عشان تلحق تحفظها

**سيادة الرئيس** · #1 11/03/2009, 08h34

كلام حسين السيد الخالد
و
لحن عبد الوهاب الخالد

تنفيذ رائع ( موسيقى فقط )

يلا إلحق إحفظ

هنا

ست الحبايب ياحبيبه
ياأغلى من روحى ودمى
ياحنينه وكلك طيبـــه
يــارب يخليكى ياأمـــــى

زمان حملتي و سهرتي
وشيلتى من عمرى ليالى
ولسه برضه دلوقــتى
بتحملي الهـــــم بدالــــــى
أنام وتسهــرى و تباتى تفكرى
وتصحى من الأدان وتيجى تشأرى
يارب يخليك يا أمى
يا ست الحبايب يا حبيبة

تعيشى ليا ياحبيبتى ياأمى
ويدوم لى رضاكى
ده أنا روحى من روحك إنتى
وعايشة من سر دعاكى
بتحسى بفرحتى قبل الهنـا بسنه
وتحسى بشكوتى من قبل ماحس أنا
يارب يخليك يا أمى
يا ست الحبايب يا حبيبة

لو عشت طول عمرى أوفى جمايلك
الغاليه عليّا
أجيب منين عمر يكفى وألاقى
فين أغلى هدية
نور عينى ومهجتى وحياتى ودنيتى
لو ترضى تقبليهم دول هما هديتى
يارب يخليك يا أمى
يا ست الحبايب يا حبيبة

**فؤاد** · #2 11/03/2009, 10h16

اقتباس:

المشاركة الأصلية كتبت بواسطة سيادة الرئيس

تعيشى ليا ياحبيبتى ياأمى
ويدوم لى رضاكى
ده أنا روحى من روحك إنتى
وعايشة من سر دعاكى
بتحسى بفرحتى قبل الهنـا بسنه
وتحسى بشكوتى من قبل ماحس أنا

الله الله الله
يارب يخليكِ ياأمي
ويخليك لينا
ياأستاذ صلاح

**الألآتى** · #3 11/03/2009, 10h22

اقتباس:

المشاركة الأصلية كتبت بواسطة سيادة الرئيس

يلا إلحق إحفظ

حفظناها يافندم ..

**abuzahda** · #4 11/03/2009, 23h40

ما أجمل هداياك يا جدع انت !
*
أنا حافظـها صَمْ
ربنا يحفظك يا صلاح

**محمودسعد** · #5 14/03/2009, 16h38

تمام التمام ياراجل ياتمام
لحقت احفظها والحمدلله
كل سنه وانت طيب ياريس
وتهنئه من القلب لكل امهاتنا بعيدالام

**محمودسعد** · #6 14/03/2009, 19h20

صديقي العزيز ابوعلي
سياده الرئيس
لم استطيع ان افوت فرصه جميله كهذه وخصوصا ان بناتي دينا 12 سنه وحبيبه 7 سنوات قدتاثرن بهذه الموسيقي الجميله لاغنيه ست الحبايب فتمسكن ان يغنينها وانا تمسكت ان اهديها لك ولابووجد سيدابوذهده وطبعا لكل الامهات
وارجوا ان تسامحني في الاخطاء الخاصه بالهندسه الصوتيه لاني عارف اني عكيت ؟ ومعلهش ياريس

حبيبه

دينا

مع ملاحظه ان دينا هي اللتي تغني
والتسجيل القادم حبيبه

**رائد عبد السلام** · #7 14/03/2009, 19h56

اقتباس:

المشاركة الأصلية كتبت بواسطة محمودسعد

ديــــــنا

مع ملاحظه ان دينا هي التي تغني
والتسجيل القادم حبيبه

عادي ....... يافنان ياكبير
ماهو بنت العندليب ....لازم تبقي ...كروان
ربنا يحرسها هي وأختها ...وأبوها ......وأمها
وكل عيد أم وأنتم كلكم بخير
يافنان من قلب أصالة مصر ....وطيبتها ...
يامحمود ياسعد
يا مطرب المطربين

**سيادة الرئيس** · #8 14/03/2009, 20h34

ربنا يخليها لك و يبارك فيها

أحلى ما فيها ( الوحدة السليمة جدا )

يا بخت أبوها بيها

و النبي تبوسها نيابة عن عمها صلاح و كمان بوستين للصغنونة

**mohamedafify** · #9 14/03/2009, 20h39

اخى وحبيبى محمود سعد ربنا يخلى حبيبة ودينا اللة ينور عليها ويوفقها حاجة جميلة قالت الغنوة حلو جدا مع تحياتى محمد عفيفى

**star man** · #10 14/03/2009, 20h50

ربنا يسعدك يا سيادة الرئيس -- جت بوقتها - وطبعا حافظها انما فاضل اغنيها واسمع رايك فيها يا باشا - الف شكر من كل قلبي ليك ويا رب يخلي امي و امهات كل الناس ويطول بعمرهم يا رب