أعمال من تنفيذ الفنان محمد الآلاتي

[الألآتى]

أيوة ... لبسنى السلطانية .. لبّس

قلوظ لى العمّة .. قلوظ ..

بس إكبسها كويس .. أصل أنا باكل من الكلام ده ..

حاعملها لك من غير أونطة ..

[الألآتى]

بناء على تدبيسة الأستاذ غازى الضبع .. ونزولاً على رغبته السامية ..

أقدم لكم بكل خيبة قوية .. مقطوعة أو رقصة ( قمر 14 ) لمحمد عبد الوهاب ..

وزى ماإحنا عارفين .. هى أخر رقصة ألفها عبد الوهاب ..

أقدم لكم جزء منها .. وليس كلها .. لأنها حوالى 12 دقيقة .. ولأنى ماأقدرش أزعل حبيبى غازى .. أرجوا ألا تضربونى بالبُلغ .. وأتمنى لكم سماع طيب ..

[سامية]

بالشكل ده انا هاشجع غازي يدبسك كمان وكمان
طالما التدبيسات بتكون نتيجتها إبداع بالشكل ده
وبعدين يا عمنا كفاية تواضع احنا عرفنا اللي فيها
احنا كلنا لازم نشكر غازي لانه جاب رجلك في السكة دي
يعني لما احتاج حاجة زي كده منك يا استاذنا اجيب غازي واسطة لسيادتك
ولا اطلبها على طول ؟؟؟؟
بس تعرف ان غازي ده متسلط عليك معظم المواضيع اللي بيفتحها بيدبسك فيها وبيستغل مكانته عندك
على العموم يا ابو حسام انت مكسب كبير للمنتدى ولنا كلنا
مع خالص تحياتي

[الألآتى]

إنت ِ تؤمرى أيتها العزيزة سامية .. وطلباتك أوامر .. وأشكرك على كلماتك الرقيقة التى تزيد من شجاعتى لوضع مثل هذه الأعمال فى المنتدى .. وأعدك وأعد الأخوة الأعزاء بتحضير أعمال أكثر حرفية وأكثر جمالاً مما وضعت من قبل ..

[غازي الضبع]

يا آلاتي يا جميل ..
مش عارف أشكرك إزاي ..
أكيد جميلة جدا ( لسه ما حملتهاش للأسباب السالف ذكرها )
ولو إني مش عارف ليه رأيك فيها كده ..
دي جميلة جدا ..
شوفت إزاي بدأت بأوركسترا قوية جدا .. وكأنها مارش عسكري ، وفجأة تحولت إلى موسيقى راقصة ..
ما يعملشي الحتة غير الأستاذ ..
وبعدين شوفت إزاي بقت موسيقى حزينة جدا ..ثم تحولت إلى موسيقى كلاسيكية أشبه بالموسيقى التصويرية في الأفلام ..
ثم يعطينا درس كالعادة في التكرار نفس الجملة الموسيقية ولكن بعدة توزيعات مختلفة ..
زيها زي مقطوعاته الجميلة في نبتدي منين الحكاية ، وفاتت جنبنا .
وبعدين يؤكد إنه المايسترو العملاق الذي اخترع وابتكر أن يدخل كلمة ما داخل المقطوعة الموسيقية وكأن الكلام أصبح حروف موسيقية من اختراع عبد الوهاب ..
زي ما عمل كده في موسيقى .. عزيزة .. يا وله يا وله
وموسيقى زينة .. زينة زينة والله يا زينة
وموسيقى حبيبي الاسمر .. أسمر باحبه الاسمر .. حبيبي الاسمر .. حياتي الاسمر
وغيرهم ..
فيكمل المسيرة هنا بعدة حروف لالالالا لالالالا
ثم يعود إلى الدخلة الأروكسترالية التي بدأ بها .. وجعلني حينما سمعتها لأول مرة تساءلت .. إزاي حد هايرقص عليها دي ..
لكنه جاوب بتحويلة غاية في الجمال .. وأنهى بنفس الجملة التي تشبه المارش اللي قولنا عليه ..
الله الله الله
الله يرحمك يا عبد الوهاب
حرام عليك يا آلاتي ..
دي في نظري الشخصي من أجمل ما أبدع عبد الوهاب
وعلى فكرة .. أنا طول عمري أحب أسمع أي نقد فني لأي عمل فني ..
بس في النهاية ليا رأيي الشخصي ونقدي الشخصي .. وعمره ما بيتأثر برأي كبار النقاد ..
أرجوا منك يا كبير الآلاتية يا جميل .. تعيد النظر فيها ..
وما تتأثرش باللي اتقال عليها من النقاد وقتها ..
ولا بالتعليق اللي اتقال عليها من الأخ اللي رفعها هنا في المنتدى ..
تحياتي واحترامي ومحبتي لك يا صديقي السماعي

[الألآتى]

المشاركة الأصلية كتبت بواسطة ghazyeldaba

يا آلاتي يا جميل ..
مش عارف أشكرك إزاي ..
أكيد جميلة جدا ( لسه ما حملتهاش للأسباب السالف ذكرها )
ولو إني مش عارف ليه رأيك فيها كده ..
دي جميلة جدا ..
شوفت إزاي بدأت بأوركسترا قوية جدا .. وكأنها مارش عسكري ، وفجأة تحولت إلى موسيقى راقصة ..
ما يعملشي الحتة غير الأستاذ ..
وبعدين شوفت إزاي بقت موسيقى حزينة جدا ..ثم تحولت إلى موسيقى كلاسيكية أشبه بالموسيقى التصويرية في الأفلام ..
ثم يعطينا درس كالعادة في التكرار نفس الجملة الموسيقية ولكن بعدة توزيعات مختلفة ..
زيها زي مقطوعاته الجميلة في نبتدي منين الحكاية ، وفاتت جنبنا .
وبعدين يؤكد إنه المايسترو العملاق الذي اخترع وابتكر أن يدخل كلمة ما داخل المقطوعة الموسيقية وكأن الكلام أصبح حروف موسيقية من اختراع عبد الوهاب ..
زي ما عمل كده في موسيقى .. عزيزة .. يا وله يا وله
وموسيقى زينة .. زينة زينة والله يا زينة
وموسيقى حبيبي الاسمر .. أسمر باحبه الاسمر .. حبيبي الاسمر .. حياتي الاسمر
وغيرهم ..
فيكمل المسيرة هنا بعدة حروف لالالالا لالالالا
ثم يعود إلى الدخلة الأروكسترالية التي بدأ بها .. وجعلني حينما سمعتها لأول مرة تساءلت .. إزاي حد هايرقص عليها دي ..
لكنه جاوب بتحويلة غاية في الجمال .. وأنهى بنفس الجملة التي تشبه المارش اللي قولنا عليه ..
الله الله الله
الله يرحمك يا عبد الوهاب
حرام عليك يا آلاتي ..
دي في نظري الشخصي من أجمل ما أبدع عبد الوهاب
وعلى فكرة .. أنا طول عمري أحب أسمع أي نقد فني لأي عمل فني ..
بس في النهاية ليا رأيي الشخصي ونقدي الشخصي .. وعمره ما بيتأثر برأي كبار النقاد ..
أرجوا منك يا كبير الآلاتية يا جميل .. تعيد النظر فيها ..
وما تتأثرش باللي اتقال عليها من النقاد وقتها ..
ولا بالتعليق اللي اتقال عليها من الأخ اللي رفعها هنا في المنتدى ..
تحياتي واحترامي ومحبتي لك يا صديقي السماعي

جرى إيه ياعم إنت .. إنت بتدخل المنتدى كل إسبوع ولا إيه !!

عموماً .. حمدلله على السلامة ..

بالنسبة لنقدى للمقطوعة .. فهذا سأتحدث فيه فيما بعد .. بعد سماعك للملف المرفق ..

وأدعو الله أن ييسر لك الحال .. وتنتهى هذه الأزمة التى تمنعك من التحميل والإستمتاع ..

[غازي الضبع]

بس إيه رأيك ؟؟
عرفت أحكي الموسيقى ؟
شفت لفظ غريب إزاي .. هي الموسيقى بتتحكي
إيه رأيك بجد .. يهمني أعرف ؟

[غازي الضبع]

دا اسمه كلام برضه يا كبير الآلاتية يا جميل
أنا برضه ألبسك السلطانية
.. ولا أقلوظلك العمة ..
دا انت حبيبي ..
..
..
..
..

بس معلش احنا عايزين السلطانية
أصلها مش بتاعتنا

[الألآتى]

المشاركة الأصلية كتبت بواسطة ghazyeldaba

بس معلش احنا عايزين السلطانية

أصلها مش بتاعتنا

هاهاهاها ... عايزها بقى فاضيه ولا مليانة .. طرشى ..

تحت أمرك ياعم غازى ياغالى ..

[الألآتى]

المشاركة الأصلية كتبت بواسطة ghazyeldaba

بس إيه رأيك ؟؟
عرفت أحكي الموسيقى ؟
شفت لفظ غريب إزاي .. هي الموسيقى بتتحكي
إيه رأيك بجد .. يهمني أعرف ؟

طبعاً الموسيقى بتتحكى ..

وإنت حكيت كمستمع وذواق .. وليس أكاديمى .. والأهم أنك حكيت إحساسك ..