طلبات نوتة أ / عادل صموئيل الجزء الثانى

[عاشقة العود]

يا ريت استاذ عادل تدون اغنية الراحلة وردة الجزائريه "الوداع" مع اطيب تحياتي

[mahmoud feteih]

الاستاذ عادل ولا تزعل نفسك الحكومة عرفت الداء والدواء ولانه سرطان فالعلاج محتاج وقت وصبر المهم ان العلاج بدأ ومصر المتسامحه منارة الشرق ستعود حتما انشاء الله والمفروض بحسك الفنى تكون شايف كده وانت اللى تعطينا الامل

[عاصم المنشاوى]

[SIZE="4"]الأصدقاء

طبعا هو مفيش غيره ...شمس حياتنا ...بيظهر ...الدنيا تبقى نوووور....ويهلّوا الحبايب...الأستاذ الفنان /هيثم الصالحى....وعمنا الجميل دايما /أ. أحمد عبد الله (نور الصباح) ...والموهوب المتألق /سيد محمود ...هى دى آخرتها ياسى سيد ؟؟؟....تجارة ؟...هههههههه...يابنى الفنانين مالهمش فى التجارة والحسابات ...الوحيد كان عبد الوهاب....طب فنون تطبيقية او فنون جميلة ....المهم ...سلامنا للصديق /عمرو الهنداوى ...وتقبلوا سلام الأستاذ /أحمد أرمندو....على فكرة انا لسه النت ماوصلشى عندى ...المهم
[COLOR="Navy"]
عايز أرحب بالصديقة الأفتراضية "أينوزا"...
وهى الحقيقة كانت كاتبة الطلب دة وانا بأنقله كوبى وبيست ..."

مساء الخير اولا احب اشكرك حضرتك على المجهود العظيم
تانيا كنت عوزة اغنية ( حببتى من ظفيرها طل القمر بس تكون( -1) اى موسيقى بدون كلام اوغناء واغنية احمد جمال احلف بسماها وبتربها اللى غنها فى البرنامج اعرب ايدل
وللك جزير الشكر"

أولا : يأستاذة " أذاكان المنتدى بيفرض أسم معين لظروف تكنيكال بحتة ...فياريت حضرتك تعرفينا بنفسك ...الفنانين الموجودين فى المنتدى ...قمة فى الأخلاق الرفيعة والراقية ومش بتوع معاكسة ....مهووسين بالفن وبس...فأنا آسف انى بقول أينوزا ...
ثانيا:ياأستاذة ...حضرتك بتقولى انك مدرسة موسيقى ...يعنى بتعلمى أجيال صاعدة ...فأنا صعقت من كمية الأخطاء الأملائية دى؟؟....
عوزة (عاوزة)حبيتى (حبيبتى) ظفيرها ( ضفايرها) بتربها ( بترابها) غنها (غناها) اعرب ايدل (عرب آيدول) جزير (جزيل) بس واضح ان حضرتك بتكتبى من الموبايل وواضح الكيبورد معاكس معاكى شوية....
ثالثا : يااستاذة ...الأغانى الوطنية أجملهم القديم واللى بتصلح لجميع الأوقات واللى بتتغنى فى حب مصر ...زى -ياجبيبتى يامصر- الباقى هو الشعب- تعيشى يابلدى -حلاوة شمسنا- ألخ ... لكن حضرتك شايفة اغنية الجسمى احسن !!!..أوكيه!!!...
رابعا : الأستاذ الفاضل : أحمد جمال مش هو اللى غنى "أحلف بسماها وبترابها "...حضرتك مدرسة موسيقى ...أذن حضرتك متخصصة ...محترفة مش هاوية ...ودى مهنتك ...وعيب تقولى اغنية احمد جمال.لأن حضرتك أنسانة مثقفة موسيقيا ومعلوماتيا..الأغنية أغنية عبد الحليم وكلمات الأبنودى والحان كمال الطويل....عمل ايه بقى احمد جمال؟؟؟؟......زى مافيه كتير من الجيل الحالى بيقول ان محمد منير هو اللى غنى حارة السقايين كمثال....
رابعا : من حسن حظنا أن معانا المعلم والأستاذ والكابير بتاعنا هنا استاذنا /عادل صمويل ...الفنان الذى عزف وعاصر عمالقة الفن من أول أم كلثوم ....لحد أصغر تلميذ فيكى يامصر وياريت تحاولى تستفيدى من علمه ...وهو كتب لنا نوت جبارة ورائعة ...ولو حضرتك قمتى بالبحث شوية حتلاقى اللى عايزاه ...بدليل ان نوتة الجسمى كانت فى نفس الصفحة ...آه والله فى نفس الصفحة وكاتبها أستاذنا الرائع "نزيه محمد"وانتى بتدورى عليها ...والأستاذ عادل بيقول دوروا كويس ...
أخيرا ...أذا لقيتى أسم الأستاذ /هيثم صالحى .... حتلاقى فى نفس البرواز نوتات الأستاذ عادل صمويل ...دوسى كليك حيتفتح ليكى كنز ...عبى وشيلى زى مانتى عايزة ياستى.....
أو فيه طريقة تانية ...خشى على جوجل واكتبى مثلا "أحلف بسماها وبترابها عادل صمويل نوتة موسيقية منتدى سماعى ..." حيطلعلك اللينك وبالهنا والشفا ...وأهلا بيكى صديقة معانا يافنانة ...


[/SI[/COLOR]ZE]

[salhi_haithem]

السلام عليكم ورحمة الله
أستاذ عاصم الأخت جديدة معانا و منتعبهاش و نرفعولها الروابط

☚ ** احلف بسماها ** ♪ ** 1967 **عبد الرحمن الأبنودي** كمال الطويل
☚ ** حبيبتي من ضفائرها** ♪**سيد حجاب** عمار الشريعي

و نستنا في أستاذ عادل لعودة الصفحة لسالف نشاطها
و حسب الإحصائيلت الأستاذ عادل في سنة 2013 دون 42 أغنية فقط
ووقف عن التدون من 24 أفريل الشهر الرابع إلى 17 سبتمبر الشهر التاسع يعني 3 شهور و شوية أيامات
و لو قارنا 2013 ب 2012 دون الأستاذ عادل 194 أغنية و في 2011 دوّن 142 أغنية و في 2010 دون الأستاذ عادل 124 أغنية و في 2009 دون 111 أغنية و في 2008 دون 1 أغاني و لي 3 نوتات لسيدة فيروز تدوين الأستاذ عادل مجهوليين تاريخ التدوين
فبحيث عندنا 617 أغنية مدونة
هيثم

[mahmoud feteih]

الاستاذ الكريم عادل صموئيل
بمناسبة عودكم بالسلامه ارجو من حضراتكم تدوين الاغانى التاليه
1-سهران لوجدى اناجى طيفك عدا المقدمة الموسيقية والكوبليه الاول حيث ان الاستاذ طارق قام بتدوينهم وانا لم اطلب منه اى شئ قط وحضرتك عودتنا نرص مانريده من اغانى حتى لو على سبيل الوجاهه الموسيقيه ان يكون عندى مكتبة نوتات زى اللى بيجمع طوابع بريد وان لم اعزفها والمدهش ان حضرتك بتستجيب
2-ودعنا الحبايب لنجاة الصغيره
3-طويله ياسكة العاشقين لنجاة الصغيره
هذه الاغنيات سبق وطلبتها من فترة ولكنى خجلت من نفسى ان اكون اثقلت عليك لكن اكتشفت ان الالحاح والعمل بالمثل اللى بيقول اللى ينكسف من بنت عمه مايجيبش عيال ورمى الكره فى ملعبك ياتى بنتيجة لانى اكتشفت انك اكثر خجلا منى
امبارح كنت محضر 10 اغانى كنت عايز ارصهم لحضرتك النهارده للاسف دول اللى فاكرهم ده على اساس ان النوتة حضرتك بتكتبها دون اى مشقه ولا تفكير كانك بتكتب قائمة طلبات للبواب يجيبها من البقال

[زينة الغريبي]

عودة موفقة أستاذ عادل
و نرجو أن يعود المنتدى لسالف نشاطه

[enooza]

مساء الخير كنت طالب نوتة اغنية شايلين فى ايدنا سلاح... واغنية حمد الله على السلام هلا هلا عمرو دياب بس بعد اذنكم ياريت فى اقرب فرصة وشكرا لمجهدكم الكبييييييييييييير

[enooza]

اخى الكريم استاذ عادل كنت طالب من حاضرتك اغنية "سيناءللمجموعة " والو الو احنا هنا " واغنية ودة مين اللى جبلنا الحاجة الحلوة .. مع الملاحظة بان الاغانى مطلوب للسرعة وشكررررررررررررررررا للتعاونك

الاخت العزيزة
انا مش بتأخر عن حد ويالذات مدرسى الموسيقى
بس ممكن اطلب منك الملفات الصوتية ولو مش بتعرفى تنزليها فى نافذة الكتابة
فوق فيه نوع الخط بدين حجم الخط بعدين لون الخط بعدين ابتسامة بعدين علامة شكل دبوس اللى بيشبك الاوراق اضغطى عللليها تفتح لك نافذة دخلى منها الملف وانتظرى شوية لحد ما يتحمل

فيه حاجة مهمة جدا كمان ... فى اى مشاركة للأخ العزيز هيثم الصالحى تلاقى هو مشكورا عامل فهرس فيه كل النوت اللى انا مدونها ومتقسمة ومتصنفة
يعنى اكيد حتلاقى شغل يكفيكى سنوات كتير وممكن تلاقى حاجات كتير انتى تكونى فعلا محتاجاها
مع اطيب تحياتى عادل صموئيل

[salhi_haithem]

الأخت enooza مرحبا بك معنا الأستاذ عادل سبق و دون أغنية آلو آلو إحنا هنا إليك الرابط

☚ ** آلو آلو احنا هنا-شادية وفاتن حمامة** ♪ ** 1953** فتحي قورة** منير مراد **فيلم موعد مع الحياة

قائمة نوتات اغانيالمجموعه

☚ ** اسلمى يا مصر ** ♪ ** 1972** مصطفى صادق الرافعي ** صفر علي
☚ ** بسم الله الله اكبر ** ♪** ☆ ** 1973** عبد الرحيم منصور** بليغ حمدى ☚ ** تعيشى يا بلدى** ♪ ** محمد العجمى ** إبراهيم رجب
☚ ** تعيشى يا بلدى تعيشى** ♪ ** محمد العجمى ** إبراهيم رجب
☚ ** رايحين بايدنا سلاح ** 1973** نبيلة قنديل ** علي اسماعيل
☚ ** زرع الشراقى ** ♪ ** فؤاد قاعود** سيد مكاوي
☚ ** سبحان الواحد الاحد ** ♪
☚ ** كل الناس بيقولوا يارب - حجاز كار كرد**♪ ** أحمد عبدالقادر
☚ ** كل الناس بيقولوا يارب - كرد دوكاه** ♪ ** أحمد عبدالقادر
☚ ** يابو زعيزع قوم صلى **♪ **عبد الفتاح مصطفى** سيد مكاوي
هيثم

[mahmoud feteih]

الاستاذ عادل بكل محبه وصدق انا لا اريد شيئا على الاطلاق وما قمت بتدوينه من نوتات يكفى حاجة العازفين المبتدئين امثالى ويزيد ولكن لى عتاب لك كلنا فى المنتدى سواسيه ولنا طلبات وردك الانتقائى للبعض دون الاخر فيه تجاهل اكيد وربما يشعر الاخرين بالاهانه او بالتعالى والعياذ بالله الذى اربأ بك ان تكون كذلك لان التواضع من شيم الكبار
الاخ العزيز
انا من اهم صفاتى التواضع ومعنديش كبير وصغير
بس المشكلة ان المزاج اليومين دول صفر
وانا برد فى الحالة دى على اى سؤال مستعجل
اما بالنسبة لطلباتك سكة العاسقين والله انا بكتب فيها يعنى ابتديت فيها من امبارح واشكرك لنى فكرتنى بيها لأنها اغنية جميلة فعلا وليها عندى اكيد ذكريات وحفلات عزفتها فيها مع الفنانة العظيمة نجاة انا كتبت منها المقمدة والمذهب وداخل ع الكوبليه التانى يعنى ان شاء الله تخلص الاسبوع ده
والاغنية التانية لنجاة مش مشكلة يعنى ان شاء الله اشتغل فيها بعدها
اما اغنية سهران لوحدى الاخ العزيز طارق هو كتب الحاجاة الحلوة اللى فيها يعنى المقدمة والمذهب اما مشكلة باقى الاغنية فيها ادليب كتير اوى اوى يعنى الادليب بياخد وقت طويل وحتى عارف المزاج اللى يخليك تبتدى تكتب غير اللحن اللى بيكون على ميزان يعنى بكتب اللى بسمعو لكن الادليب بيحتاج تخليق من المدون
انا شفت اللى كاتبو الاخ العزيز طارق بس فيه ملحوظة هو الدليل فيه السى نصف بيمول ومرتين هو عامل جنبها لا نصف دييز الصح بتاعها ان لما يكون السى نصف بيمول وتيجى الحركة او الحلية دى على نغمة ال لا لازم تبقى لا دييز مش لا نصف دييز لأن ما ينفعش نغمتين ربع ييجوا ورا بعض إلا لو الملحن غير المقام وعمل السى ناتوريل
يعنى معلومة كده فى وسط السكة
مع اطيب تحياتى عادل صموئيل