رد: طلبات نوتة أ / عادل صموئيل الجزء الثانى
أستاذ عادل أرجو أن تدون هذه الأغنية الجميلة للفنانة سوزان عطية ، و التي أدتها بطريقة تذكرنا بأغاني الفنانة فايزة أحمد .
و في حال لم تعجبك ... أرجو إبداء رأيك في التوزيع الموسيقي لها و بالذات آلة الأورغ .
وشكراً لحضرتك .
اخى العزيز
انا ممن ادونها بس هى مش عاجبانى .. ( طبعا ده ذوقى ) اول مشكلة فيها الايقاع الثابت من اول اللحن لإخره هو 4/4بس ايقاع مش مألوف للأذن المصرية هو اول انطباع يشبه شوية الخليجى .. يعنى لو تلاحظ حلاوة اغانى الزمن الجميل ان الكوبليه بيحتوى على كذا ايقاع يعنى الجملة بتبقى ايقاع اللى بعدها بيختلف او بيبقى ابطأ او اسرع يعنى انت مثلا شغل رتم بوكس وحاول تعزف اغنية لم كلثوم حتلاقى العزف ردىء جدا لأن الرتم بوكس ثابت السرعة وثابت الايقاع .. فيه ملحوظة فيه اختلاف فى مفهوم كلمة توزيع ... التوزيع يعنى لحن اساسى ثم بيكتب تحت مجموعة من الجمل بتسمع كلها مع بعض وهنا الاورج ( ومن نكهته واصوات الاورج هو هانى مهنى ) بيعمل لعب فى الجملة او فزلكة شوية يعنى مع تشغيل الواوا اللى بتخلى الصوت يعمل ذبذبة .. يعنى على ايامان عبد الوهاب كان بيمنع الحاجات دى لأنها بتشتت اذن المستمع .. بمعنى انك دلوقتى مثلا بتسمع لحن اول مرة كيف تتذوقه انى بديكالجملة اولا كمنجات ثم الاروج ( او اى آلة تقولها) لو قالوها زى الكمنجات ماقالتها يبقى هنا المستمع سمعها مرتين وابتدى يتذوقها ثم تقولها الكمنجات قم الاورج تانى يبقى انت هنا سمعت الجملى 4 مرات هنا انت تكون حسيت بيها وفهمتها بحيث تتقبل الغنا اللى بعدها ... لكن لما تسمع الجملة من الكمنجات اول مرة طبعا مش حاتلحق تلقط منها حاجة ييجى الاورج يلخبطها يعنى يعمل حاجات غريبة المستمع مش حايستوعبها بعدين الكمنجات تكررها حاتبقى المرتين السابقتين طاروا ف الهوا اقصد يمر عليك اللحن كانك راكب قطار سريع ولا تستوعب المناظر اللى بتمر عليك ... وارجع للأحان العمالقة تانى حتلاقى لو ايقاع غريب انالملحن بيعمل منو جملة موسيقية واحدة بيكررها كذا مرة ثم يعود الى إيقاع من المألوف ... تانى حاجة لو انت بتعزف عود لأغنية ايقاعها مألوف حتى لو مش معاك الايقاع بتظهر الاغنية للمستمع لكن لو ايقاعها مش مألوف زى دى المستمع حايحس ان فيه حاجة ناقصة ولاحظ ان الايقاع كان ماشى ولما وقف فى وسط الاغنية حسيت انهم اخدوا فترة عشان يلموا بعض تانى
مع اطيب تحياتى عادل صموئيل
التعديل الأخير تم بواسطة : tarak766 بتاريخ 01/02/2019 الساعة 16h13
|