طلبات نوتة أ / عادل صموئيل الجزء الثانى

[nourshd]

انا بعت رد
بشكر حضرتك جداااااااااااا يااستاذ عادل ع مجهوداتك ف المنتدى لانه بجد كتير جدا من حضرتك تلبيه الطلبات
بالسرعه دى
ولاستفسار حضرتك عن معاد الحفله فهى ختام للعام ومجمعه لكل الاننشطه الاخرى
وهتكون ف نهايه الشهر
وبجد حضرتك اكتر من رائع لمساعدتك وربنا يخليك لكل معلمى الموسيقى ولكل المنتدى





الاخت العزيزة
انا كتبتلك رد على ردك فوق
مع اطيب تحياتى عادل صموئيل

[نور الصباح]

احبائى
اقدم اغنية
احبك يا امى
للاخت العزيزة نور
هى قالت ان الطلب عاجل وانا عملتهم بأسرع درجة ممكنة بس هى مادخلتش تتطمئن على طلبها لحد دلوقتى
انا عموما الحمد لله عملت اللى عليا
مع اطيب تحياتى
SSSSSSSSSSSSSSSSSSSSSSSSSSSSSSSSSSSSSS
الله ينـــــــــــــــور عليـــــــــــــــــــــكـ
وعقبال طلباتنا التى طال عليها الزمان
وشكرررررررررررررررررررررررا
أخوكم
نور الصباح

[نور الصباح]

حبيب قـــــــــــلبى وحبيب كل أعضـــــــــــاء منتدانا الجميل
الفنان الكبير الأســـــــــــــــتاذ :
عـــــــــــــــــــــــــــــــــــــــــــــــــ ــــــــادل باشـــــــــــــــــــا صموئــــــــــــــــــــــــــــــــــيل
سلام الله عليكم ورحمته وبركاته
وبعـــــــــــــــــــــــــــــــــــــــد :
بمناســــــبة عودة المنتدى لسالف عهــــــده - والحمد والمنة لله عز وجل -
شكرا جزيلا لكم على رائعة الأيام لفايزة أحمد
نرجو من جنابكم التكرم بتدوين هاتين الأغنيتين : --
1- صعــــــــــــــــــــبان عليـــــــــــــــــــــــنا منكم صعبان علينا والملف الصوتى بالصفحة رقم 231 بتاريخ 12 / 11 / 2013
2- حـــــــــــــــــــــــــــــــيران كده ليه يا حبيبى والملف الصوتى بالصفحة رقم 231 بتاريخ 12 / 11 / 2013
وشكرا لكم وحفظكم الله على الدوام لرفعة الفن العربى الاصيل
أنا عارف بأن الجدول مزدحم بطلبات سابقة وشاكر لكم الأفضال
ومش مســــــــــــتعجل
ولكن مجـــــــــــرد تذكــــــــــــــرة فقط
وشكرررررررررررررررررررررررررررررا
أخوكم
نور الصباح

[درأرسلان]

أستاذي الغالي عادل صموئيل،
بعد تدوينكم الأكثر من الناجح لرائعة محمد عبد الوهاب سهرت منه الليالي، هل من الممكن تدوين بفكر في لي ناسيني و كليوبترا، ودمتم ياأستاذي عزا و مفخرة لتلامذتكم ولهذا المنتدى الرائع

أخوكم د المصطفى أرسلان

[dorame]

الاستاذ الدكتور الموسيقار الفاضل والكريم عادل

اشكرا على الاغنية الاكثر من روعة ( هي ساعة زمن ) او ذكريات

وهي من العيار الثقيل والجميل جدا ولسه من اسبوع دخلت المنتدى ابحث عن النوتة من تدوينك واستغربت كثير انك مش منوتها وهناك تسجيل كامل وجميل للرائع السنباطي على العود ان يوجد لديك سأرسله

تحياتي واحترامي

[nourshd]

لاخت العزيزة
انا فى منتهى السعادة انك دخلتى الليلة دى واخدتى النوت اللى انتى عايزاها
وبعدين انا كنت بشتغل بالليل مع العمالقة والصبح مدرس موسيقى زيك لحد ما اصبحت موجه اول فى ادارتى عين شمس والسلام ودلوقتى ع المعش وعارف ظروفكم واحتياجاتكم كويس وانا بهتم بالمدرسين الشاطرين اللى عايزين اولا يرفعوا مستواهم بأنهم يشوفوا نوت اكتر ويشتغلوا مش زى بعض عاهات كنت بشتغل معاهم مش عايزن يشتغلوا او حافظين كام حاجة بيكرروا فيهم طول عمرهم وانصحك ادخلى على اى مشكاركة للخ العزيز هيثم الصالحى هو عامل فهرس لكل النوت اللى انا مقدمها شوفيهم حتلاقى حاجات كتير اوى تعجبك يعنى حتى مش شرط انا شيد فيه اغانى تجنن لجميع المطربين ممكن تاخدى منهم جمل موسيقية وتعملى منها حاجات حلوة وربنا يساعدك اما بالنسبة لموضوع حبيبى الشيف الشربينى هى الحفلة فيها طبيخ ؟ واقول لك حاجة تضحك زمنا كنت مدرس فى مدرسة حلمية الزيتون الثانوية للبنات كانت اوضة الموسيقى جنب اوضة التدبير المنزلى كانوا المدرسات هناك اصحابى اوى ومن عشان الفن كنت اسمعهم موسيقى وهم كل يوم يدوقونى الحاجات الحلوة اللى بيعملوها عشان ذوقى عالى فى الاكل يعنى لما الاكل يجبنى اوى يحسوا انهم عملوا انجاز بس بينى وبينك كنت هايص طبعا
مع اطيب تحياتى عادل صموئيللاخت العزيزة
انا فى منتهى السعادة انك دخلتى الليلة دى واخدتى النوت اللى انتى عايزاها
وبعدين انا كنت بشتغل بالليل مع العمالقة والصبح مدرس موسيقى زيك لحد ما اصبحت موجه اول فى ادارتى عين شمس والسلام ودلوقتى ع المعش وعارف ظروفكم واحتياجاتكم كويس وانا بهتم بالمدرسين الشاطرين اللى عايزين اولا يرفعوا مستواهم بأنهم يشوفوا نوت اكتر ويشتغلوا مش زى بعض عاهات كنت بشتغل معاهم مش عايزن يشتغلوا او حافظين كام حاجة بيكرروا فيهم طول عمرهم وانصحك ادخلى على اى مشكاركة للخ العزيز هيثم الصالحى هو عامل فهرس لكل النوت اللى انا مقدمها شوفيهم حتلاقى حاجات كتير اوى تعجبك يعنى حتى مش شرط انا شيد فيه اغانى تجنن لجميع المطربين ممكن تاخدى منهم جمل موسيقية وتعملى منها حاجات حلوة وربنا يساعدك اما بالنسبة لموضوع حبيبى الشيف الشربينى هى الحفلة فيها طبيخ ؟ واقول لك حاجة تضحك زمنا كنت مدرس فى مدرسة حلمية الزيتون الثانوية للبنات كانت اوضة الموسيقى جنب اوضة التدبير المنزلى كانوا المدرسات هناك اصحابى اوى ومن عشان الفن كنت اسمعهم موسيقى وهم كل يوم يدوقونى الحاجات الحلوة اللى بيعملوها عشان ذوقى عالى فى الاكل يعنى لما الاكل يجبنى اوى يحسوا انهم عملوا انجاز بس بينى وبينك كنت هايص طبعا
مع اطيب تحياتى عادل صموئيل

لحضرتك كل الشكر ع مساعدتى
وبالنسبه للشربينى الموسيقى عجبت الموجهه شكله كدا بيحب الاكل فطلب نوزعها ع الالات( اوكرديون واكسليفون واورج ) ف حفله الختام
وشكرا لحضرتك ع تلبيه طلبى
ويارب تفضل نصير المدرسين وبعدين هو ف حد زى حضرتك اكيد كنت وهتفضل من افضل المدرسين وربنا يوفقك دايما وبعدين احنا اكتشفنا موهبه جديده لحضرتك رايك عالى فى الاكل لا دا حضرتك كدا مليان مواهب وما خفى ........ اكيد كدا كل المدرسين هنا هيفكروا تانى يغيروا مكان حجره الموسيقى

واكيد حضرتك عندك حق لان ف اشكال من المدرسين ف ال بيهتم وفى ال واخدها وظيفه والسلام بس ماشاء المنتدى كله من افاضل الناس واد ايه طلابتهم جميلة
وانا متابعه اعمال حضرتك وخاصه الاغانى الجديده لانها بتعجبه الطالبات عندى

ويارب يديم على حضرتك الصحه والسلامه
الاخت العزيزة
عايز بس اضيف لك حاجة صغيرة
ايه الفرق بين مدرس الجغرافيا مثلا وبين مدرس الموسيقى ؟
ان مدرس الجغرافيا بيبقى دارس ف الكلية خمس قارات باللى عليهم لا بيزيدوا قارة ولا بينقصوا قارة وبيفضل يشاغل فيهم طول عمره يعنى ف اعدادى كذا وثانوى كذا وخلصنا ومدرس الاحياء مثلا بيدرس الجهاز الهضمى فى الصرصار ممكن خمس حصص فى اليوم ولو امه داعية لو ببيديه كمان عشر حصص دروس خصوصى فى اليوم يعمى بيقول نفس الدرس 15 مرة ف اليوم وهو مبسوط ويقول ربنا يزيد ربنا يبارك اما مدرس الموسيقى اللى بياخده فى الكلية هو ازاى يبتدى يشتغل زى البطاطس لما تشتريها م السوق مش بناكلها نية ولكن بنطبخها والطبخ ده عند مدرس الموسيقى انو هو بنفسه يعلم نفسه ويطور نفسه وقيمة مدرس الموسيقى انو يقدر ينجز اد ايه يعنى اللى يقدر يعمل عشرين حاجة جديدة ف السنة غير اللى يقدر يعمل حاجتين او يشتغل على قديمه وخلاص وماحدش بيتولد شاطر ولكن كل واحد بيجتهد عشان يبقى متميز
مع اطيب تحياتى عادل صموئيل

[غواص النغم]

مرحبا أستاذ عادل
اغنية أنا وحدي ياليل سهران غناء عبد الغني السيد هي من الحان محمد عبد الوهاب وليست لمحمود الشريف
حضرتك قلت أنها 100%محمود الشريف ممكن نعرف السبب ليه قلت أنها له؟
الأغنية كلماتها حزينة فيها شجن ولكن اللحن راقص و مرح لا يناسب الكلمات هل هذا عيب يعتبر؟ أو ممكن اللحن تركب عليه كلمات!!
عبد الغني السيد وطريقة غنائه قالت عنه الست بديعة صادق انه كان لا يلتزم بما يقوله الملحن هي عملت معه مسرحية العشرة الطيبة وكان بيخرج عن اللحن مما يخلي فيه مشاكل بينه وبين قائد الفرقة
وعلق كمان الراحل عمار الشريعي في برنامج غواص في بحر النغم عن حكاية انه بيخرج عن اللحن شوية.. بس حضرتك هنا كتبت أنه اللحن سهل لكن عبد الغني السيد جعله صعب هل هذا مدح أو ذم؟
من خلال متابعتي لكل ماتكتبونه قررت اني اتعلم نوتة في برامج على الأجهزة اللوحية اللي باللمس فيها بيانو وفي برامج تساعد على التدريب لقراءة النوته أخدت كورس كويس وبعدها مسكت نوتة أغنية أحبك لشادية لحن عبد الوهاب وركزت على الكوبليه الأخير لأني بحبه جدا وتفاجات اني عزفته وكنت في غاية السعادة شكراً لك على انك جعلتني اعزف واعرف النوته
على فكرة دخلت على موقع بيتيح للناس تبيع الأشياء اللي عندها ومش عايزاها لقيت في قسم الآلات الموسيقية كمنجات قديمة وفي اللي بيقول أنها صناعة ألماني ووو المهم لاحظت أن القديمة بتكون أرخص مع أن حضرتك قلت أن كلما كانت الآلة قديمة كان الصوت أحلى صح؟
اسمح لي أيضا اطلب منك تدون نوتة لالحان جميله :
يا حلو تحت التوتة لحن الملحن السوري محمد محسن ملحن قدير ولحن لفيروز لحن سيد الهوى قمري
www.sama3y.net/forum/showpost.php?p=228917&postcount=82

لحن جرت السواقي لحن جميل جدا من التراث الليبي أعده وغناه المطرب سلام قدري اللحن سجل في بيروت واللي عزف البيانو هو عاصي الرحباني واللحن أعجبت به فيروز وأيضا عاصي الذي أصر أن يعزف الاورج
www.sama3y.net/forum/showpost.php?p=372294&postcount=20
اغنية كلمتها من تراث الليبي جنوب فزان والشئ الغريب أن المقام من العجم وكان نادر تجد لحن فولكلوري من هذا المقام الأوروبي كيف وصل لجنوب الصحراء؟
www.sama3y.net/forum/showpost.php?p=307490&postcount=24

الأغنية الأخيرة فقط ك معلومة عندما كان عبد الوهاب فى ليبيا مع أم كلثوم استمع في حفلة لمعظم مطربي ليبيا والالحان الليبية وأعجب بهذا اللحن ودعى المطرب للغناء في مصر و استعان بهذا اللحن ووضعه في مقدمة اغنية ام كلثوم ودارت الأيام :اغنية بعت المحبة
www.sama3y.net/forum/showpost.php?p=64700&postcount=3
اعتذر عن الإطالة واتمنى ان تكون اختياراتي قد نالت استحسانك.. وكل عام وانتم بخير بمناسبة حلول الربيع

اخى العزيز
انا قلت ان اللحن اعتقد لمحمود الشريف اولا لنو لون محمود الشريف يعنى كل ملحن بيبقى لو نكهة واللحن نكهة محمود الشريف او لن عبد الغنى السيد غنى كتير لمحمود الشريف اتأثر بيه وبقى يغنى بطريقته مما اعطى صبغة للحن انو لمحمود الشرف .. المطرب الكبير لازم بيلتزم باللحن بتاع الملحن يعنى بحط بصمته ف الاداء لكن مايخرجش عن لحن الملحن وبالذات لما يكون ملحن كبير بمعنى ان عبد الغنى السيد لو غنى لحن لملحن صغير يكون عبد الغنى السيد اكثر منو مقاما ممكن يغير لو فى اللحن لكن مع عبد الوهاب او الشريف او السنباطى لازم يلتزم باللحن لن اللحن بيبقى معمول مش احين من كده يعنى ما يتلعبش فيه تانى .. اما لما يكونمطرب كبير زى عبد الحليم مع عبد الوهاب وكان عبد الحليم لو رؤية يعنى الجملة دى هو عايز يقولها كده بيتفق مع المالحن ده هم بينهم وبين بعض ولو اتفقوا على الحاجة ده بيبقى قبل البروفات بحيث ان اللحن لما يتكتب نوتة يبقى خلص على كده ما نقعدش نشيل ونجط .. اما الست بديعة اللى قالته صح جدا جدا لن الفرقة وقائدها بيبقى قدامهم نوتة محددة ولما عبد الغنى السيد بيخرج عن اللحن خروج كتير الفرقة بتقرأ اللى قدامها ومن هنا بيبقى حد بيغلط والتهمة بتلصق بالفرقة يعنى كده هو بيطلع الفرقة بتغلط فاهم قصدى ؟ وده طبعا يوجع الفرقة وقائدها
انا سعيدطبعا انك بتستفيد من اللى بنقدمه ... اما عن الكمنجات القديمة فين المكان او الموقع ده والكمنجات اسعارها من كام لكام يعنى ..ز اصل انا لما بقول الكمنجات القديمة كانت صناعة يدوية بتاخد وقت فى التصنيع عشان كده غالية والكمنجة كل ماتقدم ( بس لما تكون كمنجة اوربية ) نوع الخشب بتاعها كل ما يتعتق بيبقى صوتو احلى وقينها اغلى اما الكمنجات الحديثة دى صينة بتاعة مصانع يعنى الخشب بيدخل من ناحية يطلع م الناحية التانية كمنجات والمصنع بيعمل 500 واحدة ف اليوم وطبعا مالهاش قيمة فنية لكن هى للتعليم
اما الاغناى الى انت منزل الروابط ان شاء الله اشوفها بس بعد شوية لن عندى جبل طلبات متراكم مش قادر اخلصه
اما عن المدح والذم انا مثلا مش بحب اصالة لأنها بتخرج عن اللحن اوى يعنى بتعمل تجويد وعُرب كتير جدا وكتير بتخرج عن اللحن والمشكلة انها بتعمل التجويد ده فى اغانى عمالقة يعنى اغنية لعبد الوهاب مثلا لو يتجود فيها اكتر من كده كان عبد الوهاب عملها ... الخلاصة ان اداء المطرب زى كمية السكر فى الشاى يعنى انا بحب ملعقتين مايجيش حد بيحبنى وعايز يكرمنى يحط لى 35 ملعقة سكر فى كوب شاى عشان احس انو كريم اوى او انا غالى عنده اوى يعنى الست ام كلثوم كانت بتقول اللحن وشوف اعجاب الجمهور ولما تقول حاجة كده او حتة حلوة من عندها الجمهور يطيرلكن ماتقولش 95 حتة هنا اللحن يبقى باظ
مع اطيب تحياتى عادل صموئيل

[عادل صموئيل]

احبائى
اقدم لكم اغنية

ياما ارق النسيم

لليلى مراد انا كتبتها من سنتنين لكن هنا صلحت المقام كان فيه خطأ مطبعى واكتشفو الاخ العزيز هيثم

مع اطيب تحياتى

[نور الصباح]

احبائى
اقدم لكم اغنية
ياما ارق النسيم
لليلى مراد انا كتبتها من سنتنين لكن هنا صلحت المقام كان فيه خطأ مطبعى واكتشفو الاخ العزيز هيثم
مع اطيب تحياتى
SSSSSSSSSSSSSSSSSSSSSSSSSSSSSSSSSSSSSS
الله ينـــــــــــــــور عليـــــــــــــــــــــكـ
وعقبال طلباتنا التى طال عليها الزمان
وشكرررررررررررررررررررررررا
أخوكم
نور الصباح

[عادل صموئيل]

احبائى

اقدم لكم من روائع فيروز قصيدة

خدنى بعينيك

هى اغنية تعتبر من العيار التقيل جدا وصعبة شوية
واحب اتكلم عن موضوع خطير فى التلحين .. هو موضوع لما المطرب يغنى اكتر من لحن لملحن واحد ( وهنا طبعا الاخوين رحبانى مصدر واحد يعنى ماتعرفش مين منهم مؤلف الكلام ومين اللى ملحن اللحن وجايز هم الاتنين مشتركين فى الحاجتين الله اعلم ) الموضوع ده ممكن يعمل ابداع خطير مالوش حل او خيبة كبيرة برضو مالهاش حل
بمعنى انتم لو ركزتم فى الموضوع ده تلاقى الملحلن لما يعمل اغنية لمطربة ما اول لحن يبى يجنن واحيانا الالحان اللى بعد الثالث والرابع تبقى حاجة اى كلام وخلاص .. لذلك تلاقى كان العمالقة مع ام كلثوم بيعملوا الالحان مش ورا بعض يعنى بياخدفرصة سنة مثلا على مايحضر نفسه للرائعة التالية عشان تتطلع شىء مختلف مش مسبوق وده اللى بيخلى الاغنية تعيش الى الابد .. مع كل المطربين فيه استثناء يعنى ممكن فيه فوق وفيه تحت .. ماعدا فيروز فيه شىء غريب رائع وغامض ورهيب وكل الكلام ان الاخوين رحبانى لو تعرف سيادتك عملوا ييجى كام لحن لفيروز يعنى المتعمق اوى فى سماع فيروز يقول لك يمكن آلاف يعنى العملية مش بس الاغانى المشهورة اوى اللى بتتداول لكن فيروز عندها عدد رائع من المسرحيات الغنائية كل مسرحية فيها كمية اغانى رائعة وماحدش للعلم يعروف يعمل مسرحية غنائية بمعنى الكلمة يعنى فيها شوية الحان كتير وكلهم فوق مستوى الهبل يعنى غير الاخوين رحبانى الشىء الخطير الابداع ان وسط الآف الاانى دى اكيد حتلاقى مثلا 150 اغنية نهاوند مثلا والعبقرية انهم مش شبه بعض ابدا يعنى النكهة طبعا واحدة لكن الطعم شىء تانى مذهل .. والطعم ده انا بكتشفه مش لما بسمع ولكن هو الشىء اللى بيتعبنى اوى وانا بدون ... هم بيلعبوا فى تفعيلة المازورة بمعنى انت تسمع المازورة تقول دى حروفها كذا والعلامات الايقاعية كذا تكتب تلاقى فيه غلط .. التفعيلة حاجة تانية يعنى مثلا مثلا تحسها دو سى سى تكتب تلاقى لأ دى دو دو سى وهكذا فى التدوين انا والرحبانية بنلعب لعبة القط والفار .. وطبعا مشكلة انا الدقة المتناهية يعنى ممكن مازورة بتقف منى شوية كتير لنى ما اقدرش اكلفتها يعنى .. بقفل الجهاز واشرب شيشة وقهوة وارجع بعد شوية اقعد لها يا انا يا انتى وربنا بيسهل الحد لله وانا ببقى مبسط من نفسى لما بكتب شغل صعب كده .. واتعلمت من العمالقة ان اهم شىء لما هو بيغنى انو اولا بيغنى لنفسه .. يعنى انا شفت بعينى اسرار خطيرة على الطبيعة مايعرفهاش حدا او مش متاحة لحد لو سألت ام كلثوم مين اكتر مطرب تحب تسمعه حتقول : ام كلثوم ..... وده سبب الابداع انها لما بتغنى اغنية جديدة يوم الخميس بتفضل هى متفرغة تسمع التسجيل بتاعها لمدة اسبوع على الاقل والسر انها بتعمل حركات استحسان بصوت عالى يعنى تقول الله ياست .. الله عليكى ياسومة ياللى مفيش منك او حتة تقول ايه ده ياحمارة ( بتكلم بجد على فكرة ) ومن هنا وهى بتغنى ف الحفلة بتعمل حساب الست اللى حاتسمع دى وده سر الابداع .. وده للعلمالسر فى كل المطربين المعالقة لنو لو ماعملش كده بيبتدى كبير شوية وبعد مستواه حايقل لنه مش بيراجع نفسه
اترككم مع رائعة فيروز وكفاية كده الساعة 4 الفجر
مع اطيب تحياتى