رأيى الغلبان فى مسلسل اسمهان

[صوت الموسيقى]

المشاركة الأصلية كتبت بواسطة wanderer007

اولا انا شدنى عنوان الموضوع لما عرفت انه عن مسلسل
اسمهان وده لانه عجبنى قوى
بس انا لاقيت النقض الفنى ضعيف جدا
خصوصا انى لاقيت ناس بتقارن الطول و عرض الكتف وحاجات شكليه عقيمه ونسيوا الفكرة نفسها
يعنى انا ماينفعش اقارن جسم سلاف بجسم اسمهان لان دى انسانه ودى انسانه تانيه
اما بالنسبه ل دور فؤاد الاطرش فهو مقنع جدا خصوصا ان انا شفت زيه
وبعدين انتوا معطردين على اسلوب فؤاد فى المعامله وقلتوا مش معقول يكون بالسذاجه دى طيب وليه لاء هو يعنى انتوا عشتوا معاه وعارفينه كويس

ثم كل الممثلين الى مثلوا ادوار زى ام كلثوم وحليم والسادات مكانوش 100*100 طبق الاصل الشخصيه وبالذات صابرين لان ام كلثوم لما شفتها فى الكام حوار اللى عملته فى التليفزيون كانت بسيطه جدا جدا مش زى صابرين وكذلك السادات , كان احمد ذكى ضايف حاجات فى تعبيرات وشه زياده شويه عن الواقع
خلاصه الكلام المسلسل رائع وبعدين انا مستغرب قوى ان انتوا بتنقضوا المسلسل وهو لسه مخلصش


اتمنى انو محدش يزعل من صراحتى خصوصا ان الكل هايعترض على كلامى

اخى الكريم...

محدش قال ان الممثلين لازم يكونوا بالظبط هم هم نفس الشخصيات الاصلية.... بس احنا بنتكلم عن المحصلة النهائية...ف الاخر انت مصدق ولا مش مصدق...

سيبك من مثال احمد زكى و صابرين.... خلينا ناخد مثال تانى خاااااااااااااااااااااااااااااااااااااااالص... ريا و سكينة...
ايوه ريا و سكينة....!!!!!! اهو دول مالهمش اصول معروفة و محفوظة نقارن بيها... لكن الاداء و الاحساس او زى ما بيقولوا لغة الجسدbody language انت كنت مصدق تماما ان دول ريا و سكينة ونسيت شخوص الممثلين الحقيقية و خصوصا الرائعة عبلة كامل...

ضيف على كده ان المسلسل ورانا و عيشنا (حط تحت عيشنا الف خط) كل الظروف و الملابسات اللى وصلتهم لكده... وده نفس اللى ممكن يتقال عن مسلسل الملك فاروق زى ما سبق وقلنا.... مسلسل اسمهان ورانا ظروف نشأتها لكن ما عيشناش...ما حسسناش... وبالتالى مقدرناش نتعاطف معاها فى حين ان كل الكتب و المراجع اللى تناولت حياتها اظهرت قد ايه نشأتها المتخبطة بين الفقر و الامارة و افتقادها الشعور بالامان طول عمرها هو اللى وصلها لكده...المسلسل عرض الكلام ده لكن معرفش يوصله لقلوبنا... و الفرق بين العرض و التوصيل كبييييييييييييييييييير جدا

موضوع فؤاد وسذاجته....محدش يا سيدى عاش معاه ولا عرفه زى ما حضرتك بتقول...الكلام كله من وجهة نظر قواعد علم النفس المعروفة ومن وجهة نظر كل الكتب اللى أرخت لحياة اسمهان و فريد... وده يؤكد ان ممدوح الاطرش مكانش محايد...اما حكاية ان المسلسل لسه مخلصش فاللى اتعرض لحد دلوقتى منه كافى لتكوين حكم و لو مبدئى عليه... و بعدين ياعم ما الجرايد و المجلات كلها عمالة تنقد و المسلسلات لسه شغالة ولا عشان ما انا على قد حالى يعنى...

همسة صغيرة اخيرة يا اخى الكريم و ما فيناش من زعل : النقد بالدال و ليس بالضاد... و معترضين و ليس معطردين.....معلش اصل اخوك مدمن فصحى

[hossam moussa]

طيب التابعي و أحمد سالم و عديناهم,انما النهارده يطلعوا لنا بلياتشو حواجبه بيبوسوا بعض وقال ده يوسف بك وهبي,لأ دى مقصودة بقي, و هناك تعمد باحاطة سلاف بهذه الشخصيات الباهتة الركيكة في محاولة(غالبا)لتعميق أثر شخصية أسمهان لدى المشاهد و اقتناعه بها و من ثم اكسابها مصداقية قد تستغل للدفاع عن بعض الأتهامات التي أحاطت بأسمهان كما حدث في حلقة اليوم عندما ورد علي لسان أسمهان أن تعاملها مع المخابرات البريطانية لم يكن من أجل المال كما ورد في الصحافة السورية حينها, وانما كان بهدف تحرير سوريا من الأحتلال,مما جعلني أشعر لأول مرة أن هذا المسلسل ربما يكون منتجا بتمويل سرى من جهة ما,عموما أنا مع الرأى الذى يدعو الي الأنتظار حتي نهاية المسلسل,و لكن اظهار نماذج مصرية معروفة برقيها علي المستوى الأنساني علي هذه الصورة الركيكة استفزنى فأردت أن أسجل اعتراضي الفورى,و شكرا.

[صوت الموسيقى]

المشاركة الأصلية كتبت بواسطة hossam moussa

طيب التابعي و أحمد سالم و عديناهم,انما النهارده يطلعوا لنا بلياتشو حواجبه بيبوسوا بعض وقال ده يوسف بك وهبي,لأ دى مقصودة بقي, و هناك تعمد باحاطة سلاف بهذه الشخصيات الباهتة الركيكة في محاولة(غالبا)لتعميق أثر شخصية أسمهان لدى المشاهد و اقتناعه بها و من ثم اكسابها مصداقية قد تستغل للدفاع عن بعض الأتهامات التي أحاطت بأسمهان كما حدث في حلقة اليوم عندما ورد علي لسان أسمهان أن تعاملها مع المخابرات البريطانية لم يكن من أجل المال كما ورد في الصحافة السورية حينها, وانما كان بهدف تحرير سوريا من الأحتلال,مما جعلني أشعر لأول مرة أن هذا المسلسل ربما يكون منتجا بتمويل سرى من جهة ما,عموما أنا مع الرأى الذى يدعو الي الأنتظار حتي نهاية المسلسل,و لكن اظهار نماذج مصرية معروفة برقيها علي المستوى الأنساني علي هذه الصورة الركيكة استفزنى فأردت أن أسجل اعتراضي الفورى,و شكرا.

اخى الكريم...ما افتكرش ان الموضوع كبير قوى كده... يعنى انا ارجح ان المسألة استسهال و قصر نظر مش اكتر و الا ما كانتش شخصيات تانية زى فريد مثلا تألقت ..... و اللى يرجح الاحتمال ده ان شوقى الماجرى كان بيصور ابو جعفر المنصور و اسمهان فى نفس الوقت...فكان لازم حاجة على حساب حاجة و بعدين لو كانوا عايزين يدوها مصداقية مكانوش اظهروا باقى اخطاءها و كانوا طلعوها ملاك بجناحين...

المهم عرفت بقى ليه انا كنت بتمنى ان حاتم على او نجدت انزور يخرج المسلسل ده؟؟؟ ولا يوم من ايام الملك فاروق و الساحر المبدع تيم الحسن

[أبوإلياس]

سؤال هام : الممثلان اللذان أديا دور محمد عبد الوهاب ويوسف وهبي في المسلسل لماذا أقنعا في تقديم الشخصيتين رغم أنهما ليسا من النجوم ؟
جواب : لأنهما بجانب الشكل القريب جدا من الشخصية الأصلية حاولا ولو بتقليد نبرات الصوت أن يقولا لنا أنا محمد عبد الوهاب وأنا يوسف وهبي ، سلاف/ أسمهان لم تنجح في الوصول إلى إقناعهما في الشخصيتين اللتين قدمهما .

[صوت الموسيقى]

الاخ الفاضل اللى كان زعلان اننا بننقد و المسلسل لسه شغال... اهو المسلسل خلص...ايه رأيك فى الختام البارد ده...لأ وموضوع احمد سالم اتكروت و اتعمل فيه مغالطات من هنا لبكره.... منهم لله واحد واحد من اول المنتج لحد عامل البوفيه

معلش سامحونى اذا كنت سخن شويه...بس اصل انا لسه قايم من قدام الحلقة حااااااااااالا

[غواص النغم]

فعلا الحلقة الأخيرة باردة ونهايتها مش حلوة
كان هناك مشهد مهم وهو ألمشاجرة بين احمد سالم وأسمهان والأميرالاي
كان ممكن يتعمل شغل جامد في المشهد ده
طلع المشهد مهزوز وكأنه بروفة
وكذلك مشهد السائق والذي قام بدوره فتوح أحمد مش عارف ليه اتعمل بهذه السذاجة
المسلسل إتكلفتت أحداثه
كل سنة وانتم طيبيين

[محمد حامد احمد]

الحق يقال ان هذا المسلسل عادى كباقى المسلسلات
لا توجد اختلافات بين المسلسلات العربية
القصص واحدة وان كانت فى هذا المسلسل سيرة ذاتية ولكن الاحداث لا تتغير
يطغى الجانب الدرامى على الاحداث والابتذال فى تجسيد الشخصيات
مما يشوة الصورة الاصل
ارجو الغاء فكرة المسلسلات اللتى تحمل السيرة الذاتية
وان تبث برامج تسجيلية لهذة الشخصيات

وفى النهاية لى تعليق

المشاركة الأصلية كتبت بواسطة adel2000masr

عندما تنظر فى اافلام الى نظرة عيونها نجد فيها شىء من المستحيل تقليدها والخلط فى المسلسل بين مقاطع من الاغانى بصوت اسمهان الاصلى ومقاطع بصوت واحدة تقلدها يدل على ان طاقم هذا المسلسل التذوق الفنى عنده صفر لايفرق بين الفازة التى تساوى ملايين الجنيهات والزير الذى نشرب منه المياه

المشاركة الأصلية كتبت بواسطة adel2000masr

قد يكون الزير الذى نشرب منة المياه اعلى قيمة من الفازة التى تساوى ملايين الجنيهات

وخصوصا اذا كنت فى الصحراء وانت تمتلك الفازة وغيرك يمتلك زير المياه

[Mzohairy]

مجرد وجود أسرة أسمهان في اعداد المسلسل والإشراف عليه يفقده المصداقية
فأسمهان شخصيه معقده جدا و كثيرة التفاصيل و مع أطراف عديده نسائية و رجاليه كمحمد التابعي و احمد حسنين باشا و الملك فاروق و غيرهم بما فيهم الشخصيات المخابراتيه
و بالتالي أرى ان المسلسل كان مجاملا لسيرة أسمهان حتى لا يتم سرد ما لا يصح سرده في حق سيده توفت منذ 64 عاما

[MUNIR MUNIRG]

آضم صوتي لكل من عبر عن ضعف مسلسل اسمهان من ناحية الماده الدراميه رغم كثرتها .
واعلل ذلك الي اسباب كثيره اهمها الخوف من العواقب القانونيه من احفاد سخصيات المسلسل وهم قد تناسو ان تلك الشخصيات هي شخصيات عامه ملك للجماهير اللتي اعتطها هذه المكانه ولها الحق في معرفة كل شئ.
كذلك من تقاليدنا اننا نظهر الجوانب الايجابيه فقط عن شخصياتنا العامه ولو علي حساب الحقيقه........
وده طبعا مش آخر مسلسل عن اسمهان وسوف تظهر اعمال اخرىكثيره. ومازالت المقالات المتعدده والكتب العربيه والغربيه تتناول جوانب كثيره عن حياتها القصيره تغذي المصادر الدراميه لاعمال مرئيه قادمه.
ان صوت اسمهان الاوبرالى من الاصوات النادره في عالمنا الغنائي.

[salmar]

المشاركة الأصلية كتبت بواسطة oussama farhat

اريد ان نناقش موضوع مسلسل اسمهان بكل نزاهة .
رايي ان الاخراج محترف خاصة هندسة الضوء وحركة الكاميرا في السنوات الاولى لاسمهان
التمثيل جيد وادهشني الممثل الذي قان بدور فريد رائع
اما تحفظاتي فهي موسيقية بحتة
1/ الاخطاء الزمنية مثلا في سماع اسمهان لمونولوج رق الحبيب لام كلثوم وهي في الجبل وفي بداياتها وعلى حد علمي فان رق الحبيب للقصبجي ورامي لحنت سنة 1944 فكيف سمعتها اسمهان سنة 40؟
2/ دويتو فريد واسمهان ايدي في ايدك كلمات بيرم التونسي غناها الاخوين الاطرش في فيلم فكيف يغنيها فريد في بداية حياته في الكاباريه
3/ الاصوات التي غنت فريد وعبد الوهاب هزيلة جدا موسيقيا
4/ الموسيقى التصويرية للمسلسل والتي تسمى litmotiv في التلحين مأخوذة من اغنية لام كلثوم؟ سكت والدمع تكلم لرامي والقصبجي فلماذا هذا الخلط ؟
واظن ان واضع الموسيقى ظن انها اسمهان وليست ام كلثوم
وكان يجب ان يتحرى الملحن والمخرج الصدق في البحث الجاد خاصة ان المسلسل يعنى بشخصية موسيقية
ويبقى رايي ان المسلسل جميل جدا ...والله اعلم

ok but i dont agree with uuuuuuuuuuu