وتجيب معاها مشبكين غسيل تشبك بيهم الورق لأن لو الحفلة فى مكان مفتوح تطير الورق وطبعا ... والورق نفسه كان تخين زى ورق اللحمة بتاع زمان مش عارف ليه ... المضحك هنا حاجتين .. اولا ان منظر البييتر والورق جنبها بيعطى الايحاء انهم زى مغنيين الاوبرا قدامهم نوتة موسيقية مش كلمات والحاجة التناية وانا كنت واخد بالى منها كويس جدا ان عمر ما واحدة منهم نظرت الى الورق وغشت كلمة يعنى كانوا حافظين لكن الحركة بتاعة ام كلثوم عملت عندهم العقدة دى
انا حاسس انى طولت وآسف للإطالة وحلقة قادمة ان شاء الله

التعديل الأخير تم بواسطة : الألآتى بتاريخ 16/12/2013 الساعة 11h20
رد مع اقتباس
  #6  
قديم 16/12/2013, 11h30
الصورة الرمزية م عصامي
م عصامي م عصامي غير متصل  
مواطن من سماعي
رقم العضوية:372279
 
تاريخ التسجيل: janvier 2009
الجنسية: جزائرية
الإقامة: الجزائر
المشاركات: 70
افتراضي رد: ذكريات الزمن الجميل للفنان عادل صموئيل

متابعين ومستمتعين ... شكرا أستاذ.
رد مع اقتباس
  #7  
قديم 21/12/2013, 09h14
الصورة الرمزية salhi_haithem
salhi_haithem salhi_haithem غير متصل  
مواطن من سماعي
رقم العضوية:497828
 
تاريخ التسجيل: février 2010
الجنسية: تونسية
الإقامة: تونس
العمر: 37
المشاركات: 5
افتراضي رد: ذكريات الزمن الجميل للفنان عادل صموئيل

حقيقة أمتعتني أستاذ عادل و سرحت معاك و خليتني طاير حقيقة
و لي سؤال حابب أسأل و بحكم إحنا نحب زمن الفن الجميل و كنا دائما نبحث عن أخبار الفنانين و المطريبين و أسماء العازفين و تواريخهم
حبيت أتأكد من معلومة حيث حكى لي صديقي أنه لما إلتحق مجدي الحسيني الفرقة الموسيقية كان عمره 14 سنة فقط و كانوا عازفي الفرقة كبار في السن و لم يقبلوا و لم يتقبلوه لصغر سنه إلا بعد أن عزف لهم و بان أنه عازف غير طبيعي و نال إستحسانهم و بالمرة نشوف تأثير آلة الأورغ على الموسيقى العربية و لما نقارن دخول آلة الأورغ على الوتريات هل كما دخلت آلة الجيتار و آلة الأكورديون على الوتريات
السؤال الثاني لو تصف لنا عمل (شغل) عباس فؤاد عازف الكونترباص لأنه كعازف مش عادي بالمرة كان يعزف دم متاع كل مازورة مه الإيقاع و يعزف اللازمات الموسيقية و يتبع أم كلثوم في الكلام يعني يعمل خلفية لأم كلثوم عند الكلمات عكس كثير من عازفي الكونتر باص الذين تجدهم عند الدم فقط
هيثم

عزيزى هيثم موضوع مجدى الحسينى مش كده هو كان صديقى يعنى
هو فعلا الفرقة الماسية اول مرة شافوه كان شاطر جدا وهو كان بيعزف بيانو اصلا
لكن مشكلة مجدى الحسينى انو كان بيعزف سماعى مش بيعرف نوتة وحاولنا نعلمه كان فرحان بنفسو كده .. اعضاء الفرقة الماسية ماقبلوهوش ش عشان سنه صغير ولكنعشان مشكلة النوتة .. يعنى اهم واول مؤهلات العازف فى الفرقة الماسية بالذات لازم تكون تقرأ نوتة بريمافستا يعنى من اول نظرة 100% وبالذات العازف الفردى
لن اكتر من نصف شغل الفرقة كان تسجيلات فى الاذاعة وكنا ساعتها العازغين والمطرب كلنا بنسجل اللحن مع بعض يعنى لو واحد غلط نعيد اللحن من الاول فوجود عازف اورج او آلة فردية مش بيعرف نوتة يعنى لازم الملحن يحفظوا الصولو لوحده كانت مش مستساغة نهائيا فى الفرقة الماسية لأن اللحن اللى ممكن نسجله فى نص ساعة ممكن ياخد 3 ساعات يعنى اجهاد لينا على الفاضى
لكن لما الاورج ابتدا يبقى موضة فى مصر كان لازم الملحنين بيطلبوا اورج ومكانش فى الوق غير مجدى الحسينى بس ظهرت مشكلة كان الملحن بيقابلو فى بيت احدهم وبيحفظه الصولو لكن هو شاطر وحافظ لكن ما بيعرفش الصولو مكانه فين يعنى احنا بنعزف وعند صولو الاورج مايدخلش نعيدتانى من الاول لحد ما يحفظ مكان الصولو لأن الملحن بيحفظه الصولو فقط مش الاغنية كلها بالطبع .. بعدن فى اغانى عبد الحليم ووردة وفايزة كان فى البروفات مسموح له بيجيب جهاز كاست يسحل البروفة بحيث انو فى البيت يقعد يذاكر التسجيل عان يحفظ كل الاغنية ويحفظ بالتحديد مكان الصولو فين او شغله ايه بالتحديد لن كان مش مسموح لو ان يعزفمع الكمنجات يعنى فى الصولو فقط او لو الملحن عايز انو يعزف خلفية فى جزء ما .. الاورج لما دخل على الوتريات الاول ماعملش تأثير ضار لأن الملحنين الكبار كانوا محجمين تواجده فى الصولو فقط .. لأن الاورج اول ما طلع كان معاه امبليفاير خارجة حجكه كبير جدا وهو بيتحكم فى افوليوم وكان صوته بيبقى عالى اوى علينا يعنى اعلى من كل الفرقة
لكن بالتدريج شره واذاه ابتدا يظهر لما مات الملحنين العمالقة ابتدا يعزف مع الكمنجات ويغطى عليهم يعنى عمل افساد او محو نكهة الموسيقى الشرقية اللى اصلا كمنجات وعود وناى وقانون وطبلة ورق وشيللو وكونترباص
اما عباس فؤاد ده كان موضوع تانى ... يعنى فى الفرقة الماسية كان عبد الحكم عبد الرحمن وكانت ام كلثوم بتدعيه لما يكون باس فؤاد مسافر لأنه قضى فى ليبيا فترة ..
فى الفرقة الماسية لازم تكون موهوب 20% واكاديمى 80% .. بمعنى انا عندى موهبة ما واكاديمى بشكل ما فى الماسية استعمل اكاديميتى اولا بنسبة 80% لأن قدامى نوتة لازم انفذها حرفيا وموهبتى استعملها 20%
اما فى فرقة ام كلثوم ماكنش استعمال نوتة كان حفظ وهنا مطلوب تكون موهو 90% وتستعمل اكادميتك 10% واضحة الملومة ؟
عباس فؤاد كان موهوب جدا جدا
اول وظيفة له هى مصاحبة الرق فى الدوم اللى فى اول كل مازورة ده بيعطى للفرقة حاجة اسمها بيز .. بعدين اللى جوا المزورة متروك لذوقه حسب الجملة
يعنى كان بيعمل دوم اول المازورة ودوم على الضلع الثالث .. كان عدنو حركة جميلة بيسبق الدوم بكروش يعنى يعزف تا دوم او فى الجمل اللى فيه روند مثلا كان بيعمل سلم هابط بس عباس فؤاد ( كان اسمو عظمة ) كان هو القلب النابض لفرقة ام كلثوم كان الجمهور بيحييه ياعظمة وكانت ام كلثوم تغيرمنو وبين الوطلتين تهرز معاه انت ياتخين انت ياتخين مايردش تقول انت ياتخين يازفت يرد عشان ماتستمش اكتر
وعبد الوهاب كان بيقدره جدا يعنى اول حرف فى انت عمرى كان كونترباص
وكذا مرة يقول له اللحن ده بتاعك ياعظمة .. فيه حاجة مهمة كان فى بروفات عبد الحليم كان عبد الوهاب الخمسين بروفة بيقعد جنب عبد الحليم فى نفس المكان فى بروفات ام كلثوم الاخيرة بعد ما خلاص اللحن يستوى ويبقى مفيش تعديلات يعنى البروفة عشان الحفظ والاتقان كان عبد الوهاب بيغير المكان اللى بيقعد فيه فى البروفة وكان بيحب اوى يقعد جنب عباس فؤاد يسمع شغل الكونترباص بالذات الكونترباص كان بيعطيك دوم منغمة مع الدوم الايقاعية بتاعة الرق يعنى خطورتها لما يكون اول المازورة سكتة وبعديها احنا بنقول حرف مى مثلا الكونترباص فى الدوم اللى اول المازورة بيقول مى بيحضر المستمع لنغمة مى القادمة وطبعا مهمة للمطرب جدا
فيه كمان عازف خطير جدا جدا ممكن ماتاخدوش بالكم منو انا بحط عليه الضوء
عازف الشيللو الاوسط فى فرقة ام كلثوم والماسية حسان كمال مخترع البيت ستاكاتو العربى .. يعنى الاول عايزك تشوف ام كلثوم فى التليفزيون تلاقه الشيللو الاوسط وتلاقيه دايما بيلعب مش بالقوس ولكن بإصبعة وحاول تركز معاه بيعمل ايه بيقول حركات ايقاعية منغمة تهبل مع ام كلثوم الاول لازم تشوفه وتحس بيعمل ايه
بعدين لما تسمع ركز على ان مفتاح الباص يكون واضح فى جهازك عشان تشوف عباس فؤاد وحسان كمال بيعملوا ايه
بعد كده حاتقول لى بعد موضوعك ده انا بقيت اسمع ام كلثوم بشكل تانى
وىخر كلمة اقولها ام كلثوم 50% وفرقتها 50% يعنى ربنا انعم عليها بفرقة العباقرة دول اللى بيمثلوا نص قيمتها وكمان الطبقة الصغيرة بتعمل طرب عالى جدا جدا
مع اطيب تحياتى عادل صموئيل


__________________
ღღღღღღღღღღღღ
أستاذ عادل صموئيل لك مني كل عبارات الشكر و العرفان

التعديل الأخير تم بواسطة : عادل صموئيل بتاريخ 22/12/2013 الساعة 00h05
رد مع اقتباس
  #8  
قديم 10/01/2014, 19h20
الصورة الرمزية عزت شحاته
عزت شحاته عزت شحاته غير متصل  
مواطن من سماعي
رقم العضوية:376275
 
تاريخ التسجيل: janvier 2009
الجنسية: مصرية
الإقامة: مصر
العمر: 54
المشاركات: 5
افتراضي رد: ذكريات الزمن الجميل للفنان عادل صموئيل

استاذى الجميل / عادل صمؤيل
واحشنى جداااااااااااااااااااااااااا
واجمل تحية وتهنئه بمناسبة العيد
-------------------
حضرتك ذكرت علاقتك ب هانى شاكر مرور عابر
ياريت تحكى لنا اكتر
وهل كان مصدر قلق فنى ل عبد الحليم جعله يقوم بمحاربته
وليه ما كررشى كتير تجارب التمثيل مع انه كان يمتلك المواصفات الشكلية اكتر من عبد الحليم
رد مع اقتباس
  #9  
قديم 15/08/2019, 14h42
{Abdel Rahman } {Abdel Rahman } غير متصل  
ضيف سماعي
رقم العضوية:805811
 
تاريخ التسجيل: juin 2019
الجنسية: مصرية
الإقامة: مصر
المشاركات: 1
افتراضي رد: ذكريات الزمن الجميل للفنان عادل صموئيل

مساء الخير عليك يا أستاذ عادل ، كنت أود أن أطلب منك طلبأ بسيطا هو أن تحدثني عن عازف التشيللو حسان كمال ،إذا حضرتك تعاملت معه ولا لا و تأكد لي صح تلك الشاعئة أن أم كلثوم كان قسمت فرقتها لخمس او 6 أعضاء أو خمس لـ 6 كبار في الفرقة متقنين لعملهم و لقوتيهم و يلتزموا بكلامها فكانوا الراحلين { القصبجي ، محمد عبده صالح ، سيد سالم ، أحمد الحفناوي ، عباس فؤاد ، حسان كمال } و أرجو أن تفيدني بالرد في القريب العاجل و أود ان أشكرك علي هذه المقالات التي تفيدنا في الذي حدث في حياة أم كلثوم وبإخلاصك في عملك و روعة النوتات التي قدمتها لنا أستاذي المحترم لك تقديري و إمتناني و تحياتي و دعواتي بطول العمر و بدوام الصحة .
رد مع اقتباس
رد

Tags
عادل صموئيل


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
طرق مشاهدة الموضوع

تعليمات المشاركة
You may not post new threads
You may not post replies
You may not post attachments
You may not edit your posts

BB code is متاحة
كود [IMG] متاحة
كود HTML معطلة

الانتقال السريع إلى


جميع الأوقات بتوقيت GMT. الساعة الآن 01h29.


 
Powered by vBulletin - Copyright © 2000 - 2010, Jelsoft Enterprises Ltd