لحن كلنا آدي احنا جينا الصغير والكبير
من رواية راحت عليك
ألحان سيد درويش
غناء حامد مرسي وفتحية أحمد والمجموعة
مقام نهاوند
الجميع:
كلنا آدي احنا جينا الصغير والكبير طوع أمرك
لاجل مانشوف العروسة يا أمير اللي حاتشاركك في ملكك
اللي حاتكون ستنا علشانها نضحي كل غالي حتى دمنا
البرنس:
إنتو عارفين ياجماعة إن قانون البلد دي
يديني الحق كله يوم بلوغي سن رشدي
وعليه أنا أقدم لكم اللي حاتشاركني في حياتي
الجميع:
مين مين
البرنس:
أهي دي اطلبوا من الله يباركلي
الجميع:
ياختي عليها وعلى حلاوتها ياننوسها يالطافتها
البرنس:
الملك أهو وارضي عليا ياكل أملي ونور عينيا
بدر:
مافيش غير الموت ياعيني يحول ما بينك أنت وبيني
البرنس:
يالا سيبونا لوحدنا أنا وخطيبتي بالعجل
اليوم داهه يوم سعدنا وكل شيء مسير له أجل
الجميع:
كلنا آدي احنا جينا الصغير والكبير طوع أمرك
لاجل مانشوف العروسة يا أمير اللي حاتشاركك في ملكك
اللي حاتكون ستنا علشانها نضحي كل غالي حتى دمنا
حامد مرسى
العرض العادي
