رد: حبيبي ياللي ناسي من ألحاني تامر عامر
برافو يا تامر
الاغنية حلوة ، إيقاع سريع ، مقامات شرقية ما بين الصبا و الحجاز و الحجاز كار و الانتقالات المقامية جميلة .... جميلة ، أنت طبعاً مش زي زكريا أحمد (عشان ما يبقاش فيه غرور) لكن ها تلقيه بيعمل كده في أغنية أنا في إنتظارك (يا ريتني عمري ما حبيت) و ها تلاقي بليغ حمدي برضه بيعمل نفس الانتقالات المقامية في تقسيم على الجيتار من مقام الحجاز كار(شاهيناز) في اغنية الحب كله ....
هذه المقامات لها طابع حزين و هذه الانتقالات بتزيد من الاحساس باللوعة و لكن مع الايقاع السريع و المتزوق ضاع الاحساس بالحزن و اللوعة و هذا لا يتعارض مع كون الاغنية لطيفة في السماع لأن المستمع مش عاوز يكتئب من الحزن ، و عبد الوهاب عمل كده في أغنية أغداً ألقاك (الكوبلية الثالث) مقام صبا على إيقاع راقص و لكن ما بدأت أم كلثوم في الغناء طابع الحزن بتاع مقام الصبا تغلب.
المغني صوته جيد و الاكورديون عمل شغل حلو.
__________________
______________________
د.هشام خلف
استشاري طب و جراحة العيون
|