الطقاطيق والمونولوجات القديمة مكتوبة وروابط لها

[Islam Eidrisha]

104
سماح النوبة النبي يا جميل
الست فاطمة سري
إسطوانات أوديون
السيدة فاطمة سري


سماح النوبة النبي يا جميل
أنا قلت التوبة ما عنتش اميل
لغيرك أبدا

كنت افتكر إنك بتغير
وف نار غرامي كنت أسير
مهما عملت كتير وقليل
معلهشي النوبة النبي يا جميل
ما عنتش اميل لغيرك أبدا

عزولي قال لي إنك بتميل
لواحدة غيري ليه يا جميل
لما سألت ما لقيتشي دليل
معلهشي النوبة النبي يا جميل
ما عنتش اميل لغيرك أبدا

بحسب اني أقدر أسلاك
لقيت روحي بدوب في هواك
القلب لك وانا كلي فداك
معلهشي النوبة النبي يا جميل
ما عنتش اميل لغيرك أبدا

الروابط
فاطمة سري

[Islam Eidrisha]

105
أنا بس ساكتة لك
ح يجيلك يوم طول بالك
الست فاطمة سري
إسطوانات أوديون
السيدة فاطمة سري

أنا بس ساكتة لك
ح يجيلك يوم طول بالك

لما يروق عقلي وبالي
ح يجيلك يوم تترجاني
واشوف أنا ازاي تنساني
واسأل عليك طول بالك

بكرة فؤادك يتلوع
وأكيدك أوي أنا واتدلع
وتطلب الوصل أتمنع
واتقل عليك طول بالك

تعشق وتخطر يا غزالي
وآدي انت شوفت اللي جرى لي
في اللوم وفرحة عزالي
عاجبك كده؟! طول بالك

عزولي يفرح في بعادي
وقلبك ليه ينسى ودادي
ياروحي شمت الاعادي
ارحم بقى وخلي بالك

الروابط
فاطمة سري

[Islam Eidrisha]

106
ناس لها بخت
في الحب تتهنى
الست فاطمة سري
إسطوانات أوديون
السيدة فاطمة سري


ناس لها بخت في الحب تتهنى
وناس تعيش العمر تتمنى يوم تتهنى

يقولوا السعادة لها ناس بالعنية
وانا في الحب ما ارتحت ثانية
أشكي يقولوم كده الدنيا
بتفرح ناس وناس تتمنى
يوم تتهنى ويوم تتمنى

علي جبيني مكتوب حبه
روحي فداه والقلب عبده
يا هل ترى يسمح بقربه؟
ليلة اتهنى .. لا انا بتمنى!
يوم اتمنى ويوم اتهنى

مسيري أفرح يوم واتهنى
تبقى ناري يا ناس جنة
يا عزولي إبعد عنا
بقالي سنة وانا بتمنى
يوم اتهنى ويوم اتمنى

الروابط
فاطمة سري

[عصمت النمر]

تحية للصديق الدؤوب اسلام
يعمل فى صمت
جهد خارق فى الفهرسة للادوار والطقاطيق والمونولوجات

[Islam Eidrisha]

دكتور عصمت النمر
المتخصص في السمع والطرب والسلطنة
عندما تأتي منه هذه الكلمات الجميلة
من أحد قامات وهامات سماعي العالية
يكون لها مفعول السحر
شكرا يا أستاذ يا كبير

[Islam Eidrisha]

107
العزوبية طالت عليا
زكي أفندي مراد

العزوبية طالت عليا

قومي اخطبيلي حلوة وغنية

عروسة يا خاطبة متكونش مطالبة

هاتي العروسة وخدي الهدية

ما دام بتودي وتيجي عندي

الود ودي تاخدي الطاقية

بس اوعي يا اختي ما تكوني انتبهتي

ما شفت بختي في البنت دية

أنا عندى عفة في بنت خفة

عاوزة لها زفة صاحبة مالية

إملا لي إيدك وده وقت عيدك

ده حكم سيدك والحق عليا

من بحر فنك هاديني منك

واحدة وتروق ومستحية

تقعد قبالي واديها مالي

مالك ومالي ده العشق غية

إمتى أجيكي وابقى واليكي

وحياة عينيكي لا تبقى ليا


الروابط

[Islam Eidrisha]

108
مرة كنت ماشي
السلطانة منيرة المهدية

مرة كنت ماشي مع جميلة عنيها سود
تسبي كل من شافها بلون ورد الخدود

والقوام ده غصن حير سلطان القدود
آه يا ناري يا نار قلبي أنا بحب وادوب

تعى اما اقول لك ع اللي جرى لي
تعى اما اقول لك ع اللي صار

شبكني ف حبه وكنت خالي
كنت انام من غير أفكار

بوسته في خده والبوس حلى لي
بقينا ف ضحك وهزار

أنا كنت نايم بحلم لقيت حالي
بعدها طلع النهار

الروابط

[سمر]

عندي قناعة -ولو انها شخصية- أن الطرب العربي هو وحدة متكاملة: ليس هناك قديم وحديث. هو بناء واحد من أساسه إلى السقف. عمل جبار يقوم به أستاذنا الكريم إسلام مليء بالذرر والكلام الذي غاب عنا هذه الأيام التي اصبحت فيها الكلمة مجردة من أي احساس او مشاعر. موضوع شيق ومش عارفة ازاي اشكرك صراحة.

[auditt05]

برافـــــــــــــــــــــــــو
هو انت ابه ودانك خشب - الله يكون فى عونك
ارجوك استمر حيث يبدوا انه لا يستطيع احد ان يشاركك هذا العمل المضنى
و على فكرة انا مستفيد شخصيا جدا جدا جدا اى و الله
شكرا يا باسل

[Islam Eidrisha]

109
أهو ده اللي صار
حامد مرسي

أهو ده اللي صار وآدي اللي كان
ما لكش حق تلوم عليا

تلوم عليا ازاي يا سيدنا
وخير بلادنا ما هوش في إيدنا
قول لي عن أشياء تفيدنا
وبعدها ابقى لوم عليا

بدال ما يشمت فينا حاسد
إيدك في إيدي نقوم نجاهد
واحنا نبقى الكل واحد
والأيادي تكون قوية

مصر يا أم العجايب
سعدك أصيل والخصم عايب
خللي بالك م الحبايب
دوله أنصار القضية

الروابط
حامد مرسي