تحليلات الألآتى الصوتية - الصفحة 3

**حسن كشك** · #21 11/03/2008, 03h57

شكرا ميرو وتحياتى لك ووصلت الاغنيه - لكن بعد اذنك فى حاجه فى الصوتيات مش مظبوطه - ياريت تعيد تسجيلها مره ثانيه لانى حاسس ان صوتك عاوز يهدى شويه فى بعض مواضع اللحن ( فيه زعقه كده بتشرخ شويه رغم هدوء اللحن ) لكن على كل حال هاذيع لك الاغنيه اليوم باذن الله
______________________

ياعمنا المايسترو
فين الحلقه الثانيه من التحليلات احنا على الهوا - اشد شعرى منك زى مخرجين الافلام القديمه
خلص ياعمنا

**الألآتى** · #22 11/03/2008, 05h33

اقتباس:

المشاركة الأصلية كتبت بواسطة mero

والله ومالكم على حلفان

ان مستوى برنامج تحليل الالاتى تفوق بمراحل على برامج اذاعيه كتير بيعملها كتيبه متخصصين فى الاذاعه
ايه المقدمه الموسيقيه والتقديمه الروعه دى وايه الرقه والعذوبه والاسترسال فى المشاعردى ؟ وكمان مسك كل خيوط الاغنيه من معانى واحاسيس مكتوبه00لا وكمان شرح اكاديمى متخصص لخبايا العزف الموسيقى 00 ومقاماته والاته00طب من غير حلفان انا حاسس انى اول مره اسمع الاغنيه برغم سماعى لهاعشرات المرات بل وحفظى لها ايضا
الله يبارك فيك يا الاتى يا مايسترو التحليل الرائع

وكملها بالجمال كله الجميل عم حسن كشك بأرق وأرقى وأعذب راديو 00ياسلام لو كل الراديوهات كده00!كانت كل الناس باعت التلفزيونات

تسلموا يا احلى سمعجيه فى الدنيا

ياواد ياعمرو بطل النفاق ده ..

كل الكلام الحلو ده عليا أنا ؟

ده أنا بقيت عمار الشريعى ومش عارف .. ربنا يخليك ياعموره ..

**الألآتى** · #23 11/03/2008, 06h17

اقتباس:

المشاركة الأصلية كتبت بواسطة حسن كشك

ياعمنا المايسترو
فين الحلقه الثانيه من التحليلات احنا على الهوا - اشد شعرى منك زى مخرجين الافلام القديمه

خلص ياعمنا

ولا تشد فى شعرك ولا حاجة ..

إتفضل ياأستاذ يامخرج .. الشغل الجديد

أغنية غريب الدار لعبده السروجى ..

**حسن كشك** · #24 12/03/2008, 22h11

اقتباس:

المشاركة الأصلية كتبت بواسطة الألآتى

ولا تشد فى شعرك ولا حاجة ..

إتفضل ياأستاذ يامخرج .. الشغل الجديد

أغنية غريب الدار لعبده السروجى ..

اشتغل فى باقى الطريحه ياخويا - هانرفع اجرك - شد حيلك يامايسترو - عاوزين 30 حلقه

**سمعجى** · #25 13/03/2008, 01h33

اقتباس:

المشاركة الأصلية كتبت بواسطة حسن كشك

اشتغل فى باقى الطريحه ياخويا - هانرفع اجرك - شد حيلك يامايسترو - عاوزين 30 حلقه

طريحة ؟!

ليه ؟! هوَّ كان ( بيخبز )الكلام ؟!
إنت مالك واخد عمنا الآلاتي ع ( السُخن ) كده ..

تكونشي عايزه يهرب ، و نقعد احنا نسأل يا ترى ( فينو )
مش كفاية إنه بيجاهد في مكافحة ال ( رٍدة ) الغنائية

و بعدين الراجل ( دقيق ) في كلامه
و كفاية إننا ن ( عيش ) معاه في تحليلاته

(إفرد )إنه اتأخر علينا شوية ..مافيهاش حاجة ..
مسيره يرجع ل ( طاولة ) سماعي
و لاَّ لازم التحليلات تبقى ( طازة بطازة )

**الألآتى** · #26 13/03/2008, 05h06

حلوة العلقة ( السخنة ) دى ياعم كمال .. زمان وشه ( مورد ) دلوقتى ..

**أحمد شوبكى** · #27 13/03/2008, 05h57

اقتباس:

المشاركة الأصلية كتبت بواسطة الألآتى

حلوة العلقة ( السخنة ) دى ياعم كمال .. زمان وشه ( مورد ) دلوقتى ..

براحة يا جماعة شوية على الراجل ،،، مالكم واخدينه على ( السخن ) كدة ليه ،،، لازم الشغل ( يتخمر ) الأول ،،، الحكاية مش ( لت وعجن ) وخلاص ،،، لازم عمنا الآلاتى ( يسوى ) التحليل مظبوط ،،، وإلا هيطلع الشغل ( محروق ) ،،، شيد حيلك يا( معلم ) محمد الناس كلها واقفين ( طابور ) منتظرين تحليلات الآلاتى

**الألآتى** · #28 13/03/2008, 06h16

جرى إيه ياجماعة .. إحنا قلبناها فرن كده ..

وعلشان الأستاذ المخرج .. حسن الدراويشى مايزعلش ..

عملت لك ياعم حسن تحليل سريع على الماشى .. لحد ماتُفرج ..

أغنية ( قوللى حاجة ) لعبد الحليم حافظ ..

**محمد علي الزوالي** · #29 13/03/2008, 15h00

ت

**محمد علي الزوالي** · #30 13/03/2008, 15h03

استاذ الالاتي تحليلكم لاغنية محمد عبدالوهاب اعتبره انا شخصيا احتراف وليس هواية ولا يسعني الا ان اهنئ نفسي وبقية الزملاء في هذا المنتدى الرائع على انتماءكم له . انا مجرد هاوي بسيط واني بصدد التفكير كيف يمكن لي ان اشارك بانتاجي امام هذه النوعية العالية المحترفة
فشكرا على ما تقومون به من عمل