عبده الأسكندرانى - الصفحة 6

**raftahaggan** · #51 23/04/2010, 13h50

مع احترامى للجميع اغنية عجيبة يا نس ولا يا ناس بردوا مش لعبده الاسكندرانى الصوت والاسلوب مختلفين تماما ز شكرا لكل من بذل جهد للمشاركة باغنية او موال لعميد الموال ولكن من الافضل ان ينسب كل عمل لصاحبة الاصلى والا نضع عملا ربنا يكون دون المستوى لفنان معروف بمجهودة واسلوبه فى اثراء الموال العربى وشكرا

**khaledelzeen** · #52 28/04/2010, 14h53

السلام عليكم ورحمة الله
والله انا فرحت جدا لما شوفت ناس محترمه فكريا ومهتمه بعمي عبده الاسكندراني
وفي نفس الوقت اتمني تكملوا باقي الاغاني اللي ناقصه وليس لها وجود علي النت
منهم البوم كيد النسا
اللي فيه اغنية نعسه وايوب
وكان في اغنيه تانيه مش فاكر اسمها بس بتقول عشان عيون الحبايب انا هقدم الواجب واقول كلام بالادب
اتمني اشوفهم في اقرب وقت
وشاكرين افضالكم

**مراد جمال** · #53 06/06/2010, 18h14

السلام عليكم

ارحب بجميع الناس الحلوه الي في المنتدى الرائع

جايبلكم موال لعبده بس بجد جااااااااامد بيتكلم عن النساااااء وافعالهم الشيطانيه والعدوااانيه

اتمنى انه يعجبكم

انا بشكر كل الناس الي شاركت في صفحة عبده الاسكندرااني رحمه الله

واتمنى من اي رااجل عنده موال لعبده مايبخل علينا بيه ويسمعهولنا
بشكر مشرفين ومصممين منتدى سماعي للطرب الاصيل

تحيااااااااااااتي للجميع

ومع موااااال ____
تحــــــب راجــــــــل

**أبو ديب** · #54 16/06/2010, 16h15

انا مش مصدق اللي بسمعة ومش مصدق اني بقالي اكتر من عشرين سنة بسمع عبدة الاسكندراني ولسة بلاقي له مواويل جديدة ودي أول مرة أسمعها مع المنتدي الجميل واعضائه المحترمين واللي بكن ليهم صغيرهم وكبيرهم كل احترام وتقدير ، انا كنت فاكر اني عندي مكتبه محصلتش من الفن الشعبي الأصيل ودلوقتي انا بتاسف لكل الأعضاء لأني مش لاقي في مكتبتي جديد اقدمهولهم وبشكر كل اللي وضع بصمة في موضوع عبدة الاسكندراني الفنان الجميل وصدقوني عمري ابدا ما هبخل علي المنتدى باي جديد عندي لأنكم جميعا ناس تستاهلو كل تقدير ومن حقكم عليه اني اتعب وأجيبلكم الجديد وربنا يقدرني وتاني بشكر كل القائمين على المنتدي وأخص بالذكر المشرف الجميل قوي أحمد عبد الهادي اللي بصمته واضحة في كل المنتدى ومعزرة للي معرفهمش لأني مازلت جديد وبقالي بس يومين ويا رب أتعرف على كل الناس في المنتدي .

والسلام عليكم ورحمة الله وبركاته

**محمود العيادى** · #55 15/09/2010, 02h17

0الاستاذ احمد عبدالهادي ايه ياعم الشغل الهايل ده 0 عبده الاسكندراني قيمه كبيره عند محبي وعشاق الفن الشعبي وهوعميد الموال و الليالي و فعلا هوه بدايته كان بيقلد انور العسكري ولكن دخل في شكل تاني من الاداء الملحمي وهو من اشكال الوعظ و النصائح ومن جمال الاداء كان هناك حالات من الاستغفار و البكاء من محبيه و انا باتشرف بانني كنت علي صله به وزماله في العمل و اشتغلنا مع بعض كتير وعاوز اضيف ان عبده الاسكندراني في شغل الليالي الحيه علي المسرح حاجه ثانيه خالص غيرشغل الاستوديو و التسجيلات يعني الافراح بيتاعه عبده اللي كانت بتبقي في الشوارع و الاقاليم بتبقي مهرجان عبده الاسكندراني فعلا وله شعبيه كبيره في جميع انحاء مصر والدول العربيه خصوصا تونس و المغرب وسافررحلات فنيه كتيره وهو له ولد واحد اسمه محمد ولكنه لايغني ولكنه يلعبعلي الايقاع 0

**حسن كشك** · #56 15/09/2010, 10h41

الفنان
عبـــده الاسكندرانى

**احمد عبدالهادى** · #57 06/11/2010, 17h03

عبده الأسكندرانى
الدنيا فانيه

**بتستوة** · #58 09/11/2010, 20h21

عبده الاسكندرانى ده فنان اصيل
كلامه كله حكم ومواعظ لناس كتير
انسان بيقول حاجات مر بيها فى حياته
علشان كده الكل حبه وحب مواويله الجميلة
الله يرحمك يا عبده

**oldisgold** · #59 19/11/2010, 15h59

فعلاً هذا الرجل يتحدث بالحكمة والنصيحة بصوت ملؤه الدفء والصدق والحنان.
للأسف الشديد لم أعرفه من قبل ... ولكن طالما عرفته فلن انساه.
شكراً لمنتدانا الغالى ... وتحية طيبة لأهله وصفوته ... ولكل اصدقائى أقول:
كل عام وأنتم بكل خير بمناسبة عيد الأضحى المبارك . وللمنتدى الحبيب أقول: شكراً لكم أن تذكرتم عيد ميلادى وللإهداء الرقيق الذى بكل صدق أسعدنى لأنه وافق يوم الوقفة المباركة على عرفات الطاهر.

**khaled reda** · #60 02/01/2011, 17h04

كل الشكر والتقدير لادارة المنتدى ولجميع الاعضاء الذين شاركم بالموضوع ونتمنى من لديه البومات كامله لعميد الموال العربى وهذا اللقب اطلقه عليه الفنان محمد عبد الوهاب نتمنى ان يرفعها وهى كالأتى:
الحلوة من السيده / سجان الغرام / العيش والملح / اغانى فيلم كفر الطماعين / اليتيم /الشيطان /كيد النسا / ليل ياعين /الجنيه

واعزرونى ان كنت نسيت البومات اخرى ولكم منى ارق واسمى التحيات