سهرة خاصة بمناسبة :الأربعينية :لراحل العربي باطما
مرفوقة بتقديم السهرة : السيدة خديجة أسد
غناء :لطيفة رأفت :دنيا :مدح في حق الراحل
تسجيل 1997 بمركب محمد الخامس بالدار البيضاء
الجزء الأول
عدياني بكم ألالي
حافظ ف ضميري شروطكم
عشاگ ليكم مكسوب
قلة الشي مولاها محگور
غير لاتـزيـلـو شي
ما يعرف بين صديگه وعدوه
ما يعرف الشي والماهو شي
أنا وانتو لحباب اثنين
وكانت مافيا نية غبرانة
وظهرتو عندكم وجهي
عا تضرگ عنكم تنساوني
عدياني يا عدياني
رد بالك يا معاشر النـــاس الــيــــوم
ما بقات معاهم عشرة ولا محبـــــة
آش را من لا را گلبك يكون غيظان
كاوياه الحگرة ب مسامر لــجـــــلا
كالگمري يلجموك بسروجهم لقوام
ويطلعو بزز يجـــربـــو الـــركـبـــة
وأنت حالك ديما سقيم مشيــــــــان
ضاع شغلك ولا ف يومك يربـــــــا
بين اللوايع تبات محروم ولهــــان
وتنوح نواح موكة ف خــــربـــــة
شحال من أصحاب درتهم كالسما ونجوم
وحضيت جمرهم لا يــعـــــود يــنــبـــــى
غير نتبرم ينعتوني ب ف كــل مذمـــــوم
ويغيــــرو حالــــــي يولــيـــو جـــربــــة
بعــد الربحــة يصيـرو ذبحات بسمـــــوم
كالطيــور يخطفــو و يطيــرو ب زربــــة
كالقطوط تموك و عل الطعام تحـــــــــوم
كالديــــوك تعــــرش وتنقــــب نقـبـــــــة
شحال من خـلـيـلـة درتها نويتها تـــــــــدوم
وحين نوعى براسي نلگاها عـطـبـــــــة
غـيـر يـقـل مـالـي وتـرجـع زگـــــــــــوم
من بعد العشرة معاها تصير كذبــــــــــة
ب نفايــق ليــا وانــا غفيــل مغـــــــروم
غيــر نسهــى وتغيــر غــيـران كـبــــــة
كالـلـفـعـى تـولـي ف أيــام الـــشـــــــوم
هـــازا نــيــابــهــا وتـسـنـى الـضربــــة
هذه الأغنية غنتها مجموعة ناس الغيوان في بداياتها الفنية وتعتبر من أنجح أغانيها وأكثرها شهرة وإليكم كلماتها:
المحبوب اللي نريد
كاس ل طاطا شور لمنابهة
عرى رسم الدار
ما بيدي ما ندير جات سلاطةة وبكيت بالدموع
انطابو لشفار
غرضي الجبال الشامخة تتواطى
ليلة ويوم نوصل في نص نهار
وطلبت الليل يطول
راحتي في ضي نجومو
بغيت نبقى سهران
قلبي ملسوع وعليل
آي من حر التيهان
وشكون يقول وعدي أنا يخون
آه ياوعدي اليوم خان
ذي ليام وذا حالها
شكون فينا صفى خبالها
حارت فيها لذهان
مرة رباح مرة خسران
مرة حزين مرة فرحان
ودوام الحال من المحال
حالي يا وعدي اليوم راه دفعني
بغيت نوضع سؤال:
يابني الإنسان
علاش احنا عديان
لاش الكروب لاش الأحزان
لاش الكدوب لاش البهتان
لاش الحروب لاش الطغيان
واحنا خاوا احنا احباب واحنا جيران
يا بني الإنسان