و الله ( سمعنجى ) حلوة منك يا أخ برنس ..
و خللى بالك من شوية ( البروليتاريا ) اللى فى المنتدى ..
دول ناس آخرهم سندوتش جبنة رومى و كباية شاى ..
لكن انت ( برنس ) يعنى تبع الفور سيزون ..
و عموما أنا اعتمدت الاسم ( سمعنجى ) بعد ما الاسم عجب
أخى هاينز ( برضو باين من اسمك انك من طبقة النبلاء ) ..
أما أنت يا عم هانى فأنا حزين انك فهمت ..
أكيد انت عارف الصعيدى اللى فهم حصل له ايه ..
و خذ الحكمة دى من عمك المتنبى :
ذو العقل يشقى فى النعيم بعقله
و أخو الجهالة فى الشقاوة ينعم
ارجع لعقلك الأولانى قبل التعديل ..
أما الناس العاقلة الرزينة اللى زى مدام سامية .. فهى تكتب كأنما
تقرأ من كتاب .. عندها قدرة مدهشة على تنسيق الأفكار .. و الردود
فى محلها و التركيز حاضر .. اللهم لا حسد ...
(العصبجية )اياهم يا مدام سامية هما اللى أشاعوا عنى انى مجنون
بعد علقة الكراكون ..
و انا مش ناكر انى نظمت المرور فى ميدان عبد المنعم رياض
يومين تلاتة .. و لبست الجاكيت الميرى المرصع بغطيان الكولا ..
و غنيت ( يابا يابا ع اللامونة هاللا هاللا ع اللامونة ) ..
و لكن الحمد لله أنا تعافيت ولا تنتابنى تلك الحالة الا عند زيارة
كراكون سماعى ( حسب قاعدة الارتباط الشرطى النفسية ) ..
لكن الأشرار دول بيلعبوا لعبة قديمة اتعلموها من الحكومات اياها
فيقولوا مثلا ان اللى خطف الطيارة طلع مجنون ..
و اللى قتل الصهاينة ع الحدود طلع مجنون ..
ع العموم هما مش عارفين انهم ورطوا نفسهم ..
ما يعرفوش ان المجنون لا يجرمه القانون على أفعاله ..
ان شاء الله هايكون اغتيالهم على ايدى .. و البراءة مضمونة
المشكلة فى هانى اللى قبل كده انضرب 3 رصاصات فى دماغه ...
جاله صداع !
__________________
شاء اللي شاء ،، و اللي داء ،، مِـن وَردِة الشـِّفة
نـَـهَـل نـبـيـذ لاِشـْـتِيـاء ،، نهـــرِين ،، و لـَم كـَـفـَّىَ
شـَـهَـقْ شـُعاع خِصرَهَا ،، سَرْسِـب نـَدَى مَصْهـور
وِ فْ كلّ سَـرسوب شُـعاع ،، مَـلايكة مُصْـطـَـفـَّــة
يا تـراب و مخلوط بماء ،، إزاى غـَوِيـت النـُّـــور
يـِفـُــــــــــور علـى سِحــرَها ،، و فِــيها يـِتخـَـفـَّـىَ
كمال