لم اتخيل يوما او كنت اجهل ان فن الاعلان لم يكن مطروحا قبل ظهور الراديو وانتشاره ثم التلفاز وكانت المفاجأة فى ان هناك اسطوانات للاعلانات واعتقد انها كانت توزع مجانا او بسعر زهيد..اعلانات التلفاز الستينى والسبعينى ستبدو معجزة لو استطعنا جمعها لانها اتمسحت من الاشرطة اللى اتسربت من ماسبيرو الى صاحب نصيبة لجهل شاريها بقيمة الاعلان ودلالته التاريخية والاجتماعية ..
أضم صوتى للصديق النمر فعلا يا ريت أى من الأصدقاء يقدر يجمع إعلانات الستينيات والسبعينيات زى ماانا فاكر إعلانات .. ياكلو حلاوة ياكلو جاتوه... الميلامين... شهادات الإستثمارفوايدها علينا كتار....أمن يا مشمش بيه أمن بألف جنيه... سيكو أفندى مين هوه يطلع سيكو أفندى... ست سنية سايبة المية... وغيرها كتير كنير وممتع ورائع .... يا ريت
تحية إلى جميع الأخوة الذين شاركوا في هذا الموضوع الشيق النادر
وتكملة لموضوع السباقة دائما الأخت العزيزة الليدي ناهد
أهديكم إعلانات الراحل القدير حسن عابدين
سر شويبس
فيديو
__________________
لا تُلْقُوا باللؤلُؤ إلى الخنزير, فـإنّـــه لا يصْنـــع بـه شيئـاً
ولا تُعْطُوا الحِكْمةَ مَن لا يُريدها
فإن الحكمةَ أفضلُ من اللؤلؤ, ومن لا يرِيدها أشَرُ من الخنزير
جميل قوى ياجماعه بس ياريت نقدر نحصل على الفيديوهات
للأعلانات الاتيه والتى هى بمثابة تحف
1- ست سنيه سايبه الميه نازله ترخ من الحنفيه
2-أعلان شهادات الأستثمار كان عباره عن 3 بنات راكبين قطر وبيقول مجموعه ا ذات القيمه المتزايده بعد عشر سنوات وهكذا
3-أعلان عن اللبن المبستر وتحذير من شراء اللبن السايب كان بيقول...سندريلا .سندريلا طبعا عارفنها طبعا.سندريلا سندريلا تسمعوا حكايتها .نسمع ....وفى النهايه قسط وسخ وعليه دبان ومصدى من جوه كمان ...غلطانه كان لازم تغليه طبعا مع لحن مالوش وصف وأداء رائع
4-أعلان أذاعى عن سجائر أسمها ونجز كان بيقول ...روق الأنانى روق وأشرب لها سيجاره وينجز
5-أعلان تليفزيزنى عن جبنه نستو كان بيقول...أسفه يا ماما أول حصه فيها درسين...أنا قمت من النوم متأخر وأمبارح جالى خصم يومين...بكره أعملى لهم سندوتش...أزاى الفول بيقع م العيش والمربه تلزقهم وزتون وحده ماينفعش كمان الفول يبرد منهم..جبنه نستو سهله تعمليها سندوتش..وجبه كامله بعدها الواحد مايجوعش غير صناعيه م الألبان 100 ال100 أنواعها كتير وأقتصاديه ومغذيه...نستو .نستو.نستو
6- اعلان تليقزيونى عن شهادات الأستثمار بيقول ..يلا يا بابا
يلا يابابا دا أنت شباب مافيهاش غرابه.واد عفريت .لأ واد متنور وتسع أشهر جوه بفكر هاعمل أيه بعدين لما أكبر دبرنى وأدينى أجابه
7-أعلان تليفزيونى كان بيقول سواح وماشى فى الصحراء عطشان عطشان..مش لاقى حاجه يشربها حران حران ..وهكذا
حقيقة لااجد مااعبر به عن موقعكم الرائع انتم رجعتونا لايام زمان وانا من عشاق الراديو وخصوصافى رشهر رمضان بس ياريت اغنية برنامج قبل المدرسة اسمها فونتاستيكا كانت بتيجى الصبح ارجوكم نزلوها واشكركم جزيل الشكر