تقديم فرقة نجيب الريحانى
تأليف بديع خيرى
ـ هف أهو طلع النهار
ـ شد الحزام على وسطك
ـ يا ولد عمى
ـ البحر بيضحك .. المراكبيه
ـ ياخلاوة ياخلولو
ـ طلعت يا محلا نورها
ـ مليحه جوى الجلل الجناوى
ـ يادين النبي على لونابارك
ـ ملحه في عين
ـ دا بأف مين .. بنت مصر
ـ إوعك تصدقى .. الرشايده
ـ سالمه يا سلامه
ـ طقطوقة البحر زاد عوف الله
ـ يامابكره نسمع
ـ قوم يا مصرى .. الكشافه
المؤدي سيد درويش والمجموعة
تأليف بديع خيرى
مقام حجاز
شد الحزام على وسطك غيره مايفيدك
لابد عن يوم برضه ويعدلها سيدك
إن كان شيل الحمول على ظهرك يكيدك
أهون عليك ياحر من مدت إيدك
واهو اللى فيه القسمه طلناه
واللى مايجيش انشا لله ما جاه
لا تقوللي لا خيار ولافقوس
حقولك ايه واعيد لك ايه كله له آخر
دى خبطة جامدة وجت على عينك ياتاجر
ياوحستك دلوقت لاوارد ولاصادر
يحلها ألفين حلال ربك قادر
قل لي في عرض النبي ياحسين
رايحين نلاقيها منين ومنين
ديه السعادة في غنا النفوس
نهايته ياللا بنا اهو الاكسبريس بقه ع الرصيف
واد حنا بقالنا كام يوم ماعملناش بحق رغيف
كل المحطات قبلي وبحري بقيت "لا"اليف
والسكة انقطعت من دي الهيصة يالطيف يالطيف
صار على البهايم ليل ونهار
قرب شيلني شيل لا تقوللي كتير وقليل
عمر الشدة ماتطول بكرة نهيص زى الأول
هيلا هيلا هيلا هيلا هيلا ليصه هيلا ليصه
وهي نازلة تدلع تملا الجلل
واشمعنا امال يتخلج ع المراكبي
دا الوابور واجف حاله والمراكبي
زاد ماله مابجاش غيرنا يابو عمه
الجنيهات نازلة علينا بهوات
بيبوسوا إيدينا تيجي تطردهم يتلموا
ماعنديش بكرة مستعجل جدا جدا
أنا معرفش كلام غير ده ولاانجص عشرين خرده
ماكنا زمان بنتمحلس ولفندي كان بيتمجلس
حتاخد وزمن غيرك ماتظنش أبدا أبدا
إياك تعجل وتصدج ولاتبجاش تتمهزج
يجي لك يوم وتعوزه تلجاه لاوي لك بوزه
المؤدي المجموعة
تأليف بديع خيرى
مقام بياتي
ياولد عمي يابوي ياولد عمي
الحجني يابوي ياولد عمي يابوي
هات البزابورت وياللا بنا يااسماعيل لا الوجت يفوت
غربة ايه دي مصر اولا بنا بعدها مابيحلا لنا الجوت
عهد الله وعهد الانبيا مانفوتهاش ولا بالنبوت
هي السمكة تفوت الميه دااحنا من غير مصر نموت
ياولد عمي يابوي ياولد عمي
الحجني يابوي ياولد عمي يابوي
لفينا لما استكفينا من جرجا لمالطة لميدراس
والله بركة اللى استعفينا وخلصنا من وجع الراس
كل بلد ازفت من التانية وحياه سيدك ابو العباس
لولا انت يامصري في الدنيا ماكنا نلاجي ولاد ناس
ياولد عمي يابوي ياولد عمي
الحجني يابوي ياولد عمي يابوي
والله لو كانوا الاغنيا يتلموا ويمضوا لنا شيكات
والنبي تو ماعجدوا النية اتفرج ع الفاوريكات
وتعيش مصر ف عيشة هنية دولة وتحكم ممتلكات
مادام في قلوبهم حنية ع الفقرا تحل البركات
ياولد عمي يابوي ياولد عمي الحجني يابوي
المؤدى فتحيه أحمد
تأليف بديع خيرى
مقام جهاركاه
طلعت يا محلا نورها شمس الشموسة
ياللا بينا نملى ونحلب لبن الجاموسة
جاعد عالساجية ياخللي اسمر وحليوة
عاوج الطاقية وجاللي غنيلي غنيوة
جلتله يامحمد حبك شجلب لي عجلي
ميته النار تبرد واعرف راسي من رجلي
طلعت يا محلا نورها شمس الشموسة
ياللا بينا نملى ونحلب لبن الجاموسة
ندر عليه ياخللي لو يطفى شوجي
لاطبخ ملوخية وادبح جوزين عتاجي
واعمل له صينية فيها فطير ورجاجي
ومهلبية واعزم اهلي ورفاجي
طلعت يا محلا نورها شمس الشموسة
ياللا بينا نملى ونحلب لبن الجاموسة
(مليحة جوي الجلل الجناوي)
المؤدي سيد مصطفى والمجموعة
تأليف بديع خيرى
مقام راست
عاللي ماهواش من طين بلادك
شجلبوا حالها ومين المداوي
المؤدى حياة صبرى
تأليف بديع خيرى
مقام نهاوند
دي المصرية كتر خيرها في التربية
اللي متكتبش وتقرا الدجالين قالعين عينها
وتو ماتقع البقرا مالحق ماتكتر سكاكينها إخيه إخيه اتفوه
اتفوه ع الجهل ميت تفه ياللا نرمي وراه شقفة
من تعليمنا أهلنا خايفة واقعين ليه من قعر القفة ياسيدي أنت
البنت تفضل محجوزة قال جوه بيتها يكون أفضل
لحد ما تبقى عروسة بدال ماتطلع تتنطط العفو العفو ياسلام
ياسلام ياخوانا دي العبرة ماهش بجوه ولابره
عمر الحرة ماتبقى عره عمر العره ماتبقى حرة ياسيدي أنت
بردون يافندي بالذمة ليه بس عيب المصرية
الدنيا داقت بيك لما متاخدشي غير أفرنجية أفهم واعقل يا اهبل
يااهبل ليه غيرنا يفرقنا ماتخلي زيتنا في دقيقنا
دي المصرية تبيض وشك الافرنجية عينها لقرشك ياسيدي أنت
خليها دي حلجة في ودنك من جبل ما تجرى الفاتحة
أول كلام تجوليه لابنك وطنك مافيش زيه دحه م النيل امبوه حبوه
حبه يانونو بالأكتر من بابا وماما والسكر
منه التسه ومنه المما إوعكى تنسى فرض الأمة ياجدع أنت
المؤدي سيد درويش
تأليف بديع خيرى
سالمة ياسلامة آه ياسالمة ياسلامة
سالمة ياسلامة روحنا وجينا بالسلامة
صفر ياوابور واربط عندك نزلني في البلد دي
بلا امريكا بلا اوروبا مافيش احسن من بلدي
دي المركب اللي بتجيب احسن من اللي بتودي ياسطى بشندي
ياسالمة ياسلامة روحنا وجينا بالسلامة
صلاة النبي ع السخص منا قرطه مية بلا قافية
اللي في جيبه يفنجر به والبركة في العين والعافية
حتاخد ايه م العيشة غير الستر ياشيخ خليها سايرة دنيا فانية
ياسالمة ياسلامة روحنا وجينا بالسلامة
الغربة ياما بتوري بتخللي الصنايعي بيرطن
ماطرح مايروح المصري برضه طول عمره ذو تفنن
وحياة ربنا المعبود وي آرفيري جود ياسطى محمود ادها وقدود
ياسالمة ياسلامة روحنا وجينا بالسلامة
سلطة ماسلطة اهو كله مكسب حوشنا مال وجينا
شوفنا الحرب وشوفنا الضرب وشوفنا الديناميت بعنينا
ربك واحد عمرك واحد ادحنا اهه روحنا وجينا ايه خس علينا
ياسالمة ياسلامة روحنا وجينا بالسلامة
المؤدي سيد درويش
تأليف بديع خيرى
رجال: اوعك تصدقي انك رايحة تلاقي
و لو اني فقيه ومن ضهر فقيه
لكن حبرتقي م اللي على ذوقك
رجال: ماقدرش ياعنية عا لحندقة ديه
قال المزيكاتي عن لسان الحاكي
في عزل البناتي القول الآتي
ما أحلى التلاقي عند من يلاقي
دهن في العتاقي بين الحموات
يا أم حسين ياقرة عيني
جيف مي بوستين سيلفو بليه يابطة
خدك ياقطقوطة أحمر من القوطة
شفتك ممطوطة يام نفسي في قطة
البنات: ياختي على بطتهم دا انا اموت في قيافتهم
الرجال: ماهذي اللطافة ياذات الخفافة
مدعوقة الكنافة جنبك انتي
البنات: فيهم ايه يتعيب دانا جسمي سيب
مايعيشنا طيب ياختي غير دولا
لرجال : رشايدة دليكاتي روحنا سبعة سباتي
ايتها الحموات ماترقوا شوية
يا أم حسين ياقرة عيني
جيف مي بوستين سيلفو بليه يابطة
قوم يامصري مصر دايما بتناديك
خد بنصري نصري دين واجب عليك
يوم ماسعدي راح هدر قدام عنيك
عيد لي مجدي اللي ضيعته بإيديك
شوف جدودك في قبورهم ليل نهار
فين آثارك ياللي دنست الأثار
دول فاتولك مجد وانت فوت عار
تشكي فقرك وانت ماشي فوق دهب
مصر جنة طول مافيها انت يانيل
عمر ابنك لن يعيش ابدا ذليل
يوم مبارك تم لك فيه السعود
حب جارك قبل ماتحب الوجود
ايه نصارى ومسلمين قال ايه ويهود
دي العبارة نسل واحد م الجدود
شفت أي بلاد يامصري في الجمال
تيجي زي بلادك اللي ترابها مال
نيلها جي السعد منه حلال زلال
كل حي يفوز برزقه عيشته عال
يوم مبارك تم لك فيه السعود
ايه نصارى ومسلمين قال ايه ويهود
دي العبارة نسل واحد م الجدود