برنامج انكور 4.55

**عادل صموئيل** · #1 14/11/2015, 10h16

احبائى

اقدم لكم برنامج انكور 4.55 وده اللى انا شخصيا بستعمله لأنى لاحظت انه مش موجود ضمن البرامج اللى موجودة فى الصفحة دى .. والاصدار ده احسن اصدار من اصدارات انكور لأن الاصدارات اللى بعد كده قد تعمل مشاكل زى ماحصل عندى بيتميز انو كامل مش محتاج سيريال او كراك
بس هو عيب الاصدار ده انه مش بيشتغل غير على ويندوز XP وويندوز 7 مش بيشتغل على ويندوز 8

مع اطيب تحياتى

**Yazan Al-Habash** · #2 14/11/2015, 14h35

كيف يمكنني وضع علامه النصف بيمول ؟؟

**فضل لطفى حسين** · #3 14/11/2015, 19h47

كل الشكر والتقدير للفنان القدير أ. عادل مصوئيل
كنت فى امس الحاجه للبرنامج
كل الشكر لسيادتك رغم أن كلمات الشكر لا تفى حقك

**عادل صموئيل** · #4 14/11/2015, 20h25

احبائى
كيف تكتب العلامات الشرقية فى انكور
طبعاالعلامات دى بتبقى شكلا فقط يعنى البرنامج مش بيعزفها شكلا اقصد فى قراءة النوتة
اول حاجة نزل الملف المرفق وهو فونت اسمه انستاسيا واحنا عاملين لو تعديل بحيث ممكن تكتب منه النصف بيمول والنصف ديز .. الاول الخطوات حاتبقى كتير لكن خليك معايا حاتكتبها بمنتهى السهولة بعدين لكن رجاء ارجو مذاكرة الشرح اللى انا عامله لأنكور جيدا فى هذه الصفحات
بعد ماتفك الضغط حتلاقى فونت اسمه انستاسيا .. اول شىء تحذف فونت انستاسيا الموجود على نسخة الويندوز عندك وتضع دى مكانها بس لازم تكون تعرف تنزل الفونت بطريقة صحيحة والا مش حايشتغل واقولها بالمرة
فى السى تفتح ملف الويندوز حتلاقى كلمة fonts لو عندك ويندوز xp ممكن تلاقى كذا فونت اسمه انستاسيا اظللهم وامسحهم كلهم .. وتكون انت واضع الملف الجديد ده فى اى درايف مش عليه اصلا اى فونت سابق ونقول ال d مثلا وفوق فى اقصى اليسار حتلاقى كلمة file افتحها حتلاقى نافذة فيها install new font تضغط عليها تفتح لك نافذة حتلاقى فيها الدرايفات اسحب لحد اسم الدرايف اللى انت حاطط فيه الفونت حتلاقيه ظهر فوق ظلله واعمل ok حتلاقى الفونت نزل بالطريقة الصحيحة ولو عندك ويندوز 7 اعمل ع الفونت كليك يمين حتلاقى كلمة انستول حيقول لك الملف موجود استبدله قول له اوكى .. طبعا كل الكلام ده عشان الفونت ينزل معاك سليم ويشتغل
خلاص احنا نزلنا الفونت لما تحب تكتب العلامات الشرقية من كلمة t او تكست فى القائمة جرافيكبيفتح لك كل الفونتات الموجودة اسحب لفوق لحد ماتلاقى انستاسيا اقف عليها وتكون عامل الخط بتاع الجهاز تقلبها عربى الحرف P زائد شيفت يعطيك علامة سى نصف بيمول ... والحرف J زائد شفت يعطيك علامة نصف دييز وتخلى حجم الخط 24 عشان تطلع العلامات بحجم العلامات بتاعة البرنامج .. طبعا الكلام ده لما يكون علامات عارضة انت بتضع العلامة قرب المكان بعدين بتسحبها تحطها فى مكانها المضبوط ودى من مميزات انكور انك تقدر تحرك اى حاجة على الصفحة .. طيب اذا كنا عايزين نعمل دليل بياتى مثلا بتخلى الدليل 2 بيمول بعدين بتاخد الشرطة من القائمة سيمبولز وهى تحت الكورونا وتحطها على البيمول تبقى نصف بيمول ... اما لو الدليل نصف دييز ماتعملش اى دليل بعدين تكتب علامة النصف دييز وتسحبها تحطها فى المكان الصح الكلام ده فى اوله صعب لكن لما تتعود بيبقى وانت مغمض مع اطيب تحياتى

**عادل صموئيل** · #5 14/11/2015, 20h37

احبائى

من مميزات انكور وانا متعصب لو اوى مع ان فيه ناس مش بتقتنع بيه ... لكن شوف النوت اللى انا منزلها يمكن اكتر من 1000 نوتة هنا فى سماعى دول انا كاتبهم على انكور .. وانا من اول ما اتعلمت انكور تحديت نفسى ان كل اللى انت شايفه معمول على الكمبيوتر يعنى فيه ناس بتقف قدامها حاجات ولما بتطبع الورقة بتزودها بالقلم
دلوقتى عايز اقول لكم على مهارة خطيرة مهمة فى انكور ... ممكن انا بقول حاجة وانت تشغل مخك بعدين تستعملها فى حاجات اكتر القائمة express وهى طبعا اختصار اكسبرشنز اللى احنا عارفينها ... لما تسحب القائمة على تحت حتلاقى بعد كل التعبيرات المعروفة حتلاقى مربعات كتير فاضية دى انكور بيقدمها لك عشان تحط فيها اى علامات انت عايزها وتتكتب طبعا بمجرد اللمس يعنى تاخدها من القائمة وتحطها
تعالى لأول مربع فاضى واعمل دبل كليك حايفتح لك نافذة فاضية وفيها كلمة فونت اضغط عليها يفتح لك الفونتات الموجودة اختار انستاسيا وخلى اللغة عربى ومقاس الخط 24 واكتب P زائد شيفت واعمل اوكى ... حتلاقى الالمربع ده بقا فيه نصف بيمول بحيث لما تحتاج نصف بيمول كده وفرنا المشوار اللى فى المشاركة السابقة وتاخدها من المربع ده وتحطها على طول ونفس الحكاية للنصف دييز ... طبعا انت بعد كده بتحدد اى حاجة بتستعملها كتير ومش بتيجى غير من الفونتات تعملها بالطريقة دى
مع اطيب تحياتى

**سامى امين** · #6 17/11/2015, 11h30

مستر عادل عاوز اغير صوت انكور بحيث يكون مستمر ياعنى زمن بلانش يقراءة كامل لانة بيعمل صوت على اول النوتة ويسكت لحد النوتة اللى بعدها

اخى العزيز لأن البرنامج الصوت الاصلى فيه بيانو .. لكن لو عايزصوت ممتد تعمل ايه
من القائمة windos تفتحها تختار staff sheet
تضغط عليها تفتح لك نافذة امشى مع شريط الادوات بتاعها تلاقى كلمة prg اضغط عليها تطلع لك منها كلمة program name فى السطر اللى تحتها كلمة none اضغط عليها تفتح لك نافذة كبيرة بص فى تانى سطر فيها تلاقى كلمة Genric
لما تضغط عليها حاتفتح لك قائمة طويلة فيها اورجات اختار منها مثلا ronald او اى ماركة وافتحها حتلاقى اصوات كتير جدا اختار منها صوت كمنجات واضغط عليها حتلاقى العزف بقى بصوت كمنجة مع اطيب تحياتى عادل صموئيل

**khalil mourad** · #7 03/04/2016, 11h56

أستاذ عادل تحياتي الخالصة
هناك طريقة أسهل لتسطيب anastasia ، إذ يكفي فك الضغط ثم النقر باليمين على ملف anastasia، على القائمة التي ستظهر ، تنقر على install ، سيطلب منك الحاسوب ما إذاكنت تريد استبدال الملف ، انقر "نعم" وهكذا سيتعدل الملف تلقائيا
اخى العزيز
الطريقة دى تنفع فى ويندوز 7 او ما بعده الى ويندوز 10 انا كنت بتكلم عن تسطيب الخط على xp
مع اطيب تحياتى عادل صموئيل

**samdeer salem** · #8 07/08/2016, 08h57

مجهود جميل وعظيم موقع يستحق ان يكون في الصدارة

**علي برغل** · #9 31/01/2019, 11h37

تحياتي لأستاذنا الكبير

و بعد

How can write the half flats in the key signature
when we use ENCORE

Best Thanks

**اسامة السيد عمر** · #10 24/12/2019, 12h51

شكرا جزيلا على البرنامج المتميز الذى يعتبر من اسهل برامج التوين