طلبات نوتة أ / عادل صموئيل الجزء الثانى

[عمرو الهنداوي]

المشاركة الأصلية كتبت بواسطة هانم احمد

ممكن او سمحت نوته اغنيه ليالى الانس لاسمهان انا بعزف كمان ونفسى اعزفها اوووووووووى

ليالي الانس من تدوين أستاذ نقولا

[وائل علوي]

استاذي الغالي عادل صموئيل ,, تحية طيبة
الاخوة الاعضاء الاحبة على قلبي تحية لكم جميعا
كل الشكر والاعتزاز والتقدير والحب لا يفي حقك علينا امام كل ماتقدمه لنا وللعالم من كنوز كانت ستظل مدفونه لولا رؤيتها النور على يديك الكريمة,, الواحد يغيب عن المنتدى كم يوم لظروف قاهرة يرجع يلاقي كم هائل من التحف--ربنا يبارك فيك ولا يحرمناش منك
وليا طلب بسيط عند حضرتك وهو بخصوص نوتة لا مش انا اللي ابكي لو ممكن تحويلها على (الفا ) كما هي في النوتة المرفقة اكون ممتنا لك
مع خالص تحياتي واشواقي لكم جميعا

[عزت شحاته]

عندى عرض مسرحى ف الهناجر بالاوبرا
(نفس المكان اللى التقينا فية مع الاستاذ عادل)
على هامش مهرجان المسرح القومى
عرض مسرح شارع ( احذر منطقة امل )
عامل الحان العرض - على قدى طبعا -
العرض كان مرشح لليابان
لكن قليل البخت يلاقى ............
لو تشرفونى يوم الاحد أوالاتنين 7 و 8 / 4 -
هاكون سعيد جدا
https://www.facebook.com/photo.php?fbid=360224010752915&set=oa.502280306499 666&type=1&relevant_count=1&ref=nf
====================================
وانتهيت من عرض مسرحى ( الفيل يا ملك الزمان )
وحضرت لجنة للتقييم برئاسة دكتور سيد خطاب واثنت ع العمل والالحان التى قمت بتلحينها
وادعوا لنا يبقى لينا حظ ف التصفيات
http://www.el-balad.com/437575

[مجتهد مجتهد]

السلام عليكم جميعا بدون استثناء
طلبت نوتة السيدة ام كلثوم __ انســـــــــااك ____ وان يكون كلام الاغنية فوق النوتة اي كما نشاهد في بعض النوتات حتى تكون سهلة علي
ولم اشــــــاهد من اخوتي من يلبي طلبي هذا فأتمنا لو من أحد منكم مســــــــــــاعدتي بهذا ولكم جزيل الشكر والامتنان

ونرجوا الله بان يعيد لنا الاســـــــــــــتاذ عادل صموئيل بالخـــــــــــــــــير والســـــــــــــــلامة

ملحوظة ,,,,, لماذا تظهر مشاركتي .. بهذا الخط الصغير ,, حاولت ان يكون الخط أكبر فلم أفلح اتمنا من الاخوة الكرام من يشرح لنا عن هذا ولكم جزيل الشكر والامتنان:

الاخ العزيز اولا عشان تظهر مشاركاتك بخط اكبر ظل الكلام بعدين فوق فيه حجم الخط اعمله 4 او 5

اما بالنسبة لكتابة الكلام على النوتة دى صعبة شوية
لكن انا دايما بكتب الموسيقى فين والغناء فين يعنى مثلا الكوبليه الاول انا كاتب غناء الكوبليه الاول وعامل علامة على مكان اين يبدأ حاول وحتلاقى الموضوع مشى مع اطيب تحياتى عادل صموئيل

[عادل صموئيل]

احبائى

اعتذر لكم عن الغياب لعطل الم بجهاز الكمبيوتر وبالذات فى برنامج انكور


اقدم لكم من روائع عبد الحليم

كامل الاوصاف

مع اطيب تحياتى

[mohamed khalil]

[

الاستاذ المحترم
عادل صموئيل
شكرا علي النوتة ويا ريت تجرب برنامج سبيليوس 6 رائع في استخدامه ومتوافق مع ويندوز7 واعطاله قليله

[/QUOTE]

[عادل صموئيل]

المشاركة الأصلية كتبت بواسطة mohamed khalil

[

الاستاذ المحترم
عادل صموئيل
شكرا علي النوتة ويا ريت تجرب برنامج سبيليوس 6 رائع في استخدامه ومتوافق مع ويندوز7 واعطاله قليله

[/QUOTE]

الاخ العزيز
اشكرك على اهتمامك .. انا بستعمل برنامج انكور من اكتر من 8 سنوات وعامل عليه ابحاث وبقومبتدريسه فى كذا مكان وعامل لو كتيب فيه شرح وافى فى منتهى الدقة لأنى زمان جربت جميع البرامج الممكنة وهى عندى تقريبا كلها
انا بالنسبة لى طريقة تدوينى يعنى عشان عزفت فى الفرقة الماسية زمن طويل اوى ... وكانت بتتميز باحسن طرق للتدوين لن كان فيها عباقرة التدوين امثال الاستاذ نصر عبد المنصف والاستاذ ميشيل المصرى يعنى دلوقت لما احب ادون لازم ادون بنفس الشكل ... المشكلة مش فى النغمات فقط ( يعنى الموجود اصلا على برنامج انكور او اى برنامج ) ولكن المشكلة فى الشرقى وااالحاجات اللى بتشوفها فوق الموسيقى زى علامات اللزم والادليب وحاجات كتير لو راجعت النوتات بتاعتى حتلاحظها واهم شىء عندى انى بحب كل شىء تشوفه امامك يبقى على الكمبيوتر ما اضطرش انى اطبع النوتة واضيف الناقص على الورقة بالقلم ... وفى البادية كان ناقص حاجات كتير مش موجودة فى البرامج وتعلمت الاستعانة بالفونتات الخارجية اللى فيها فونتات موسيقية بس برضو لما استعملتها لقيت ناقصة حاجات كتير ... انا دايما احب البحث والتنقيب والتعلم ... بمعنى انك لو زرتنى يوم وعرفت معلوماتى وزرتنى بعد اسبوع حتلاقى المعلومات زادت كتير ... حددت طلباتى يعنى انا عايز ايه ورسمتهم فى ورقة وبالطبع مالقيتهومش فى اى فونت من الموجوزدين والمتداولين ومنهم او اشهرهم فونت اسمه bach وده بيتكون من عشر فونتات مختلفين بالإضافة الى الفونتات الموجودة على البرامد الموسيقية الاخرى زى سبيليوس وفينال مثلا يعنى اخدت كل فونت منهم وشرحته حرف حرف مالقيتش كل احتياجاتى ... بالبحث اكتشفت ان فيه برنامج اسمه Font Creator وده برنامج ممكن انت تصمم عليه فونت خاص بيك .. وفضلت شهرين اجرب عليه ميزته انك ممكن تحط عليه حروف تاخدها من فونتات اخرى وممكن تصمم بنفسك اى حرف يعنى ترسمه وتنقله وتعمل عليه اى تعديلات تخطر على بالك وفعلا عملت فونت عليه كل اللى بحتاجه وكمان ميزة خطيرة مش موجودة فى اى فونت انى حطيت العلامات بتاعتى على الحروف اللى انا اختارها بنفسى ( والملحوظ ان الفونتات الاجنبية بيرمو الحروف فى اى حتة وانت تقعد تدور عليها لما تتعذب ) بمعنى انى مثلا وضعت علة البيمول على حرف b والنصف بيمول على حرف شيفت + b وهكذا بحيث انى ممكن احفظهم بسهولة واطلعهم وانا بشتغل بمنتهى السرعة لأن مخى طبعا مركز فى التدوين نفسه المهم ان الفونت ده بالمقاييس العالمية السابقة يعتبر اعجوبة وسميته adelmusic
المشكلة الخطيرة اللى حصلت ان فجأة الفونت ده مش عايز يشتغل يعنى اكتب يشتغل عادى اقفل وافتح تطلع لى نافذة ان الفونت مش مقروء وطبعا دى كارثة لن كل شغلى شرقى يعنى من غير الفونت مش حعرف ادون تانى
او على الاقل مش حاتطلع شكل نوتاتى بنفس الشكل او الكفاءة وبعد ماقلبت ادنيا لمدة اسبوع اكتشفت السر
وآسف للإطالة ولكنه درس مهم لكل المدونين على برامج موسيقية انت لما بتستعمل اى فونت الفونت لو اقسام
يعنى اللى عليه حروف انجليزى اسمه western واللى عليه حروف عربى اسمو arabic اما اللى عليه رسومات اسمو symbul فى انكور لما تيجى تكتب على فونت بيفتح لك نافذة تلاقى فيها الاسماء دى
ربنا هدانى واكتشفت ان الفونت بتاعى انا كنت عامله western يعنى ما اخدتش بالى ساعتها وانا بعمل الفونت من ان لازم انك تعمل التصنيف ده وانت بتنشىء الفونت الجديد لأن البرنامج ده صعب جدا جدا تلاقى حد يعلمك او يشرح لك ازاى تشتغل عليه المهم مع الخطأ ده كان البرنامج شغال الظاهر حصل تطوير فى الشبكات فى حاجة كشفت العيب ... المهم ابتديت اعمل تجارب تانى على برنامج فونت كرييتور بعد ما اكتشفت العيب والتجارب نجحت
ورحت عامل فونت جديد ومن اول خطوة خليته سيمبول ونقلت عليه محتويات الفونت بتاعى والحمد لله اتحلت المشكلة ... واشكر ؤبنا انو هدانى للحل لأنى حاليا بكتب النوت مش بأحتراف يعنى بقبض عليها فلوس زى زمان ولكن بقدمها مجانا لوجه الله حبا فى الموسيقى ولمحبى الموسيقى اللى معرفهمش شخصيا فى كل العالم
اهم شىء فى الموضوع ان برنامج انكور من اهم مميزاته انو بيقبل التعديلات يعنى انك ممكن تلعب فيه زى ما انت عايز يعنى لو انا جبت مجموعة من النوت بتاعتى ووريتها للمصممين بتوع انكور نفسهم حايتجننوا لأن فيها اضافات مش فى البرنامج نفسه .. ومش غريب علينا احنا احفاد الفراعنة اللى بنطور كل حاجة لبسط حاجة لو تروح الارياف تلاقى عربيات امريكانى موديلات الاربعينات والخمسينات مالهاش لا مواتير ولا قطع غيار المصريين عدلوها وبيركبوا عليها مواتير وعفشة عربيات من الحديثة وشغالة زى الفل والعربية حمولتها خمسة راكب بيركب عليها 16 وماشية زى الغول
مع اطيب تحياتى عادل صموئيل

[ml adly]

رجاء محبة أ/ عادل انا عندي نوت من تدويني وبرنامج تدوين كنت حابب اشاركهم معاكم علي الموقع بس انا مش متاح لي المشاركة مش عارف ليه لرجو الافادة في هذا الموضوع وربنا يعوض تعب محبتك .......... شكرا

الاخ العزيز
اولا اهلا بك فى المنتدى

واحنا بنرحب بكل عضو جديد ممكن يستفيد مننا
وبالطبع ممكن نرحب بأى عضو ممكن يقدم للأخوة الاعضاء شىء يستفيدوا منه لأن كلنا بنتعلم ونستفيد من بعض

اول حاجة عشان تثقدر تتجول فى المنتدى بحرية وتحمل أو ترفع لنا كل اللى نفسك فيه انك تعمل على الاقل عشر مشاركات يعنى تدخل اى مواضيع تعجبك وتعمل ردود
لما تعدى العشر مشاركات حاتترقى من ضيف لعضو بعدها احنا تحت امرك
مع اطيب تحياتى عادل صموئيل

[شاهين]

انت خبير متمرس في برنامج التدوين انكور
تجربتك الطويلة في التدوين افادتك كثيرا . و قابليتك للتعلم و مسايرة التطور التكنولوجي زادتك براعة في تطويع برامج التدوين
لقد ذكرت انك وضعت كتيبا و افيا يشرح كيفية التعامل مع برنامج انكور . اتمنى لو تنزل ليستفيد منه تلاميذتك في ربوع الوطن العربي

ليلة سعيدة

[mohamed khalil]

الاخ العزيز
اشكرك على اهتمامك .. انا بستعمل برنامج انكور من اكتر من 8 سنوات وعامل عليه ابحاث وبقومبتدريسه فى كذا مكان وعامل لو كتيب فيه شرح وافى فى منتهى الدقة لأنى زمان جربت جميع البرامج الممكنة وهى عندى تقريبا كلها

الحمد لله ان المشكلة اتحلت بس حضرتك مش معايا ان احنا اتاخرنا قوي في اننا نعمل برنامج خاص بينا كشرقيين مفيش ولا واحد من الناس خبراء البرمجة قادر يعمل ده !!!!!

اخى العزيز
الموضوع ده كبير اوى اوى محتاج واحد غلبان زى حالاتى يعنى فاهم ايه الاحتياج فى البرنامج واللى مش موجود فى البرامج الغربية واخطر شىء انها تشتغل بسلاسة ودون مشاكل
نمرة اتنين انو يقعد مع واحد خبير فى البرمجة يعنى واد بالمصرى ما جابتوش ولادة وللعلم موجود بس انا معرفش طريقهم
وانا على اتم استعداد لو اتوجد المبرمج ده اقعد معاه واشرح لو الاحتياجات يعنى اشرح لو يعمل ايه بالضبط وكلمة ايه دى معناها ايه ؟
اول حاجة واحد يقدر يدخل على برنامج زى انكور مثلا يدخلو من جوا يعرف المكونات بتاعتو دى بتشتغل ازاى يعنى النغمات الاصلية بتتحط فين وازاى والبيمولات والدييزات والدوبل بيمول والدوبلدييز دى اخطر واول حاجة
لن لو واحد دخل وشرح البرنامج من جوا تشريح دقيق وعرف اللى بقول عليها ممكن يخترع النغمات الشرقية ويعمل لها ايقونات انا بينى وبينك نفسى اعملها فى انكور بس اهم حاجة فى الموضوع ان البرنامج يكون فى متناول الجميع بمعنى ان المخترع ده يعمل البرنامج يشتغل على اى جهاز زى ماهو يعنى انا فى سبيليوس بسمع اللى بيستعملوه بيقولوا كلام يخض المبتدئين يعنى يقوولا لازم يكون عندك كارت صوت مش اقل من كذا او خزينة نغمات او خزينة ايقاعات
وللعلم اى واحد فيكم بيعزف اورج حديث الفضل بيرجع لعمار الشريعى انهم اخدوه فى اليابان وقالوا له : انت كعازف شرقى قول لنا كل احتياجاتك فى الاورج وهو بقى يقول والمصممين بتوع الاورج ينفذوا اللى بيقوله يعنى العملية محتاجى خبيرين واحد موسيقى وواحد فى البرمجة
وبالطبع ربنا يكرمنى والاقى حد كده
بس يكون هاوى مش يطلب مليون جنيه
مع اطيب تحياتى عادل صموئيل