و اخيرا وجدت أغنية يا عيني نوحي
موال : قالت يا لالي ياه ياه يا ناس خلوني ** شرع الله لا تزيتو عذابي ** أنا صغيرة يا لميمة ضيعت شبابي **ردوا علي يا لوخية ردوا
يا عيني نوحي يا خلاللة رني **بعد العشرة خويا بدلني
1-يا عيني كفي من الدمعة يزي *** تزول الشدة يرجعلي عزي
يرجعلي عزي بعد الاحزان القلب يغني
2-يا قلبي اصبر وكبر بالك **تبدل ليام ويتغير حالك
يتغير حالك يا وبهواك القلب يغني
3-لوميمة قلتي الصابرين ينالوا ** هلكنا صبر ليام طوالو
ليام طوالو نطلب ربي غزالي يجيني شرح مفردات :
خلالة : أداة نسيج تستعملها النساء لنسج الصوف مع صورة للرائعة ثلجة
خويا الكريم سي لزهر عطية حقيقة كل كلمات الشكر لا توفيك حقك في جهدك المبذول في تجميع أغاني أحد أعمدة الطرب الجزائري القديرة ثلجة ربي يطوللنا في عمرها الآن بدأت أشعر ببعض الراحة لأنو معي رجال ما زالو يخدمو برموش عينيهم تراث الجزائر الحقيقي بارك الله فيك ...
والله عندي أمنية أخي بالنسبة لأغاني القديرة ثلجة حاول بكل ما تستطيع العثور على الباقي من أعمالها أنا أعلم أنها مهمة صعبة لكن مش راح تصعاب معاك بارك الله فيك راهي أمانة في رقبتك
__________________
المقياس الحقيقي للإنسان ليس عندما يكون في لحظات الراحة والطمأنينة
, ولكن عندما يكون في لحظات التحدي والصراع .........
شكرا أخي عبد الواحد و انا في صدد رفع البقية انشاء الله
و البداية في أغنية يا لاليلو
يا لاليلو هاه لاليلو أعطاك ساقم اللول
طالعة نتصور ***نتصور في باب الزنقة *** و حبيتو جهار ماشي في الدرقة
نتصور يدي على قلبي ***حبيتو واشه مخبي
نتصور في باب جناني ***حبيتو كي ربي بلاني
نتصور يدي على خدي *** حبيتو أنا قدو وهو قدي
نتصور في باب الدار *** حبيتو هذا الي كان شرح المفردات :
لاليلو : تدليل للمحبوب
ساقم :مقوم
اللول : العوج (اعطاك الله )
و هذه الأغنية الحزينة و التي طابعها مختلف عن الباقي
اصبرت اصبرت
لالي يامة لالي ***لالي يامة لالي
اصبرت اصبرت لميمة يامة ** ما صبت دوايا يا ربي واه
راقدة في فراشي الدمعة جراية
ها سيدي الخير لميمة يامة ** سيسانك رابو يا ربي واه
عأولاد سطيف في صغرهم شابوا
ها دمعة عيني لميمة يامة ** باردة وتقرس
جاني الخبر راه خويا عرس
ها ليلة عرسي لميمة واه ** عملوها بيا
لعبولي براسي يا ربي واه
ها شهود الباطل لميمة يامة ** هاي واش قضيتو
كانكم على خويا راني في بيتو يا ربي واه
و هذه رائعة أسمر يا زين الزين أسمر يا زين الزين يا الريم الفالي ** ارفق بيا يا حنين و روف يا هلالي** حناني آه دلالي آه 1-قلبي يحبك يا زين يا وليد الجود ** لو تطلب مني العين ولا النجم المفقود 2-لسمر نورت حياتي و أيامي زهات ** باركولي يا خلاتي شموعي والله ضوات 3-لسمر يا أعز الناس مالك عقلي و روحي ** سلبني بالإحساس منسني دموعي و نوحي