رد: طلبات نوتة أ / عادل صموئيل الجزء الثانى
أستاذ عادل كل سنة وحضرتك طيب وعيد سعيد إن شاء الله ..
عندي سؤال لحضرتك .. كنت عايز اعرف رايك في أغاني السيدة فيروز المقتبسة من الحان غربية زي لبيروت وكانوا يا حبيبي ويا أنا وغيرهم .. هل من وجهة نظر حضرتك الأغاني دي أضافت لها كرصيد فني في تاريخها أم هذه الأغاني مثلت نقطة ضعف في تاريخها ..
مع جزيل الشكر
اخى العزيز
الموضوع كذا شق ... امتى تبقى سرقة وامتى تبقى تنويع واقصد هنا مع فيروز مش مع حد تانى .. الاخوين رحبانى ناس بيتميزوا بالغزارة اللحنية .. كانت الموسيقى بتنساب منهم كالطوفان يعنى شوف كمية الموسيقى اللى عملوها وهم كانوا بيشتغلوا 12 ساعة كل يوم وبينامول الباقى ..تخيل لو كانوا ماناموش ال 12 ساعة الباقيين كانوا عملوا موسيقى اد اللى عملوه مرتين ... مش زى ملحن عمل شوية حاجات بعدين المد بتاعه خلص قال كل اللى عنده ويبتدى اما يكلفت او يسرق .. فهمت ما اقصد ؟ هم لما استعملوا جمل موسيقية عالمية يعنى خد الجملة وكمل الاغنية من عنده هنا هو عرف الناس بسيمفونية موتزات وكونشيرتو الكمان بتاع تشايكوفسكى تخيل او حسبناهنا حايطلع مين الكسبان ؟ موتزارت وتشايكوفسكى لأن خلا ناس مش بيسمعوهم اصلا يغنوا الحانهم مع اطيب تحياتى
التعديل الأخير تم بواسطة : عادل صموئيل بتاريخ 07/01/2019 الساعة 07h05
|