بدايه السقوط سقوط

[فؤاد]

المشاركة الأصلية كتبت بواسطة سيادة الرئيس

هل تعلمي أن ألبوم ( السيدة وردة ) و هو تحت التنفيذ به أعمال من ألحان تامر حسني

فعلاً
ياأستاذ صلاح
وأنا لما سمعت الخبر ......فرحت خالص

[عادل صموئيل]

اسمحوا لى اشترك معاكم فى الموضوع
اولا طبعاً انا فى منتهى السعادة بالآنسة الصغيرة عاشقة ام كلثوم , لأن فن ام كلثوم وفن العمالقة اصلاً كان ليعيش إلى الأبد لا ان ينتهى عند جيل معين , وانا عندما كنت اعمل مع العمالقة كنت الأحظ كل يوم ان اجادتهم لفنهم اساسها ان يعيش يعنى لم يكونوا يفنون ( يفنون جاية من كلمة فن ودى قالها لى عبد الوهاب ) من اجل المال وانما من أجل التاريخ , وما نسمعه من ( الهُباب ) بضم الهاء وللعلم الكلمة دى قالها لى عبد الوهاب بلسانه , هو جزء من التلوث والذى اصاب كل شىء , التلوث الذى اصاب نقاء نهر النيل , والسموم التى نشمها فى الجو , وبالطبع البيئة المناسبة والملائمة لتفريخ المراض والأوبئة وعودة امراض كنا نظن انها انقرضت منذ عشرات السنوات وذهبت مع التاريخ مثل مرض السل مثلاً ولكنه عاد واعاده التلوث , والأغانى التى نسمعها اليوم لا تقل ضرراً عن نتائج التلوث , فالتلوث الجوى ياتى بامراض والتلوث الغنائى يدمر الوجدان والمشاعر والأحاسيس والعواطف العامة والخاصة والأنتماء والوطنية والنزعة الدينية الحقيقية يعنى بإختصار كل شىء , ايام ام كلثوم كانت ام كلثوم تهذب احط فئة فى المجتمع وهى العربجية فكاموا يغنون اغانى ام كلثوم وبالذات القصائد ام اليوم اصبح الملوثون يلوثون بكلماتهم الهابطة طلبة الجامعة فيا للهول ..... طيب احنا بنفتح الجامعات ليه ؟؟؟؟ مش عشان نعلم الناس ونهذب النفوس ولا عشان الجامعييم يؤددوا احط الأغانى ؟؟؟
اما بالنسبة للغلطات الإملائية اتحدث كموجه اول فى وزارة التربية والتعليم يعنى بدخل جميع المدارس وجميع المراحل وللأسف مستوى اللغة العربية اصبح صفر , يعنى لو يتفضلوا مجموعة منكم وييجوا معايا مدرسة ثانوى وفى اى فصل من ثالثة ثانوى نعمل إملاء خمسة اسطر اى طالب ستكون درجته ثلاثة على عشرة , ودى طبعاً فى حد ذاتها كارثة قومية , والسبب مدرسى المرحلة الإبتدائية مع الأسف معظمهم يفكر فى الدروس والمجموعات , يعنى المهم التلميذ يدخل المجموعة ويدفع الرسوم , لكن انا متأكد ان ماجدش بيفكر التلميذ إستفاد ايه , كامن من الكوارث او توابع الكوارث تعالى اتفرج على خطهم حاتلاقيه مش عربى ابداً يعنى ممكن تسميه لوندى , وبيطلع التلميذ للمرحلة الإعدادية تقريباً أمى , وبالطبع مدرس المرحلة الإعدادية مش حايجيب البزازة ويرضعه العربى من اول وجديد , ولكن بيشتغل منهج اولى إعدادى على الصفر الموجود وهكذا ......
وانا اتمنى من الإبنة الحبية عاشقة ام كلثوم انها تكتب وتخلى بابا او ما ما يصلحوا لها اخطاءها فى الكتابة وتفضل تكتب ممكن اى مواضيع او حتى اغانى , وعلى فكرة ممكن بعض الأخطاء تكون مطبعية مش إملائية يعنى صباعها بيروح لحرف غلط على الكى بورد وانصحها انها لما تكتب لنا اى موضوع تقراه قبل ماترسله اكيد حاتكتشف حاجة يعنى حرف او حاجة , وانا مش ممكن اكتم مدى سعادتى بيكى لأنى انا شخصياً فنان من الزمن الجميل ووجودك انتى وامثالك ( وربنا يكتركم ) بيحسسونى انى لسه عايش , الشباب اللى بيسمع الأغانى بتاعة دلوقتى بيدينى احساس ان زمنى راح وكان مفروض اموت من كذا سنة

[إيمانيات]

انا شخصياً فنان من الزمن الجميل ووجودك انتى وامثالك ( وربنا يكتركم ) بيحسسونى انى لسه عايش , الشباب اللى بيسمع الأغانى بتاعة دلوقتى بيدينى احساس ان زمنى راح وكان مفروض اموت من كذا سنة


الوالد العزيز الأستاذ عادل صموئيل



ربنا يديك الصحة و العافية ، ماتزعلش أبدا و تقول الكلام ده لأنه إحساس ثقيل


جدا و أنصحك حاول ماتفكرش بالشكل السلبي ده ، لأني مررت بنفس التجربة مع


أبي فكان يشعر بأنه وحيد لأن الوقت أختلف إيقاعه بل أتشقلـّب حاله و أصبح

كالمثلث المقلوب رأسا على عقب !

تخيل أنك مثل أبطال الأساطير القديمة ، فارس من فرسان عصور القوة ذهبية

الملمح ذات الإيقاع المخملي ، وقتها ستشعر بأنك فريد من نوعك ليس لك مثيل

أمدك الله بالصحة و العافية ، أثمر أيامك بكل ما هو خير و طيب لكل من حولك و لنا

أتمنى للابنة العاشقة لأم كلثوم بنقاء الأذن و صفاء السريرة و طهارة القلب دائما

عزيزتي سيأتي اليوم الذي ستستقيم فيه الأمور و تعود لسائر عهدها بإذن الله.

[ابوملاك]

المشاركة الأصلية كتبت بواسطة عاشقة ام كلثوم

"زمان جأت فتاه من الريف كانت تعشق الشعر واحبت ان تغنيه ونبزت الاغانى المسفه على عكس جميع ابناء جيلها وكانت مقتنه بيه كل الاقتناع فراحت للقاهرة لتشدى بشعرها فهاجمها من هاجم وحاربها من حاربها ولكنها مؤمنه بذلك فكانت تحترم عقليت الناس وتحترم زاتها ومقابل هذا احترمها الجميع وخرجت بالغناء من ارخى الستاره اللى فى رحنا وبعد العشى يحلى الهزار والفرفشه الى الصب تفضحه عيونه " فانها ام كلثوم التى بعد وفاتها راح الغناء فى صعود وهبوط وهذا ما نحن فيه الهبوط لا اريد ان اطيل ولكن الامر يستحق الاطاله انى اكلمكم عن ام كلثوم حيث كانت سوبر استار العرب كما يقولون ولانها كذلك فأغنيها تدل على من تغنى له من حيث كل شىء واليوم احدثكم عن سوبر استار الشباب ما يجرنا اليه وسبب حديثى انه استفزنى كثيراا بأغانيه التى ليس لها معنى ومن حقى ان احتج لكى يوقف هذا الهراء الذى لا اسميه غير ذلك فايليكم ما استفزنى كلمات اغانيه الجديده وعيزه رائى الساده بالامانه
الا انا
شوفى بقى مباجيش انا بالطريقه دى مش عايز اجرحك
الاانا متمشيش معايا السكه دى انا ممكن ازعلك
وانسى تانى اندهلك ودماغك خليها تكلك بافكارك اللى مخلياكى
كدا مش على بعضك بتشوكى فيا كدا ليل نهار ومعيشانى على طول
فى نار ابعدى عنى وخليكى ادامى محفظه على شكلك
ياما نصحتك تبعدى عن كل اصحابك اللى انا مش مرتحلهم
وعلى فكره بيحولوا كتير معايا وانا مره ريحتهم وانسى تانى
اندهلك ودماغك خليها تكلك بافكارك اللى مخلياكى كدا مش
على بعضك

تانى اغنيه
ضحكتها مابتهزرش
ضحكتها مابتهزرش وجملها ميتقدرش ويا قلبى ماتستهطرش
بوحده فى رقتها وحده زيك فى جمالك فى دلالك فى شقوتك
فى حلوتك لو وقعت فى ايدى هخلى نهارها مش فايت
وبقولها وانا صاحى وفايق وياريت اليوم دا يجى
عنيكى بتندهلى من نظره جبتنى جبت اهلى وعلى بيتك
جيت مش على مهلى يا حببت الروح

دى كلمات اغانى نجم الجيل تامر حسنى الجديده اللى مكسره الدنيا وعملت بومب كتير. ام كلثوم خدتنا لفوق تاموره هيخودنا لفين اسقط من كدا وهو للعلم فى بدايت السلم وبيقول ودماغك خليها تكلك هى من نحيت كلتنى فكلتنى
وللعلم الاغانى من تلحينه وكلماته يلا بقى عندنا بليغ حمدى وانا عرفه انى بقلل من شأنه لما بشبهه بتامر حسنى كان نفسى ارفع الاغانى عشان تسمعوا الحن لكن للاسف مش بنزل على الجهاز بتاعى الكلام الفارغ دا
"لو يعنى فى اخطأ فى الكتابه اعزرونى انا لسه فى 2اعدادى"

ابنتى العزيزه /عاشقة ام كلثوم انا احييكى من كل قلبى على هذا الذوق الفنى الرفيع ويكفى انك فى الصف الثانى الاعدادى وتتذوقين فن كوكب الشرق العظيمة ام كلثوم فهذا رائع جدا اما موضوع صديقاتك الائى يسخرن منك لانك تستمعين لهذا الفن العظيم احب ان اقول لك يا ابنتى ان هذه الوجة من الاسفاف والابتزال سيأتى يوما انشاء الله وتنتهى كما انتهت سابقاتها قبل ام كلثوم ، لكن طبعا لن تأتى فنانه على غرار ام كلثوم هيهات فهى لم ولن تتكرر ولو بعد الف سنه ولكن ربما يجود علينا القدر بمن تحترم فنها او فنان يقدر فنه ويحترم نفسه بعيدا عن هذه البذاءات والسخافات وبصراحه فهى قلة ادب ممن يغنى وممن يسمعون لكن الآولاد الصغار لهم بعض العذر لانهم لا يجدون امامهم ليل نها على الفضائيات و النت وفى كل مكان الا هؤلاء المجانين والمتخلفين عقليا وفنيا ، لكن رغم كل الظلمة لابد من بصيص نور لكى يضيئ الطريق لى ولك ولكل من يبحث عن الفن الاصيل اتعرفين ما هو بصيص النور هذا ؟؟؟؟؟؟؟؟ انه منتدانا العظيم هذا فهو يمثل بارقة امل لكل السميعة ومتذوقى الفن الاصيل ، واعلمى يا ابنتى اننى اعانى بعض هذه المتاعب التى تعانيها انتى ايضا من صديقاتك لكن من اصدقائى وزملائى فى العمل يسخرون منى لاننى احب الاستماع لام كلثوم ومحمد عبد الوهاب وفريد الاطرش وصالح عبد الحى وبالمناسبة اتعرفين من هو الفنان ( صــــــالـح عبد الـــــحى ) من اشهر ما غنى ( ليه يا بنفسج ) وغيرها الكثير ، اما انا فتعرفت على هؤلاء الفنانين العظام من والدى رحمه الله ووالدتى واخوتى الكبار فكنا نقف جميعا فى ( البلكونه ) فى الساعة ال خامسة تماما مساء كل يوم لنستمع لكوكب الشرق ام كلثوم من اذاعتها التى للاسف تعمل الان بشكل سيئ للغاية ولا يهتم بها احد من الاذاعة المهم ، كنت اقف تحت اقدامهم لاننى كنت صغيرا جدا فى حوالى الخامسه او السادسة من عمرى اى منذ مايقرب 31 عاما كامله لكنى اتذكر ما كنت اسمعه صحيح لم اكن افهم ما اسمعه من معانى لكن على الاقل تشربت الفن الاصيل منذ نعومة اظفارى وسار معى التذوق الفنى والاستماع الى الطرب العربى الاصيل حتى اليوم ، اما انت يابنتى فاثبتى على ما انتى فيه من ذوق فنى رائع وستثبت لكى ولكل من حولك انك انتى على صواب والدليل القاطع الذى لايفبل الشك ان اغانى ام كلثوم وغيرها من الفنانين العظام باقية للان منذ عقود طويله وهناك اغانى لام كلثوم يقارب عمرها ال 70 عاما او يزيد ، لكن هؤلاء المعتوهين اى ّ منهم له اغنيه تظل فى الذاكره 5 سنوات على اقصى تقدير ؟ لا يوجد . واخيرا تحية لكى ولوالديك والذين ينميان فيك هذه الموهبة الفنية الجميلة وفقك الله ورعاك والى الامام انشاء الله .