طلبات نوتة أ / عادل صموئيل الجزء الثانى

[سليم العباس]

اقتراح لتدوين أغنية الفنان سعدون جابر بمناسبة عيد الأمهات و هي بعنوان ( يا أمي )

علماً أن لدي نسخة مدونة لكنها ليست بالجيدة . و مع العلم أيضاً أن نسبة تدوينها من قبل الأستاذ عادل هي شبه معدومة ، لكن من يعلم ... فالحياة مليئة بالمفاجآت .

[نور الصباح]

الاخت العزيزة nourshd
انا ببقى صعيف جدا امام الطلبات العاجلة عشان ببقى عارف ان اللى بيطلبها بيبقى محتاجها لحفلة او شىء ما مستعجل
واول ماقريت مشاركتك بسيب كل حاجة فى ايدى واحاول اعملها فورا
اليكى
تتر برنامج الشيف الشربينى
SSSSSSSSSSSSSSSSSSSSSSSSSSSSSSSSSSSSSS
الله ينـــــــــــــــور عليـــــــــــــــــــــكـ
وعقبال طلباتنا التى طال عليها الزمان
وشكرررررررررررررررررررررررا
أخوكم
نور الصباح

[salhi_haithem]

تحية طيبة
مرفق صور الفهرس الجديد للأستاذ عادل الذي سيكون جاهز بعد أيام قليلة





هيثم

[ابووحيد]

شكرا للغالى الاستاذ عادل على نوته غلبت اصالح

الاخ العزيز
الف شكر وانا بسعد جدا لوجود الناس المتذوقين للموسيقى واللحن ده رائع فعلا
مع اطيب تحياتى عادل صموئيل

[thesherifalaa]

أهلاً أستاذ عادل
انا عضو جديد و موسيقي جديد أيضا و الحمد لله اني وجدت مثل هذي المنتدي الثري
كنت قد طلبت منك امس نوتة موال اشكي لمين الهوي و هو اصعب المواوويل لعبد الوهال علي ما اظن
و لكن اظن ان عضويتي لم تكن مفعلة عندما كتبت مشاركتي امس

اخى العزيز
اولا اهلا بك فى المنتدى
ثانيا انت عضويتك متفعلة وكل حاجة زى الفل بس نظام كل المنتديات عموما ان اى عضو جديد مش بيشوف المشاركة بتاعته فورا المشرف بيشوفها الاول بعدين بيفتحها للجميع والكلام ده لحد ماتكمل عشر مشاركات يبقى ادارة المنتدى اطمنت للعضو انه عضو صالح وبعد كده مشاركاته بيشوفها اول مايرسلها فورا والكلام ده فى كل المنتديات لن انت عارف الناس فيه وفيه يعنى ممكن ناس تدخل تقول كلام غير لائق اوى حد يحط اى شىء مسىء وهنا المشرف لما بيشوفها بيحذفها فورا
ثالثا بالنسبة للموال ... المواويل ما ينفعش تتكتب يعنى الاغانى والادليباللى فيها ممكن يتكتب زى مانا بكتب لكن الموال ده بيبقى عبقرية من المطرب الاصلى وشطارة من اللى يحب يغنيه بعد كده وبيحفظه وبيقوله سماعى وحتى لو انكتب حايبقى صعب جدا جدا ماحدش حايعرف يقراه والحاجة الاهم انت لو بتغنى مثلا وعايز تقول موال يستحسن عشان تبان شطارتك انك تاخد منه لكن تضيف شىء من عندك يبين مقدرتك على الارتجال والتجويد يعنى ما ينفعش الموال يتقال نقل مسطرة لسبب خطير جدا ان مفيش حد زى عبد الوهاب ولو الموال اتقال زى عبد الوهاب ما بيقوله بالظبط اللى حايسمع يحس بالفرق بين الاصلى والتقليد لكن لو قلته واضفت شىء من عندك يبقى يبان انك مطرب شاطر اوى
مع اطيب تحياتى عادل صموئيل

[عادل صموئيل]

احبائى
اقدم اغنية

احبك يا امى

للاخت العزيزة نور
هى قالت ان الطلب عاجل وانا عملتهم بأسرع درجة ممكنة بس هى مادخلتش تتطمئن على طلبها لحد دلوقتى
انا عموما الحمد لله عملت اللى عليا

مع اطيب تحياتى

[thesherifalaa]

ألف شكر يا أستاذ علي المعلومات القيمة

[thesherifalaa]

فقط اردت ان اسال سؤال
هل المطربيين مثل صفوان بهلول و احمد جمال الذين غنوا الموال و هم يعزفونة علي العود اتوا باللحن سماعي ايضا ؟

اخى العزيز
انا زى ماقلت لك انا عزفت مع جميع فنانى الزمن الجميل وعارف كويس اوى بيشتغلوا ازاى ... يعنى ايه موال ؟؟
يعنى المطرب بياخد كلمات وهو بنفسه بيلحنها مش الملحن بيلحنها له .. واللحن ده 99% يبكون ارتجال على المسرح يعنى هو بيبقى حافظ الكلام اوى وبيكون محضر يدخل ازاى .. وفى الحفلة حسب لما يكون الجمهور حلو بيسمع وربنا يفتح عليه يروح قايل ... وانت لو مشيت ورا المطرب هو هو فى 3 حفلات وحيقول نفس الموال تلاقيه قالو ب 3 طرق مختلفة لأن الموال والتقاسيم مش بتتحفظ ولكن بترتجل ... يعنى عدنك مثلا محمد عبد المطلب كان من ملوك الموال ويمكن اكتر من عبد الوهاب فى الموال بالذات كان لما الجمهور يكون حلو يروح بادى موال انا عارف كلامه ويقعد يتوغل ويروح مقامات مختلفة ويروح قافله بياتى عشان يبتدى اغنية فى البياتى ... ومرة تانية ابتدا نفس الموال وقعد يتوغل فى المقامات واستعرض كل عضلاته وراح قافله حجاز وابتدا مذهب اغنية من الحجاز وهكذا
والشىء الرئيسى اللى لازم تعرفه ايه الفرق بين الاغنية الموزونة اللى على ايقاع بتبقى محسوبة 100% من الناحية الموسيقية يعنى انا ما اقدرش اطول ولا انقص حرف الجملة تبوظ او تتلخبط .. وبالطبع لازم اكون ماشى على العلامات الموسيقية المحددة يعنى النوار بزمنها والبلانش بزمنها وهكذا
اما الموال لما بيغنى مش بيلتزم بطول العلامات المحدد يعنى البلانش بتبقى اطول شعرة والنوار ممكن تكون اقصر او اطول شعرة طيب دى تتكتب ازاى ؟ ايوه ممكن تتكتب بس ماحدش حايعرف يقراها لأن حاتدخل فى الموضوع تريبلات كروش وبلاوىحايبقى حتى شكلها يخوف العازف
اقول لك كمان انا عزفت فى الفرقة الماسيية عشرين سنة كانت النوتة مكتوبة قدامنا لما ييجى جزء فيه المطرب عايز يقول موال او فى البروفات اتفقنا انه حيقول موال فى المكان ده بيتكتب كلمة واحدة : موال واحنا بنتابع مع المطرب زى ما بيقول نطلع وننزل ماه نسلطنه يعنى وهكذا وصلت المعلومة
مع اطيب تحياتى عادل صموئيل

[nourshd]

شكرا جدااااااااااااااااااا فوق ما تتخيل يا استاذ عادل
بجد مساعده حضرتك فوق الوصف
وبالنسبه لاستفسار حضرتك
الحفله هتكون اخر الشهر ودا لانها بتضم مناسبات الشهر وكمان بتكون حفله ختاميه للانشطه كلها ولنهايه العام
اما بالنسبه لتتر البرنامج دا طلب المشرف عليا لانى هوزعها ع الالات

انا بشكر حضرتك جدا ع تعبك وربنا يوفق حضرتك ويخلي حضرتك لكل معلمى الموسيقى ال زي حلاتى لان من غير حضرتك كنا بجد ضعنا
الاخت العزيزة
انا فى منتهى السعادة انك دخلتى الليلة دى واخدتى النوت اللى انتى عايزاها
وبعدين انا كنت بشتغل بالليل مع العمالقة والصبح مدرس موسيقى زيك لحد ما اصبحت موجه اول فى ادارتى عين شمس والسلام ودلوقتى ع المعش وعارف ظروفكم واحتياجاتكم كويس وانا بهتم بالمدرسين الشاطرين اللى عايزين اولا يرفعوا مستواهم بأنهم يشوفوا نوت اكتر ويشتغلوا مش زى بعض عاهات كنت بشتغل معاهم مش عايزن يشتغلوا او حافظين كام حاجة بيكرروا فيهم طول عمرهم وانصحك ادخلى على اى مشكاركة للخ العزيز هيثم الصالحى هو عامل فهرس لكل النوت اللى انا مقدمها شوفيهم حتلاقى حاجات كتير اوى تعجبك يعنى حتى مش شرط انا شيد فيه اغانى تجنن لجميع المطربين ممكن تاخدى منهم جمل موسيقية وتعملى منها حاجات حلوة وربنا يساعدك اما بالنسبة لموضوع حبيبى الشيف الشربينى هى الحفلة فيها طبيخ ؟ واقول لك حاجة تضحك زمنا كنت مدرس فى مدرسة حلمية الزيتون الثانوية للبنات كانت اوضة الموسيقى جنب اوضة التدبير المنزلى كانوا المدرسات هناك اصحابى اوى ومن عشان الفن كنت اسمعهم موسيقى وهم كل يوم يدوقونى الحاجات الحلوة اللى بيعملوها عشان ذوقى عالى فى الاكل يعنى لما الاكل يجبنى اوى يحسوا انهم عملوا انجاز بس بينى وبينك كنت هايص طبعا
مع اطيب تحياتى عادل صموئيل

[muhamadibra]

=عادل صموئيل
احبائى
اقدم اغنية احبك يا امى

للاخت العزيزة نور
هى قالت ان الطلب عاجل وانا عملتهم بأسرع درجة ممكنة بس هى مادخلتش تتطمئن على طلبها لحد دلوقتى
انا عموما الحمد لله عملت اللى عليا

مع اطيب تحياتى
بالنيابة عن الجميع اتوجه بخالص الشكر والامتنان للاستاذ المايسترو اكبر المدونين عادل صموئيل وربنا ما يعطلك كمبيوتر او سكانر
د محمد ابراهيم