أعمال علاء طه يس

[حمدي السمر]

المشاركة الأصلية كتبت بواسطة abuzahda

كل الاخوة والحبايب المتداخلون

وبي الاخص استاذي طارق واستاذي علاء
والله ليكم وحشة شديد خالص

و إنت كمان واحشني يا حمدي

كنت فين يا زول ؟!

عمّال ادوّر عليك ...

و ادي أمارة :

قال : الحبيب (ود السيّد )

***
لـمــن يـجـيكم صوت حنين
فــي ليلة كــاسيـهـا القمر

لمن غناوي الجرسه شوق
تــتــلاقي تـعمــل مـؤتمــر

لــمــن وتـر في العـود يـنط
يعمل مــن الاشواق مـمـر

ح تــلــقـو لافـتـة ريـد تقول
يوجد هنا حـمدي السـمــر

صَدَّقتني ؟!

يا سلام عليك يا كبير الاكابر
والله ليكم وحشة شديدة وشوق عارم
كنت مقطوع من النت فترة كبيرة
وكنت في بعض الاحيان ادخل بالهاتف
الي الفيس بوك فقط لانو ساهل والمنتديات
بي الهاتف النقال صعبة شوية
اتمني انو تاني مايحصل مايحجبنا
من نوركم استاذي وعمي
الحبيب ابو زهدة

[عبد القادر محمد]

قصائد رائعة اخي علاء وقد استأذنتك بوقت سابق لتلحين قصيدة بكدب عليك
وقد لحنتها بالفعل
وعندما تنتهي الرقابة على المبتدئين سوف اضع رابطها ان شاء الله لاسمع نقدك ..