طلبات نوتة أ / عادل صموئيل الجزء الثانى

[عبد الرحمن بدرى]

سلام عليكم محتاج نوتة ايه العباره. ابو بكر خيرت لو سمحتم

[عادل صموئيل]

احبائى

مع اغنية جميلة لفهد بلان

مال واحتجب

مع اطيب تحياتى

[عادل صموئيل]

احبائى

اقدم لكم اغنية من العيار التقيل اغنية هانى شاكر

حكاية كل عاشق

الاغنية دى عليها ملحوظات ... يعنى انا مش بسمعها وانطلبت كتير بس ماكنتش بعملها لسبب ... ونشغل مخنا اوى فى اللى حقوله ... انا طبعا متخصص فى تدوين اغانى الزمن الجميل ... او الاغانى اللى زى اغانى الزمن الجميل يعنى لما تسمع شىء لازم يكون له معنى .. الاغنية دى فيها شوية فى اولها موسيقى عفاريتى كده ماكانش ليها لازم او مالهاش اى معنى شوية شىء كده وخلاص .. انا بالطبع حاولت ادونهم لكن لخبطوا لى مخى .. يعنى ممكن ادونهم بس هم سطرين حياخدوا منى وقت تدوين صفحتين عشان اقعد احسب الجنان ده ايه .. وللعلم الجزء ده هو الى قرفنى م الاغنية .. انا مش عارف مين الملحن بس هو عمل حركة غبية .. يعنى انت بعد دقيقتين عامل الحن كله طرب اصيل ليه تحط الحاجات دى فى اول الاغنية بحيث تطفش منها اى حد من اللى بيسمعوا طرب .. وكانت النتيجة انى قعدت سنوات طويلة كل ما ابتدى احاول اسمعها اسمع الجزء المقرف ده واقفلها فورا من حسن حظ اخى العزبز اللى طالبها لأنه قال كلمة ان ما لهمش غيرى يعنى الكلمة دة هزتنى .. عملت ايه .. مشيت شوية لقيت بعد القرف ده طرب اصيل مشيت شوية تانى يعنى عملت مجسات على كل الاغنية والتى كانت طويلة جدا جدا عل هانى شاكر ان كلها طرب من الطرب الاصيل ... طيب ليه يا استاذ تحط شوية حاجات فى الاول اولا لاتمت الى الطرب الاصيل وثانيا اى مستمع اول ما يبتدى يسمع الاغنية يقفلها فورا لأنها مش اللون اللى بيسمعه .. كمان الاغنية طولها 18 دقيقة ... وده كتير جدا على هانى شاكر انك تعمل اغنية صعبة وبالطول ده .. يعنى عبد الوهاب والسنباطى والناس دول كان عندهم ذكاء بدونه الموهبة تضيع ... كانت ام كلثوم بتختصر من الكلمات يعنى بحيث انك تلم الموضوع فى وقت اقل .. ليه ... لأن الطبيعة كانت ان مين اللى بتقعد تسمعه ساعة .. كان اجلمهور بتاع ام كلثوم وعبد الحليم .. لكن جمهور هناى شاكر شباب محتاج اغانى قصيرة محدودة يعنى حط كل البهريز اللى عندك بس ماتطولش عن خمس دقائق مش 18 دقيقة .. ليه ... الاذاعة اللى بتذيع الاغانى بتذيع كتير الاغنية اللى زمنها خمس دقائق لكن لو انية طولها 18 دقيقة ومش لأم كلثوم او عبد الحليم مش بيلاقوا مكان يحطوها فيه فى خريطة الاذاعة وبكده الناس ما بتسمعهاش كتير واى اغنية انت لازم تسمعها كتير عشان تستوعبها وتتمتع بيها لما تحفظها يعنى برضه فايزة كانت بتعمل اغانى طويلة ... ورائعة بس المشكلة ان مش بتتذاع كتير ف الناس مش حافظاها عموما الاغنية اخدت منى يوم بأكمله عشان ادونها اتمنى ان تتمتعوا بيها يعنى انا كاتبها حلو اوى الحمد الله طبعا لما بقول حلو اوى مش بشكر فى نفسى ولكن عندى فى البرنامج ممكن اسمع الى بدونه طبعا بحس لو فيه حاجة وكمان بحس لو عايز ابدع هل الابادع ده حلو ولا صعب والادليب الحمد لله مكتوب بدقة فوق 99%
مع اطيب تحياتى

[amrnabmans]

أرق التحيات يا مستر عادل
يا ترى ممكن تعملنا نسخة من اغنية فيروز (بليل وشتي ) على سي نص بيمول ؟

ماينفعش ننقل الاغنية على سى نص بيمول هى موجودة فى المنتدى نسختين نسخة من لا ونسخة من صول

[elarabi]

اه يا سلام تسلم وتسعد استاد عادل .كل هدا العطاء يحسب لك في ميزان حسناتك.
اطال الله عمرك و انعمك بالصحة و السعادة.

[تامرتامر]

تحياتي استاذنا الكبيرعادل صموئيل
ألف ألف ألف ومليون شكر
على تدوين اغنية حكاية كل عاشق
الله يعطيك الصحة والعافية يارب

[سليم العباس]

سلمت يداك أستاذ عادل على التدوين الرائع لأغنية مال و احتجب .

أما أغنية هاني شاكر فكانت مفاجأة مبهجة ، لأنني كما الكثيرون لم نتوقع تدوينها ، خاصة أنه تكرر طلبها سابقاً.

اسمح لي أن أعلّق على كلام حضرتك عن البداية الموسيقية ( العفاريتية) للأغنية و التي هي بالمناسبة من ألحان محمد سلطان :كما نوهت حضرتك هي ليست أساسية و يمكن الاستغناء عنها .. ، لكن وبشكل شخصي أعتبر أنها مقدمة جميلة تقوم بتهيئة المستمع ليدخل أجواء الأغنية وكأنها مقدمة لسرد الحكاية !
عموماً هذا تفصيل صغير للحدث الأهم المتمثل بتدوين حضرتك الرائع لهذه الأغنية الصعبة .
تحية و امتنان.

[adib aburuman]

سلاماتي وتحياتي استاذي الغالي عادل صموئيل المحترم
بشكرك من كل قلبي لكل أعمالك, اللة يديك الصحة العافية وخليك لينا يا رب يا رب
معلش من زمان ما كنت معكم , ظروف وراحت...

رجاء خاص ولو سمحت وتكرمت:
عاوز نوتة أغنية فريد الأطرش والأخطل الصغير .. بشارة الخوري
ومن احساسك الخاص وفقط:
وردة من دمنا

سائلي العلياء عنا والزمانا * هل خفرنا ذمَّةً مُذْ عرفانا
الْمـروءاتُ التي عـاشت بنـا * لم تزل تجري سعيرًا في دِمانا
***
ضحِك الْمجدُ لنا لَما رآنا * بدم الأبطال مصبوغًا لِوانا
عرسُ الأحرار أن تسقى العِدى * أكؤسًـا حُمـرًا وأنغـامًا حزانى
ضجَّت الصحراء تشكو عُرْيَها * فكسَوْنـاهــا زئــيرًا ودُخــانـا
مذ سقيناها العُلا من دمنا * أيقنت أن مَعَـدًّا قد نَمانا
انشروا الْهول وصُبّوا نـاركمْ * كيفما شئتم فلن تلقَوا جبانا
***
شرفٌ للموت أن نُطعِمَه * أنفسًا جبارة تأبى الهوانا
وردةٌ من دمِنــا في يــدِه * لو أتى النارَ بها حالت جِنانا
يا جهادًا صفّق الْمجد له * لبس الغارُ عليه الأرجوانا
شرفٌ باهتْ فلسطينٌ به * وبنـاءٌ للمعـالي لا يُدانى
إنَّ جرحًا سال منْ جبهتها * لثَمتــْهُ بِخُشوعٍ شفتــانـا
***
نحن يا أختُ على العهد الذي * قد رضعنـاه من الْمهـد كِلانا
يثربٌ والقدسُ منذُ احتلمـا * كعبتانا وهوى العُرْب هوانا
قُمْ إلى الأبطال نلمسْ جرحهمْ * لَمســة تسبحُ بالطِّيب يــدانــا
قم نصُمْ يومًـا من العمـر لَهمْ * هبْهُ صوم الفصح ، هبهُ رمضانا
إنَّمـا الْحقُّ الذي مــاتوا له * حقُّنا ، نَمشي إليه أين كانا

كل الاحترام والتقدير لشخصك الكريم
ابنك الوفي

أديب.

:

معلش من زمان غائب عنكم سامحوني
اليوم نزلت ملف صوتي, بس مش عارف كيف أسمعة مباشرة من المنتدى؟!!!
أو حتى أسمع أي ملف صوتي مباشرة بدون ما أنزلة!!! يريت حد اساعدني بالموضوع وفهمني
على كلن بعتت رسالة لأعز أصدقائي وأكيد راح يفهمني, بس بعرف ظروفة على كلن
أتمنا لكم يوم سعيد
أخوكم الوفي
أديب.

اخى العزيز مشكلة عدم فتح ملف ممكن تكون عندك كودكس ناقصة يعنى ممكن تدخل فى جوجل وتكتب كوكدس لتعريف الميديا بتلاقى ملفات تنزلها وتسطبها وان شاء الله يفتح او احيانا بتكون مشكلة فى اسم الملف يعنى الجهاز مش عارف يقرأ الاسم ممكن تغير لغة الاسم مثلا مع اطيب تحياتى انا نزلت لك الكودكس الللى انا بستعمله جربه

[بشار عبد الرزاق]

Bichar bichar

ابحث علي في الفيسبوك اديك النوتات البرواز وكلك نظر

[mgh_h]

أستاذنا الكبير عادل صموئيل

شكرا جزيلا على هذه التدوينات الموسيقية الرائعة

و أرجو أن يسمح وقتكم الكريم بتدوين اغنية كروان الشرق فايزة احمد

حبيبي يا متغرب
https://www.youtube.com/watch?v=lZhsnzR5zNY


مع تمنياتي لكم بدوام الصحة و طول العمر

اخى العزيز الاغنية دى فيها مشاكل ما ينفعش تتدون وهى انطلبت كتير من قبل .. المشاكل ان الفرقة فرقة هانى مهنى العازفين بتوع الصولو اتعودوا انهم يتفزلوا واولهم هانى مهنى نفسه يعنى بيبقى قدامه نوتة ولكن بيعزف ىء من عنده مالوش لون ولا طعم شوية لخبطة انت لو حاولت تدندنها مش حاتعرف ... طيب مثلا دندن لى صولو الكمان ... مالوش اى معالم ... وهم كده دمروا الاغنية .. لأن ماحدش حايقدر يدونها ناقصة .. يعنى شوف اغانى فايزة اللى كانت معانا مع الفرقة الماسية كان الملحن بيخلى اى عازف صولو بيلتزم مع اطيب تحياتى