الليلة الكبيرة

[MOHAMED ALY]

و هذا تسجيل قديم وجدته عندى

الليلة الكبيرة

صلاح جاهين
سيد مكاوى
* بعد اذن اختنا الفاضلة الاستاذة / هامو
تم اضافة تسجيل أخر اكثر جودة
( و تم اعادة رفع نفس الملف مرة اخرى
فى 9/11/2007 لرداءة الملف
المرفوع اولا ..لسبب تقنى لا اعلمه ) .

اشترك في الأداء

شفيق جلال
عصمت عبدالعليم
محمد رشدي , شافية أحمد
صلاح عبدالحميد , محمد نصار
محى الدين الخضري
عبدالحليم فيروز
جمال الدين محمد
محمد سرور
اخراج عباس أحمد
وأطفال حي الناصرية بالسيدة زينب
*******************
إضافة للتسجيلات المختلفة في نفس الموضوع
تسجيل الليلة الكبيرة مختلف عن الموجود
مدة التسجيل41ث:33د تسجيل كامل وجيد
الليلة الكبيره رؤيه.غناء / سلمى صباحى ، سارة مجدى ، إسلام فاروق ، حازم رشيد .
الليلة الكبيرة هذا ملصق لهذا الأوبريت الرائع تقديم احمد البنهاوي

أوبريت الليله الكبيره ألحان سيد مكاوي
الليله الكبيره - ملون
البرامج و اللقاءات

مع تحيات هامو

اشترك في الأداء
شفيق جلال
عصمت عبدالعليم
محمد رشدي , شافية أحمد
صلاح عبدالحميد , محمد نصار
محى الدين الخضري
عبدالحليم فيروز
جمال الدين محمد
محمد سرور
اخراج عباس أحمد
وأطفال حي الناصرية بالسيدة زينب

[cooldoctor]

قبة سيدنا الولي دول نوّروها
ما أحلى البيادر والناس بيزروها
قبة سيدنا الولي .. والقهوة عالية
ما احلى البيادر لما دوّروها
بتاع الحمص يقول
حمص حمص تل ما ينقص عالنار يرقص
حمص حمص تل ما ينقص عالنار يرقص
حمص حمص تل ما ينقص عالنار يرقص
يرقص يرقص ويقول .. الي شاف حمّص ولا كلش
حب وأتلوع ولا ولا طلشي

تضحك الفتاة .. :
وتقول
يسترك هات حبة بقرش
يضحك الشباب
ها .. ها .. ها
حمّص .. حمّص .. حمّص
حمّص .. حمّص .. حمّص
أسعى .. أسعى .. أسعى
حمّص .. حمّص .. حمّص
حمّص .. حمّص .. حمّص
أسعى .. أسعى .. أسعى

مصوّراتي يقول
خدلك صورة ستة في تسعة
أسعى .. أسعى .. أسعى
خدلك صورة ستة في تسعة
يا سي عجورة النار خسعة

رجال وبائعين في المولد يقولون :
الله .. الله .. الله
عجمبية .. باللوز .
الله .. الله .. الله
طعمية .. أراجوز
الله .. الله .. الله .. الله .. الله .. الله

الاراجوز يقول ومعه الاطفال :
الليلة الكبيرة يا عمي والعالم كتيرة
مالين الشوادر يابا من الريف والبنادر
الليلة الكبيرة يا عمي والعالم كتيرة
مالين الشوادر يابا من الريف والبنادر
دول فلاحين ودول صاعدية
دول من البلد ودول رشايدة

حوار بين الاراجوز والعمدة
العمدة : يا حضرة الاراجوز قولي
الاراجوز : نعم يا عمدة عاوز ايه
العمدة : منين يروحو المتولي
الاراجوز : فتح يا اخينا وصلي عليه
العمدة : صلى اللهم صلي عليه
الاراجوز : تمشي كده على طول على طول لحد ما تلاقي عمارة
العمدة : لحد ما الاقي عمارة
الاراجوز : تكسر يمين تلقى بتاع فول دكانته على ناصية حارة
العمدة : دكانته على ناصية حارة
الاراجوز : تدخل يمينك وشمالك شارعين وفي التالت تكسر
العمدة : شارعين وفي التالت أكسر
الاراجوز : على اليمين واخد بالك .. وتمشي على طول تتمخطر
العمدة : وأمشي على طول واتمخطر
الاراجوز : تفضل كده تمشي وتلف .. وتخش من مطرح ما طلعت
العمدة : وأخش من مطرح ما طلعت
الاراجوز : ولما تلقى مقلة لب .. تعرف بأنك تهت وضعت
العمدة : ااهاا دي وصفة سهلة ..
الاراجوز : سهلة اوي
العمدة : ودي وصفة هايلة
الاراجوز : مع السلامة .. مع السلامة .. مع السلامة يا ابو عمة مايلة
الاطفال : مع السلامة يا ابو عمة مايلة .. مع السلامة يا ابو عمة مايلة
رجل يدعو الشباب للتصويب ببندقية في المولد يقول :
فتّح عينك تاكل ملبن
فينك فينك .. تاكل ملبن
فتّح عينك تاكل ملبن
فينك فينك .. تاكل ملبن
أوعى لجيبك للعيب عيبك
قرّب .. جرّب .. نشّن
وسطن ايدك .. وسطن
أضرب ..
ضرب أحد الشباب بالبندقية .. واصاب الهدف .. فقال له صاحب البندقية :
يحميك يا ابني تبقى غالبني
قرّب خدلك حتة ملبن
قرّب خدلك حتة ملبن
قرّب خدلك حتة ملبن

رجل يبيع العاب للأطفال يقول :
فوريرة للعيل
يا ابو العيال ميّل
خدلك سبع فرارير
زمّارة شخليلة
عصفورة يا حليلة
طراطير يا واد طراطير
طراطير يا واد طراطير
طراطير .. طراطير طراطير طراطير
طراطير .. طراطير طراطير طراطير

في السيرك رجل يقول :

الليلة .. اللية السيرك تعالو دي فرجة تساوي جنيه قولو هيه ..
هيه هيه هيه
بمناسبة هذا المولد يا ولاد زورنا يا ولاد
الليلة .. اللية السيرك تعالو دي فرجة تساوي جنيه قولو هيه ..
هيه هيه هيه
بمناسبة هذا المولد يا ولاد زورنا يا ولاد قولو هيه
هيه .. هيه .. هيه
في السيرك شجيع يهجم على السبع ويركب دغري عليه قولو هيه ..
هيه هيه هيه
وبنات قمرات زي الشربات حلوين مش عارف ليه قولو هيه
هيه .. هيه .. هيه
وكمان بلياتشو تعالو اسمعو ناتشو
وشوفو حيعمل ايه قولو هيه
هيه .. هيه .. هيه
وكمان بلياتشو تعالو اسمعو ناتشو
وشوفو حيعمل ايه قولو هيه
هيه .. هيه .. هيه
رجل يستعرض عضلاته في السيرك .. او ربما في ركن اخر على أرض المولد يقول :
أنا شجيع السيما
أبو شنب بريمة
أنا شجيع السيما
أبو شنب بريمة
أول ما اقول علي هب
واصرخ لي صرخة
ها .. ها .. ها
السبع يتكهرب ويبقى فرخة
حالا بالا سأصارع أسد أنما ايه متوحش
وحخلي وجهه شوارع
تصقيفة يا ناس ميصحش
حالا بالا سأصارع أسد أنما ايه متوحش
وحخلي وجهه شوارع
تصقيفة يا ناس ميصحش
تصقيفة يا ناس ميصحش

الاسد وصل .. ويقول الرجل :

أهو جه أهو جه .. تصقيفة بقى
أهو جه أهو جه .. تصقيفة بقى
تصقيفة أومال .. تشجيعة أومال
تصقيفة أومال .. تشجيعة أومال
تعالى لالي اللاي اللالي يا حبيبي تعالى لالي
تصقيفة أومال .. تشجيعة أومال
تصقيفة أومال .. تشجيعة أومال
تعالى لالي اللاي اللالي يا حبيبي تعالى لالي
فرقة موسيقية عابرة .. يقول رجل فيها :
دقي يا مزيكا

واحد واقف بشوية أكل .. سمك .. منبار .. فشة في المولد يقول :
السمك مقلي .. كل وبرقلي
صنف زي الفل
استخار واختار
فشة أو منبار
يلا يلا سمي وكل
يلا يلا سمي وكل
يلا يلا سمي وكل
يلا يلا سمي وكل
فتاة تغني وتدعو الأمهات ليباركن أولادهن وتقول :

يا أم المتطهار رشي الملح سبع مرات
يا أم المتطاهر رشي الملح سبع مرات
في مقامه الطاهر خشي وقيدي سبع شمعات
يا عريس يا صغير علقة تفوت ولا لحد يموت
لابس ومغير وحتشرب مرقة كتكوت
يا عريس يا صغير علقة تفوت ولا لحد يموت
لابس ومغير وحتشرب مرقة كتكوت
يا أم المتطهار رشي الملح سبع مرات
يا أم المتطاهر رشي الملح سبع مرات
في مقامه الطاهر خشي وقيدي سبع شمعات

بالذمة ده سابع عيّل مزفوف من وقت قليل
مولد شلاه يا معلم .. عقبال أولادك

عالقهوة

رجل القهوة يقول :

واحد مظبوط واتنين مصري
عالنار حاضر جايلك دغري

فنان يغني على القهوة ويقول :

مساء التماسي .. مساء التماسي
يا ورد قاعد على الكراسي
مسى التماسي .. مسى التماسي
يا ورد قاعد على الكراسي

رجل جالس على القهوة يقول :
هات شاي يا دقدق ..

دقدق رجل القهوة يقول :
عيني وراسي
سمعنا يا ريس حنتيرة
للصبح معاك السهيرة

الجالسون على القهوة يقولون :

سمعنا .. سمعنا .. سمعنا .. سمعنا

الريس حنتيرة يغني ويقول :

يا غزال .. يا غزال العشق حلال دوبتني دوب خلتني خيال خيال
يا غزال .. يا غزال العشق حلال دوبتني دوب خلتني خيال خيال
يااااااه .. يا شفتك فص فراولة .. ولا لا قوة ولا حول
دوبتني قلبي على لولاه .. يا غزال العشق حلال
يـــــــــــــــــــــا ليل
يــــــــــــــــــــــــا ليل
يارب يا عالم بالحال .. تهدي حبيبي ويصبح عال
يارب يا عالم بالحال .. تهدي حبيبي ويصبح عال
واغني وارقع بالموال .. واقول يا غزال يا غزال
يـــــــــــــــــا ليل

صاحب القهوة يقول بغضب :
وقّف يا ريس حنتيرة
فيه ناس هنا قاعدة كتيرة
ولا حد قال هات تعميرة ولا واحد شاي
اه .. الي حيطلب راح يقعد ولا ما يطلبش يبعد
رجل جالس على القهوة يخرج بسبب ما قاله صاحب القهوة ويقول :

يلا بينا نخرج يا مسعد شارع التورماي

يكمل الريس حنتيرة غنائه ويقول :
يــــــــــــا ليل .. يـــــــــــــــــا ليل
يا غزال يا غزال العشق حلال دوبتني دوب خلتني خيال خيال
يا غزال يا غزال العشق حلال دوبتني دوب خلتني خيال خيال

صاحب لعبة لأظهار القوة يقول :

ورينا القوة .. يا ابني انت وهو
مين عنده مروّه وعاملي فتوة
يقدر بقادرة على زق الطارة .. ويفرقع بومة
رجل وقع في القخ واعلن عن دخوله للعبة وقال :
وسع .. وسع .. وسع
أنا أزق الطارة وأضرب مية بومة
ده أنا اللسطة عمارة من ضرب شاكما
صيتي من القلعة للقلعة للسوق تلالة
أنا واخد السمعة

صاحب اللعبة يقول :
طيب يلا تعالى

الرجل :
لا يا عم سعيدة
دي البدلة جديدة

صاحب اللعبة بتهكم :
هأ هأ هأ سعيدة يا ابو بدلة جديدة
الاطفال يقولون ايضا بتهكم :

هأ هأ هأ سعيدة يا ابو بدلة جديدة

الرجل الذي ترك القهوة السابقة فارا من كلام صالحبها يقول وقد وجد قهوة اخرى ومعه صديقه مسعد :

إوعد يارب إوعد .. إوعد يارب إوعد .. إوعد يارب إوعد .. إوعد يارب إوعد ..
أدي كمان قهوة .. يلا بينا يا مسعد .. ندخل على سهوة .. ايوة على سهوة

ودخلو القهوة .. وكانت هناك من تغني وتقول :
طار في الهوى شاشي وانت متدراشي
يا جدع
طار في الهوى شاشي وانت متدراشي
يا جدع
طرفه شاورلي شاورلي عليك .. حكم الهوى ماشي
حكم الهوى ماشي

الرجال في القهوة يرددون :
يا حلاوة .. يا حلاوة .. يا حلاوة
هوى العصاري
على سطح جاري
هوى العصاري
على سطح جاري
خدني ورماني رماني عليك ولا انت داري
طار في الهوى شاشي وانت متدراشي
يا جدع
طار في الهوى شاشي وانت متدراشي
يا جدع
طرفه شاورلي شاورلي عليك .. حكم الهوى ماشي
حكم الهوى ماشي
آآه يا ناري .. يا ناري
منك يا جاري
آآه يا ناري .. يا ناري
منك يا جاري
خني ورماني .. رماني عليك هوى العصاري
طار في الهوى شاشي وانت متدراشي
يا جدع
طار في الهوى شاشي وانت متدراشي
يا جدع
طرفه شاورلي شاورلي عليك .. حكم الهوى ماشي
حكم الهوى ماشي

صاحب القهوة الجديدة .. يؤكد على الموجودين .. ويقول كصاحب القهوة السابقة :
ماشي .. ماشي .. ماشي كلامك آه
الي حيطلب راح يقعد
والي ميطلبش يبعد

الرجل يقول لصاحبه مسعد :
يلا بينا نخرج يا مسعد شارع التورماي
اتنين في المولد اكتشفو وجود اقارب لهم من نفس بلدتهم يقول احدهم :
ناس من بلدنا هناك اهم
روح يا ابراهيم اندهلهم
سلامات .. سلامات .. سلامات على البلدايات

منشدين دينيين يقول واحد منهم :
ليلتكم أنس وجلجلة .. جلجلة .. جلجلة ..
أنشد ولعلع يا ولة .. يا ولة .. يا ولة
شفت في منام صاحب المقام .. ده اوبه .. أوبه .. اوبه
ويمامة حايمة عليه تسبح ربها ..
يا نور النبي .. يا نور النبي .. يا نور النبي
ميّلت فوق
صحوني من النوم .. خدت بعضي وتني جدت
وبعودة .. وبعودة

أمراة تبحث عن طفلتها التي تاهت في المولد وتقول :

يا أولاد الحلال .. بنتي تايهة طول كدة
رجلها الشمال فيها خلال زي ده
رجل يقول :
زحمة يا ولداه .. كام عيّل تاه
ونردد في النهاية ونقول أن المولد هو <<
الليلة الكبيرة يا عمي والعالم كتيرة
مالين الشوادر يابا من الريف والبنادر
الليلة الكبيرة يا عمي والعالم كتيرة
مالين الشوادر يابا من الريف والبنادر

والنهاية آذان الفجر والصلاة ويقول المؤذن

الله أكبر الله أكبر .. الله أكبر الله أكبر

[aabadry]

الليل الكبيرة

حافظها زي اسمي بالضبط
و اسمح لي اخي العزيز بهذه الملاحظات
اولا

محلي البيارق
قبة سيدنا الولي في الجو عاليا
حمص حمص دا اللي ما ينقص ع النار يرقص
دول م القنال و دول راشيدة
اذكر نبينا و صلي عليه
طب اللهم صلي عليه

ثانيا

بمناسبة هذا المولد يا ولاد بورنامج سواريه
قولو هيه

و بور نامج مكتوبة حسب النطق
ثالثا

عقبال اولادك كلم

رابعا

و انا لا قوة و لا حولا

خامسا

من درب شاكمبا
و ايضا

لسويقة اللالا

سادسا

آهين يا ناري منك يا جاري

سابعا

دا اوبهة

ثامنا

ميلت فوق جنبه و قلت احبها حبها

تاسعا

خدت بعضي و دني جاي
مع تحياتي الطيبة

محمد صلاح الدين بهجت حلمي ، المشهور بـ صلاح جاهين (25 ديسمبر 1930 - 21 إبريل 1986 م) شاعر ورسام وممثل وموسيقي مصري فنان وعبقري متعدد المواهب كانت احدى روائعه اليله الكبيرة وقد قام بتلحينها عبقري اخر وفارس من فرسان الموسيقى الشرقية سيد مكاوى.

[h_raaft]

تسجيل للليلة الكبيرة مختلف عن الموجود مدة التسجيل 33 دقيقة و شوية و هو ايضا نقى و من أجمل تسجيلات الليلة الكبيرة

[احمد البنهاوي]

وهذا ملصق لهذا الأوبريت الرائع

[oldisgold]

لقد قمت بالتصحيح وها هى النسخة المُصححة:
أوبريت الليلة الكبيرة
تأليف: صلاح جاهين
تلحين: سيد مكاوى
إخراج: عباس أحمد
اشترك في الأداء: شفيق جلال
عصمت عبدالعليم
محمد رشدي
شافية أحمد
صلاح عبدالحميد
محمد نصار
محى الدين الخضري
عبدالحليم فاروز
جمال الدين محمد
محمد سرور
وأطفال حي الناصرية بالسيدة زينب

قبة سيدنا الولي دول نوّروها
ما أحلى البيارق والناس بيزروها
قبة سيدنا الولي في الجو عاليا
ما احلى البيارق لما دوّروها
بتاع الحمص يقول: حمص حمص دا اللي ما ينقص ع النار يرقص (4)
يرقص يرقص ويقول .. اللي شاف حمّص ولا كلش حب وأتلوع ولا ولا طلشي

تضحك الفتاة وتقول: يسترك هات حبة بقرش
يضحك الشباب هأ .. هأ .. هأ .. هو
حمّص .. حمّص .. حمّص
حمّص .. حمّص .. حمّص
اسعى .. اسعى .. اسعى
حمّص .. حمّص .. حمّص
حمّص .. حمّص .. حمّص
اسعى .. اسعى .. اسعى .. اسعى

مصوّراتي يقول: خدلك صورة ستة في تسعة
اسعى .. اسعى .. اسعى .. اسعى
خدلك صورة ستة في تسعة
اسعى .. اسعى .. اسعى .. اسعى
يا سي عجورة النار خسعة

رجال وبائعين في المولد يقولون :
الله .. الله .. الله عجمية ... باللوز
الله .. الله .. الله طعمية ... أراجوز
الله .. الله .. الله .. الله .. الله .. الله

الأراجوز يقول ومعه الأطفال :
الليلة الكبيرة يا عمي والعالم كتيرة
ماليين الشوادر يابا من الريف والبنادر
الليلة الكبيرة يا عمي والعالم كتيرة
ماليين الشوادر يابا من الريف والبنادر
دول فلاحين ودول صعادية
دول من القنال ودول رشايدة
الليلة الكبيرة يا عمي والعالم كتيرة
مالين الشوادر يابا من الريف والبنادر

حوار بين الأراجوز والعمدة
العمدة : يا حضرة الأراجوز قولي
الأراجوز : نعم يا عمدة عاوز إيه
العمدة : منين يروحو المتولي ؟
الأراجوز : امدح نبينا وصلي عليه
العمدة : طب اللهم صلي عليه
الأراجوز : تمشي كده على طول على طول لحد ما تلاقي عمارة
العمدة : لحد ما ألاجي عمارة
الأراجوز : تكسر يمين تلقى بتاع فول دكانته على ناصية حارة
العمدة : دكانته على ناصية حارة
الأراجوز : تدخل يمينك وشمالك شارعين وفي التالت تكسر
العمدة : شارعين وفي التالت أكسر
الأراجوز : على اليمين واخد بالك .. وتمشي على طول تتمخطر
العمدة : وأمشي على طول واتمخطر
الأراجوز : تفضل كده تمشي وتلف .. وتخش من مطرح ما طلعت
العمدة : واخش من مطرح ما طلعت
الأراجوز : ولما تلقى مقلة لب
العمدة : ولما ألجى مجلة لب
الأراجوز : تعرف بأنك تهت وضعت
العمدة : ااهاا دي وصفة سهلة ..
الأراجوز : سهلة أوي
العمدة : ودي وصفة هايلة
الأراجوز : مع السلامة .. مع السلامة .. مع السلامة يا ابو عمة مايلة
الاطفال : مع السلامة يا ابو عمة مايلة .. مع السلامة يا ابو عمة مايلة

رجل يدعو الشباب للتصويب ببندقية في المولد يقول :
فتّح عينك تاكل ملبن فينك فينك .. تاكل ملبن
فتّح عينك تاكل ملبن فينك فينك .. تاكل ملبن
أوعى لجيبك ده العيب عيبك
قرّب .. جرّب .. نشّن وسطن ايدك .. وسطن اضرب ..
ضرب أحد الشباب بالبندقية .. وأصاب الهدف .. فقال له صاحب البندقية :
يحميك يا ابني تبقى غالبني
قرّب خدلك حتة ملبن
قرّب خدلك حتة ملبن
قرّب خدلك حتة ملبن

رجل يبيع العاب للأطفال يقول :
فوريرة للعيل يا ابو العيال ميّل
خدلك سبع فرارير
زمّارة شخليلة
عصفورة يا حليلة
طراطير يا واد طراطير
طراطير يا واد طراطير
طراطير طراطير طراطير
طراطير طراطير طراطير

في السيرك رجل يقول :
الليلة .. الليلة السيرك تعالو دي فرجة تساوي جنيه قولو هيه
هيه .. هيه .. هيه
بمناسبة هذا المولد يا ولاد بورنامج سواريه قولوا هيه
هيه .. هيه .. هيه
في السيرك شجيع يهجم على السبع ويركب دوغري عليه قولو هيه
هيه .. هيه .. هيه
وبنات قمرات زي الشربات حلوين مش عارف ليه قولو هيه
هيه .. هيه .. هيه
وكمان بلياتشو تعالو اسمعو ناتشو وشوفو حيعمل ايه قولو هيه
هيه .. هيه .. هيه
هيه .. هيه .. هيه
هيه .. هيه .. هيه

رجل يستعرض عضلاته في السيرك .. أو ربما في ركن آخر على أرض المولد يقول :
أنا شجيع السيما أبو شنب بريمة
أنا شجيع السيما أبو شنب بريمة
أول ما اقول علي هب
واصرخ لي صرخة
ها .. ها .. ها
السبع يتكهرب ويبقى فرخة
حالاً بالاً سأصارع أسد أنما إيه متوحش
وحخلي وجهه شوارع
تصقيفة يا ناس ميصحش
تصقيفة يا ناس ميصحش
الاسد وصل .. ويقول الرجل :
أهو جه أهو جه .. تصقيفة بقى
أهو جه أهو جه .. تصقيفة بقى
تصقيفة أومال .. تشجيعة أومال
تصقيفة أومال .. تشجيعة أومال
تعالى لالي اللاي اللالي يا حبيبي تعالى لالي
تصقيفة أومال .. تشجيعة أومال
تصقيفة أومال .. تشجيعة أومال
تعالى لالي اللاي اللالي يا حبيبي تعالى لالي

فرقة موسيقية عابرة .. يقول رجل فيها :
دقي يا مزيكا

واحد واقف بشوية أكل .. سمك .. منبار .. فشة في المولد يقول :
السمك مقلي .. كل وبرقلي
صنف زي الفل
استخار واختار
فشة أو منبار
يلا يلا سمي وكل
يلا يلا سمي وكل
يلا يلا سمي وكل
يلا يلا سمي وكل

فتاة تغني وتدعو الأمهات ليباركن أولادهن وتقول :
يا أم المتطهار رشي الملح سبع مرات
يا أم المتطاهر رشي الملح سبع مرات
في مقامه الطاهر خشي وقيدي سبع شمعات
يا عريس يا صغير علقة تفوت ولا لحد يموت
لابس ومغير وحتشرب مرقة كتكوت
يا عريس يا صغير علقة تفوت ولا لحد يموت
لابس ومغير وحتشرب مرقة كتكوت
يا أم المتطهار رشي الملح سبع مرات
يا أم المتطاهر رشي الملح سبع مرات
في مقامه الطاهر خشي وقيدي سبع شمعات

بالذمة ده سابع عيّل مزفوف من وقت قليل
مولد شيلاه يا معلم .. عقبال أولادك
كلم

عالقهوة رجل القهوة يقول :
واحد مظبوط واتنين مصري عالنار حاضر جايلك دغري

فنان يغني على القهوة ويقول :
مسا التماسي .. مسا التماسي يا ورد قاعد على الكراسي
مسا التماسي .. مسا التماسي يا ورد قاعد على الكراسي

رجل جالس على القهوة يقول : هات شاي يا دقدق
دقدق رجل القهوة يقول : عيني وراسي
سمعنا يا ريس حنتيرة
للصبح معاك السهيرة
الجالسون على القهوة يقولون : سمعنا .. سمعنا .. سمعنا .. سمعنا

الريس حنتيرة يغني ويقول :
يا غزال .. يا غزال العشق حلال دوبتني دوب خلتني خيال خيال
يا غزال .. يا غزال العشق حلال دوبتني دوب خلتني خيال خيال
يااااااه .. يا شفتك فص فراولة .. وانا لا قوة ولا حولا
دوبتني قلبي على لولاه .. آه يا غزال
يا غزال العشق حلال
يـــــــــــــــــــــا ليل
يـــــــــــــــــــــا ليل
يارب يا عالم بالحال .. تهدي حبيبي ويصبح عال
يارب يا عالم بالحال .. تهدي حبيبي ويصبح عال
وأغني وأرجع بالموال .. وأجول يا غزال يا غزال
يـــــــــــــــــا ليل

صاحب القهوة يقول: بغضب
وقّف يا ريس حنتيرة فيه ناس هنا قاعدة كتيرة
ولا حد قال هات تعميرة ولا واحد شاي
آه .. اللي حيطلب راح يقعد ولا ما يطلبش يبعد
رجل جالس على القهوة يخرج بسبب ما قاله صاحب القهوة ويقول :
يلا بنا نخرج يا مسعد شارع التورماي
يكمل الريس حنتيرة غنائه ويقول :
يــــــــــــا ليل .. كمان .. يـــــــــــــــــا ليل
يا غزال يا غزال العشق حلال دوبتني دوب خلتني خيال خيال
يا غزال يا غزال العشق حلال دوبتني دوب خلتني خيال خيال

صاحب لعبة لأظهار القوة يقول :
ورينا القوة .. يا ابني انت وهو
مين عنده مروّه وعاملي فتوة
يقدر بقدارة على زق الطارة .. ويفرقع بومة
رجل وقع في الفخ وأعلن عن دخوله للعبة وقال :
وسع .. وسع .. وسع
أنا أزق الطارة وأضرب مية بومة
ده أنا الأسطة عمارة من ضرب شاكمبا
صيتي من القلعة .. للقلعة لسويقة اللالا .. لالالا
صيته من القلعة . ها ها هأ لسويقة اللالا ها ها هأ
صيتي من القلعة لسويقة اللالا أنا واخد السمعة
صاحب اللعبة يقول : طيب يلا تعالى
الرجل : لا يا عم سعيدة دي البدلة جديدة
صاحب اللعبة بتهكم : هأ هأ هأ سعيدة يا ابو بدلة جديدة
الأطفال يقولون أيضا بتهكم : هأ هأ هأ سعيدة يا ابو بدلة جديدة

الرجل الذي ترك القهوة السابقة فاراً من كلام صاحبها يقول وقد وجد قهوة أخرى ومعه صديقه مسعد :
إوعد يارب إوعد .. إوعد يارب إوعد .. إوعد يارب إوعد .. إوعد يارب إوعد ..
آدي كمان قهوة .. يلا بينا يا مسعد .. ندخل على سهوة .. آيوة على سهوة

ودخلو القهوة .. وكانت هناك من تغني وتقول :
طار في الهوى شاشي وانت متدراشي
يا جدع
طار في الهوى شاشي وانت متدراشي
يا جدع
طرفه شاورلي شاورلي عليك .. حكم الهوى ماشي
حكم الهوى ماشي

الرجال في القهوة يرددون :
يا حلاوة .. يا حلاوة .. يا حلاوة .. يا حلولو
هوا العصاري .. يا هوا
على سطح جاري .. يا هوا
خدني ورماني رماني عليك ولا انت داري
طار في الهوى شاشي وانت متدراشي
يا جدع
طار في الهوى شاشي وانت متدراشي
يا جدع
طرفه شاورلي شاورلي عليك .. حكم الهوى ماشي
حكم الهوى ماشي
يا حلاوة .. يا حلاوة .. يا حلاوة .. يا حلولو
آآهين يا ناري .. يا ناري
منك يا جاري
آآهين يا ناري .. يا ناري
منك يا جاري
خني ورماني .. رماني عليك هوى العصاري
طار في الهوى شاشي وانت متدراشي
يا جدع
طار في الهوى شاشي وانت متدراشي
يا جدع
طرفه شاورلي شاورلي عليك .. حكم الهوى ماشي
حكم الهوى ماشي

صاحب القهوة الجديدة .. يؤكد على الموجودين .. ويقول كصاحب القهوة السابقة :
ماشي .. ماشي .. ماشي كلامك آه
اللي حيطلب راح يقعد واللي ميطلبش يبعد

الرجل يقول لصاحبه مسعد :
يلا بينا نخرج يا مسعد شارع التورماي
طرفه شاورلي شاورلي عليك .. حكم الهوى ماشي
حكم الهوى ماشي

إتنين في المولد اكتشفوا وجود اقارب لهم من نفس بلدتهم يقول احدهم :
ناس من بلدنا هناك أهم
روح يا إبراهيم إندهلهم
سلامات .. سلامات .. سلامات على البلديات

منشدين دينيين يقول واحد منهم :
ليلتكم أنس وجلجلة .. جلجلة .. جلجلة ..
أنشد ولعلع يا وله .. يا وله .. يا وله
شفت في منام صاحب المقام .. ده أوبه .. أوبه .. أوبه
ويمامة حايمة عليه تسبح ربها
يا نور النبي .. يا نور النبي .. يا نور النبي
ميّلت فوق جنبه وقلت أحبها حبها
صحوني من النوم .. خدت بعضي ودني جاي
وبعودة .. وبعودة

إمراة تبحث عن طفلتها التي تاهت في المولد وتقول :
يا ولاد الحلال .. بنتي تايهة طول كدة
رجلها الشمال فيها خلال زي ده

رجل يقول :
زحمة يا ولداه .. كام عيّل تاه
ونردد في النهاية ونقول أن المولد هو
الليلة الكبيرة يا عمي والعالم كتيرة
مالين الشوادر يابا من الريف والبنادر
الليلة الكبيرة يا عمي والعالم كتيرة
مالين الشوادر يابا من الريف والبنادر

والنهاية آذان الفجر والصلاة ويقول المؤذن

الله أكبر الله أكبر .. الله أكبر الله أكبر

[غازي الضبع]

المشاركة الأصلية كتبت بواسطة oldisgold

لقد قمت بالتصحيح وها هى النسخة المُصححة:
أوبريت الليلة الكبيرة
تأليف: صلاح جاهين
تلحين: سيد مكاوى
إخراج: عباس أحمد

تحية قلبية إلى الأستاذ oldisgold
لكن الحقيقة أنا اللي أعرفه إن الليلة الكبيرة إخراج صلاح السقا

[abuhany]

** الأخ العزيز الأستاذ غازي الضبع ، سلام الله ورحمته وبركاته لك .
** صحيح أن المخرج صلاح السقا أخرج الليلة الكبيرة لكن كان ذلك في مسرح العرائس ، وهي ليلة أكبر قليلا من ليلة الإذاعة التي أخرجها عباس أحمد ، وهذه النسخة التي في المنتدى ليست نسخة الإذاعة التي تقع في ربع ساعة أو أقل وتخلو من مشاهد الأراجوز والعمدة والمغني البلدي ووصول الأقارب والبلديات .
** صحيح أنه كان ينبغي أن يُذكر مع هذه النسخة أن مخرجها لمسرح العرائس هو صلاح السقا .
** شكرا للاهتمام ، والسلام .
د. محمد جبر