طلبات نوتة أ / عادل صموئيل الجزء الثانى

[عادل صموئيل]

احبائى

وقف الخلق ينظرون جميعا كيف ابنى قواعد المجد وحدى
وبناة الاهرام فى سالف الدهر كفونى الكلام عند التحدى

مصر ام الدنيا حضارة 7000 سنة , مصر مقبرة الغزاة من ايام الهكسوس .. ارض الكنانة والتى حماها الله لذلك سميت مصر المحروسة ولم يطلق عليها الاسم اعتباطا ... مصر البلد الوحيد الذى ذكر فى كل الكتب السماوية عدة مرات
مش ممكن تقدر تبلغها جماعة او طغمة او عصابة ... يعنى ممكن تحاول لكن التنين المصرى بيظهر ويبلع اللى قدامه
الاخ العزيز ارمندو ... انا زيك صحتى تعبت ومخى ضرب من المناظر اللى كنت اشوفها كل يوم فى التليفزيون واللى فرضوهم يظهروا .. تلاقى واحد طويل عريض بيخرف فى الكلام كانوا بيحاولا يدمروا مصر واهم مافيها مخ الشعب المصرى ... واشكر اخى العزيز وائل المتابع لكل ما بيحصل فى مصر
المعل الجبان الخسيس اللى حصل فى بين السرايات ... واحب اعرف الاخوة الاشقاء فى الدول العربية ان بين السرايات ده حى شهير فى الجيزة ملاصق لجامعة القاهرة العريقة بيشتهر بأنه فيه مئات الحلات اللى بتخدم طلبة الجامعة والاساتذة .. يعنى بيقدم خدمات تصوير الاوراق وكتابة الابحاث والرسائل العلمية وكل ما يتعلق بالموضوع .. مكان لخير ونفع الناس اللى بتبغى العلم والمعرفة مالوش دعوة بالسياسة .. ان الاخوة طلعوا فوق اسطح كلية التجارة بجامعة القاهرة وهو مكان عالى وامطروا الناس المواطنين البسطاء المسالمين شباب ونساء واللى بيشتغلوا فى المكان بياكلوا عيش بوابل من الرصاص المحرم دوليا يعنى الرصاص اللى لما بيدخل جوا الجسم بينفجر .. يعنى الجزء اللى بتدخل فيه الرصاصة بيتدمر مش زى الرصاص التقليدى اللى بيكون قطعة حديد تسحبها من الجسم والمصاب ممكن يشفى ... ونفسى اعرف اى دين فى الدنيا بيقول على كده
فيه موضوع تانى حارقنى واحب اعرفه لتلاميذ ابتدائى ( لأن فيه ناس كبار مش فاهمينه الظاهر او بيستعبطوا فأنا اقوله لأبنائهم اللى فى ابتدائى وهم يفهموه للأهاليهم الكبار )
الفرق بين الثورة الشعبية والانقلاب العسكرى
الانقلاب العسكرى : يعنى فجأة ضباط جيش ما يقرروا يشيلوا الحاكم ويطلعوا بالدبابات والمدرعات ويحاصروا مكان قصر الحاكم ويعلنوا فى الاذاعة انهم قاموا بإنقلاب عسكرى .. يعنى زى 23 يوليو 1952 الناس صحيت فجأة بدون مقدمات تقريبا على بيان بيتذاع فى الراديو انهم حاصروا القصر الملكى وامهلوا الملك فرصة يتنازل عن الحكم
اما الثورة الشعبية : لما ينزل عدد كبر جدا من الشعب ويتظاهر عدة ايام ويطالب الجيش ( اللى شغلته الاساسية انو يحمى الشعب من الداخل والخارج ) يطالب الجيش انه يحميه من الظلم الواقع عليه والخراب اللى بيستهدف البلد
وان الجيشحاول مع الحاكم انه يلبى مطالب الشعب ولكن الحاكم ما سألأش لأنه مايهموش لا البلد تولع ولا الشعب يتحرق اصلا .. والجيش طلع شريف امهل الحاكم 48 ساعة يشاور عقله ولكن الحاكم تغابى واصر على عناده
واضطر الجيش على النزول على ارادة الشعب
والصور موجودة والعالم كله شافها يوم الاربعاء كان فى الميادين فى كل المحافظات مش اقل من خمسين مليون وعمرها ماحصلت فى تاريخ الثورات فى العالم ان ينزل للشوارع كل هذا العدد وفى نفس الوقت كان باقى ال 90 مليون متظاهرين فى بيوتهم وفور اعلان النصر الشعب كله خرج يرقص فى الشوارع والعربيات تزمر كلها يعنى الفرحة العارمة دى بالعدد ده ماشفناهاش الا ايام ما مصر كانت بتاخد كاس افريقيا لكن ماكانش كل الشعب بيفرح لن مش كل الشعب لو اهتمامات كروية .. لكن امبارج الشعب كلو اتحرك حركة اشبه بزالزال ماتبقاش انقلاب عسكرى ابدا
وهى دى الشرعية .... انجليزى ده يا مرسى ؟؟؟؟؟؟؟؟ .... هى دى الشرعية يامرسى ده الاستفتاء الحقيقى مش الانتخابات المزورة ... ويوم الانتخابات هدد الشعب ان لو شفيق نجح جايب مرتزقة من دولة تانية يحرقوا مصر
وللعلم بعد كل انواع التزوير اللى عملوها واقذرها كان برضو شفيق واخد نص مليون صوت زيادة فين بقا الشرعية ؟؟
فيه فرق بين الشرعية والحيازة او الاغتصاب
لو واخد سرق محفظتك مجرد انه حطها جوا جيبه بقت بتاعته شرعا ؟؟؟ ولا تبقى شىء مسروق والمحفظة شرعا من حق صاحبهامش حراميها ؟؟؟
مع اطيب تحياتى

[سليم العباس]

تحية إلى الشعب المصري العظيم و كذلك جيشه الوطني ، لكن أتمنى أن يتعاملوا مع الرئيس السابق محمد مرسي و جماعة الأخوان المسلمين بشيء من العقلانية و بعيدا عن ردات الفعل و منطق الثأر ، كل ذلك لمنع وقوع الفتنة في هذا البلد .
قال أحدهم : أن العلمانية العربية ستبدأ من مصر و تنتشر في كافة أرجاء الوطن العربي و أعتقد أن ذللك بدء فعلياً ، لكن أتمنى أن يحدث هذا الانتقال بسلاسة و من دون تكلفة باهظة .

في النهاية أتمنى لمصر أن تجدد حضارتها العظيمة و تستعيد دورها العالمي كقبلة للعلم والفن و الثقافة .
اخى العزيز
الموضوع شائك جدا جدا .. لن انصار الرئيس السابق مرسى او الاخوان عموما التفاهم معاهم مستحيل يعنى بتتكلم فى طريق مسدسود طول الوقت وده الشىء اللى اسرع بسقوطهم .. المصريين زى ما هم شعب قوى هم اولا شعب مسالم
احنا بنقول احنا نحاكم اللى عليه افعال جنائية بما يرضى ربنا وباقى الجماعة ممن ليس عليهم تهم منسوبة اليهم نتركهم فى حال سبيلهم لأنهم اولا واخيرا مواطنين مصريين .. المشكلة الخطيرة ان اتباع الرئيس مش عايزين يقتنعوا انها ثورة شعبية قام بها مش اقل من 59% من الشعب لتطهير نظام دكتاتورى فاشى اراد تخريب مصر .. عندهم انفصال يعنى متخيلين ان العكس يعنى انصار مرسى 95% من الشعب والخوارج عليه نسبة ضئيلة .. وفى كل مكان بدؤا يعملوا اشتباكات مسلحة مع الشعب الاعزل يعنى حصيلة الارباء اكتلر من 25 قتيل ومئات الجرحى وحصيلة الخميس لحد دلوقتى عشر قتلى موئات الجرحى بخلاف مليونية بيحضروها غدا الجمعة
بعنوان مليونية الغضب الاسلامى .. يعنى هم اللى بيستفزوا الشعب على قياداتهم
مش قادرين يفهموا ان دى ثورة شعبية وانهم مسكوا الحكم غلط وان الله وقف مع الشعب ضدهم لأنهم على باطل
مع اطيب تحياتى عادل صموئيل

[سليم العباس]

أستاذي الكبير عادل صموئيل :
أوافق على كل ما ذكرته و خاصة فيما يتعلق بصعوبة التفاهم أو إيجاد تسوية مع جماعة ذات طابع إيديولوجي متطرف ، لكن في المقابل لا أحد يستطيع تجاهل حجمهم على أرض الواقع ... و كل ما أخشاه أن يتكرر السيناريو الجزائري الدموي في حال فشل التوصل إلى تسوية ما تحقن دماء المصريين .

ما حدث في مصر محير بالفعل ، تستطيع أن تسميه انقلاب عسكري و في نفس الوقت ثورة شعبية ( ربما لم يحدث هذا قبل الآن )

في جميع الأحوال و بصرف النظر عن التسمية أنا مع هذه الخطوة الاستباقية من الجيش المصري بهدف تجنب حرب أهلية يصعب احتواءها فيما بعد .

ما يبعث على الاطمئنان و لو بشكل جزئي هو التجذر التاريخي للحركة العلمانية المصرية و قدرتها على إدارة هذا النوع من الاضطرابات ، بالإضافة إلى أن غالبية الشعب المصري معتدل دينياً بعيدا عن التطرف ( والذي أعتقد أنه جاء إلى مصر عبر الحركات الوهابية الخليجية )

بالطبع الكثير من مجريات الأحداث القادمة سيحكمها طبيعة التدخل الخارجي الأجنبي لصالح طرف أو آخر .

أتمنى أن تكون مناعة الشعب المصري كافية لتجني أي محاولة لتدمير دولته ، وأن يتوصلوا قريباً إلى تفاهم ما قبل أن تتسع دائرة العنف .

أعتذر للإطالة و أتمنى الخير لمصر وشعبها العظيم .

اخى العزيز
الاخوان وكل اتباعهم على اقصى تقدير مليون ونصف اما الشعب المصرى اللى رفضهم من تصرفاتهم اكثر من 90 مليون
والمشكلة انهم ارادوا توظيف كل شىء تحت امرهم يعنى حاولا السيطرة على الشرطة لمصالحهم ضد الشعب وتخيلوا انهم يستطيعون السيطرة على الجيش ليضرب الشعب ان ثار عليهم ولكن الشرطة والجيش فهموا اللعبة القذرة وبعدين الشرطة والجيش مصريين اولاد مصريين مش مرتزقة جايين من دولة ووظيفة الجيش الاساسية هى حماية الشعب من الداخل او الخارج
ولما قامت الثورة الشعب استنجد بالجيش .. والجيش عشان ما يبقاش شكلو عامل لنقلاب اتصل بالرئاسة وامهله 48 ساعة ليرضى الشعب ويحقق لو مطالبه التى يطالب بها من سنة ولكن الرئيس استكبر وقال ماحدش يمشى كلامه علينا
مما دفع الجيش انه يعمل اجتماع مع كل القوى السياسية والدينية وكل الرمز الشريفة الوطنية وللعلم انهم اتصلوا بالدكتور الكتاتنى رئيس حزب الاخوان وطلبوا منه حضور الاجتماع ليكون طرفا فى الحوار ولكن لأنهم تعودوا انهم لايقدموا تنازلات وان ملحتهم مقدمة على مصلحة الوطن رفض الحضور إلا لو الفريق السيسى صرف كل الموجودين ويكون الحوار معه منفردا ليملى شروطه مرة اخرى فرد عليه السيسى انت كده اعفيتنى من الحرج واكرر ان الجيش هم اولاد الشعب ووظيفتهم حماية الشعب عمرك شفت رئيس فى الدنيا يطلع مادة فى الدستور ان الرئيس من حقه ان يعيد تقسيم حدود الوطن ؟؟؟ عشان يتبرع لكل واحد من احباء الاخوان بقطعة من الوطن كانها غنيمة احتلوها فى غزوة ؟؟؟
هل تذكر طابا ؟؟؟ بعد ماحررنا كل سيناء اسرائيل احتفظت بطابا وهى عبارة عن ارض مساحتها واحد كيلو متر مربع يعنى بالنسبة لكل سيناء نقطة لا تذكر ولكن انها جزء من ارض الوطن الذى ورثناه عن اجدادنا ولابد ان نتركه كاملا لأولادنا قاتلنا لحد ما استردنياها
مع اطيب تحياتى عادل صموئيل

[وائل علوي]

يارب ينصرك على من يعاديكي يا مصر المحروسة
اخي الغالي عادل صموئيل احب اقولك اني متابع لحظة بلحظة احداث مايجري بمصر اول بأول وهذا ليس بغريب لانها بلدي الاول الذي ولدت فيه وترعرعت فيه وتعلمت في مدارسه ومازلت اذكر مدرس الموسيقى الله يمسيه بالخير لو كان لسه عايش كان اسمه استاذ ابراهيم ( في مدرسة الزهراء الخاصة ) بالخليفة المأمون حيث كنت اسكن ولازالت شقتنا في الخليفة المأمون امام وزارة الدفاع وبالقرب من الاتحادية
مصر الجديدة تعتبر احب مكان لقلبي لان كل ذكريات الطفولة عشتها فيها وكل ارجاء مصر وتراب مصر اعشقه وسأظل اعشقه لان والدتي واخوالي من هذه الارض الطيبة والبلد الامن باذن الله تعالى
وبالنسبة للرصاص اللي حضرتك ذكرته وهو بالفعل محرم دوليا وخطير جدا هو اسمه رصاص الشوزن الذي يعبر عن وحشية هذه الجماعة وقد فضح افعالها واجرامها ليلة امس المستشار مرتضى منصور على قناة التحرير والمتصلين على البرنامج . كم هو بشع ووحشي مناظر الابرياء الذين القوهم من فوق اسطح المنازل—بعيدا عن السياسة احب اقول ان دم المصري على المصري حرااااام ودم العربي على العربي حراااام هذا مبدء انساني لا علاقة له بالسياسة
تعليق طريف اعجبني: قبل إزاحة مرسي كان انصاره يقولون : ان الرجل منتخب ولا بد ان يكمل مدته اربع سنوات طبقا لشرعية انتخابه , فرد احدهم من المعارضين له بما يلي (اشتريت علبة فول مكتوب عليها صالحة لاربع سنوات .. فتحتها لقيتها معفنة .. اعمل ايه بقى ؟؟ اتنيل على عين اهلي واكلها والا ارميها في الزبالة ؟؟!!!!! كبييير يا مصري جواب مفحم,, وهكذا سقط مرسي
واخيرا احب اضيف حاجة الناس كلها عرفاها وهي لو كانت الشرعية تقاس بمين يحشد اكثر هنا الاخوان هيطلعوا خسرانين لان لو اخذنا الارقام الرسمية من العديد من الجهات الدولية التي كانت تتابع حركة الشارع اكدت ان عدد الناس في الشوارع يقدر ب 33 مليون يعني اكثر من عدد اللي نزلوا الانتخابات وهم 25
لكن الوهم الي كانوا عايشين فيه خلى مرسي يقول دول 130 الف بس
والف مبروك الافراج عن احمد دومه قبل قليل
مع خالص تحياتي للجميع وحفظ الله مصر واهلها من كل مكروه ورد كيد المعتدين وكل من اراد بها السوء لنحورهم

[عادل صموئيل]

المشاركة الأصلية كتبت بواسطة وائل علوي

يارب ينصرك على من يعاديكي يا مصر المحروسة
اخي الغالي عادل صموئيل احب اقولك اني متابع لحظة بلحظة احداث مايجري بمصر اول بأول وهذا ليس بغريب لانها بلدي الاول الذي ولدت فيه وترعرعت فيه وتعلمت في مدارسه ومازلت اذكر مدرس الموسيقى الله يمسيه بالخير لو كان لسه عايش كان اسمه استاذ ابراهيم ( في مدرسة الزهراء الخاصة ) بالخليفة المأمون حيث كنت اسكن ولازالت شقتنا في الخليفة المأمون امام وزارة الدفاع وبالقرب من الاتحادية
مصر الجديدة تعتبر احب مكان لقلبي لان كل ذكريات الطفولة عشتها فيها وكل ارجاء مصر وتراب مصر اعشقه وسأظل اعشقه لان والدتي واخوالي من هذه الارض الطيبة والبلد الامن باذن الله تعالى
وبالنسبة للرصاص اللي حضرتك ذكرته وهو بالفعل محرم دوليا وخطير جدا هو اسمه رصاص الشوزن الذي يعبر عن وحشية هذه الجماعة وقد فضح افعالها واجرامها ليلة امس المستشار مرتضى منصور على قناة التحرير والمتصلين على البرنامج . كم هو بشع ووحشي مناظر الابرياء الذين القوهم من فوق اسطح المنازل—بعيدا عن السياسة احب اقول ان دم المصري على المصري حرااااام ودم العربي على العربي حراااام هذا مبدء انساني لا علاقة له بالسياسة
تعليق طريف اعجبني: قبل إزاحة مرسي كان انصاره يقولون : ان الرجل منتخب ولا بد ان يكمل مدته اربع سنوات طبقا لشرعية انتخابه , فرد احدهم من المعارضين له بما يلي (اشتريت علبة فول مكتوب عليها صالحة لاربع سنوات .. فتحتها لقيتها معفنة .. اعمل ايه بقى ؟؟ اتنيل على عين اهلي واكلها والا ارميها في الزبالة ؟؟!!!!! كبييير يا مصري جواب مفحم,, وهكذا سقط مرسي
واخيرا احب اضيف حاجة الناس كلها عرفاها وهي لو كانت الشرعية تقاس بمين يحشد اكثر هنا الاخوان هيطلعوا خسرانين لان لو اخذنا الارقام الرسمية من العديد من الجهات الدولية التي كانت تتابع حركة الشارع اكدت ان عدد الناس في الشوارع يقدر ب 33 مليون يعني اكثر من عدد اللي نزلوا الانتخابات وهم 25
لكن الوهم الي كانوا عايشين فيه خلى مرسي يقول دول 130 الف بس
والف مبروك الافراج عن احمد دومه قبل قليل
مع خالص تحياتي للجميع وحفظ الله مصر واهلها من كل مكروه ورد كيد المعتدين وكل من اراد بها السوء لنحورهم

اخى العزيز
اشكرك لشعورك الطيب ولكن فيه حركات مدفوعة الاجر لتضليل الناس يعنى لحظة القبض على حازم ابواسماعيل
وللعلم هو انصاره بيعتبروه نبى او حاجة زى كده واله العظيم ساعة ماكان مرشح نفسه للإنتخابات كانوا لاصقين ورق على العربيات مكتوب عليه الله اختار حازم ابو اسماعيل رئيسا لمصر نفسى اعرف الله اختاره ازاى يعنى نزل ملحق وقال فيه لسه انبياء مانزلوش ؟؟؟ هذا ابواسماعيل كان معاه مليون ونص جنيه ونازل يوزعهم على المرتزقة المضللين اللى فى المظاهرات بتاعتهم ... واكتر شىء مؤلم اللعب بالدين مع شباب ما يعرفوش الدين كما ينبغى
آخرها واحد شيخ وقور طلع فى منصة رابعة العدوية وقال ان سيدنا جبريل عليه السلام ظهر فى رابعة العدوية لتأييد مرسى .. المصيبة ان كل الوافقين المؤيدين لمرسى هللوا وكبروا ودخلت عليهم ... يعنى انا مسيحى ولكن اعرف كل حاجة عن الدين الاسلامى كويس من المصادر المحترمة الموثوق بها ان سيدنا جبريل مشبيظهر غير لتبشير الانبياء وانه لما ظهر لسيدنا محمد عليه الصلاة والسلام قال انها آخر مرة حايظهر فيها لأن سيدنا محمد آخر الانبياء
الموضوع اخطر من كده بكتير الموضوع ان فيهدين تانى هم بيعتنقوه لنك لو كتبت نقاط توصف فيها تعاليم الدين الاسلامى الحنيف حتلاقى اللى بيخالف احد التعاليم او اتنين من التعاليم بيبقى خاطى وربنا ممكن يغفر له لو استغفر او تاب لكن لو واحد خالف تعاليم الدين كلها وتحول 180 درجة يبقى اما خارج او بيبتع دين جديد يهدم كل الاديان اللى سبقته او ان يكون غرورهم واوهامهم صورت لهم انهم مميزين عن باقى البشر وان لما يموتوا انهم عندهم اعفاء من الحساب يعنى حايدخلوا الجنة كده من باب خاص بدليل انهم ساعة الانتخابات كان بيقول لك اللى ينتخبنا يدخل الجنة وكان الجنة لهم منها بوابة خاصة ... ومشكلتهم الخطيرة الاستعلاء وانهم مش عايزين حد جنبهم وده اللى وصلهم للى هم فيه يعنى اول ما مسكوا الحكم المصريين قالوا نجرب الجماعة بتوع ربنا .. ابتدوا فى اقصاء الجميع ووضع كل الوظائف القيادية فى ايدى الاخوان وانعزلوا عن الشعب يعنى هم فقط والشعب يولع وافسدوا القانون وكل شىء هل حصلت فى الدنيا حد يحط نائب عام خاص بيهم ؟؟؟؟ يعنى يقبض على اللى هم مش عايزينه ويترك اى واحد منهم مهما كانت جريمته وكانوا عايزين يشيلو 3 آلاف قاضى نزيه ويحطوا بدالهم 9 آلاف قاضى اخوانى ( ومش قضاة يعنى محاميين حايخلوهم قضاة ) عشان يبقى القانون معاهم
ده طبعا غير المرتزقة اللى جايبينهم من كل حتة وبيدوهم من قوتنا عشان يضربونا
واقول للعالم فيه برنامج اسمو جوجل ايرث بيوريك حجم المؤيدين والرافضين فى كل مكان
مع اطيب تحياتى وان مصر المحروسة الله بيحرسها والله هو اللى شايف مين المخلصين ومين اللى مش مخلصين
واكيد فى الآخر ربنا بينصف المظلومين

[ahmad_alahlawy]

كل عام و الجميع بخير صحة و افضل حال

[نور الصباح]

مش عارف أقول لكم إيـــــــــــــــــــــــــــــه
حســـــــــــــــــبى الله ونعــــــــــــــــم الوكيــــــــــــــــــــــل
نور الصباح

[إيمان.]

كل عام وامتنا العربية بالف خير ..
وانشاء الله في القريب العاجل يستتب الأمن والأمان في مصر أم الدنيا ..

[عزت شحاته]

البلد الوحيدة اللى المسيحى يفرح فيها برمضان
البلد الوحيدة اللى المسيحى ف اول يوم رمضان يجرى يجيب لابنة فانوس
البلد الوحيدة اللى المسيحى يدفع ف فلوس الزينة مع اهل الشارع والحتة
البلد الوحيدة اللى المسيحى ما يجيلوش مزاج ياكل كنافة وقطايف غير ف شهر رمضان
===================
كل سنة وانتوا طيبين
قصدى واحنا طيبين

[وسام اكرم]

اللهم احفظ مصرالحبيبة
و شعب مصر الحبيب
من شر
المنافقين
و المتاجرين باسم الدين
و الكذابين على جبريل و الملائكة اجمعين
امين
وسام