ـا رب هــوِّن ♫ محمد السلاموني

[M O H A M E D]

أبو مندور
unicorn
ألف شكر يا صديقي
و ردك هو اللي مفاجأة سعيدة
الله يبارك فيك
و قول لي عايز إيه الدرج و انا أجيبلك ؟
بس تستنى بقى على رمضان الجاي

[الألآتى]

بصراحة .. أنا بلاقى العملية دى أحسن رد على حاجة بتعجبنى ..

وبرغم صعوبة المسألة التى تقترب من المستحيل فى بعض الأحيان .. إلا أننى أجد نفسى فيها .. وأعتبرها تحدى لقدراتى الميكساجية ..

تخيلوا حضراتكم .. واحد بيغنى دون إيقاع مصاحب .. يبطئ هنا .. ويسرع هناك .. حتى ولو كان التغيير فى السرعة طفيفاً .. فإن هذا لا ينفع مع إيقاع الكمبيوتر إللى ماشى زى القطر .. مالوش دعوة ..

أنا بسمع الأغنية أولاً .. أسمعها كويس .. أشوف الراجل ده .. بيغنى إزاى .. ودنه فيها الإيقاع مظبوط .. ولا حايوجع قالبى من أولها .. طيب .. التون ماشى معاه .. مابيغيرش الطبقة ويطلع منها .. كل ده كويس

وبعدين أقرر .. إذا كنت أبدأ فى العملية الإنتحارية دى ولا بلاش ..

أنا مش عايز أوجع قلبكم بالتفاصيل المملة بتاعتى .. المهم إنها شغلانة رص وترتيب .. ومط وتطويل وتقصير ..

كل جملة .. كل كلمة .. شد من عندك .. خد عليك شوية .. هات هات .. حاااااسب .. إرفع التون هنا .. لالالا كتير كده .. نزل شوية .. أيوه كده ..

وهكذا .. يستمر العمل .. حتى ينتهى .. وأنتهى معه ..

أما بالنسبة لكون صوت السلامونى يشبه محمد حمام .. فهذا لاحظته من أول وهلة يادكتور حسن .. جليز يكون بيحب حمام قوى ومتشبع بيه ..

ومتخافش يادكتور حسن .. عقلنا مصحصح .. برغم الصيام ..


أما بالنسبة لنقل الموضوع لقسم أعمال من إنتاج الأعضاء .. فهذا شئ مفروغ منه .. حاضر ياسى محمد زوالى ..

سأنقل الموضوع بعدما تنتهى الردود ويستقر الأمر ..

[M O H A M E D]

عم الألاتية و عاشق الأنغام
المايسترو ابو حسام
بشكرك من كل قلبي على التوزيع و على الموسيقى الجميلة اللي أظهرت اللحن
و عارف انه مجهود كبير و شئ في منتهى الصعوبة إضافة الإيقاع و الموسيقى للصوت
لكن طبعاً مش على ابو حسام
لذلك أنا سعيد جداً و أي كلمة شكر لحضرتك هتبقى بلا معنى
الله يبارك لك يا عم محمد

[M O H A M E D]

منتظرك تسمعها يا غازي باشا
و طبعاً رأيك يهمني
و شكراً لحسن ظنك

[الألآتى]

المشاركة الأصلية كتبت بواسطة محمد السلاموني

لذلك أنا سعيد جداً و أي كلمة شكر لحضرتك هتبقى بلا معنى
الله يبارك لك يا عم محمد

روح إلعب بعيد يابنى .. شكر إيه وبتاع إيه .. إحنا بتوع شكر وكلام من ده .. إحنا بنعمل حاجة بنحبها يامحمد .. ماحدش غاصبنا ..

وعموماً لو عايز تغنى أى حاجة .. قول لى أعملك المزيكا فى الأول .. ياللا .. صباح الفل ..

[M O H A M E D]

ريما .. ما علينا من الكتكوت .. بس مش الاغنية عجبتك ده المطلوب

و زي ما بتقولي انا مش مغني و عارفة ان المواضيع دي مش في دماغي أساساً

سلام

[M O H A M E D]

المشاركة الأصلية كتبت بواسطة غواص النغم

كنت متوقع الخطوة دي منك يا فنان ياكبير
والحمدلله ظني طلع صح
والاغنية بقت احلى واحلى بموسيقاك الجميلة

وطبعا اي كلام عن السلاموني حيتفهم انه مجامله بس انا قلت له من قبل انه مشروع مبدع
واخيرا
شفنا لك تجربة في سماعي
رمضان كريم

حبيب قلبي الغواص عبد المنعم

بعتهالك بعد ما سجلتها على طول

و لولا تشجيعك ما كنتش رفعتها

ربنا يخليك و يبارك فيك يا أعز و أغلى صديق

[M O H A M E D]

المشاركة الأصلية كتبت بواسطة د.حسن

تجربة جميلة من أخونا الفدائى أ. محمد السلامونى
وفدائى لإنه رفع تجربته ليسمعها وينقدها مايقرب من 300 الف سميع
ولاحظت إن صوتك يامحمد مدى على محمد حمام ..
موش كده برضه يامايسترو ؟
أما موضوع الكتكوت بتاع ريما .. فاللهم إنى صائم
لو فيه تجارب تانية إرفعها وآهو المايسترو بيخلى من الجميل .. أكثر جمالاً
ومن الرائع .. أكثر روعة
وماحدش يفهمنى غلط .. خاصة اللى عقلهم فى أجازة !!!
خالص تحياتى ومحبتى لكم جميعاً

أستاذنا الغالي دكتور حسن

انا فعلاً كنت متردد قبل ما ارفعها

و الحمد لله إنها عجبت حضرتك

و الفنان محمد حمام ، في الأغاني القليلة اللي سمعتهاله فهو أدائه بيعجبني جداً

و ان شاء الله أسمع كل أغانيه

و ألف مليون شكراً يا دكتور

و أكيد ما حدش هيفهم حضرتك غلط

[]

[غواص النغم]

المشاركة الأصلية كتبت بواسطة ريما

يااااااااااااااه يا استاذ محمد بجد انت راجل جميل اوى

الاغنيه كدا بقت تحفه ليها مذاق خاص بطعم قمر الدين

اى نعم سلامون شكله بالع كتكوت قبل ما يغنى بس بجد عجبانى جدا

وخصوصا انه اساسا مش مغنى ولا هيغنى تانى ان شاء الله

بس تجربه تضيف ليه مش تاخد منه

لالالا
كتكوت ايه دي.. كلمة السر؟
ومين اللي مش حيغني ثاني
ده بيقولوا صوته زي محمد حمام
تقولي كتكوت
كلنا مع بعض :
غني ياوحيد ..
اقصد يا كتكوت
اقصد ياسلاموني يا امير
ده صوته وهو صايم زي محمد حمام
إمال بعد الفطار بيدي على مين؟


وفيك بارك الله

[M O H A M E D]

المشاركة الأصلية كتبت بواسطة محمد علي الزوالي

اخي محمد السلاموني
هذه تجربة رائعة وتدل على انك موهوب فلما لا تواصل خاصة في الكتابة
ولك مني جزيل الشكر وارجو من اخي ابو حسام ان ينقلها الى قسم اعمال اعضاء سماعي لانها خلق وابتكار

الفنان الكبير الأستاذ محمد الزوالي اللي بيمتعنا دايماً بأعذب الألحان

والله شرف كبير أن تقول رأيك في تجربتي المتواضعة

ألف ألف شكر يا فنان

و كل سنة و حضرتك طيب و بخير