طلبات نوتة أ / عادل صموئيل الجزء الثانى - الصفحة 151

**عادل صموئيل** · #**1501** 15/04/2013, 21h22

احبائى

اقدم لكم من روائع عبد الحليم
هديته الى نهر النيل العظيم اجمل نهر فى العالم

ياتبر سايل بين شطين

اللحن ده من اجمل الالحان على فكرة اللى ممكن يتعمل فى مدرسة لو عندك طالب او طالبة موهوب

مع اطيب تحياتى

**عاصم المنشاوى** · #**1502** 16/04/2013, 01h25

الأستاذ القدير/ عادل بك صموئيل

وكل الأصدقاء...وحشتونى والله...ونتمنى ان نراكم فى اقرب فرصة

استاذ /عادل
عند حضرتك فكرة مين اللى عزف صولوهات أغنية "حكم علينا الهوى"...لأم كلثوم
صولو العود ...هل هو بليغ حمدى نفسه...؟....وصولو الأورج هل هو هانى مهنى ولاّ عمار الشريعى؟
شكرا وتحياتى

**ml adly** · #**1503** 16/04/2013, 12h16

أ / عادل بالامس اضفت نموذج لتدوين المقامات وابديت رغبتي في ارائكم حتي اكمل العمل كما في تصوري وهو ملف كامل به المقامات الشرقية كاملة مرتبة حسب قرابتها الاولي والثانية ومصنفة تبعا لدرجة ركوزها والنموذج ارفقته مع توضيح في موضوع قواعد الموسيقة العربية واطلب من حضرتك ابداء الرأي بكل صراحة وشكرا

اخى العزيز
فكرة حلوة جدا وتهم اعضاء كتير
بس انت حاطط الموضوع وسط موضوع تانى بتاع عضو تانى
يعنى اعملها فى موضوع جديد مش رد على موضوع موجود عشان تبقى واضحة وصلت الفكرة ؟
يعنى اديها عنوان واعملها فى موضوع جديد وده بيخلى الاعضاء يشوفوا ايه الموضوع
لكن لما حاجة قسمة زى دى تتحط فى وسط موضوع معمول من الاول ممكن ماحدش ياخد بالو منها او بيشوف المشاركة بتاعتك من الخارج بدون ان يفتح الموضوع ويفتكر انك بترد على الموضوع بتشكر يعنى مش بتضيف حاجة جديدة
مع اطيب تحياتى والفكرة حلوة عادل صموئيل
فيه حاجة تانية مهمة
لما تحب تقول حاجة زى اللى انت قلتها هنا ياريت لو تحط الرابط بتاعها عشان اللى يقراها يشوف الرابط ويضغط عليه ويوصل مباشرة للموضوع .. يعنى انا قريت بس مش عارف انت حاطط الموضوع فين ضغطت على اسمك بيطلع ملفك وشفت آخر مشاركاتك بس لو الرابط طبعا اسهل كتير
مع اطيب تحياتى تانى

**mohamed khalil** · #**1504** 16/04/2013, 18h43

الاخوة الزملاء
اقدم لكم نوتة
حلو وكداب
( ميدي )
النوتة طبعا من تدوين الاستاذ
عادل صموئيل
تحياتي للجميع

**انغام الشرق** · #**1505** 17/04/2013, 15h39

[SIZE="4"]

استاذنا الفاضل و الفنان الكبير
الاستاذ \ عادل صموئيل
اولا مافيش كلمات شكر تقدر توفيك حقك يا استاذ على مجهوداتك الكبيرة معانا
و كرم حضرتك فى العطاء الغير محدود بيطمعى اكتر علشان اتعلم من حضرتك اكتر و اكتر
انا ليا رجاء من حضرتك .. انا عندى فى المدرسة اكورديون و جيتار و ماندولين و كمان و نفسى اعمل توزيع للآلات بس مش عارفة اعمله ! فياريت حضرتك تشرحه لى بأسلوبك السهل اعمل التوزيع على الالات ازاى ؟
و لك منى كل الشكر و التقدير

[/SIZE]

الاخ العزيزة اشكرك للثقة الغالية دى
الموضوع بيتلخص من خبرتى الطويلة فى شغل المدارس بس معلش اسمحى لى شرح لك الموضوع بالتفصيل المفيد ليكى
الملحوظ ان اكتر آلة بيبقوا التلاميذ فيها شاطرين اولا الاكورديون وثانيا المندولين واقلها الكمان إلا اذا وجد واحد موهوب شوية لأن مشكلة الكمان الصوابع مش بتبقى مضبوطة عادة يعنى بتطلع النغمات اما خاسة او زايدة
او مثلا تسمعى تلاقىمفيش فرق بين المى بيمول والمى ناتورال لأن التلميذ بيحط صباعة فى المنطقة وخلاص
لذلم بنهرب من الموضوع ده اننا بنخلى معظم الشغل بتاع الكمان اوتار مطلقة يعنى النغمات بتبقى اقل شوية
بعكس المندولين لأن التلميذ بيحط اصابعه فى خانات محددة فبيطلع اللحن مضبوط شوية
المشكلة دى عمليا وعلميا بتحصل ليه فى الكمان ؟؟؟؟ لأن الطالب فى العهد او الكية الموسيقية بيدرس صولفيج وغنائى بالذات ده بيخليه بيغنى اللحن اللى قدامه بعينه يعنى بيبقى فاهم وحاسس الفرق بين المى بيمول والمى ناتوريل لكن التلميذ عندكم فى المدارس مش بيدرس صولفيج وانما المدرسين عودوه انهم عايزين منو يطلع المسابقة وخلاص وبيخلوه يحط صوابعه ( او باااالتحديد هم بيحطوا له صوابعه فى المكان اللى هو اصلا مش متفهم ايه الموضوع لذلك هو نفسه مش بيحس انو نشاز كده او بيقول نغمة غلط )
اما الجيتار فى المعمة دى مش بيقول لحن اساسى او صولو ولكن بيقول اكورات ومن هنا لازم الاكورات تكون اولا سهلة يعنى الاكور تحت ايده بمعة التلات نغمات اللى حايقولهم يكونوا فى مستوى طبيعة ايدو مش تكون نغمة منهم بعيدة وتكون حتاجة مثلا يفتح صياعو اوى يوصل لها ولما ينتقل من اكور لأكور برضو تكون النغمات اللى حايوحها فى الكور التانى اما يكون منهم اتنين مشتركين ويحط عليهم واحدة ثالتة تكون قريبة ... والمهم الاكورات ماتبقاش كتير عشان يقدر يحفظهم وطبعا بنستعمل الانقلابات بتاعة التآلف يعنى مثلا دو مى صول ممكن تخليها مى صول دو
او صول دو مى حسب النغمات اللى تحت الايد زى ماقلت
اول حاجة المفضل انك بتعملى مدرجات مع بعض وتكتبى الاول اللجن الاساسى بقدر الامكان كله للأكورديون
عشان صوته مضبوط والعيال بيبقوا اشطر زى ماقلت يعنى اللحن حايبقى مسموع كويس
اما التوزيع الصح او المذوق هو اللى بيبقى زى رشة الملح ع الاكل يعنى مش كتير اوى يضيع اللحن الاساسى ومش قليل اوى اوى يبقى كأن مفيش توزيع
التوزيع عامل زى واحدة بتلبس فستان والتوزيع هو الاكسسوار الخفيف اللى بتحطه على الفستان
بالطبع لو تستعملى برنامج انكور حايفيدك اكتر 1000 مرة من الكتابة بالقلم يعنى فى اعداد الصفحة تعملى شوفى عايزة كام صوت مع بعض وزى ماقلت تكتبى لاول اللحن الاساسى للأكورديون وتكتبى الباقى من عندك للآلات التانية ... التميز الخطير طبعا لبرنامج انكور ( وانا منزلو هنا مع الشرح ) انك بعد ما تكتبى اللحن الاساسى تسمعيه كويس لو فيه حاجة ... وبعدين وانتى بتكتبى التوزيع تسمعى اللى بتكتبيه يعنى تحسى حلو كده ولو مش حلو تغيرى واهم شىء تحسى لو الطبخة حاتشيط
فى الختام عايزك ترجعى لأى مشاركة للأخ العزيز هيثم الصالحى هو عامل فهرس مهم لكل اعمالى منهم نوتات انا موزعها للمدارس وان شاء الله تعجبك وكمان عشان يبقى عندك مستوى لو انتى عايزة تعملى حاجة يبقى تعملى حاجة زى كده
وعلى فكرة خلى بالك انتى لو شفتى نوتات الكورديون بتاعة المبتدئين بصى على الإيد الشمال حتلاقى كام كورد محدد مش اكتر من 3 وبيتكرروا
والخلاصة احنا بنعمل شغل مدارس مش شغل اوبرا يعنى اقل توزيع ممكن ويبقى حلو احلى من الفزلكة وماحدش حايفهم حاجة لا من المستمعين فى حفلة ولا حتى بتوع اللجنة يعنى لو واحد اتفزلك هم مش حايستوعبوا اللى هو عامله وممكن يدوا له درجة اقل واقول لك حاجة تضحك من كام سنة كان عندنا مستشارة واصلة بالتدرج الوظيفى يعنى معلوماتها الموسيقية زى مستشارة التدبير المنزلى
انا فى المقطوعة عملت فزلوكة صغيرة هى طبعا مش فاهمة اللى سامعاه اصلا وعايزة تتلكك لى على غلطة لأن كان معاها الاستاذ الكبير لورنس الموجه العام وقتها لأنه قال قبل ما اقدر الفريق والآن نستمع الاى احد روائع الموسيقار الكبير و... ( قعد يمدحنى شوية ) هى تقريبا غارت لأنها عايزة تحس انها اهم واحدة فى الناس الموجودة المهم بصت فى النوتة لقت فى صوت لاكورديون صول وتحت فى آلة صول دييز حاجة كده يعنى تانية صغيرة قالت لى انت عامل حاجة غلط قلت لها ده دومننت سفن يا ابلة
0 هى طبعا ماتعرفش الكلام ده الدومننت سفن هو تألف الخمسة بسابعتها يعنى دو مى صول سى بيمول وبتكون السابعة صغيرة وبيسموه كمان تآلف السابعة المتسلطة
ولو الحاجة كانت بتسمع فيروز 90 % من اغانى فيروز او سبب السحر فى توزيع الرحبانية هو السابعة المتسلطة دى اللى بتعمل نغمتين متنافرتين بس بحرفية تخلى المستمع يتجنن ويتهبل وللعلم دى التميز بتاعهم واللى ماحدش من الموزعين ببيعرفيلعب فيه يعنى الملعب بتاعه المهم ربنا يسامحها
انا آسف للإطالة واتمنى تكونى استفدتى حاجة من الكلام اللى انا قلته وتحت امرك
مع اطيب تحياتى عادل صموئيل

**عادل صموئيل** · #**1506** 17/04/2013, 18h15

احبائى
اقدم لكم اغنية محمد فوزى

ياولاد بلدنا يوم الخميس

مع اطيب تحياتى

**عادل صموئيل** · #**1507** 17/04/2013, 18h22

احبائى
اقدم لكم من روائع عبد الحليم حافظ

نار يا حبيبى

فى اللحن ده او النوعية دى بتبقى مشكلة وهى الجمل اللى بتقولها آلات النفخ الغربية لأنها بتبقى مجموعات وكل مجموعة صوتين فى سلمين مختلفين يعنى اللى انت سامعه عشر اصوات مثلا على بعض والمشكلة انا بكتب لعازف واحد على آلة واحدة فبحاول انى اكت حاجة تمثل مجموع اللى انا سامعه وبحيث اهم حاجة وانت بتعزفه اللى يسمعك مايحسش ان فيه حاجة ناقصة او حاجة مش مضبوطة
وده درس للمبتدئين فى التدوين يعنى تخلى بالك من الحاجات دى لأنك لو كتبت صوت واحد من المجموعة اللى حايسمعو يحس ان اللى بيعزف بيعزف حاجة غلط او حاجة بعيدة عن اللحن الحقيقى لذلك لازم انت تعمل تركيبة متناسقة وسهلة وتمثل مجموع اللى انت سامعه واقول لك سر انا كده بعود الى الاصل بتاع اللحن
بمعنى ان الملحن بيسمع الموزع اللحن ع العود بالطبع الجزء ده بيكون زى اللى انا كاتبه هنا بعدين الموزع بيلعب فيه

مع اطيب تحياتى

**يوسف قاسمي جمال** · #**1508** 17/04/2013, 19h03

اقتباس:

المشاركة الأصلية كتبت بواسطة عادل صموئيل

احبائى
اقدم لكم من روائع عبد الحليم حافظ

نار يا حبيبى

فى اللحن ده او النوعية دى بتبقى مشكلة وهى الجمل اللى بتقولها آلات النفخ الغربية لأنها بتبقى مجموعات وكل مجموعة صوتين فى سلمين مختلفين يعنى اللى انت سامعه عشر اصوات مثلا على بعض والمشكلة انا بكتب لعازف واحد على آلة واحدة فبحاول انى اكت حاجة تمثل مجموع اللى انا سامعه وبحيث اهم حاجة وانت بتعزفه اللى يسمعك مايحسش ان فيه حاجة ناقصة او حاجة مش مضبوطة
وده درس للمبتدئين فى التدوين يعنى تخلى بالك من الحاجات دى لأنك لو كتبت صوت واحد من المجموعة اللى حايسمعو يحس ان اللى بيعزف بيعزف حاجة غلط او حاجة بعيدة عن اللحن الحقيقى لذلك لازم انت تعمل تركيبة متناسقة وسهلة وتمثل مجموع اللى انت سامعه واقول لك سر انا كده بعود الى الاصل بتاع اللحن
بمعنى ان الملحن بيسمع الموزع اللحن ع العود بالطبع الجزء ده بيكون زى اللى انا كاتبه هنا بعدين الموزع بيلعب فيه

مع اطيب تحياتى

استاذ عادل اجدد الطلب و معذرة على الاصرار .. من فضلك لو ممكن نوتة "عايز جواباتك" ... في الحقيقة انا اكتب النوتة بنفسي و الحمد لله ، لكن اطلبها منك لسببين؛ لاني مشغول جدا هذه الايام ؛ ثانيا لاني اثق قي تدوينك ... و الف شكر

الاخ العزيز
انا اشكرك على ثقتك الغالية
انا ابتديت اكتب فيها ولكن للعلم اللحن ده انا ماكنتش حافظه كويس يعنى بسمعه صدف فى الراديو واكتشفت انو اصعب بكتير من الاطلال ولكن امهلنى على الاقل اسبوع
لأن اللحن كلو ادليب ومجهد جدا وصعب جدا فى الكتابة يعنى مش اى حد بجد يقدر يكتبه لن كل كلمة محتاجة وقت طويل جدا عشان تتظبط صح
مع اطيب تحثاتى عادل صموئيل

**نور الصباح** · #**1509** 17/04/2013, 20h17

احبائى
اقدم لكم من روائع عبد الحليم حافظ
نار يا حبيبى
فى اللحن ده او النوعية دى بتبقى مشكلة وهى الجمل اللى بتقولها آلات النفخ الغربية لأنها بتبقى مجموعات وكل مجموعة صوتين فى سلمين مختلفين يعنى اللى انت سامعه عشر اصوات مثلا على بعض والمشكلة انا بكتب لعازف واحد على آلة واحدة فبحاول انى اكت حاجة تمثل مجموع اللى انا سامعه وبحيث اهم حاجة وانت بتعزفه اللى يسمعك مايحسش ان فيه حاجة ناقصة او حاجة مش مضبوطة
وده درس للمبتدئين فى التدوين يعنى تخلى بالك من الحاجات دى لأنك لو كتبت صوت واحد من المجموعة اللى حايسمعو يحس ان اللى بيعزف بيعزف حاجة غلط او حاجة بعيدة عن اللحن الحقيقى لذلك لازم انت تعمل تركيبة متناسقة وسهلة وتمثل مجموع اللى انت سامعه واقول لك سر انا كده بعود الى الاصل بتاع اللحن
بمعنى ان الملحن بيسمع الموزع اللحن ع العود بالطبع الجزء ده بيكون زى اللى انا كاتبه هنا بعدين الموزع بيلعب فيه
مع اطيب تحياتى
YYYYYYYYYYYYYYYYYYYYYYYYYYYYYYYYYYYYYYYYYY

وشكررررررررررررررررررررررررررررررررررررا
نور الصباح

**فؤاد العلمي** · #**1510** 18/04/2013, 11h51

أخي العزيز الأستاذ عادل
أشكرك على عطائك الفياض وسعة صدرك وأتمنى لك كل الصحة والعافية.
أستاذي عادل ما رأيك في عازف الكمان. لقد قمت بالتسجيل دون أي تدريب، ومن الوهلة الأولى.
رأي الإخوان في المنتدى يهمني كذلك.
مع تحياتي- فؤاد

اخى العزيز
العزف جميل جدا واشكرك
هو بس فيه ملحوظة واحدة ( او تلكيكة بالمصرى )
فى صولو الكمنجة اللى اول الموسيقى هو جملة بتقولها الكمان والعود بيرد عليها يعنى المفروض ان الكمنجة تقول الجملة والعود يرد هليها الحرف عشان عازف الكمان يتفرغ للإبداع
لكن العزف جميل جدا من الاتنين
مع اطيب تحياتى عادل صموئيل