احبائى
بمناسبة العيد اقدم لكم احلى عيدية
غصب عنى .. ياحبيبى بحن لك
واشتاق اليل اشتاق اليك .. غصب عنى
كتلة من الطرب من العيار القيل جدا من الطرب رائعة فايزة احمد
نقطة الضعف
الاغنية دى من ذكرياتى عنها كنت قاعد مع محمد سلطان اثناء اعداد الاغنية بعدين فى الكوبليه الثانى بيقول لى فيه كلمة زى طيران الفراشة ع الشموع سمعها لى بطريقتين وقال لى انهو احلى قلت لو اللى حاتسمعوها فى اللحن
ومن تعليقى فى المذهب بيبدأ بجملتين من اعلى درجات الطرب الشرقى فى الجملة الثانية
بتقول : واعمل ايه وحبك اقوى منى .. اسمعوا كلمة حبك دى عملت فيها عُربة انا وقفت ضئيل قدامها يعنى شىء عبقرى يعنى من الصعب حد يحللها ويقولها زيها .. الانطباع الاول بخبرتى ممكن تكون الروعةدى من انها انعلت اوى وطلعت عفوية لكن لما كررتها اكتر من مرة بتقولها احلى .. مرة حد منكم قرأ فى كلام من اللى بيكتبوه الصحفيين الفالين ان فايزة كانت عايزة تغير بحة صوتها والكلام ده طبعا ليس له اساس من الصحة لأن كان زمان المطرب بيقاس بكذا حاجة اهمها بحة صوته يعنى دى بصمته المميزة .. يعنى لما تسمع فى الراديو 20 مطرب تقولده فلان وده فلان .. من اسبوع كنت قاعد بشرب شيشة ع القهوة ومشغل التليفزيون على محطة اغانى من الزبالة بتاعة دلوقتى .. انا مدى ظهرى للتليفزيون لأنها حاجات ماتتشافش وبتفرج على الشارع , بس غصب عنى سامع , انا مش بحب اقعد ع القهوة ساعات زى معظم الناس ولكن هم 45 دقيقة بالكتير بشرب فنجان قهوة وحجرين شيشة انا حسبت ال 45 دقيقة دول لو الاغنية بتاخد خمس دقائق يبقى اكون سمعت تسع اغانى بتسع مطربين ... ماتحسش ان مطرب خلص ومطرب تانى دخل .. نفس خامة الصوت الردىء يعنى صوت بائع متجول بينادى على بضاعة او تباع ميكروباص بينده ع الركاب .. وكلهم ال 9 اغانى من صبا الدو اللى على المسلفة الثالثة يعنى بالمعنى الصريح بيصرخوا .. لأن فريدمثلا كان بيحب الحتة دى بس كان لما بيغنى قرار بيطلع كل طاقته لما يغنى الجواب العالى تلاحظ انو بيحنن صوته لأن لو زعق اوى الطرب بيروح .. يعنى 9 مغنيين فى نفس المقام ونفس نوعية الكلام ونفس كل حاجة .. ومن هنا تلاحظ ان لو خمسة منهم اعتزلوا او جه خمسة غيرهم النتيجة واحدة غير طبعا مطربين زمان ... فيه سؤال ممكن تكونوا سمعتم اجابته لمذا اعتزل عبد الوهاب الغناء فى عز مجده وتفرغ للتلحين الاجابة انو حس ان عنده غزارة لحنية عالية جدا يعنى كملحن يقدر يدى كتير وطريقة عبد الوهاب انو بيعمل اللحن فى سنة بيحتاج تفرغ كامل ومكان معين بيروحه زى مصيف بلودان ف سوريا فى الصيف ولو استمرفى الغناء كان كل يوم عندو حفلة ولا بروفة ومشحايتفرغ للتلحين ده ممكن يكون السبب الظاهر بس انا بفراستى وخبرتى اقول لكم سر خطير ماحدش يعرفه ... ان عبد الوهاب كان مصر الملوك وكل العالم العربى سنوات طويلة يعنى صوته تغلغل فى دماء العرب بس حصلت حاجة طلع سعد عبد الوهاب صوته بيشبه صوت عبد الوهاب مع الفارق طبعا بس بيشبهه وحتى لما مثل كان دمو تقيل يعنى بالتمثيل خسر اتكر مما كسب وطلع عادل مامون وهو فلته طربية لكن برضو كان صوته فيه شىء من صوت عبد الوهاب وللعلم كان ساعتها الشعوب بتحب الاصلى وتلفظ او ترفض التقليد وده اللى خلا الاتنين دول واللى من المستحيل يتكرروا تانى برضو انهم ما اخدوش حظهم من الشهرة يعنى سعد عبد الوهاب اعتزل بدرى اوى وعادل مأمون كان عايش فى دول الخليج بيعمل سهرات خاصة للمراء والاثراء ( وكان معظم اللى بيطبوه منه اغانى عبد الهاب لن عدد اغانيه محدودة ) من هنا بفراستى ان حسيت ان عبد الوهاب حس ان صوته حصل لو اختراق يعنى طلع حد شبهه حتى لو اقل منه مليون مرة .. والسر ده بعكس كل العمالقة لا ام كلثوم ولا عبدالحيلم ولا حتى محمد قنديل ولا كارم طلع لو شبيه يعنى حاجة زى فيروس اصاب عبد الوهاب فقط وده من وجهة نظرى اللى خلاه يتفرغ للتلحين وبيشبع هوايته للغناء فى السهرات الخاصة ( السر ده حصرى هه ؟ )
مع اطيب تحياتى واترككم مع نقطة الضعف
كل عام وانتم بخير
رد: طلبات نوتة أ / عادل صموئيل الجزء الثانى
العرض العادي
