احبائى
اقدم لكم من روائع الفنانة الكبيرة جدا سعاد محمد
اوعدك
الاغنية دى انطلبت كتير والاخ العزيز هيثم كتب لى ع الخاص ان لها نوتة قديمة مدونة فى المنتدى من قبل واعطانى مكانها اشوفها ,, هو قال انها مش مكتوبة كويس وفيها اخطاء كتير فى الغناء ... انا طبعا شفت النوتة بسرعة انا كمان ماعجبتنيش لكن مش بحب اشوفها وقت طويل لأنى طالما حدونها تانى ماحبش انها تأثر عليا يعنى لأنى لما بدون اغانى صعبة كده بيبقى لازم اخترع لها خطط بالذات فى الامانكن الصعبة اللى فيها وبالذات مثلا فى الادليب اللى فى الاول اعتقد ان احسن طريقة زى ما انا كاتبو لنى بينى وبينكم جربت كذا طريقة .. وكان فيه مشكلة ان بعد صولو الاكورديون الفرقة اسرعت فجأة بس انا طبعا يعنى ممكن الاسراع ده يكون حركة عصبية من المايسترو اللى بيشاور لهم وهم اسرعوا معاها بس انا كتبتها زى المفروض بقدر الامكان
اللحن طبعا صعب جدا لكن مع المحاولة ان شاء الله يكون سهل ,,, فيه حاجة بالنسبة للغناء .. ( وممكن تكون اختلاف وجهة نظر من الاستاذ اللى كتب النوتة القديمة وخلا هيثم يحس انو فيه اخطاء كتير وبرضو درس للمدونين اللى بعدى ) الملحن القدير لما بيعمل لحن لسعاد محمد ( وما ادراك بسعاد محمد ) بيمعل لها80 % من اللحن جمل بسيطة مش معقدة ... يعنى جميلة لكن مافيهاش تطريز بحيث انو بيديها الفرصة لما تسخن وتلعلع وتطلع كل اللى جواها تكون مستريحة لأنو لو عمل لها جملة او مازورتين ورا بعض معقدينممكن اما انها تحس انها متكتفة مش عارفة تتحرك او انها ماتقولهمش كما ينبغى وهنا الملحن كمان خسران ... لذلك انا جمل كتير مش بكتب اللى هى بتقوله بالتحديد المحدد لنكم مش حاتعرفوا تقروها بحاول اكتب اللحن الاساسى كان ايه ( طبعا عزفت مع سعاد محمد كتير وفاكر النوتة كانت بتبقى مكتوبة ازاى .. ومن هنا ممكن يجى الاختلاف ... يعنى زى ماقلت انا ماحولتش ادقق اوى فى النوتة القديمة .. ممكن يكون الاستاذ كتب اللى هى بتقوله حرفيا بالتحديد وممكن يكون اشطر منى بس النتيجة ان ممكن تحصل اخطاء مش فى الكتابة ولكن لما انت تقراها ... عموما انا الحمد لله راضى عن اللى كتبته واتمنى تعجب الاخ العزيز هيثم يعنى حاولت التبسيط على قد ما اقدر لكن فيه موازير صعبة شوية اللحن كده ما اقدرش طبعا اغيره
مع اطيب تحياتى
رد: طلبات نوتة أ / عادل صموئيل الجزء الثانى
العرض العادي
