اقتباس:
المشاركة الأصلية كتبت بواسطة صلاح السويفي
الحقيقة لسه ماقريتش..
لأن كلام الأستاذ كمال ..مايتقراش كدا وانت ماشي تتسلى ..
وأنت ياأستاذ غازي جاي مشكورا في قلب المغارة هنا .
وتعمل الموضوع دا..
ضيّعت عليّ لقمة هنيّة ..من ورا الأستاذ كمال ..
من أيام يوم عادي جدا..
عموما..شكرا ياستاذ غازي ..حضرتك عملت الموضوع دا
تجمع فيه الصحيح بتاع الأستاذ كمال ..أنا هااعمل سبوبة تانية
أجمع فيها (الفكة ) بتاعة الأستاذ كمال ..مااحنا (مستقصدينه ) أنا وأنت
|
صلاح السويفي ( عم عيالي )
دا كتير على العبد ( الكـَسير )
جناحين كلامك يا صلاح
بيـهُم ،،، أطير
و ساعات ياخدني النوم ..
أنام
و احلم بيوم ..
عَم السلام
و احلم بكون ..
مافيهوش مَـنون ..
أهيم في نورُه المُستـَهام
ساكن أنا ف غِيِّـة حَمام
و مِسـتخبِّي م الأنـام ..
و مخـَبِّي وِش ..
حاول يغِـش
علشان يجاري زمَن
( بـِكام ؟! )
خَبِّيته لمَّا
لقِـيتها ضـَلمة
في دُنيا .. مش قـَدّ المقام !
أنا بَسّ ،،
لوّ يشاورلي حِس
أنا بَسّ ،،
لوّ يغويني هَمس
أنا بَسّ ،،
لوّ أتمَسّ من نِسماية مَسّ
دَنا كنت أفتـَح غِيِّـتي
و ازرَع غناوي ف سِكتي
و المِس خدود الصُّبح لـَمس ..
أنا بَسّ .. لوّ
__________________
شاء اللي شاء ،، و اللي داء ،، مِـن وَردِة الشـِّفة
نـَـهَـل نـبـيـذ لاِشـْـتِيـاء ،، نهـــرِين ،، و لـَم كـَـفـَّىَ
شـَـهَـقْ شـُعاع خِصرَهَا ،، سَرْسِـب نـَدَى مَصْهـور
وِ فْ كلّ سَـرسوب شُـعاع ،، مَـلايكة مُصْـطـَـفـَّــة
يا تـراب و مخلوط بماء ،، إزاى غـَوِيـت النـُّـــور
يـِفـُــــــــــور علـى سِحــرَها ،، و فِــيها يـِتخـَـفـَّـىَ
كمال