فهرس المعاني في الأغاني - الصفحة 2

**هاله** · #11 23/04/2008, 22h10

جميل جدا التواصل الحالى فى الموضوع
والاجمل ماتقدم به د/حسن وا/كمال
واسمحولى اشارك معاكم بكام اغنيه تتكلم عن
الليل
فريد الاطرش
سألنى الليل بتسهر ليه
نجوم الليل دموع تبكى على حبى
يامقبل يوم وليله اطوى السكه الطويله
شاديه
ليله سهر
بالليل والدنيا ضلمه دورت نمرته " مخاصمنى بقاله مده"
ليالى العمر معدوده وليه نبكى على الدنيا
نجاه
ليله من الليالى فاتونا
صباح
راحت ليالى وجت ليالى وانت ياغالى دايما فى بالى
فايزه احمد
بالليل بنسال وبالنهار علشان نبلغ شوق الاحبه
فى الليل لما خلى " عبدالوهاب "
بس قلبى لسه خايف من الليالى " عبدالحليم حافظ "
ليالينا ليالينا وتاهت ليالينا " ورده

**د.حسن** · #12 23/04/2008, 23h30

أشكر الأخوة الأساتذه محمد أبومندور وكمال عبدالرحمن وعبدالمنعم
والإبنة الأستاذة هاله (لولى 76) على تعليقاتهم على الكوكتيل الإسكندرانى
وأشكر الأخ الأستاذ غازى لتذكيرى بموضوع الحوارات بين المطربين
وهاهى محاولة أخرى أهديها لأحبائى بالمنتدى بعنوان
ما هو الحب ؟
وبرضه فى انتظار تعليقاتكم
مع تحياتى

**غازي الضبع** · #13 24/04/2008, 06h26

اقتباس:

المشاركة الأصلية كتبت بواسطة عبدالمنعم

ياسلام ماتخفش من المطاريد اللي حتلاقيهم على شط بحر الهوى(( كارم محمود)) ارمي لهم بيت شعر كده تحية لهم خليهم يتلهوا فيه ونط في بحر الشوق ((كارم محمود)) وغني له
امانة يا بحر امانة ((صباح))
تعرف اني انا بعشق البحر((نجاة))
وبحب البحر بحبه((فدوى عبيد))
ولو البحر زاد ((محمد عبدالمطلب)) انا عارفك عوام ((محمد فوزي))جامد و مفيش موجة((محرم فواد))في بحورك الغريقة((ليلى مراد)) في الشعر قدرت عليك
انا مستنيك بس حتلاقي عروسة البحر ((الكحلاوي) بيغنيلها عبدالوهاب ياحلم الخيال ((الجندول)
وحتلاقي عيال صغيرة يلعبوا مع طيور النورس ((محمد ثروت)) ويغنوا ويقولوا في البحر سمكة((ايمان البحر درويش)).. وقول لهم البحر بيضحكلي((سعاد مكاوي شكوكو))
وطبعا انا معك بنشكر د.حسن اصله من اسكندرية((احلام)) يعني من بحري وبنحبوه ايوووه((هدى سلطان))
ياللا ع اسكندرية ((شكوكو اسماعيل يس سعاد مكاوي)) يا اسكندرية ((شادية ثريا حلمي كاميليا)) زي البحر غرامك ((محمد قنديل))
واكيد حتلاقي البحر فرحان متهني (الكحلاوي)) ومادمنا في اسكندرية حنلاقي البحر الابيض بيغني((شادية))
وتلاقي صياد ((رشدي)) بيقول كسفتيني ياسنارة((شادية)) واخر بيقول عدينا يامعداوي((شادية))
ويامراكبي ((البليدي)) وتنده تاني وتقول يامراكبي((اسماعيل شبانة)) وثالث ((ليلى جمال))
وتقول يامعداوية((قنديل))وتلاقي مركب حبيبي ((قنديل)) تركب فيه وتقول عديني يامعداوي((البليدي))

إيه يا عبد المنعم الحلاوة دي
الله ينور عليك يا باشا
جميلة قوي الحكاية اللي حكيتها دي

تحياتي

**غازي الضبع** · #14 24/04/2008, 06h29

اقتباس:

المشاركة الأصلية كتبت بواسطة د.حسن

أشكر الأخوة الأساتذه محمد أبومندور وكمال عبدالرحمن وعبدالمنعم

والإبنة الأستاذة هاله (لولى 76) على تعليقاتهم على الكوكتيل الإسكندرانى
وأشكر الأخ الأستاذ غازى لتذكيرى بموضوع الحوارات بين المطربين
وهاهى محاولة أخرى أهديها لأحبائى بالمنتدى بعنوان
ما هو الحب ؟
وبرضه فى انتظار تعليقاتكم

مع تحياتى

أستاذي الحبيب الدكتور حسن
أنا مشتاق جدا أسمع الملف الذي تكرمت حضرتك ورفعته
أكيد غاية في الجمال
لإن حضرتك ذو فكر واعي وفني راقي جدا
والله أقولها بلا أي مجاملة
ويكفي العنوان الذي اخترته حضرتك ( ما هو الحب )
خالص تحياتي واحترامي

**غواص النغم** · #15 24/04/2008, 11h46

اقتباس:

المشاركة الأصلية كتبت بواسطة د.حسن

أشكر الأخوة الأساتذه محمد أبومندور وكمال عبدالرحمن وعبدالمنعم
والإبنة الأستاذة هاله (لولى 76) على تعليقاتهم على الكوكتيل الإسكندرانى
وأشكر الأخ الأستاذ غازى لتذكيرى بموضوع الحوارات بين المطربين
وهاهى محاولة أخرى أهديها لأحبائى بالمنتدى بعنوان
ما هو الحب ؟
وبرضه فى انتظار تعليقاتكم
مع تحياتى

د.حسن
رائع الملف
و
انت الحب

**د.حسن** · #16 24/04/2008, 13h46

اقتباس:

المشاركة الأصلية كتبت بواسطة عبدالمنعم

د.حسن
رائع الملف
و
انت الحب

أخى وصديقى أ. عبدالمنعم
أشكرك لذوقك الرفيع وأدبك الجم
فــــــ
بالحب وحده إنت غالى علىّ
بالحب وحده إنت ضى عينيه
بالحب وحده .. وهو وحده شويه ؟
بس تعالى هنا وقول لى
رأيك إيه فى آخر أغنية فى الكوكتيل ؟
أكيد عرفت مين اللى بتغنيها
مع تحياتى وشكرى

**د.حسن** · #17 24/04/2008, 14h11

اقتباس:

المشاركة الأصلية كتبت بواسطة ghazyeldaba

أستاذي الحبيب الدكتور حسن
أنا مشتاق جدا أسمع الملف الذي تكرمت حضرتك ورفعته
أكيد غاية في الجمال
لإن حضرتك ذو فكر واعي وفني راقي جدا
والله أقولها بلا أي مجاملة
ويكفي العنوان الذي اخترته حضرتك ( ما هو الحب )
خالص تحياتي واحترامي

أخى الغالى الأستاذ غازى
أشكرك لمجاملتك الرقيقة قبل أن تسمع الملف
يارب ماتغير رأيك بعد سماعه
وخد بالك من الترتيب لإنه موش عشوائى
فى انتظار عودتكم بالسلامة لتحميله وسماعه
مع تحياتى

**غواص النغم** · #18 24/04/2008, 14h20

اقتباس:

المشاركة الأصلية كتبت بواسطة د.حسن

أخى وصديقى أ. عبدالمنعم
أشكرك لذوقك الرفيع وأدبك الجم
فــــــ
بالحب وحده إنت غالى علىّ
بالحب وحده إنت ضى عينيه
بالحب وحده .. وهو وحده شويه ؟
بس تعالى هنا وقول لى
رأيك إيه فى آخر أغنية فى الكوكتيل ؟
أكيد عرفت مين اللى بتغنيها
مع تحياتى وشكرى

الملف بدأ بأوصفولي الحب غناء نجاة و((غنتها شادية ايضا))
ومسك ختام الملف
الحب كان من سنين والقلب يعرف اليفه
كلمات احمد رامي تلحين د.احمد صبري النجريدي غناء كوكب الشرق ام كلثوم
مرورا بأسرار الحب نجاح سلام و الشاغل والمشغول ليلى مراد الحب لحن جميل فريد الاطرش
ورائعة ليلي نهاري ام كلثوم((احب هذا المقطع جدا مع انه قصير في الملف)) انت حبيبي ((شادية)) الحب حلم جميل ((عبدالغني السيد ولحنه ايضا))الحب جميل ليلى مراد شفت بعيني ((محرم فواد))الحب الحقيقي ماينتهيش ((شادية))ابعد عن الحب وغني له ((عادل مامون))الله يقصف عمر الحب وعمر اللي يصدق مرأة((صباح))قالوا الحب عذاب((محرم فواد والحانه))ماذا اقول نجاة
فكرة الملف جميلة جدا
بدأتها بتساؤلات عن الحب ماهو ما اسرارع ما اوصافه
وتاتي الاجابة بعدها
شكرا
وطبعا هذه ليست كل اغاني الحب لأننا سنحتاج لملف مدته ساعات كثيرة تتسمع في ليلة حب طولها الف ليلة وليلة
شكرا د.حسن مشكور

**حسن كشك** · #19 25/04/2008, 12h33

اخى عبد المنعم
فكرتك رائعه جدا وجميله فعلا
وحلوه فعلا ودرس نتعلم فيه معانى كتير
عن وصف كتاب الاغانى لاحساس كل
واحد فيهم بالمعنى الذى تدور حوله الاغنيه
جميله وحلوه اوى الفكره

اخى التوأم الغالى
د. حسن
ايه الجمال والروعه دى
تنفيذ رائع رائع رائع
لفكره اخونا عبد المنعم
وكأنك قشرت لنا الثمار وقطعتها
وحطيتها فى طبق كريستال وقلت لنا اتفضلوا
انت رائع يا دكتور حسن
الملفين رائعين رائعين
هيكونوا من المواد المذاعه دائما على راديو كشك

**د.حسن** · #20 02/05/2008, 19h35

توأمى الغالى أ. حسن كشك
طالما أن ملفاتى المتواضعة ستذاع على راديو كشك
"قطفت بعض الثمار وقطعتها ووضعتها فى الطبق "
وقلت أستنى لما تتذاع
بكرة
الأخوة والأخوات فى سماعى
أرجو أن تنال إعجابكم وتحوز رضاكم
مع تحياتى