كلمات أغاني فايزة أحمد

[إســـلام جـُـبـّـه]

اْسمر يا اسمراني

أسمر يا اسمراني مين قساك علي
لو ترضى بهواني برضه انت اللي لي
بتزيد عذابي ليه ويهون شبابي لي
وتطول غيابك ليه قل لي ليه ناسي ليه ليه يا اسمر

يا اسمر قلبي في نار
نار عذابي ونار ظنوني
يا اسمر فكري احتار
الشوق ضناني سهر عيوني
والجرح اللي في قلبي إزاي أدوايه
والدمع اللي في عيني لإمته أداريه
لا أنا باشكي ولا باحكي بس قل لي
يا حبيبي اسمر يا اسمراني

قالوا لي الناس هواك حيرة
وقلت أحتار عشان خاطرك
تحيرني تسهرني كفاية أخطر على فكرك
وأنا راضي بحرماني وحيرتي ويا أشجاني
دا الحب اللي أنا شفته يوم وياك
فرحني ونساني إزاي أنساك
لا أنا باشكي ولا بحكي بس قل لي
يا حبيبي أسمر يا اسمرانى

أنا شاري هواك يا اسمر بروحي وفرحتي وعمري
وأيام حلوة عشناها راحت وانقضت بدري
ياريت ترجع لياليها وأنا وأنت نعيش فيها
والقلب اللي شغلته سنين بهواك
لوعته وضيعته وقلت فداك
لا أنا باشكي ولا بحكي بس قل لي
يا حبيبي أسمر يا اسمراني

كلمات / إسماعيل الحبروك

لحن / كمال الطويل

[إســـلام جـُـبـّـه]

خاف اللــه

خاف الله ارحمني ما تظلمنيش خاف الله ريحني ما تتعبنيش
خاف الله
خاف الله يوم ما تغيب وتسيبني ولا تقوليش
واترجاك فين وفين توعدني أروح ما تجيش
خاف الله

لو كان الغدر ف طبعي كان أسهل منه ما فيش
لو كان الظلم ف دمي كنت أظلم ولا اخبيش
بس أنا ليا قلب يا ريته كان قاسي زيك
ودموعي تبقى ف خدي وبرضه عايزني أقابلك
ويقولولي أسامح
أرجع تاني واصالح
ولآخر مرة أبعت لك ولآخر مرة وحاقول لك
خاف الله
خاف من يوم تلاقيني وياك ومش وياك
خاف من يوم ينسيني عمري اللي عشته معاك
عهدي معاك مقيدني بحاجات كتير وحاجات
عايزاك بس توعدني وتعوض اللي فات
أنا مش باترجى قلبك
ولا طالبة رحمة منك
دا العمر كله عندك والعمر دا كان لك وحدك
ولآخر مرة أبعت لك ولآخر مرة وحاقول لك
الصبرحلو وجميل
لكن التمن غالي
يا خوفي بكرة تقاسيه وتقاسي ما جرى لي
ولآخر مرة أبعت لك ولآخر مرة وحاقول لك
خاف الله
خاف الله

كلمات / حســين الســيد

لحن / محمد عبدالوهاب

[إســـلام جـُـبـّـه]

تهجرني بحكاية

تهجرني بحكايه .. وتجيني بحكايه
وبسمع كلامك .. وتعند معايا
طب استنى .. طب استنى .. استنى إن ماغلبتك ورايا

دايماً تغضب .. وفبعدك ياما قسيت
بكرة تندم .. وتقول ياريتني ياريت
وتجرب نار الشوق .. تكويك واقولك دوق
طب استنى .. طب استنى .. استنى إن ماغلبتك ورايى

ابكي وحدي واسهر والناس نايمين
ويفوت عمري بين هم وشوق وحنين
من كثر عذابك فيا .. نسيت قلبي الحنيّه
طب استنى.. طب استنى .. استنى إن ماغلبتك ورايى

قلبك يقسى وانا قلبي كلو حنان .. اصلك انت غدار
غدار ومالكش امان .. مالكش امان
وانا ايه يغصبني إيه .. واصبر على بعدك ليه
طب استنى .. طب استنى .. استنى إن ماغلبتك ورايى

كلمات / ماْمون الشناوى

لحن / محمد عبد الوهاب