سيد درويش - دا وقتك دا يومك يا بنت اليوم

[guest]

اقدم لكم اليوم هذا العمل ل سيد درويش من توزيعي

دا وقتك دا يومك يا بنت اليوم

الاغنية ذات نفسها كانت بتناقش وضع المرأة المصرية في المجتمع و اكتسابها للحقوق المشروعة زي حق الانتخاب و العمل و خلافه
و لكن الكلمات انا شايف ان لها معني سياسي تاني موجه لمصر مش للمرأة المصرية ( اعتقاد شخصي ان دا اسقاط للمطالبة بالاستقلال في الوقت دا )

يعني مثلا من الكلمات :
قومي اصحي من نومك ب كفاياكي نوم
ليه ما نكونشي زي الغربية .. و نجاهد ب حياتنا ب حرية
و اشمعني في اوروبا الستات
لهم صوت في الانتخابات

بالنسبة للعمل نفسه
هو من رواية الانتخابات من تأليف امين صدقي
و الاغنية برضه من كلمات امين صدقي
و تقديم فرقة علي الكسار
و الحان سيد درويش طبعا
سنة 1923
المحزن ان سيد درويش توفي قبل عرض العمل ب 17 يوم لأن تم عرضها يوم 27 – 9 – 1923
يعني ما لحقش يشوف نتاج عمله للأسف
و قام ب اكمال الرواية الملحن ابراهيم فوزي ..
من 89 سنة تم تقديم العمل و ما زال مصدر الهام للكثير من الموسيقيين
سيد درويش دايما كدة

كلمات الاغنية :

ده وقتك ده يومك يابنت اليوم
قومي اصحي من نومك بزياداكي نوم
وطالبي بحقوقك واخلصي من اللوم
ليه مانكونشي زي الغربية
ونجاهد في حياتنا بحرية
شطارة شاطرين قدارة قادرين
مين في خفتنا ودردحتنا مين
معانا شهادات ودبلومات
ونعرف بولوتيكا بالسبع لغات
ليه مانكونشي بقى ليه
زي الراجل ليه
قولولنا هو زايد عننا ايه
ليه مانكونشي زي الغربيه
ونجاهد في حياتنا بحريه
شطارة شاطرين قدارة قادرين
مين في خفتنا ودردحتنا مين
ليه جوزي اللي يتعب تملي
ليه يشقى وانا قاعدة في محلي
أتعاون في حياته وحياتي
وتروق له العيشة وتروق لي
إشمعنى في أوروبا الستات
لهم صوت في الانتخابات
إحنا كمان لازم نفوقهم
هنا في بلادنا ونبقى فوقهم
دي المصرية من نشأتها
مفيش زيها ست في بيتها
إن كان في محبة بلادها
واللا في تربية أولادها


اللحن موزع بشكل للوتريات دخول وتريات بيزكاتو ثم للنهاية وتريات مع ظهور للهارب علي استحياء
احب اقول برضه ان اللحن الاصلي في الكوبليه التاني ( معانا شهادات .. و دبلومات ) بيتحول للبياتي
اللحن الاصلي هو اللحن التاني
http://www.sama3y.net/forum/showthread.php?t=96383
و لكن لما حاولت اشرق النوتات علي البرنامج .. الصوت الصادر كان غير مرضي .. و دا يثبت ليا ان فعلا الربع تون حتي الأن مهما برامج حاولت تنفيذه .. لا يمكن هتكون زي العفق الحقيقي .. عشان كدة استغنيت عن ارباع التون .. و اللي شجعني ان العمل كله فيه هارمونيات و دا يشجع علي التخلص من الربع تون بتقريبه لاقرب نص تون و خلصت القضية
و لكن لو قدامي فرصة ب عازفين حقيقيين .. اكيد هاعيد الصياغة ب شكل يحترم الارباع و البياتي لأني شخصيا بحب البياتي و لكن تنفيذ الربع تون بالبرامج او حتي بالاورج مع تغيير ال pitch مش قد كدة .. اقتناعي انه لازم واحد يلعبها ب نفسه
و في النهاية احب اهدي العمل لأستاذي العظيم / احمد الجوادي علي نصايحه الدائمة و توجيهاته الموسيقية
و كلمات الشكر و التقدير لا تكفي للتعبير عن تقديري و احتراماتي لشخصه الكريم
ارجو من حضرتك استاذ احمد النقد و بكل قسوة عليا ان امكن .. عشان اعرف مدي استفادتي من توجيهات و نصائح حضرتك

اتمني العمل يعجبكم و تستمعوا بيه
بالنسبة لي كان تجربة موسيقية وعدت من ضمن تجاربي
استمتعت بيها و اتعلمت منها الكثير

شكرا

[أحمد الجوادي]

صديقي الحبيب أستاذ إيهاب المحترم

شكرا جزيلا لإهدائك العمل الجميل لي، وسوف لن أبخل بأي نصح بتاتا كما عهدتني.

بداية أعترف بأنني لم أسمع أغنية سيد درويش من قبل، سيد درويش هذا عبارة عن كنز كبير جدا، علينا أن نستغله جميعا، وشكرا لك لوضع رابط للأغنية الأصلية.

بالنسبة لتعليقاتي.

أولا: أصوات الوتريات عندك جميل، وأحب أن أعرف هل أنك عزفتها أم كتبتها بواسطة البرنامج؟ وهل هي من برنامج السيبيليوس؟

ثانيا: البيانو الإلكتروني الذي ظهر بشكل مفاجئ في 1:17 كنت أتمنى أن يكون صوته أقل من ذلك أي أنه خلفية وليس أساس، وأن تتوقف في البار الرابع، لقد عزفت بارين ثم قمت بإعادتهما، كان من الأجدر أن لا تكون نوتة للبار الخامس، أي تكون سكتة. وأيضا أثناء المكس لم يكن راكبا في المكان الصحيح 100%، بل أتى سابقا قليل جدا، خصوصا النوتة الأولى.

ثالثا: في البداية البيزيكاتو كان جميلا، لكن وبما أن الكومبيوتر هو الذي يعزف فأرجو أن تكون شدة الصوت أقل من ذلك، لأن حينما تكت فورتي أو فورتي سيمو f or ff فتكون النتيجة في الكثير من البرامج أن يصدر صوتا ليس بنفس جمال الصوت الذي يصدر حينما تكتب ميتزو فورتي او ميتزو بيانو mf or mp، أرجو أن تجرب وسوف تجد النتيجة قد اختلفت كثيرا، لأنك لا تتعامل مع آلات حية.

رابعا: هل قصدت أن يكون الصوت للهارب بعد ذلك، أم أنك كنت تقصد بيزيكاتو؟ على العموم فصوت الهارب كان جميلا.

خامسا: حينما تبدأ باستعراض اللحن بعد الهارب، كنت أتمنى أن يكون الميلودي أكثر وضوحا وسطوعا، كأن تبعده قليلا عن الهارموني أو تضيف له صوت أوكتاف أعلى لكي يظهر بوضوح. وفي نفس الوقت أرجو أن تراعي أن تكون المرافقة أخفض من ذلك لكي يظهر الميلودي بوضوح.

سادسا: حاول أن تكتب كوردات مفتوحة وأن لا تستخدم باستمرار كوردات مغلقة. أي أن تضع مسافة بين الكوردات.
شيء هام للغاية، أثناء المكس أرجو منك أن تفصل الآلات بشكل واضح، أي أن تضع الكمان الأول على الشمال خالص "مش للآخر" وعلى يمينه الكمان الثاني وفي الوسط تضع الفيولا وعلى اليمين قليلا الشيللو وعلى اليمين الكونتراباص.
هذا بالنسبة للجلسة العادية للأوركسترا، وهناك جلسة مختلفة، أنا لا أفضلها في الآلات غير الحية.

لقد أعجبني العمل، وأنا متأكد بأنه سيعجبني أكثر بكثير حينما تطبق الملاحظات التي كتبتها، وعلى الأخص إبراز الميلودي أكثر من ذلك، وأدعو السادة الأعضاء السميعة لسماع هذا العمل الجميل.

أرجو أن لا يتأثر من سيسمع العمل بملاحظاتي هذه وأن يسمع العمل وكأنه لم يقرأ ما كتبت وأحب أن أقول بأنني في العادة لا أكتب ملاحظات من أجل رفع العمل إلا إذا طُلِبَ مني ذلك.

خالص محبتي

أحمد الجوادي

[guest]

استاذي العظيم / احمد الجوادي

بداية احب اهنئك بوسام التقدير الممنوح لسيادتك و لي الشرف ان يتصادف منحك هذا الوسام مع اهدائي العمل لحضرتك تقدير مني لك ..
انا مبسوط ان العمل نال الاستحسان رغم النقد و الملاحظات القاسية في بعض الاحيان ..

شكرا جزيلا علي النقد والتحليل .. و سوف ارد علي استفساراتك نقطة نقطة .. و استفسر ايضا عن بعض النقاط للاستفادة من خبرات حضرتك

1.انا لم اقم بالعزف بتاتا .. نوتة نوتة نوتة
يعني كتبت النوتة و البرنامج قام بتنفيذ ما كتبته .. اذا حضرتك تقصد ان صوت الوتريات من البرنامج و لا من الاورج .. اوضح لحضرتك انه من البرنامج .. و فعلا صوت الوتريات مش بطال .. كتبت النوتة علي السيبليوس و صدرت الميدي و بعدين استخرجت صوت الوتريات VST من احدي المكتبات الموسيقية و لكن مش من مكتبة سيبليوس
2.الصوت الصادر من 1:17 مش بيانو الكتروني بل هو هارب ( كريستال هارب )
فعلا معاك حق اتفق معاك تماما .. صوته عالي جدا و انا خفضت الصوت قبل التنفيذ و لكن قد اكون نسيت تسجيل الاوردر قبل المكس الاخير .. هذا ليس عذر, دي جريمة لا تغتفر ..و لكن اعتذر عن هذه السهوة و سوف اقوم بتعديلها و ارفاق الملف الصوتي مرة اخري
ليا تعليق بالنسبة ل تكرار الجملة .. ليه حضرتك تفضل عدم تكرارها ؟ لأني عجبتني كما هي بتكرارها مرتين .. هل هو تفضيل شخصي من حضرتك ؟ او لأنها من المحرمات ؟ الغرض من الجملة شد الانتباه و كسر الملل و الرتابة بجملة catchy
و اريد التوضيح .... انا اكتب كل الالات مع بعض .. يعني الميديهات مع بعض المازورة نازلة مع المازورة و لا مجال في المكس للتقديم او التأخير .. الا لو انا عملت كدة , و انا معملتش كدة ... نازلين مسطرة مع بعض .. و في البناء الموسيقي كدة .. و في التسجيل نفس الموضوع

3.الصراحة .. انا لا اقوم بكتابة فورتي و بيانو .. لأني غير راضي عنهم التعامل معهم في البرنامج .. انا اقدر احسها لو انا بلعب بنفسي علي الة بيانو مثلا .. و لكن التجربة في الكتابة بفورتي و بيانو و حتي الكريشندو و الارتيكيوليشن عموما .. احساس بلاستيك .. فا باريح دماغي منهم .. لأن النتيجة غير مرضية في كل الاحوال .. زيها زي كتابة الربع تون .. النتيجة قبيحة جدا .. و لكن ممكن التحايل في المكس بتخفيض الصوت ل - 3 او -4
هعمل تجربة علي البيزكاتو مع التعديلات الاخري و ارفق الملف الصوتي
انا متأكد ان حضرتك بتستخدم headphones .. لأن السماعات العادية مش هيبان فيها الكلام دا .. و فعلا لا يمكن ملاحظته الا عن طريق متخصص و ليس مستمع عابر

4.بالتأكيد قصدت صوت الهارب بعد البيزكاتو .. و الهارب في المنتصف و النهاية ايضا

5.جاري العمل علي التوجيه .. فعلا حسيت ان اللحن الاساسي تاه بعد الهارب .. هقوم ببعض تعديلات و ارسلها ل حضرتك بما فيها تخفيض الهارب في المنتصف .. سوف ارفق الملف الجديد كتطبيق علي توجيهات حضرتك و تحكم علي النتيجة ب نفسك
6.في التجربة القادمة ساحاول القيام بالكتابة ب شكل مختلف و تكون اكثر نضجا عن المرة دي رغم ان البناء الموسيقي كان مرهق لي ذهنيا .. التجربة دي خلصت و اتعلمت منها .. هتفادي الاخطاء في المرة الجاية و لكن هقوم بتطبيق نصائحك وملاحظاتك علي العمل لأني مقتنع بما قلته بل حضرتك نورت طريقي لحاجات كانت غايبة عني

و لكن اسمح لي استاذي , اريد التوضيح اكتر لأني لم استوعب الفقرة دي

( سادسا: حاول أن تكتب كوردات مفتوحة وأن لا تستخدم باستمرار كوردات مغلقة. أي أن تضع مسافة بين الكوردات.
شيء هام للغاية، أثناء المكس أرجو منك أن تفصل الآلات بشكل واضح، أي أن تضع الكمان الأول على الشمال خالص "مش للآخر" وعلى يمينه الكمان الثاني وفي الوسط تضع الفيولا وعلى اليمين قليلا الشيللو وعلى اليمين الكونتراباص.
هذا بالنسبة للجلسة العادية للأوركسترا، وهناك جلسة مختلفة، أنا لا أفضلها في الآلات غير الحية )

مبسوط ان العمل عجبك
و هعمل التعديلات المطلوبة حتي يتأكد اعجابك به

اسمح لي استاذ احمد
بالنسبة لي
حضرتك معاك كارت بلانش في نقد اعمالي بدون انتظار موافقتي او طلبي ذلك
ملاحظاتك دائما محل دراسة ..
ومش هبطل الاستماع لنقد حضرتك خاصة
او الاستماع نقد الاخرين اذا كان نقد موضوعي و في صلب الموضوع
النقد بالنسبة لي دروس اتعلم منها و تزيد الخبرات و تتلافي الاخطاء و تعظم الاستفادة لجميع الاطراف سواء المؤلف و الناقد و المحلل و المستمع ايضا .. و الهدف في النهاية تقديم عمل جميل و انيق ينال رضا المستمع

مرة تانية مبروك علي وسام التقدير
و اشكرك جزيلا من كل قلبي
و خلال يوم او 2 هاقوم بارفاق ملف صوتي جديد بعد تطبيق التعديلات و اتمني ان تعيد الاستماع لتكتمل الصورة

[Hisham Khala]

تحياتي الي الاستاذ ايهاب

المقطوعة جميلة و لكن انا لم استطع التقاط الميلودي.

اعتقد في الالحان الشرقية يفضل الحرص في استخدام التآلتفات اللي فيها Dissonance

و في الهارموني عامة يفضل تجنب الاوكتافات المتوازية و الخمسات المتوازية و المختفية و مع الوتريات تكتب التالفات في صورة التالفات المفتوحة (كما ذكر الاستاذ احمد الجوادي)

ترتيب الالات الموسيقية كما ذكر الاستاذ احمد الجوادي مهم و ذلك باستعمال Panning

استعمال الفورتي و الفورتيسمو و الميتزفورتي و البيانو و … مهم لان الدينامكية تعطي حياة للموسيقي

تكنيك العزف: استعملت البيتزكاتو و الاركو في الوتريات و لكن من الممكن التوسع باستعمال الاستكاتو و الاسبياكاتو و الجليساندو و الفيرجيو …

اضافة زخارف لحنية يزيد من اهتمام المستمع و يجذب اذنه

الايقاع: اعتقد انه مهم في الاعمال الشرقية حتي و لو كان اللحن الاصلي الايقاع مش موجود و الميزان الثلاثي يمكن استعمال الفالس و السماعي دارج معه.

الكونتربوينت في الشرقي له رونقه و يحبذ استخدامه مع بعض الجمل او العبارات الموسيقية

تقبل تحياتي و تقديري

احسنتم و خالص تقديري

[guest]

دكتور هشام

تحياتي ل حضرتك

هل حضرتك تقصد بالشرقي وجود ارباع تون ؟ لأن انا استبعدت جميع ارباع التون رغم قلتها و قربتها لأقرب نص تون to the nearest denominator

بالنسبة ل تألفات ال Dissonance .. انا عملتها مرة و لا اتنين بالكتير يعني .. ما كترتش منها .. و كانت بغرض المرور passing chords عشان تغير الطعم شوية ..اتفق معاك يجب الحرص قي التعامل معاها .. و لو الميلودي فيه ارباع لازم تفنجل عينيك و ودانك مش بس تحرص

اتفق معاك برضه في موضوع تجنب الاوكتافات المتوازية و الخمسات المتوازية (دول عارفهم ) و المختفية (ايه المختفية دي ؟ ) معلش انا غير ملم بالمصطلحات العربي للهارموني

مع الوتريات تألفات مفتوحة .. التجربة الجاية في لحن جديد هغير و اريح و افتح الكوردات , عينيا ليك

شكرا للايضاح بخصوص ال Panning .. فهمت المقصود .. و لكن دي قياسات موضوعة مسبقا في البرامج

معلش هاخرج عن الموضوع لنقاش تاني
.. يعني مثلا لو اخترت مجموعة وتريات من برنامج للتاني .. القياسات دي بتختلف .. مش شغلتي اني اعمل القياسات دي
في ناس اسمهم Music DEVELOPERS دي شغلتهم .. امال احنا بندفع فلوس في البرامج دي ليه ؟ و ليه حضرتك
بتدفع للبرنامج دة كذا و فيه برامج بتكون اغلي من برامج تانية ؟ عشان الكوالتي بتاع ال music developers
انا و حضرتك و غيرنا من الموسيقيين .. عليه بس اختيار الانسب لحاجاته .. حتي لو بتنزلها من غير فلوس .. دايما بتختار الافضل .. مش كدة ولا ايه ؟ دا لا يمنع ان فيه ناس شاطرة من نفسها و بتعرف تلعب في السوفت وير و تغير حاجات حسب التفضيل الشخصي
و حتي لو بتنزل البرامج ببلاش .. ممكن تقعد كذا يوم تستني التحميل لثقتك في النتيجة
و في النهاية .. مفيش احسن من الالات الحية رغم تقدم العديد من البرامج
معلش طولت .. بس الكلام جاب بعضه
الدينامكية طبعا تعطي حياة للموسيقي .. و اتفق معاك 100 % .. لكن الكلام دا لو طالع من عازفين حقيقيين مش من البرنامج .. انا ذكرت اني غير راضي عن البرامج في اصدار الربع التون و الادوات الديناميكية زي فورتي و pp , p , cres , dim و غيرها حاجات تانية كتير .. احساس بلاستيك
تكنيك العزف .. المرة الجاية نعمل تنويع بين التكنيكات .. خليها علي حضرتك المرة دي , رغم اني استخدمت استكاتو , و لكن واضح تاهت وسط زحمة الاوكتافات المتوازية .. اتمني تعيد الاستماع للملف الصوتي الجديد بعد التعديلات ربما تكون اوضح
الزخارف ؟ هل حضرتك لاحظت اني استخدمت ال thrill بالتحديد من 0:48 حوالي ثانيتن او 3 ثواني؟ برضه ما كترتش منها تاني .. سيد درويش كان مدرسة بساطة البساطة .. و قام بتحرير واخرج الموسيقي المصرية من عباية الزخارف التركية .. و لكن استخدمت واحدة للغرض اللي حضرتك قلت عليه ( يزيد من اهتمام المستمع و يجذب اذنه )
الايقاع : دكتور هشام .. هل حضرتك تقصد الة ايقاعية ؟ اللحن من ميزان ثلاثي كما سمعت .. و فعلا اكدت الفالس في البداية مع البيزكاتو .. حتي المرافقة الهارمونية في بعض الاحيان كانت ماشية فالس .. واضحة في 1:50 علي ما اعتقد ؟
اذا حضرتك تقصد الة ايقاعية .. ما كانش في الخطة بتاعتي احط اي الات ايقاعية الصراحة .. لا دارج سماعي و لا دارج مصري و لا دارج عادي حتي ..
الكونتربوينت له مذاقه طبعا ..
و الحقيقة انا بقوم ببعض تعديلات لتغطية بعض توجيهات من استاذ احمد .. و ادعوك للاستماع للعمل بعد التعديلات , يمكن يعجبك اكتر
اسعدني مرورك العطر

و لي سؤال حضرتك لو تسمحلي .. نفسك تسمع لحن تاني ل سيد درويش ب شكل مشابه ؟
يعني حضرتك رشحلي لحن و نعمل تجربة تانية مع سيد درويش ..

تقبل تحياتي و تقديري يا دكتور هشام

[Hisham Khala]

المشاركة الأصلية كتبت بواسطة ehabalaaeldin

دكتور هشام

تحياتي ل حضرتك

هل حضرتك تقصد بالشرقي وجود ارباع تون ؟ لأن انا استبعدت جميع ارباع التون رغم قلتها و قربتها لأقرب نص تون to the nearest denominator

بالنسبة ل تألفات ال Dissonance .. انا عملتها مرة و لا اتنين بالكتير يعني .. ما كترتش منها .. و كانت بغرض المرور passing chords عشان تغير الطعم شوية ..اتفق معاك يجب الحرص قي التعامل معاها .. و لو الميلودي فيه ارباع لازم تفنجل عينيك و ودانك مش بس تحرص

اتفق معاك برضه في موضوع تجنب الاوكتافات المتوازية و الخمسات المتوازية (دول عارفهم ) و المختفية (ايه المختفية دي ؟ ) معلش انا غير ملم بالمصطلحات العربي للهارموني

مع الوتريات تألفات مفتوحة .. التجربة الجاية في لحن جديد هغير و اريح و افتح الكوردات , عينيا ليك

شكرا للايضاح بخصوص ال Panning .. فهمت المقصود .. و لكن دي قياسات موضوعة مسبقا في البرامج

معلش هاخرج عن الموضوع لنقاش تاني
.. يعني مثلا لو اخترت مجموعة وتريات من برنامج للتاني .. القياسات دي بتختلف .. مش شغلتي اني اعمل القياسات دي
في ناس اسمهم Music DEVELOPERS دي شغلتهم .. امال احنا بندفع فلوس في البرامج دي ليه ؟ و ليه حضرتك
بتدفع للبرنامج دة كذا و فيه برامج بتكون اغلي من برامج تانية ؟ عشان الكوالتي بتاع ال music developers
انا و حضرتك و غيرنا من الموسيقيين .. عليه بس اختيار الانسب لحاجاته .. حتي لو بتنزلها من غير فلوس .. دايما بتختار الافضل .. مش كدة ولا ايه ؟ دا لا يمنع ان فيه ناس شاطرة من نفسها و بتعرف تلعب في السوفت وير و تغير حاجات حسب التفضيل الشخصي
و حتي لو بتنزل البرامج ببلاش .. ممكن تقعد كذا يوم تستني التحميل لثقتك في النتيجة
و في النهاية .. مفيش احسن من الالات الحية رغم تقدم العديد من البرامج
معلش طولت .. بس الكلام جاب بعضه
الدينامكية طبعا تعطي حياة للموسيقي .. و اتفق معاك 100 % .. لكن الكلام دا لو طالع من عازفين حقيقيين مش من البرنامج .. انا ذكرت اني غير راضي عن البرامج في اصدار الربع التون و الادوات الديناميكية زي فورتي و pp , p , cres , dim و غيرها حاجات تانية كتير .. احساس بلاستيك
تكنيك العزف .. المرة الجاية نعمل تنويع بين التكنيكات .. خليها علي حضرتك المرة دي , رغم اني استخدمت استكاتو , و لكن واضح تاهت وسط زحمة الاوكتافات المتوازية .. اتمني تعيد الاستماع للملف الصوتي الجديد بعد التعديلات ربما تكون اوضح
الزخارف ؟ هل حضرتك لاحظت اني استخدمت ال thrill بالتحديد من 0:48 حوالي ثانيتن او 3 ثواني؟ برضه ما كترتش منها تاني .. سيد درويش كان مدرسة بساطة البساطة .. و قام بتحرير واخرج الموسيقي المصرية من عباية الزخارف التركية .. و لكن استخدمت واحدة للغرض اللي حضرتك قلت عليه ( يزيد من اهتمام المستمع و يجذب اذنه )
الايقاع : دكتور هشام .. هل حضرتك تقصد الة ايقاعية ؟ اللحن من ميزان ثلاثي كما سمعت .. و فعلا اكدت الفالس في البداية مع البيزكاتو .. حتي المرافقة الهارمونية في بعض الاحيان كانت ماشية فالس .. واضحة في 1:50 علي ما اعتقد ؟
اذا حضرتك تقصد الة ايقاعية .. ما كانش في الخطة بتاعتي احط اي الات ايقاعية الصراحة .. لا دارج سماعي و لا دارج مصري و لا دارج عادي حتي ..
الكونتربوينت له مذاقه طبعا ..
و الحقيقة انا بقوم ببعض تعديلات لتغطية بعض توجيهات من استاذ احمد .. و ادعوك للاستماع للعمل بعد التعديلات , يمكن يعجبك اكتر
اسعدني مرورك العطر

و لي سؤال حضرتك لو تسمحلي .. نفسك تسمع لحن تاني ل سيد درويش ب شكل مشابه ؟
يعني حضرتك رشحلي لحن و نعمل تجربة تانية مع سيد درويش ..

تقبل تحياتي و تقديري يا دكتور هشام

مرفق نوتة لتوضيح الاوكتافات المختفية و الخمسات المختفية و التجاوز و القفزات

هذا رابط لتوزيع بعض ادوار سيد درويش ، قام بتوزيعها صديقي الفنان د. أحمد الحناوي و قام بالعزف اوركسترا مكتبة الاسكندرية:

http://www.sama3y.net/forum/showthread.php?t=66195


HARMONIC MISTAKES.jpg