فن النميم - الصفحة 4

**خالد اسوانى** · #31 19/06/2010, 20h56

الله يرحم ايام الفن والمعانى

**خالد اسوانى** · #32 19/06/2010, 21h06

صدفة مقابلات تقتل سمح نقلتها
وملفظها الشهد والشينة ما قالتها
ولما تبسمت وريش العيون قلتها
ليالى من العمر عدت اخير قلتها

**عيد سلطان** · #33 20/06/2010, 14h57

تحياتي لجميع الاخوة وإليكم هذة الابيا ت:-
زمعتي الرحيل قصدك تزيدي جروحي

ياام خشمآ تقيل بي حبي مابيا تبوحي

حبك في الفؤاد دايمآ مشحتف روحي

وين القي الرقاد كان ناوية انتتروحي

**خالد اسوانى** · #34 21/06/2010, 23h44

اليكم دور قديم من قول ابو حسن العقباوى ***
بس مقفول
وعايز اشوف مين حيقدر يفكو
قلت اشوف التين الغلّب الناس جنو
لابس توب حرير غلّب الناس جنو
لما سمعوا بية غلّب الناس جنو
واول ما اروة غلّب الناس جنو

**ابو شنب** · #35 24/06/2010, 16h29

السلام عليكم
السلام علي جميع الاخوة وخاصة عيد سلطان والفنان ابن الفنان ابن الفنان خالد الاسوانى
وانا والله فرحان بجميع المشاركات واتمنى المزيد منكم لان النميم دة فن جميل ونادر وكلة معانى
وبالنسبة لخالد الليلة الى رفعتها فيها ابو حسن واحمد الامين بس فية فنان معاهم معرفتوش يريت اسمة وتاريخة
عشان كلامة جميل بس شكلة بيقول خطافى مش منتظم وشكرا ليكم تانى
بيقول الكبيرالليثى
شد خبيرها قام والفجر فى البديان
ومن يوم شد بيها انا سرى ماهديان
مرق بيها فى صحرا وقطع وديان
وبرك بيها فى الوادى الدوم نديان

**ابو شنب** · #36 24/06/2010, 17h14

[QUOTE=خالد اسوانى;446165]اليكم دور قديم من قول ابو حسن العقباوى ***
بس مقفول
وعايز اشوف مين حيقدر يفكو
قلت اشوف التين الغلّب الناس جنو
لابس توب حرير غلّب الناس جنو
لما سمعوا بية غلّب الناس جنو
واول ما اروة غلّب الناس جنو

[/
مرحب مرحب ابشر ابشر حياك الله والله
دور جميل جدا بس انا ممكن افكوا بعون الله

قلت اشوف التين الغلّب الناس جنو يعنى جنية وقطفة وقطعة
لابس توب حرير غلّب الناس جنو مش عارفها بصراحة
لما سمعوا بية غلّب الناس جنو يعنى أتو وجاين يشوفوا
واول ما اروة غلّب الناس جنو يعنى جنوا وفقدوا عقلهم
والله بيت تقيل وجميل بس بيتهيالى والله اعلم ان الدور دة اللى قالوا احمد الامين ريحان مش ابو حسن لانى سمعتوا قبل كدة فى ليلة قديمة وهحاول ارفعها ان شاء الله والف الف شكر لخالد الاسوانى على مشاركاتة الجميلة ونتمنى المزيد خاصة ليالى الفيدو عشان نتعرف ونشوف الفنانين الجميلين والسلام عليكم
والدور دة مقفول والفنان الى يفتحوا ويفكوا :
غزلان سومرن ومسكن طريق جبلاهن
والصياد عنود خفى الاتر جا بلاهن
قلت سافر يانسيم جيب لى خبر جبلاهن
اول روحى المال والبنون جا بلاهن

**ابو شنب** · #37 24/06/2010, 21h33

السلام عليكم ورحمة الله وبركاتة
اقدم لكم الجزء الثالث من اروع ما قيل فى النميم
بيقول الفنان الليثى:
اسمع يابوحسن انا افهمك مشروح
واسباب مابميل ومنى القليب مجروح
بالله ابتسم لما تاجى حدانا تروح
علشان بسمتك فيا بترد الروح

ولاكدب اللى قال الحب كلة فنون
عليل نزل الفراش مالاقى جنبة حنون
تعالى طلى علية يا أم حواجب نون
مين غير حالتة لاعاقل ولا مجنون

عشان دهب الجميل فتحوا ليها مغارة
وفتحوا الكنز ليها الرصدة عامل غارة
وعلشان الغويش فاتحين هرم سقارة
وفص الخاتم الى فى صباعها يغنى فقارة

باقول يارب باب القبول افتحلى
وبوصف فى حبيبة قلبى لو تسمحلى
ندادك عجزن وكل مابتكبرى تحلى
عسل وكلك عسل وبيتكم خلاية نحلى

وبيقول الفنان الكبيرابوحسن:
حجروك الاهل ومالقيت حنون مراقك
تكتبى بالقلم وتراسلين باوراقك
اذا تبسمت من بين السنون براقك
وشوفتك جنتى ونارى بتزيدها فراقك

كداب الى يقول الخولى يضمن روحوا
لابد ياجى يوم يتعد فية مجروحوا
وجابوا القايمة لية الخبرا ياجوا ويروحوا
خوف النحل يمتص الرحيق فى طروحوا

الليثى اخوى فى وصفتة معدومة
ومين يقدر يقول ورد البساتين دومة
وزى قدم الحمام دوما محنى قدومة
ويقدل فى خلق ودوما يليق فى هدومة
والسلام عليكم ورحمة الله وبركاتة

**ابو شنب** · #38 24/06/2010, 21h46

السلام عليكم ورحمة الله وبركاتة
السلام موصول للجميع وخاصة للاخ عيد سلطان وابن الفنان خالد اسوانى
اما بعد انا انهاردة جايب ليكم ادوار مقفولة والفنان والناصح الى يفكها
بيقول الفنان الكبير الليثى:
نفسها زى عبير ريحة المسك منتانى
انا قلت لية لما كان عالسرير منتانى
انا لما اريتك فقدت العقل منتانى
انت الى اخدتة منى وانا اتهم منتانى

وبيقول فنان تانى مش عارفة:

فى بحرهم غرقون ماوصلت انا لبراهم
وتعبونى الدكاترة من كتر الغز لبراهم
وجروحى تفتحت لا نفعت حقن لبراهم
والنار الى فى قلبى مثل ال ولعت لابرهم

**ابو شنب** · #39 24/06/2010, 21h51

السلام عليكم
الاخ خالد
ذكرت الفنان شحات اسطورة المالكى نرجو التوضيح
وعايزين نعرف مين الفنان دة الى انت قلت علية اسطورة
وعايزين تاريخة لو سمحت وشكرا ليك تانى

**خالد اسوانى** · #40 26/06/2010, 17h05

الفنان شحات كان من اهل النميم فى الماضى ولية ادوار قليلة فى النميم بس الدور اللى كان يجيبوا كانوا الجماعة ياخدوا سبوع يفكوا فية
ومن نوادرة انه كان بيزور صديق لية
ولما بت صديقة سألتة اقول لبويا مين عايزة
قال ليها شحات
وراحت البت لبوها وقالت لية واحد شحات بره عايزك
راح رد عليها بدور بيقول
انا شحات انا ما شحات اسم الكريم شحات
انا اسلف البنك لما تبقى فية الفلوس شاحات
وبنك ما بمضى لية يقضى حياتة بين البنوك شحات
*ولكن مش فاكر القفلة بصراحة