الورد .. وأعمال أخرى

[ممدوح محفوظ]

دى صوره ولا خيال ولا دَ طيف شارد
يا قلبى فُتْ المُحال وهمك صبح مارد
الرمش ولا العيون بتغذبك فى هواك
ولا الكلام والدلال , اهو برضه شيء وارد..

[ممدوح محفوظ]

اقول يا قلبى إختشى يِقولى دَ عنيَه
حبيبى وكلمه احِبِك نَفسها شويه
حبى ده شعر وزجل عالى ولحن جميل
يا قلبى كفايه كده , إلرك عَ النيه

خدت قلبى ورُحْت بعيد عن الاماكن
الى فيها طيف حبيب القلب ساكن
لجل ما ينسى ويرجع ليا تانى
كل ما اقول له كفايه .. يقولى لكن

[ممدوح محفوظ]

يا ورد بلغ حبيب القلب منى سلام
غايب وفايتنى ما بين جراح والام
و يا سلام لو يرجع مع الربيع حسنه
يزول همى ويصفالى الزمان يا سلام

[ممدوح محفوظ]

هل الربيع علينا وفْ إيديه ورده
صَحصَح قلوبنا الى كانت فى الشِتا خُرده
نسهر ليالى بين الفن والانغام
ونسمه الليل تِعدى عَ القلوب بارده ...ء

[ممدوح محفوظ]

قفلتْ يا قلبى بابى و ( عندنا تصليح )
يمكن اصلح كلامك الى فيه تَلميح
دَ نَا مُهندس و اصلّحْ مِ المَكن اُلوفات
ما إدِرتش استَعدِلك .. خليك شويه مريح ...ء

الأخ / ممدوح
السلام عليكم ورحمة الله وبركاته

كلام حلو وجميل وكله تجليات
وانت ماشي على نهج الرباعيات

الكلام حلو الأفكار كويسة وفيه تصوير جيد
ده رأي سميع مالوش غير السمع بس
ودمت لي بكل خير

[ممدوح محفوظ]

المشاركة الأصلية كتبت بواسطة الباشاقمرزمان

الأخ / ممدوح

السلام عليكم ورحمة الله وبركاته

كلام حلو وجميل وكله تجليات
وانت ماشي على نهج الرباعيات

الكلام حلو الأفكار كويسة وفيه تصوير جيد
ده رأي سميع مالوش غير السمع بس

ودمت لي بكل خير

شكرا صديقى يا قمر الزمان يَ كبير
سعيد بِتَعليقك رغْم ان المُجامله كتير
مكَتَبْتِش اشعار دَ الشعر الى كاتِبْنى
طلَعْت من قلبى كُل إلى ضناه .. يا أمير ...ء

[ممدوح محفوظ]

و رِجِعت يا قلبى تانى تقولى دَ واحشنى
عاوز اشوفُه ... بسْ إنت الى حايشنى
خليك يا قلبى بعيد عن حبها وناره
دى فِ لحظه تموتنى .. و فْ لحظه تعيشنى

[ممدوح محفوظ]

يا نِجم عالى فِ السَما و مَشْهور
باهى فْ عبيرك زَى عِطر زهور
تِئسرعُيونا فى هَواك لحَظات
ما تبانش تانى الا بعد شهور

[ممدوح محفوظ]

البُعد نِسْيان و فِ النِسيان هدوء وامان
و قلبى عاشْها نَغم .. لَحّنْها بِعود وكَمان
وكل مَ انسى حُبك الاشواق ترَجَعْنى
انسى نِسْيانك وافتِكْرك كَمان وكَمان