أمثال ضد أمثال

[عفاف سليمان]

مساء الخير على الجميع
مساء الجمال استاذنا رائد
جميله الامثال ولونى معرفش كتير
لكن خد عندك
اكفى القدره على فمها
تطلع البنت لامها
.......
من شابه اباه فما ظلم
العرق يمد لسابع جد
دا اللى فاكراه دلوقتى
اسعد الله اوقاتكم
اختكم عفاف

[صباح2015]

السلام عليكم ورحمة الله وبركاته
أخى العزيز الأستاذ/ رائــــــد
هى كدة مواضيعك هايلة وجميلة
يسلم ايدك وعقلك
فيه أمثلة بتقول
- إن عشقت إعشق قمر وإن سرقت إسرق جمل
- الطمع يقل ماجمع
- حاسب قبل ما تناسب
- مراية الحب عامية
- خير تعمل شر تلقى
- أعمل خير وأرميه فى البحر
- الباب اللى يجى لك منه الريح سده وأستريح
- أكنس بيتك ورشه متعرفشى من ح يخوشه
والباقية تأتى
شكراً وتحياتى ،،،

[عفاف سليمان]

تلك تك تك
افتحولى الامثال
قصدى الباب
كنت عندما اطلب من أمى نقود لكى اشترى شىء
خصوصا لو الصبح بدرى ....وانا غلسه بقه
افضل ازن عليها فكانت تقول
يا فتاح يا عليم يا رزاق يا كريم
اصتبحنا واصتبح الملك لله
.....
واكيد طبعا كان بيقولها فاتحى المحلات عند الافتتاح صباحا لمحلاتهم
وكانت جارتى تقول مثل عن والدتها
اكنس بيتك ورشه
ياعالم مين يخشه
تحياتى
عفاف

[رائد عبد السلام]

المشاركة الأصلية كتبت بواسطة NAHID 76

بسم الله الرحمن الرحيم
اخى الفاضل رائد عبد السلام
أولا موضوع شيق وجميل وثرى شكرا عليه
إسمع بقى يا سيدى
يقولك إيه .............
يا بخت من وفق راسين فى الحلال
وبعدين يقولك ..........
إمشى فى جنازه ولا تمشى فى جوازه
إيه رأيك بقى ؟؟؟؟

هو أنا أقدر أتنفس ياست الكل ؟؟
طبعا كلام حضرتك سليم ..وعلي دماغنا من فوق
عايزين أمثال متناقضة تاني ..وتالت

[رائد عبد السلام]

المشاركة الأصلية كتبت بواسطة د أنس البن

طيب شوف دى يا سى رائد

آل إيه : لبس البوصه تبقى عروسه

وبعدها : إيش تعمل الماشطه فى الوش العكر

أنا لسه ماقمتش من الإنحناءة للأستاذة ناهد
زي بعضه ..أرجع وأنحني تااااني
والمرة دي لمين ؟؟
لعميد العمداء
أشكرك يا خالي الحبيب:
د: أنس

[رائد عبد السلام]

المشاركة الأصلية كتبت بواسطة abuzahda

الله يا أستاذ رائد

موضوعك حلو و مثير للفكر
*
كنت مرّة قرأت "رسالة ماجستير" في علم الإجتماع . و كان الباحث ، قد أشار إلى أن كثيراً من "الأمثال الشعبية" من "تدبير" الإستعمار.
و قد استشهد - خلال فصل كامل من الرسالة- بمثل ما أشرت إليه يا أستاذ رائد ، من التضاد في القصد.
بل زاد على ذلك بما يتعارض مع نصوص شريفة من الكتاب و السنة ، مثلاً:
حديث سيدنا النبي ، عليه و على آله أفضل الصلوات و السلام ، عن "كفالة اليتيم". و المثل الشعبي:
يا مربي في غير وِلْدَك ، يا باني في غير مِلْكَك

!!

أخيراً ...هلّت روايح الربيع وزهور البرتقال
مرحبا باأخويا الغالي
سيد أبو زهدة
كل احترامي لثقافتك السامقة ...

بس علي جنب كده ...
روحك مش طايرة زي ما عودتنا ليه ؟؟
ربنا يروق بالك ياعمي سيد

[رائد عبد السلام]

المشاركة الأصلية كتبت بواسطة سيادة الرئيس

(( إن كان لك عند الكلب حاجه .. قول له يا سيدي ))

X

(( بدال ما اقول للكلب يا سيدي .. أقضي حاجتي بإيدي ))

أنا لو أعرف إن معاليك حاتشرفني
ياصلاح بك
كنت فتحت الموضوع علي 5 سيرفرات
ويادوب يكّفوا
مانتحرمش من مصريتك ياعمي أبو علي

[رائد عبد السلام]

المشاركة الأصلية كتبت بواسطة unicorn

يخلق من ظهر العالِم فاسد

x
ابوك البصل و امك التوم , تجيب الريحة الحلوة منين يا ولد الشوم
***********
اضرب ابنك و احسن ادبه , ما يموت الا ان فرغ اجله
x
ان كبر ابنك خاويه

كانت ناقصاك يا أبو اسكندر

[رائد عبد السلام]

المشاركة الأصلية كتبت بواسطة عفاف سليمان

مساء الخير على الجميع

مساء الجمال استاذنا رائد
جميله الامثال ولونى معرفش كتير
لكن خد عندك
اكفى القدره على فمها
تطلع البنت لامها
.......
من شابه اباه فما ظلم
العرق يمد لسابع جد
دا اللى فاكراه دلوقتى
اسعد الله اوقاتكم

اختكم عفاف

اكفى القدره على فمها
تطلع البنت لامها
X
إحنا أختين ... ولينا بختين

الله ينور ياعفاف ياختي
قدامي بقي علي (حواديت بلدنا)
أحسن عم حسن كشك زمانه غيّر الكوالين
ورمي لنا العدة في الشارع
صدقيني يعملها ...أنا عارفه كويس

[رائد عبد السلام]

المشاركة الأصلية كتبت بواسطة صباح2015

السلام عليكم ورحمة الله وبركاته

أخى العزيز الأستاذ/ رائــــــد
هى كدة مواضيعك هايلة وجميلة
يسلم ايدك وعقلك
فيه أمثلة بتقول:

- إن عشقت إعشق قمر وإن سرقت إسرق جمل
X
- الطمع يقل ماجمع
----------------------------

- حاسب قبل ما تناسب
X
- مراية الحب عامية
-----------------------------
خير تعمل شر تلقى
X
- أعمل خير وأرميه فى البحر
--------------------------------
- الباب اللى يجى لك منه الريح سده وأستريح
X
- أكنس بيتك ورشه متعرفشى من ح يخوشه
والبقية تأتى

شكراً وتحياتى ،،،

كلنا بقي في انتظار البقية دي يا أستاذة
صباح
والله ينور علي اللي فات