طلبات نوتة أ / عادل صموئيل الجزء الثانى

[boulus2000]

المشاركة الأصلية كتبت بواسطة boulus2000

الاستاد القدير عادل ادام الله لنا عطائك المميز
ارجو منك قريبا تدوين اغنيتان
اغنية في الليل لوحدي ليلى نظمي وهذا الرابط
هدا رابط الاغنية الاولى https://youtu.be/ViGFG-4UsVM

https://youtu.be/tyDqW84KaKc هذا رابط الاغنية الثانية
الاغنية الثانية ديالوج طال انتظاري

تحياتي لك

[فراس ففيه]

كل عام وانت بخير أستاذنا الفاضل عادل
نتمنى لك الصحة والعافية والعمر المديد

[dorame]

المشاركة الأصلية كتبت بواسطة عادل صموئيل

احبائى .. مع بداية سنة جديدة من عمرى اشكر كل من هنانى بعيد ميلادى سواء على النت او تليفونيا .. واهديكم من اروع ما لحن السنباطى للسيدة ام كلثوم .. واحلى ما عزفت .. برغم صعوبتها الشديدة لكن جمالها لا يوصف .. قصيدة اغار من نسمة الجنوب .. مع النوتة الموسيقية .. القصيدة دى بتمثل بالنسبة لى شىء مهم ان حد من الى بيحبوا يسمعوا عزفى زمان قال لى حرام تضيع ال بتعزفه سجلهم وسمعهم للناس .. وكان اول ما طلبها منى شخص عزيز جدا عليا هو مش موجود معانا الهل يرحمه ,, اغار من نسمة الجنوب .. وماحدش عزفها كان من قبل .. وكانت السبب انى بعد كده سجلت اكتر من 120 معزوفة .. يعتبروا مرجع لأحلى اغنى الزمن الجميل وماحدش عزفهم كلهم .. لكن اغار من نسمة الجنوب كانت لها ميزة لما عملتهم على اسطوانة كان كل واحد اهديه الاسطوانة يقول لى كلام حلو بس اغار من نسمة الجنوب يعنى شىء مالوش حل .. انا بعد 72 سنة .. ( انا مواليد 5 اغسطس 1950 ) اشكر الله .. يعنى خلانى اعزف مع كل كبار نجوم الزمن الجميل .. مطربين وملحنين وكل الممثلين ومافيش حد معروف وقتها فى اى مجال ما شفتوش او ما سملتش عليه .. ورحت جميع دول العالم الى ممكن تتراح .. وشفت حاجات كتير من الصعب اى حد يشوفها واحمد الله ..ربنا ادانى شويةخبرة .. ولما ابخل على حد ما اعرفه يعنى قدمت للموسيقيين فىكل دول العالم اكتر من 3000 نوت موسيقية .. هم خلاصة الفن فى الزمن الجميل .. واخترعت او ابتكرت طريقة مبسطة خلت المبتدئين والمتوسطين يقدروا يعزفوا اى اغنية صعبة بأنى سهلت الكتابة ... وكانت الموسيقى زمان بتتدون بطريقة صعبة جدا للمحترفين جدا فقط ودى كانت بتخلى المبتدىء لما يشوفها يخاف منها .. يعنى اى حد منكم دراس موسيقى فاكرين كتب التمارين زمان لما كنتم مبتدئين كان فيه تمرين تلاقى شكله حلو وسهل وتمرين تخاف منه تلاقى شكله صعب .. ومن احلى الاوسمة اللى شفتها مئات من المتوسطين قالوا لى احنا عمرنا ماكنا حانقدر نعزف الحان لأم كلثوم ولا ل عبد الوهاب ولا للسنباطى بدون تدوينك السهل .. كمان اهم حاجة ف معزوفاتى .. انى ملتزم باللحن الاصلى .. لم ادخل فى اللى بيحصل دلوقتى من تجويد وهدم للألحان بتاعة العمالقة .. يعنى احنا ك خبراء بنعانى من حاجتين .. متطفلين على الموسيقى زى المشاهير بتوع دلوقتى .. وبين ناس شاطرين بس مشكلتهم انهم مش فاهمين ان الشطارة انك تقدم اللحن حلو .. مش انك تضيف عليه وتتفزلك .. يعنى احنا زمان كان الملحنين بيفرضوا علينا قيود صارمة لأن اللحن متلحن فى سنة .. وشهرين بروفات .. يعنى الملحن عمل تعديلات ومش ممكن اللحن يتعدل اكتر من كده .. وكان من المحظور ان حد يضيف عليه شىء .. وياما حصل قدامنا من مطربين كبار كان الملحن بيتخانق معاهم لما يخرجوا عن الى اتعمل فى البروفات .. لأن ده تراث .. ومعمول بحرفيةعالية جدا جدا .. تخيل لو انت رحت مجتمع او ندوة شعرية وحاتقرا قصيدة لشوقى مثلا هل حد يجرؤ او ينفع انه يضيف لها كلام من عنده او يحذف كلام او يغيرمعنى ؟ مش حاتحصل اللحن بتاع العملاق له نفس القدسية والحصانة لأن فيه حد بيعحبه بياخد منك ويعزف .. وتتسبب انت فى ضياع نصف اللحن الاصلى .. يعنى النوت اللى انا دونتها مع ان معظمها انا عزفته مع اصحابه الاصليين .. او عزفته مئات المرات يعنى انا ممكن ادونه من الذاكرة .. ولكن جل من لايسهو .. يعنى لازم اشغل الشريط بتاع التسجيل الاصلى وادون منه حرف حرف عشان الامانة .. لأنى خلال السنوات الماضية عملت لنفسى اسم فى التدوين .. واى موسيسقى فى اى دولة من دول العالم بياخد النوتة المكتوب تدوين عادل صموئيل على انها مرجع وبيسيب اى تدوين قبلها ..ف الخطورة هنا والامانة اللى لو ان فيه حرف صول كتبته فا مثلا العالم كله حايعزفه بعد كده فا .. وكلمة الامانة دى مهمة جدا جدا .. يعنى كل الملحنين دول انا اكلت معاهم عيش وملح .. وشغل وصداقة سينين طويلة وحاقابلهم تانى ان شاء الله قريبا .. عايز اقول لهم انا عملت الواجب وزيادة ..رياض السنباطى مرة فى السيعينات طبطب على كتفى وقال لى انت الخير والبركة فهل كان يتنبأ بأنهم كلهم سيرحلوا وابقى انا اسجل فنهم وحضارتهم .. رياض السنباطى مثلا انا دونت كل الحانه الحمد لله.. والروائع اللى عملوها واخليها تعيش للأبد لأن اللحن بيعيش باللى يعزفوه بيبعثوه للحياة .. واحساسى بالمسؤولية لما كل الناس بتطلب منى تدوين الاغانى .. يعنى انت لو بتحب تعزف لبيتهوفن مثلا .. فى جميع دول العالم الكبرى مكتبات موسيقية .. فيه جميع اعمال هؤلاء العظماء موجودة تطلبها بالرقم .. لكن مع الاسف اغانينا مالهاش نوت إلا اجتهادات البعض يعنى تكتب اسم النوتة على جوجل وانت وحظك .. وده الشىء الل انا كرست له معظم وقتى وقدمت النوتات مجانا يعنى اى حد بيطلب اى نوتة بدونها له ( و 99% منهم معرفهمش شخصيا ) ومكن الصعب تجد حد كده .. الحمد لله .. الحمد لله .. واشكرك واترككم مع اغار من نسمة الجنوب

[LIST]
[*
]استاذنا الرائع الجميل اولا عيد ميلاد سعيد وعقبال ظ،ظ*ظ* عام [*]ثانيا عندي سؤال بمناسبة هذه الاغنية العظيمة التي تنفرد بتنويتها هذه الاغنية لم تاخذ حقها الاعلامي او السمعي مع اننا سمعت مقابلة للسنباطي بيقول بمعنى الكلام انه كان متوقع الشهرة لهذه الاغنية اكثر من الاطلال ولكنه مستغرب ويؤمن بالحظوظ فما سر عدم انسجام السمعية لهذه الاغنية بالرغم ان السنباطي يفضلها عن الاطلال واليوم بعد كلامك عن هذه الاغنية ايقنت بكلام السنباطي فما هو السر لعدم شهرتها [*]ثالثا انت دايما متميز ومنفرد ونادر الوجود موسيقيا وثقافيا وادبيا فشكرا لك على كرمك وصبرك معانا

اخى العزيز هو ممكن يكون حظ لأن ظروف هذه الاغنية تختلف عن الاطلال ..لأن الاطلال كان عبد الوهاب وبليغ دخلوا مع السنباطى فى السباق على ام كلثوم .. ولكن اغار من نسمة الجنوب كان السنباطى الفارس الوحيد مع ام كلثوم .. هو المشكلةانها ما اتسمعتش كوش يعنى انت لو سمعتها مرتين حاتدمنها

[halimco]

[
اهلا ومرحبا بك استاذ عادل

ممكن تدوين اغنية "من بين الوف" لوردة والعبقري بليغ

هذا ثالث طلب اقوم به ولا اجابة الى الان والغريب كذلك انه لا يوجد في الأنترنت اي موقع يوثق هذه النوتة

وشكرا

[نجيب دعبول]

يومك مبارك أستاذ عادل، طلب صغير منك حضرتك ممكن تدوين موسيقى أبو علي لاستاذ زياد الرحباني ولك جزيل الشكر.
الرابط:
https://youtu.be/qxIZDpShHC0

[عاصم المنشاوى]

[SIZE="5"]
لماذا عادل صمويل
هو الاعظم بالنسبة لى
كان البحث عن نوتة موسيقية بالنسبة لى ينقسم الى مرحلتين:
مرحلة ماقبل دخول
الاستاذ عادل صمويل الى عالم النت وبالتحديد فى منتدى سماعى فى يونيو جوان حزيران 2008 ...ومرحلة مابعد ظهور الأستاذ

كنت اضطر الى الذهاب الى شارع محمد على فى وسط القاهرة وهو شارع الفنانين والموسيقيين والموسيقي وصاحب القوة الناعمة فى مصر
قبل تحريم الغناء والموسيقي على يد السلفيين فى مصر..وهجمة محلات الموبايلات واحتلالها للشارع .أذهب وأشتري نوتة ب عشرين جنيه لو صفحة واحدة...

او أن أذهب الى دار الاوبرا وأطلب من أمين المكتبة تصوير احدى النوت المتاحة وهى عبارة عن رحلة مملة وسخيفة للحصول على نوتة..

أو الأانتظار لمعرض الكتاب الدولى لشراء النوت الموسيقية وهى مطبوعات ورقية والتى تأتى لنا من حلب او بيروت ممهورة بتوقيع الأستاذ /عبد الرحمن الجبقجى

أو الاستاذ /محمد عاطف خياطة..أو الاستاذ /فاسكين حبيب..أو الاستاذ /ابراهيم على درويش المصرى ولا وجود لأى نوتة بتوقيع مصري أو حتى دار نشر مصرية....والحقيقة هي نوت جيدة..ولكن كانت للمحترفين فقط بل وصعبة جدا على المبتدئين أو الهواة .ومعظمها باللزم الموسيقية فقط وليست كل الاغنية..ويشوب بعضها وأقول بعضها...بعض الأاخطاء وده شئ وارد

فى عالم الانترنت دخل الاساتذدة الأفاضل الراحل/ محمد الجوادى والجميل الراحل /نزيه محمد رحمة الله عليهما-..

.واستمر الأستاذ /فاسكين حبيب ... ويغمرنا دائما بنوته الأستاذ نبيل رحمة...ولا ننسى المبدع الاستاذ نقولا مرجيه...ويأتى بعدهم الاساتذة وسام نعمان وياسر عبد الكريم...

وأأسف بشدة لعدم تواجد الفنان /محمد سالم السويفي الدائم والدكتور طارق التونسى...

ومع وجود مواهب مبشرة بكل خير ولكنها تتواري ...مثل الأستاذ /قصى شاهين والطبيب الفنان وسام أكرم والاستاذ سامى العشماوى..والدكتور منذر

..


الى أن هل علينا الأستاذ ..الأستاذ بمعنى الكلمة..

أستاذ الغلابة والمبتدئين...واصبح الفارس الأول فى مجال كتابة النوتة الموسيقية فى عالم الأنترنت على مستوى الوطن العربي

- .... فهو الأكثر غزارة ...فقد تجاوزت عدد صفحاته التى كتبها وتركها لنا على منتدى سماعى أكثر من ألف صفحة..

و هو رائد ومبدع مدرسة تدوين جديدة وهى التبسيط والبساطة...فقد تسمع احدهم يقول ..انا عرفت اقرا النوتة بتاعة حضرتك بكل بساطة..وعرفت أعزفها وكنت فى غاية السعادة..

ودائما مايردد الاستاذ ان 50% من جمهوره مبتدئين...و40 % متوسطين..و10% محترفين..وأنه حينما يدون نوتة ما ..فهو يضع نصب أعينه هؤلاء....

ايضا الأستاذ يتميز بميزة لم تتوفر لغيره..وهى أنه عزف وعمل مع كل المبدعين والملحنين ومطربي الوطن العربي بلا أستثناء وبالتالى هو فاهم دماغهم فيها أيه وبتفكر أزاى...بل وشهد ولادة الكثير من تلك الاغانى..وكتبها ..

الاستاذ لايكتب لك الاغنية فقط...ولكن يحكى لك عن ذكرياته معها ...وعن مواقف مضحكة او طرائف أوأسرار عن ذلك المطرب او الملحن...

الأستاذ دون لنا نوتات فى قمة الصعوبة ..وهو شئ تفوق فيه على غيره مع كل الاحترام...مثل نوت السنباطى المعقربة والمكلكعة ...محدش دونها غير الاستاذ...

رغم أن الاستاذ ينتمى الى جيل التليفون ابو قؤص ..لكنه بلياقة فتى فى العشرين يقتحم عالم الانترنت والبرامج والتطبيقات ويفهمها ويتحكم بها ويطوعها رهن أشارته وليخرج لنا نوتات نستمتع بعزفها بكل سلاسة؟

..كتير من الفرق الموسيقية نكتشف انها استعانت بنوت كتبها الأاستاذ لسهولة عزفها...

وأخيرا وليس أخرا... ...الاستاذ يعمل مجانا فى منتدانا....يكتب لنا مجانا..ولا يتقاضى مننا أى أجر...

استاذنا الكريم...المعطاء ...دمت لنا نهرا يتدفق بأجمل الالحان ...واروع النغمات ...وأحلى الحكايات من جعبة الذكريات مع العمالقة...

وكل سنة وحضرتك طيب و

HAPPY BIRTHDAY TO YOUUUUUUUUUUUUUUUUUU

ولا زلت أطالب حضرتك بلقاء أونلاين..ارجوك[/SIZEر

[عادل صموئيل]

اخى العزيز عاصم المنشاوى
اشكرك على كلامك الجميل .. وانا قدمت آلاف النوت لم اطلب اجرا ولكن بطلب ان النوت تكون مفيدة .. يعنىانا اول ما ابتديت ناس عرضت على اجر يعنى طلبت نوتات مقابل اجر .. انا بينى وبينك بدون واحد او 2 % من اعمالى بأجر ناس بتطلب نوتات محددة وال 98 % مجانا .. مع ان ناس كتير يعنى انت فاهم قالوا حد يدى مجهود ليالى طويلة مجانا كده واعتبروه نوع من العبط يعنى .. بس انا حسبتها .. الى بيطلب منى تدوين اغنيى بالاجر بتكون بتاعته هو .. يعنىانا ما اقدرش انزلها على النت ..لأن فلان اشتراها .. وفلان طبعا اللى اشتراها مش حاينزلها ببلاش ع النت .. وهنا بتكون النوتة بقت لشخص واحد .. لكن لما بنزلها مجانا وفيه ناس بتاخدها من منتدى سماعى وتنزلها فى منتديات وصفحات بالعشرات انا معرفهاش .. يعنى لما بكون ببحث عن حاجاة عويصة بتكعبل فى عشرات الصفحات اللى معرفش اسمها اصلا والاقى تدويناتى هناك مالية الدنيا طبعا بكون سعيدجدا جدا .. انا عرى بقول عن نفسى شاطر او متميز زى التافه محمد رمضان اللى هو مسمى نفسه نمبر وان وعشان غبى مش فاهم ان الرقم او الترتيب بيبتدى من التلاتينات يعنىمن نجيب الريحانى والى بعده والى بعده ورشدى اباظة وعماد حمدى فاهمين قصدى ؟ يعنى دول مازالوا عايشين بأعمالهم ولما انت تيجى تدى نفسك ترتيب تبقى بعدهم .. يعنى انا فيه حاجة بتوجعنى .. وهى انتهاء زمن الفن الجميل وده شىء مش طبيعى .. ان بعد كل العطمة دى يبقى الموجود صفر وتحت الصفر .. تخيلوا لو كان الزمن الجميل استمر انا كنت دلقوت حابقى ايه .. ف انا بعوض ده بعمل الجماهيرية بس بطريقتى .. يعنى المدح الجميل الى مدحه ليا اخى العزيز عاصم وكلمات بعض الاخوة منكم هنا يعنى واحد من المغرب قال مافيش موسيقىفىالمغرب مايعرفش عادل صموئيل واخ عزيز تانى قال انت لو تزور بلدنا نستقبلك استقبال الرؤساء .. وكلمة مافيش موسيقى بيعزف شرقى فى العالم ما يعرفش عادل صموئيل طبعا دى تساوى عندى ملايين الجنيهات .. وبعدين زى ما انت قلت انىاشتغلت مع كل العظماء واكلت معاهم عيش وملح- .. ولهم حق عيا او زىما بنقول لحم كتافى من خيرهم .. يعنى لولا هم ماكنتش حابقى اعرف اللى اعرفه او يبقى عندى الخبرة دى .. يعنى انت عشان تخلى الحان الناس دول موجودة لازم تتعزف السمع لوحده حاتندثر .. يعنى الناهردة 99% من وسائل الاعلام بتذيع السفه الموجود يعنى فيه اجيال عمالة تتولد عمالة تتربى على السفه ده وبتنسى المجد القديم .. اما بالنسبة للقاء على الهواء ممكن نتقابل فى مكان وحد بيعرف يصور ويبث وانا تحت امركم

[عادل صموئيل]

احبائى
اقدم لكم اغنية عبد الحليم حافظ

وحياة قلبى وافراحه

... الاغنية دى من تلحين الملحن العبقرى منير مراد .. الاول حتكلم عن الحاجةالى ماعجبتنيش وهى التوزيع اللى عامله على اسماعيل .. كان زمان ايام السينما لما كانت سينما وكان اسمها الشاشة الكبيرة يعنى قاعة ضخمة وشاشة ضخمة وعشان اللى بيعمل فيلم يملا المكان والضخامة دى كان لازم يكون الفيلم ضخم كانت اول حاجة التركيز عليها هى الموسيقىالتصويرية .. وكانت اما موسيقى كلاسيك اوموسيقى لعباقرة مثلا فؤاد الظاهرى وكان صديقى وتشرفت بالجلوس معاه والعمل معه فترة من حياتى .. كان فؤاد الظاهرى بيجيبوه لما يكون فيلم مصرى اوى زى الزوجة الثانية او ثلاثية نجيب محفوظ يعنى الحى الشعبى المصرى .. او بيعملوا الموسيقى منتخبات من الموسيقى الكلاسيكية كان بيعد الموسيقى ناس عباقرة حافظين السيمفونيات صم وعارف فى المشهد ده يضع موسيقى لمين .. المهم ان عبد الحليم والذى ظهر فى مرحلة متأخرة يعنى اوئل الخمسينات ومتأخرة يعنى كانت السينما المصرية خلال العشر سنوات السابقة لظهور عبد الحليم وصلت للذروة .. ف عبد الحليم كان متأثر اوى بالشكل الضخم بتاع الشاشة الكبيرة والموسيقى الصاخبة فكان بيحب يوزع معظم اغانية .. كان فيه اول ماظهر اندريا رايدر .. وده كان موزع عازف كمان اصلا يعنى كان بيدى الوتريات نصيب الاسد وده ال خلا افلام عبد الحليم اللى عملها اندريا رايدر الاغانى ناعمة رومانسية .. وبعدين دخل على اسماعيل على الخط .. على اسماعيل كان عسكرى بتاع موسيقات عسكرية .. يعنى بيميل الى الآلات النحاسية اكتر .. كانت احيانا بتبقى حادة اكتر من ال لازم .. يعنىانت لما بتوزع لحن بتعمل له شكل تانى خالص غير الشكل الاصلى .. يعنىلو انت سميع قديم .. فىالخمسينات والستينات .. مصر تعرضت لحروب كتير وهزيمة وانتصار .. ظروف الحروب كانت بتنتج اغانى او اناشيد وطنية اما ساعةالحرب بنحتاج اناشيد حماسية اوى اوى يعنى زى دع سمائى ف سمائى محرقة .. حاجة تخلى العسكرى ف الحرب يرمى نفسه ف النار .. ودى كانت بتعتمد على الآلات النحاسية .. يعنى يقلب لك الفرقة مجنزرات ومدافع .. وفيه نوعية تانية وهى اغانى النصر .. دى كانت بتبقى انعم شوية والنحاس فيها بيبقى اهدى شوية .. فهمتوا قصدى لحد كده ؟ هنا فى اللحن ده على اسماعيل مافهمش طبيعةمنير مراد الرومانسية الخفيفة يعنى لما تسمع الحن اداه توزيع مجنزرات ومدافع ودى تلاحظها فى المقدمة .. وبيبان اوى اوى انها مش ف مكانها لما تسمع صولوا الناى بعدها .. يعنى نقلة كأنك فى مكان مزدحم جدا جد وصاخب وتدخل منه على مكان هادىء صامت .. يعنى التوزيع كان زيادة عن اللزوم او على اسماعيل تخيل انها معركة حربية مش واحد كسبان انتخابات .. وايه انتخابات اتحاد طلبة فى الجامعة .. .... وهنا انا احب اتكلم عن صديقى الملحن الجميل العبقرى منيرمراد .. احنا كان المكتب بتاعنا بتاع الفرقة الماسية 34 شارع عدلى فى وسط البلد فى الدور السابع .. وكان جنبنا بنزينة .. وبعدها عمارة ساكن فيها منير مراد فى الدور السابع ايضا .. يعنى كان بيننا لغة تخاطب من النوافذ .. وكنت بروح ازوره واسهر معاه احيانا .. ومرة قال لى حعمل لك مفاجأة بس هات معاك الكمنجة .. وفعلا نزلت رحت له وقال لى حنروح مشوار .. وركبت معه عربيته وتخيلوا رايحين فين .. ( وهو كان معاه العود بتاعه ) .. انا صعقت لما دخلت فيللا واكتشفت اننا عند الفنانة الرائعة ليلى مراد وعملنا سهرة من سهرات ماتتحسبش من العمر يعنى عزفنا لها وقعدت تغنى للصبح .. واهم شىء انها اكتشفت انى حافظ كل اغانيها .. وده الى خلاها تطلع كل المحبوس جواها.. لأن انت لو حبيت تشوف احلى 100 اغنية من اغانى الزمن الجميل ليلى مراد حايطلع لها نصيب كبير .. والفنان ( وانا بتحصل لى .. لما يكون مش بيعزف وقت طويل لما بتيبجى فرصة حد بيشجعه ممكن يعزف لتانى يوم ... للعلم منير مراد ده مش ملحن اغانى خفيفة ولكن ملحن طرب اصيل يعنى بس ما اخدش حظه كاملا .. يعنى كان ابوهم اسمه زكى افندى مراد كان مطرب كبير وشهيرومتمكن من بتوع التلاتينات .. بالطبع ليلى ومنير اتولدوا فى بيت فنى .. يعنى مستحيل كانوا يوصلوا للمستوى ده ( وشوفوا اوائل افلام ليلى مراد ) إلا لما يكونوا متربيين على فن اصيل رائع ... رحم الله الجميع ومع اطيب تحياتى

[عاصم المنشاوى]

شكرا يااستاذنا...معلومات... وأسرار ...وحكايات...ونوتة...وكل حاجة حلوة..

الكرة الأن فى ملعب الصديق الرائع /هيثم الصالحى لترتيب مقابلة مع الاستاذ...وتحديد الزمان ...اليوم والتوقيت..

وبهذا يستطيع كل الاصدقاء من سوريا..من تونس...المغرب...من الخليج..من اوروبا وأمريكا ..وكل بقاع الارض من التجمع "أونلاين"...وطرح الاستلة....مثلما أقترح من قبل " Zoom or Google Meet "

بدلا من التجمع فى القاهرة على أرض الواقع....

[Madeleine]

مساء الورد الأستاذ الفاضل عادل
ياريت اذا ممكن تنوط اغنية نهاد طربيه تريد تروح ونسينا
رابط https://youtu.be/GYefI98EKIY