اقتباس:
المشاركة الأصلية كتبت بواسطة abuzahda
علشان مابيسمعوش
علشان مابيفهموش
سرقوا المال من جيوبنا
وجهزوا الجيوش
وحضروا المواكب
وركبوا في المراكب
وودعوا الحبايب
ورجعوا في النعوش
سكروا لما الثمالة
فرحوا بلبس المارين
جابوا حبة حثالة
كفرة مالهومش دين
لم دخلوا كنيسة مرة
يمكن مااتعمدوش
تو ميدل إست جو......
ننشر حريه سام
الكاوبوي جددوه
لجل يعم السلام
الحلم تحققوه
وبغيره ماترجعوش
جوني طفلن لقيطن
عايش في الفيديوجيم
ماذر مشغولة عنه
بالماسك وبالرجيم
والشيطان الرجيم
منه ما اتعوذوش
جوني كبر شوية
في أحضان الجروب
ولا عمره شافش سيما
غير أفلام الحروب
محتار بين الدروب
والصح مايعرفوش
ولما شد حيله
صايع من غير مدارس
وهموه بإنه رامبو
وسوبر مان وفارس
ورموه ف إدين فوارس ....
في عراقنا ما يرحموش
جوني رجع لمامته
ملفوف بألف كيس
متفحم ياندامته
من بعد ما مات فطيس
واللي كتبوا السيناريو
للـ END ماخططوش
علشان مابيفهموووووش
نشرت بعدد نوفمبر 2007بجريدة "البلاد" ( سياسية عربية تصدر في كندا)
|
شاعرنا الكبير ،،، أقولك إيه ولا إيه """ جرجرتنى من عقلى ومن قلبى وعلى ملا وشى وخلتينى أروح على الـ youtube عشان اسمع صوتك ،،، سمعتنى رباعيات التعب ،، سمعتنى صوت جبل المقطم وغيره وغيره ،،، سمعتنى صوت مصر يا اخى والله وبلا مبالغة
( طق الحجر م الضجر .... وأن من سأمى ) يا سلام عليك وعلى كلامك الجامد يا عم سيد ،،،،
تقبل تحياتى وإعجابى ( وتقدر تقول هوسى بيك وبأشعارك )
__________________
** هنا فى سماعى وجدت من أحب و ما أحب و ما سأحب **
((( ولكم منى كل الحب )))
*/*/* أحمـــد الشـــوبكـى */*/*