يوسف شتا - الصفحة 13

**بيومى الخولى** · #**121** 31/12/2009, 14h25

يا مغلي مهر البنات اقفل عليك البيت
اقعد لوحدك واحبسهم معاك في البيت
معدش في حد هيهوب عليك البيت
رايك علي الناس يل راجل بتفرضه فرض
لا نصيحة المصطفي نفعت معاك ولا فرض
كل اللي رايح ينسبك ليه فارضله فرض
هيرهن الارض وقليل ان ما باع البيت

يا محلي قعدة حصير العز وصمرها
ويا محلا قعدة نور زايد وسمرها
ويا محلا غمزة عيون الحلو وسمرها
ان حلفوني منيش هنسا الحبيب يا هو
هختار بياض الوجوه الحلوه وصمرها

هختار بياض الوجوه الحلوه وصمرها
امعني يشرح نفسه ان حلفوني منيش هنسا الحبيب يا هو
انا هختار الوجوه البيضاء الحلوه وهذا لا يعني اني ارفض الوجوه الصمرا سيكون لها نصيب من الاختيار
علي فكره هذه الابيات للفنان الشعبي يوسف شتا القليوبي

**نور زايد** · #**122** 12/02/2010, 02h26

لـــــــــــــــــية الحمـــــــــــــــــام
من أروع ماشدا يوسف شتا
أهـــــــــــداء
هذا الموال من أروع اسطوانة ليوسف شتا يرجع تاريخها الى الخمسينات
الى أخى وحبيبى سمير عاشور
واخى الغالى بيومى الخولى
وشيخنا السميع محمود عادل
ولاأنسى السميع الجديد علينا فى جنينة يوسف شتا الاستاذ منصور سعيد لة تحياتى
وأهداء عام الى كل محبى فن يوسف شتا
ارفع موال لية الحمام ياترى
لــــــــية الحمام ياترى من برجنا طيرى
وهو فى الغندرة من كــــــــام سنة طيرى
وازاى نسى اللى جرى بعد الهــنا طيرى
أنا أشـــــــــــــتريتة صغير قولت يتربى
م الـــــــخير ياما جبت لة وعملت لة غية
عرفتة طبعى وقولت عــــــــــــــلية يتربى
وقعنى فى هواه وكان لى فى هواه غـــية
انا قولت حايعيش ويبقى لة ريش يتربى
اتارية غدار وفى العشرة مالوش غــــــية
ياخسارة ياخــــــسارة تربيتى وياة وتعبنا
لما بقالو جناح رفرف على غــــــــــيرى
وراح جميلى هدر عشان اية وتــــــــــعبنا
أعتب علية لية مدام ولف على غــــــــيرى
انا مش حافطفط لاتدرى الناس وتـــــــــعبنا
واقول بخاطرة نسينى وراح على غـــــيرى
عملت دلوقتى بينى وبينة سور وبــــــــــنانى
بعد ماكنت أنظرة بالعين وبالننى وبــــــنانى
ومدام هجرنى وساب البرج وبـــــــــــنانى
لم عنت تانى أحبة وأعملة طـــــــــــــــــــــيرى
مع تحيات اخوكم نور زايد عاشق يوسف شتا

**بيومى الخولى** · #**123** 14/02/2010, 17h07

بنت الارامل بيطلع حسها بره
تاكل في خيرك وسرك تنقله بره
كمثل شجره بترمي طرحها بره
تشبه لحيه تبخ السم وتبوسك
ساعات تميل علي الخدين وتبوسك
طول ما انت رايج تبوس القرش وتبوسك
تخلص فلوسك تقول لك من هنا بره
هذا هو الموال المطلوب مكتوب فهل لنا ان نسمعه
تحياتي لحبيبي نور زايد بيومي الخولي

**نور زايد** · #**124** 16/02/2010, 13h02

أتأخرت علينا كتير ياسمير بغالية وزايد
عايزيين نعرف شاهين عمل أية مع زايد
ولملوم اية دورة مع نــــــــــــافع وزايد
عشــــاق يوسف كتير على طول تلائيهم
وفى وقت محنة وساعة الضيق تلائيهم
جدعــــــــــــــان أوى لما تطلبهم تلائيهم
حن عليهم علشان خاطر نـــــــــــــــــــــور زايد

**k.ayman20** · #**125** 17/02/2010, 22h55

انا عاشق الفن في صباي ولسه شباب
جريت ولفيت ولقيت الرجولة شباب
وكلمتي الطيبه تنفع شيوخ وشباب
طول عمري اعرف اصول الناس واعبر
وأمشي في طريق العفاف بالصبرواعبر
الحمد لله كسبت نجاح واعبر

ومهما سني بيكبر لسه فني شباب

أه وألف أه على بير العسل غرق عقول كتيرة
لما ذقنا حلوته أدمناه.........لاخمرة ولابيرة وعجبي
أشكر الأخ الكريم الذى وصل لنا تلك الكلمات التي جعلتنى أبحر فى محيط نغم الحاج يوسف
أيمن خليل,..............البرادعة عاشقة يوسف

**نور زايد** · #**126** 18/02/2010, 01h02

اقتباس:

المشاركة الأصلية كتبت بواسطة k.ayman20

انا عاشق الفن في صباي ولسه شباب

جريت ولفيت ولقيت الرجولة شباب
وكلمتي الطيبه تنفع شيوخ وشباب
طول عمري اعرف اصول الناس واعبر
وأمشي في طريق العفاف بالصبرواعبر
الحمد لله كسبت نجاح واعبر

ومهما سني بيكبر لسه فني شباب

أه وألف أه على بير العسل غرق عقول كتيرة
لما ذقنا حلوته أدمناه.........لاخمرة ولابيرة وعجبي
أشكر الأخ الكريم الذى وصل لنا تلك الكلمات التي جعلتنى أبحر فى محيط نغم الحاج يوسف
أيمن خليل,..............البرادعة عاشقة يوسف

اهــــــــــــــــــــــــــــــــــــداء خـــــــــــــــــــــــــــــــاص
الى ألاستاذ/ أيمن خليل ---- البرادعة
مــــــــــــــوال ياللى زرعت الجميل
هذا المـــــــوال من مغارة يوسف شتا
ومن كنوزة التى نقبت عليها لااحضرها وأهديها الى حبيب قلبى ألاستاذ/ ايمن خليل

**وفاء عاصم** · #**127** 26/02/2010, 20h40

[QUOTE=د أنس البن;80751]

حــــــبيب قلبى ألأستاذ سمير عاشور الجمال
الكـــــــــــــرم طبع فيك والصبر صبر جمال
الجــــــود ظاهر على الخد زى الورد وجمال
وعدتنا بسهرات كتير واحنا على نار نستنظر
وبطلعتك البهية لـــــــــــــــحد الصبح نستنظر
فين ســـــــــــــــــــــــــهراتك كلنا لها نستنظر
من غير ماتفكر ياريت قصة الـــــــــــــجمال

**نور زايد** · #**128** 06/03/2010, 23h11

ياللى انت ندمان داير تشكى وتندم لـــــية
بعد الجمايل وبعد الود تندم لـــــــــــــية
انت اللى غلطان فى الاول وتندم لـــــية

**k.ayman20** · #**129** 12/03/2010, 21h53

الليل لو طال بنور الصبح يتلاقي
والصبر احسن دوي للحب يتلاقي
والعمر لوطال مسير الحي يتلاقي
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ
أشكر الأخ نور زايد على هذه التحفة الفنية التى أتحفنا بها
وأعتذر عن التأخير لتحميل تلك الدرة التى أهداها لى مع أنه ليس بجديد
إننى أدين بالفضل له لأنه أول من زرع بذرة الفن الشعبى فى عقلى
وخصوصاً الحاج يوسف شتا مع أننى أعاتبه لأنه لم يسأل عن سبب التأخير
وأنا عاتبته أكثر من مرة ولكنة تعود على ذلك...........وأتعود إن الناس تسأل عليه
وهو.........

**بيومى الخولى** · #**130** 13/03/2010, 15h30

الليل لو طال بنور الصبح يتلاقي
والصبر لو طال بفرج الله يتلاقي
والعمر لو طال مسير الحي يتلاقي
انت فين يا عم نور طولت علينا ليه كده
السعد لو يخدمك هيقرب اللي بعيد
تبلغ مرادك وبرده بتوصل اللي بعيد
ومدام ضميرك سليم هتحقق اللي بعيد
ربنا يقرب البعيد ونتحف بما هو جديد
بيومي الخولي القليوبيه