طلبات نوتة أ / عادل صموئيل الجزء الثانى

[yosri81]

أستاذ عادل, أنت مبدع ولك كل تقديري. يا ريت بس تدون الكوبليه السيجاه البلدي الرائع : فضلت أعيش بقلوب الناس... رغم صعوبته لكن ميصعبش عليك. ولك وللقائمين على الموقع الرائع كل الشكر.

[عادل صموئيل]

احبائى

اغنية لأم كلثوم من العيار التقيل جدا جدا

غريب على باب الرجاء

الاغنية دى تدوينها له قصة مضحكة يعنى واحد طلب منى المقدمة فقط .. طبعا انا قلت ده عايزها عشان صولو الكمنجة انا قلت بقا ده صوليست وعايز النوتة عشان يبدع طلع واحد لسه بيفك الخط فى العزف ومتخيل انه لما النوتة تتدون حايعرف يعزف الصولو علما بأن اللى عزف الصولو كان صوليست بقاله سنين طويلة .. المهم دونت له المقدمة وبعدين المذهب شدنى .. وللعلم الاغنية دى انا مش حافظها لأنها صعبة جدا جدا ومش متداولة يعنى يمكن فى الراديو مش بيذيعوها مرة كل عشر سنوات .. بس لما ركزت لقيت اللحن اكتر من رائع بس لازم تكون سامعه كويس وفيها الكوبليه الاخير صعب شوية .. اهم حاجة انا فخور بيها ان الاغنية صعبة جدا جدا يعنى من المستحيلات حد يدونها وتطلع سهلة زى ما انا عامل .. يعنى اناعاملها سهلة يعنى فكيت طلاسمها لأن التفعيلات بتاعتها خبيثة شوية يعنى انا الى اتعذبت عشان اظبطها لكن اللى حايقراها حيلاقيها سهلة .. اتمنى تعجبكم واللى شجعنى انى ادونها بالرغم من انها مزعجة ف التدوين ان النوع ده من الاغانى جميلة ورائعة ولحن جميل جدا جدا بس عشان مش متداولة ماحدش بيطلبها وكان ممكن تروح فى طى النسيان يعنى انا بعثتها للحياة يعنى انت لو عزفت حتى جزء منها يبقى مكسب للموسيقى مع اطيب تحياتى

[Omda32]

يا سلام عليك أستاذ عادل الله الله على الدقّه و الجمال و الوضوح و السهوله فألف تحية شكرا لهذه النوته الرائعه لأغنية السّت غريب على باب الدار و للأمانه فعلا غير معروفه و لأول مرّة أسمع بهذا العنوان و بالمناسبة شد إنتباهي كلمتين قلتهم حضرتك : " كان ممكن تروح فى طى النسيان يعنى انا بعثتها للحياة " . جميل جدّا هذا الكلام أستاذي العزيز و كلنا نشكرك على مجهوداتك الجبّارة فعلا أسعدت الجميع و الكثير منّا و لا زال يتعلّم و صار يتقن عددا من الأغاني و المعزوفات بالإستعانة بنوتاتك الرائعه و أكرّر شكري لك ، لكن الجملة التي قلتها حضرتك أستاذ عادل هل تدري أنها قد تنطبق أيضا على كل تدويناتك بالمستقبل البعيد ؟ فإن كنّا بالحاضر و بهذه الأيام مثلا نبحث عن نوتة ما أو حتى نجد نوتة ما بشكل أو بآخر لا نفهم منها إلاّ العنوان على الأقل بالظاهر فما بالك بمن سيأتي بعد سنوات طوال أخرى هل تعتقد ستعنيه تدوينهتتوي عنوان فقط ؟ و هل سيعلم قصة العنوان أصلا إن كنّا نحن اليوم و ليس مستقبلا لا نعرف هذا دون الغوص في الموضوع بكل تفاصيله و بأختصار شديد أعد لكلمتك الجميله و المعبّره حقيقة : ممكن تروح أغلب النوتات طيّ النسيان .! و إنّي لأتساءل ما العيب في كتابة إسم صاحب الأغنيه و هل في ذلك ضياع لوقت كبير ؟! و هل القدرة على فك طلاسم اللّحن يمنع من كتابة مقام الأغنية على ورقة التدوين ؟! ففي إعتقادي كتابة عنوان اللحن أو الأغنية مع إسم المطرب و إسم المدوّن و أيضا ذكر المقام أشياء ضرورية

[Omda32]

[QUOTE=Omda32;774533]يا سلام عليك أستاذ عادل الله الله على الدقّه و الجمال و الوضوح و السهوله فألف تحية شكرا لهذه النوته الرائعه لأغنية السّت غريب على باب الدار و للأمانه فعلا غير معروفه و لأول مرّة أسمع بهذا العنوان و بالمناسبة شد إنتباهي كلمتين قلتهم حضرتك : " كان ممكن تروح فى طى النسيان يعنى انا بعثتها للحياة " . جميل جدّا هذا الكلام أستاذي العزيز و كلنا نشكرك على مجهوداتك الجبّارة فعلا أسعدت الجميع و الكثير منّا و لا زال يتعلّم و صار يتقن عددا من الأغاني و المعزوفات بالإستعانة بنوتاتك الرائعه و أكرّر شكري لكم ، لكن الجملة التي قلتها حضرتك أستاذ عادل هل تدري أنها قد تنطبق أيضا على كل تدويناتك بالمستقبل البعيد ؟ فإن كنّا بالحاضر و بهذه الأيام مثلا نبحث عن نوتة ما أو حتى نجد نوتة ما بشكل أو بآخر لا نفهم منها إلاّ العنوان على الأقل بالظاهر فما بالك بمن سيأتي بعد سنوات طوال أخرى هل تعتقد ستعنيه تدوينه تحتوي عنوان فقط ؟ و هل سيعلم قصة العنوان أصلا إن كنّا نحن اليوم و ليس مستقبلا لا نعرف هذا دون الغوص في الموضوع بكل تفاصيله و بأختصار شديد أعد لكلمتك الجميله و المعبّره حقيقة : ممكن تروح أغلب النوتات طيّ النسيان .! و إنّي لأتساءل ما العيب في كتابة إسم صاحب الأغنيه و هل في ذلك ضياع لوقت كبير ؟! و هل القدرة على فك طلاسم اللّحن يمنع من كتابة مقام الأغنية على ورقة التدوين ؟! ففي إعتقادي كتابة عنوان اللّحن أو الأغنية مع إسم المطرب و إسم المدوّن و أيضا ذكر المقام أشياء ضرورية . أنا خوفي لهذا الكنز يضيعيا أستاذي العزيز
و كم تمنيت و أنا أراجع نوتاتك الجميله للست أم كلثوم لو كان بصفحاتها حتى مجرّد إشارات و لو بكلمه تشعرنا بالأمان و التذكير من صفحة لأخرى بمعنى اللحن بكتابة كلمه تدل عليه يا خساره شخصيا عدة أغاني حلوه و رائعه تركتها لهذا السبب و في الختام : ( أعتقد كل من يدوّن بطريقة إغفال ما ذُكر آنفا هو تدوين لأناس ليسوا بحاجة للنّوتة ) . أكرّر شكري لكم أستاذي العزيز أدام الله عليكم الصحّة و العافية و حفظكم

[salhi_haithem]

اجمل تحية لك استاذ عادل على جهودك الرائعة
نوتة رائعة
الف شكر

[خليل سليم]

شكرًا وتقدير ومحبة لك استاذنا الفاضل على العمل الخالد الجديد والذي سوف يضاف الى اعمالك الخالدة وأتمنى من الله ان ينعم عليك بالصحة والسعادة والعمر المديد ولا يحرمنا من عطاءك المستمر....

[Madeleine]

مساء الخير الاستاذ الفاضل عادل صموئيل ياريت اذا ممكن
تنوط اغنية واني مارق مريت عاصي الحلاني مش قلنا قبل كده مش بندون الاغانى الحديثة الموزعة
https://youtu.be/SnZyinGSOAY

[qusay.qq]

ألف شكر أستاذ عادل على كل ماتقدمه لنا

[elarabi]

استادي القدير
شكرا جزيلا على كل ما تقدمه لنا بسخاء . حفضك الله و امتعك بالصحة الوافرة

[عادل صموئيل]

المشاركة الأصلية كتبت بواسطة yosri81

أستاذ عادل, أنت مبدع ولك كل تقديري. يا ريت بس تدون الكوبليه السيجاه البلدي الرائع : فضلت أعيش بقلوب الناس... رغم صعوبته لكن ميصعبش عليك. ولك وللقائمين على الموقع الرائع كل الشكر.

اخى العزيز انا حبيت ارد عليك وده طبعا درس مهم للجميع .. مش كل الاغانى ممكن تتدون وحتىلو اتدونت مش ممكن تتعزف واذا اتعزفت حاتطلع شىء مقرف مش زى الاصل السبب العبقرية الزائدة عن ال لازم ... يعنى فيه اجزاء صعبة جدا جدا من اغانى زى اغنية غريب على باب الرجاء وانا بدونها كان ممكن اقف قبل الكوبليه الاخير لأنى لقيته صعب جدا جدا لكن لما ركزت حسيت انه ممكن يتدون .. وعلى فكرة المشكلة مش انه يتدون المشكلة زى ما قلت انى ادونه والاهم يبقى فى متناول العازف يعزفه وانه يطلع حلو زى ما انت سامع الاصل فطبعا لم اتردد للعم هو خد وقت معايا عشان الدقة المتناهية بتاعتى طبعا بس طلع حلو .. وهنا انا بكون فخور انى عملت عمل صعب زى كده ماحدش يقدر يعمله حتى من كتر ما بكون فخور ساعات بكتب هنا انى فخور انى عملت العمل ده ... المهم انا من اهم مشاكلى عشان العدد الرهيب اللى دونته بنسى انا كاتب ايه .. وبرجع للفهرس اللى عامله اخى العزيز هيثهم والفهرس ده اساسى فى الشغل يعنى اى حد بيطلب اغنية برجع اولا للفهرس اتأكد انها مش موودة لأن احيانا كنت بدونها تانى .. لقيت الاغنية .. ياللى كان يشجيك انينى .. لقيت نفسى مدونها من قبل بس توقفت قبل الكوبليه السيكاه البلدى ده زى ما انت قلت ... السبب .. قبل ما تقرأ اللى حاكتبه ارجع للتسجيل وركز اوى اوى اوى فى العزف حتلاقى القانون هو اللى ابتدى الجملة وبعدين الكمنجات لما ردت عليه ردت على استحياء والقانون غطا عليهم وده مش عادى يعنى المفروض الجملة مرة قانون ومرة كمنجات القانون بيخفف والكمنجات بتقول بشدة لماذا الكمنجات قالوا بصوت منخفض جدا والقانون كان بيدارى عليهم .. لن السكة وحشة جدا فى الكمنجات وحشةاوى يعنى مليانة مشاكل وبعدين لما ام كلثوم غنت هنا نتوقف .. العمل ده معمول قبل تداول النوتة الموسيقية فى مصر وكل شغل ام كلثوم لأخر لحطة من حياتها كان سماعى بدون نوتة ... لكن العتمل ده السنباطى حب يعمل شىء خارق .. يعنىماحدش يقدر يعزفه غير محمد عبده صالح .. ويغنيه غير ام كلثوم .. وهنا كانت الكمنجات بتونس معاها لأن ما يقدرش يقول كل اللى بتقوله النقطة الخطيرة ان فى اى جزء من اى سلم يعنى مثلا نغمة دو قبلها سى ناتوريل قبلها سى نصف بيمول قبلها سى بيمول قبلها نغمة لا فىالمنطقة دىكانت ام كلثوم بتغنى نغمات مش موجودة وسط النفمات دى اخترعها السنباطى ومش ممكن تتدون لازم تتعزف سماعى وبالطبع مش اى حد حايعزفها .. المهم لما الاخ العزيز مسكنى من ايدى الى بتوجعنى .. كلمة ماحدش غيرك يقدر يدونها ... حاولت ادونها اكتشفت شىء خطير ان هم قفلوا الى قبلها على نغمة فا واساس المقام دو المفروض ان الكوبليه ده يبدأ دو مى نصف بيمول .. فوجئت بعفريت عتامله السنباطى بادى الكوبليه ب رى بيمول فا نصف دييز قنبلة ذرية هنا المقام مخلوع نازل نصف درجة .. بالطبع ما اقدرش ادونها من دو لأن هى معمولة من رى بيمول دونت سطرين فى نصف يوم وكانت النتيجة فشل ذريع يعنى حيكون فيه المقام 7 بيمول منهم حاجات نصف بيمول يعنى طلع زفت وشىء فظيع وتأكد كلامى ان مش ممكن يتدون يعنى انا متأكد ان ماحدش طول الوقت ده لاحاول يغنى الكوبليه ده ولا يعزفه وان رياض السنباطى وام كلثوم ومحمد عبده صالح جلسوا جلسات طويلة عشان يحفظهم الاختراع ده ومن المكان ده وبكل خبرتى اقول ... الكوبليه ده يتسمع فقط