الغناء والسياسه

[emad91]

لا احد يستطيع ان ينكر دور الأغنية فى الحياة السياسة وابسط ما يقال فى دورها الدور المحفز للشعوب سواء فى الازمات التى تمر بها او فى اعيادها بالنصر وخلافه مثل اغانى عبدالحليم للثورة وللوطن والاغانى التى قدمها العديد من المغنيين كانت شاهده بذلك فالأغانى تعبر عن الفترة الزمنية التى تمر بها الأمم من انتصارات او احزان او اعياد

[حسن كشك]

ترتبط الاغنية السياسية ليست بالاحداث السياسية فقط
ولكن ايضا باحداث اقتصادية او مشروعات اقتصادية داخل الوطن
ومثال ذلك اغنية ساعة الجد لعبد الوهاب التى يحفز فيها المصريون
والعرب لانجاز هذا المشروع الرائع ولكن الملاحظ ان كاتب الاغنية
واظن انه صلاح جاهين لم يذكر الفائدة التى تعود على الوطن من
انجاز ذلك المشروع اهل لان الجميع يعرف فائدنه ام استغلال للحدث
فى الثناء على السلطة الحاكمه فى ذلك الوقت
كما تعودنا دائما ان كل خير فى البلد فان الفضل للحاكم وحده فيه
وكمثال اخر اقدم اغنية بعد الصبر ما طال
التى تحكى عن تاميم قناة السويس
فبنطبق عليها نفس الشرح السابق

[حسن كشك]

ونكمل الكلام عن الغناء والسياسة
اغانى لم تعد تذاع لتغير الاحوال السياسية

بعد تعقد مشكله فلسطين ظهرت اغنية فلسطين للموسيقار محمد عبد الوهاب
من كلمات الشاعر على محمود طه وذلك فى الاربعينيات من القرن الفائت
وظلت الاغنية تذاع من محطات الاذاعة المصرية حتى منتصف السبعينيات
ولكن تلك الاغنية من الممنوعات الان من الاذاعة فى محطات الراديو والتلفاز
المصرى وطبعا - تغيرت السياسة عامة من القضية الفلسطينيه فلم يعد هناك
داع لاذاعة الاغنية اطلاقا من وجهة نظر السلطة مراعاة لخاطر العدو السابق
ولا حاجه لتحميس الجماهير فما الذى تغير اهل هو تصالح بين الدول ام تصالح
بين السلطة ودولة اسرائيل ام اننا بقى عندنا ذوق ومش لازم نجرح ولاد العم
لكن الم تحرك تلك الاغنية الشعب وذهب البعض شهداء فى سبيل تلك القضية
مدفوعين بحماسهم بدافع تلك الاغنية وغيرها .
ام ذهب دم الشهداء سدى
اه رحمك الله ايها البطل احمد عبد العزيز انت وزملائك الشهداء اهل لو كنتم
تعرفون ما سوف تكون عليه الامور كنتم قبلتم ان تبيعوا ارواحكم وتروى ارض
فلسطين دمائكم فى سبيل قضية تغيرت مفاهيمها بمرور الزمن

[حسن كشك]

قادتنى قدماى الى الضفة الشرقية لقناة السويس
وقفت اتأمل مياهها وانظر الى السفن العابرة خلالها - واتتنى الذكريات مع نسمات الهواء الباردة فهيجت افكارى كما هيجت مياه قناة السويس واثارت فوقها موجات صغيرة
اخذت انظر الى القناة واتذكر اجدادنا وتخيلتهم وهم يحفرونها ويحملوا رمالها وطينها على ظهورهم وبأيديهم المجردة وعذابهم فى ذلك بل وموتهم وطمر المئات منهم تحت رمالها خاصة فى منطقة الدفرسوار (diver soair ) مش عارف كتبتها صح بالفرنسية والا لأ لان معناها الليلة الرهيبة حيث انهار جزء من جدار ضفة قناة السويس ليلا ودفن تحته حوالى 400 مصرى ممن يحفرونها
تذكرت احمد عرابى ودفاعه عنها اثناء الغزو البريطانى لمصر - تذكرت تأميم الخالد عبد الناصر لقناة السويس وفرحة الشعب المصرى لعودة حقه وتذكرت حرب 56 - 67 - 73 والاف الشهداء دفاعا عنا واستردادها
وتذكرت معها كل الاغانى التى كانت تحمس اجدادنا وابائنا وتحمسنا وتبث فينا الوطنية وتهون علينا الروح فى سبيل رمال ارض مصرنا
تذكرت كل ذلك وانا انظر الى القناة -
تسائلت بينى وبين نفسى وقد مرت سفينة بضائع اسرائيلية - ثم بعدها بزمن قطعة بحرية امريكية
كم تغيرت الامور - اين ذهبت الاغانى الوطنية والسياسية - اكانت حقيقة وصدق - ام كانت مجرد اكاذيب ووسيلة من وسائل الحكام للتأثير علينا - اهل كانت الاغانى الحماسية والسياسية كذبة كبيرة صدقناها - اين دع سمائى فسمائى محرقة - دع قناتى فامياهى مغرقة واتى عبر الخاطر صوت ام كلثوم - محلاك يامصرى وانت عالدفة - اهل كانت تكذب علينا بتوجيه من القيادة السياسية وقتها -
اتلك هى قناة السويس التى تغنى بها كل هؤلاء - اتلك هى من دفع ابناء مصر دمهم فى عبورها ولماذا وانا ارى السفينة الاسرائيلية تمر بكل راحتها وتهاديها فى مياه اكاد اراها حمراء من كثرة الدماء التى سالت
ما اكذبك ايتها الاغانى السياسية

[أحمد شوبكى]

أعتقد يا أستاذ حسن أن تلك الأغانى الوطنية من أم كلثوم أو عبد الحليم أو غيرهم من هذا الجيل العظيم لم تكن أكاذيب لأن وقتها لم يكن هناك بالفعل سفن إسرائيلية أو قطع حربية أمريكية قادرة على المرور من قناة السويس ،،، وبناءأ عليه فالعيب ليس فى الأغنية ولا فى قناة السويس ،،، العيب فى الزمن اللى إحنا عايشينه وكمان فى الناس اللى بيــ ...... ولا بلاش ياعم لنروح فى داهية....

[حسن كشك]

ونبدأ باعادة الاستماع الى الاغانى
التى حملت فى كلماتها الشكل السياسى وتأثر به الملحن والمطرب
لكننا هنا نتناول اغنية من اجمل الاغنيات السياسية الوطنية
اغنية ذكريات
صلاح جاهين - عبد الحليم حافظ - ؟؟؟؟؟؟
هذه الاغني تحكى تاريخ وليس واقعة محددة - تاريخ مصر كله حتى قيام الثورة
وطبعا كما كان الاندفاع وقتها بان الثورة قضت على مفاسد ما كان قبلها كله - لكن المؤلف هنا كان قد ساق الوقائع وادلة الاتهام على كل ماسبق قيام الثورة وبأن الثورة كانت مطلب جاء فى مكانه وزمانه الصحيح وكان لابد منها للاسباب التى ساقها الشاعر
ولنعيد قراءة كلمات الاغنية والاستماع اليها نستمع الى تاريخ مصر بصوت عبد الحليم حافظ - ولعلمكم ان دى اول واخر مره ينطق فيها عبدالحليم حافظ بكلمات انجليزية فى اغنية له هيا نستمع عبر الرابط التالى
http://www.sama3y.net/forum/showthre...?t=1074&page=5
ونقرأ الكلمات مع السمع ونلاحظ جمال التركيب البسيط للكلمات والسجع المتكرر فى الشطر الواحد
اسمعوا واقرأوا ونتكلم بعدها عن الاغنية دى
الكلمات
ذكريات


رجعتنى الذكريات للى فات من حكاية لحكايات
فكرتنى و افتكرت و بخيالى هناك بعدت ..
و اتاخدت
فكرتنى بالطفولة و اللى كان وقت الطفولة
و افتكرت سنين بعيدة بعيدة
مش سعيدة

و احنا فى مصر الجديدة
ده كان زمان
الجيران من كل جانب
كانوا اكترهم اجانب
انجليز حالهم يغيظ
و العجايب ..
كنت حاسس انى انا و اهلى الاجانب
ذكريات ذكريات
حتى اسماء الشوارع و المصانع
كلها قدام عنيا اجنبية
ذكريات ذكريات

كنت تلميذ فى ابتدائى و اصدقائى
يوم كده فى شارع جنب بيتنا
نطير طيارتنا
اللى صناعيها بإدينا
التقينا ..
شلة من اولاد هناك ..
انجليز من سننا
بيطايروا هما كمان
طيارتهم زينا
طيارتنا .. و طيارتهم ..
مرت النسمة خدتهم
شبكتهم
عقدتهم
و قعتهم
الولاد الخواجات بالضرب هات فينا
ضربناهم برجلينا و ادينا ..
و انتهينا ..
فى البوليس راحوا اشتكونا
و جرجرونا و بهدلونا
التقينا فى قسمنا اللى اسمه عربى
الشاويش راجل اوروبى
انجليزى و شه احمر قال
هه هه .. ايجيبشيان .. هاو دير يو بيت ذم
دونت يو نو ذم .. دول حماية
حماية .. حماية

ابتدا قلبى الصغير .. يدور
عن جواب لسؤال يحير
احنا مين .. فى بلدنا و الا فين .. فين

التقيت رد السؤال
الاحتلال .. الاحتلال ..
الاحتلال .. الاحتلال ..
ظلم و ضلال
ظلم و ضلال
ظلم ظلم ظلم
الذكريات لللى فات رجعتنى
و فكرتنى الذكريات

انا شوفت العلم البريطانى
بيدنس نسمة اوطانى
منظر حسرنى و بكانى
خلانى كرهت اشوف تانى
و فى علمى داريت دمع هوانى
ازاى اوطانى الجبارة
محكومة بقصر و بسفارة
و لكل دخيل فيها ادارة
و جيوش محتلة و مخمورة
تنهب فى بلدنا المأثورة
ازاى ازاى
ازاى ازاى ازاى

و ازاى فى اللد و فى الرملة
كانت العملة مأساة كاملة
استشهد اخويا فى اراضيها بين روابيها
و حبيبته .. خطيبته .. ما انساش لوعتها
و كلامها لصورته
ازاى يا حبيبى .. ازاى غشوك
ازاى بسلاحك بإديك قتلوك قتلوك
ازاى يا حبيبى .. ازاى غشوك
ازاى بسلاحك بإديك قتلوك قتلوك
ازاى ازاى
ازاى ازاى ازاى

اسلحة فسدانة و خسرانة
غشنا حكامنا و دسوها
ليه .. ليه .. تاجروا فيها
و قتلونا بيها ليه
ليه .. ليه .. ليه

و فى ليلة رهيبة ..
و الريح بتصفر وتزوم
ولا باينة نجوم ..
القاهرة .. الساحرة .. الساهرة
ازاى ازاى
كلها دخان و لهب و نيران و صراخ و عذاب و خراب و دمار
بتاكلها النار
النار النار النار
القاهرة .. الساحرة
القاهرة .. الساحرة
ازاى ازاى
النيران .. النيران ..
صبحت رماد
و اللهب فى قلوبنا قاد
رغم السكون كان الغضب
الغضب بركان بيغلى
فى العيون
كل العيون
( نوبة صحيان )
و صحيت على ثورة
بترج الدنيا
و لقيت اوطانى حكمها فى اديا
و جمال قدامى بينادى عليا

قوم قوم
قوم ارفع راسك
و اشبع حرية

كنت فى صمتك مرغم
كنت فى حبك مكره

و الله زما ن يا سلاحى
الله اكبر
اشتقت لك فى كفاحى
الله اكبر
انطق و قول انا صاحى
الله الله الله اكبر

و تطول الذكريات
و اللى فات من حكاية لحكايات
حسيت بطفولة اولادى
و بقيت اتصور احفادى
بتغنى و بتنادى بكرامة و سلامة
هنا وطن الحرية
هنا حصن القومية العربية

احرار فى بلدان فى دنيتنا
و لا فيش فى سمانا الا رايتنا
احرار و نحب الحرية
لبلدنا و لكل الدنيا
و لكل الامة العربية
يا بلادى
يا بلادى
يا بلادى
شكرا خاص للاستاذ امير المصرى على الاغنية وكلماتها لكن للاسف الاغنية غير كامله ولا يوجد الا لغاية (وازاى فى اللد وفى الرملة كانت العملة ) ثم انقطعت الاغنية

[حسن كشك]

كما افادنى اخى

عبد المنعم

على الخاص ( عشان مايحرجنيش امام الجميع )
اغنية

ذكريات

كلمات احمد شفيق كامل
الحان محمد عبدالوهاب
غناء عبدالحليم حافظ
شكرا اخى عبد المنعم

[حسن كشك]

بعدما استمعنا وقرأنا كلمات اغنية
ذكريات
وفعلا هى كانت مجرد ذكريات مرت على خاطر مؤلف الاغنية
لكن كيف يمكننا تصنيف هذه الاغنية - وماهو هدفها ؟ اهى مجرد سرد تاريخى لاحداث متتالية يرى فيها المؤلف انها تحكى تاريخ مصر ام انه سرد لما كانت تعانية مصر على يد الحكام والاحتلال البريطانى وقتها اى ان كل التاريخ قبل قيام الثوره عبارة عن ظلم وخيانات وذل فكان لابد من الثوره.
وكلنا يعلم وقتها ان بعد قيام الثوره تبارى كتاب الاغانى فى مديح الثورة بل ايضا تبارى كبار الادباء والمفكرين فى رسم الصوره القدرية للثورة ورجالها وايضا لبيان الوضع قبل الثورة وبعدها ومازلنا نذكر كلمة العهد البائد والملك الفاسد وغيرها من العبارات التى كانت تملأ الاذاعة والصحافة والجرائد والكتب المدرسية . مع العلم ان احد منا لم يكن يعرف معنى كلمة العهد البائد ( لصغر اعمارنا ) ولكن كل من فى البلد كان مؤمن بتلك العبارات رغم اننا لم نكن نعرف اى شئ عن ذلك الملك الفاسد الذى يقولون عنه ومامعنى فاسد وافسد ايه بالظبط
لكن عبد الحليم يغنى ونسمع له وناصر رئيسنا وكلنا نحبه بل نعشقه ومازلنا - اذا فكل الكلام صحيح
لكن للوقائع التاريخية القوية التى جاء سياقها فى الاغنية مدلولات لم تؤثر فينا بقوة - الاحتلال البريطانى - السفاره البريطانية - اسماء الشوارع والمصانع الاجنبيه ( امال هيقول ايه على اللى بيحصل دلوقت كل الاسامى صارت اجنبيه mackdonalds- kintake- bakary-tryanon-sinaiki) واقسام البوليس التى نرى فيها الشاويش بريطانى وكيفية الفصل العنصرى بين من هو بريطانى وتحت الحماية البريطانية وبين من هو مصرى ( الان صار الفصل العنصرى بين من هو مصرى ومصرى اخر وكلنا نعرف ونحفظ كلمة انت مش عارف ده ابن مين ) واماكن اخرى( حيث ان كلمة اللد والرمله ) كانت كلمة غامضة لنا تقريبا ولم يفسرها مؤلف الاغنية وقتها تفسير كامل وانما ساقها كواقعة لمن يعرفونها وترك تفسيرها لمن لايعرفونها حسب ما يخطر على خاطرهم - رغم اننا عرفنا بعد ذلك ان اللد والرملة هى قرى فى فلسطين - ولاستجلاب مشاعر الحزن الى تلك الواقعة - ذكر استشهاد لاخوه - ولم يكتفى حيث يريد شحن كل حزن واسى المصريين - فذكر خطيبة اخوه - التى قال على لسانها كلمات احالها المؤلف الى جنازة حزينة جدا -حتى نشعر بالفداحة والغيظ ممن ادخلوا اسلحة فاسدة ( دلوقت بيدخلوا لحوم وفراخ واطعمة وادوية فاسدة ) .
والى حريق القاهرة ينتقل بنا المؤلف واقرأو الكلمات واسمعوها
القاهرة .. الساحرة .. الساهرة
ازاى ازاى
كلها دخان و لهب و نيران و صراخ و عذاب و خراب و دمار
بتاكلها النار
وفى هذا المقطع كان صراخ عبد الحليم يشق الجو
كلمات رهيبة بعد الكلمات الرقيقة الجميلة - قاهرة -ساحرة - ساهرة ثم دخان لهب نيران صراخ عذاب خراب دمار
القاهرة تاكلها النار ثم اصبحت القاهرة رماد وغضب ونيران فى القلوب
ثم قامت الثورة
وعادت كل الامور الى يد المصرى وسمع نداء عبد الناصر ( لكن لماذا لم يسمع نداء محمد نجيب ) ليرفع راسه ويعيش حرا
لكن البيت الحاوى العبارات الاتية
كنت فى صمتك مجبر .... كنت فى حبك مكره
اظن ان المؤلف قد اقتبسهما او اوردهما عن مؤلف اخر او قول لجمال عبد الناصر - لان نفس الكلمات بالضبط وردت فى اغنية عبد الوهاب التى اخذت موسيقاها لتكون تتر نشره الاخبار المصرية فى البرنامج العام واظنها اغنية انا يا مصر فداكى
ثم نظره مستقبلية الى الغد وماسيكون عليه
ونتسائل ما هدف تلك الاغنية اهل هى مديح مباشر وبقوة للثورة - ام تثبيت حتميتها فى اذهان المصريين - ام مجرد سرد تاريخى لاحداث مره اعقبها ثوره واحداث اكثر اشراقا وكلنا نحفظ عن ظهر قلب مبادئ الثورة المصرية الستة وكلنا عشقنا الثورة ومازال عبد الناصر وسيبقى فارسنا الاول والاخير - فهل تحققت تلك المبادئ وهل بقى شئ مما تحقق ؟
والى اغنية اخرى