* : الملحن كاظم نديم (الكاتـب : abuaseem - آخر مشاركة : محمود نديم فتحي - - الوقت: 00h34 - التاريخ: 29/03/2024)           »          فتحيه أحمد- 1898 - 5 ديسمبر 1975 (الكاتـب : Talab - آخر مشاركة : نور عسكر - - الوقت: 00h23 - التاريخ: 29/03/2024)           »          سمير صبرى (الكاتـب : د.حسن - آخر مشاركة : حازم فودة - - الوقت: 21h09 - التاريخ: 28/03/2024)           »          ليلى مراد- 17 فبراير 1918 - 21 نوفمبر 1995 (الكاتـب : سماعي - آخر مشاركة : نور عسكر - - الوقت: 19h08 - التاريخ: 28/03/2024)           »          تترات المسلسلات التلفزيونية (الكاتـب : راضى - آخر مشاركة : حازم فودة - - الوقت: 16h16 - التاريخ: 28/03/2024)           »          غادة سالم (الكاتـب : ماهر العطار - آخر مشاركة : الكرملي - - الوقت: 15h31 - التاريخ: 28/03/2024)           »          عبد الحليم حافظ- 21 يونيه 1929 - 30 مارس 1977 (الكاتـب : سماعي - آخر مشاركة : fahedassouad - - الوقت: 12h28 - التاريخ: 28/03/2024)           »          محمد شريف (الكاتـب : loaie al-sayem - آخر مشاركة : اسامة عبد الحميد - - الوقت: 23h50 - التاريخ: 27/03/2024)           »          سعاد محاسن (الكاتـب : سماعي - آخر مشاركة : نور عسكر - - الوقت: 19h25 - التاريخ: 27/03/2024)           »          الشيخ محمد صلاح الدين كباره (الكاتـب : احمد البنهاوي - آخر مشاركة : kabh01 - - الوقت: 09h52 - التاريخ: 27/03/2024)


العودة   منتدى سماعي للطرب العربي الأصيل > صالون سماعي > ملتقى الشعر و الأدب > نتاج الأعضاء.. شعر العامية والشعر النبطى

رد
 
أدوات الموضوع طرق مشاهدة الموضوع
  #11  
قديم 25/03/2014, 00h54
hany57 hany57 غير متصل  
مواطن من سماعي
رقم العضوية:577594
 
تاريخ التسجيل: mai 2011
الجنسية: مصرية
الإقامة: مصر
المشاركات: 179
افتراضي رد: قراءة فى أوراق قديمة

- 10 -
لمراتك حق
( بعض من حقوق الزوجة فى ضوء الهدى النبوى للمصطفى
صلى الله عليه وسلم القائل : إنما النساء شقائق الرجال )

----------------------------------------


لنا فى الرسول قدوة ..... اسمع صلاتكو عليه
واللى عليه بيصلى ........ صلاته توصل ليه
يارب صلى تملى ........... واوعدنى بزيارة
واللى يصلى كتير ............ نبينا يشفع فيه

الزوجة ليها حقوق ......... يا معشر الرجال
وفى رسولنا الأسوة .... فى معاملة مالها مثال
مع كل زوجاته ........... حب وحنان دايما
ماتيجوا يالله نشوف .......... ونعدد الأمثال

زوجته لو لها سر ..... فى قلبه يكون مدفون
عمره مايطلع بره ..... يارسول كريم وحنون
شوفوا بقا بعضنا .......... دلوقتى يعمل أيه
سر زوجنه بيطلع .......... ومنه دا بيكون

ومن حقوق الزوجة.......... انك تداعبها
وتحترم أهلها ...... فى حضورها وغيابها
تكرم كمان صاحباتها..... تهادى كمان ليهم
وتسيبها تقعد معاهم....... لو دقوا يوم بابها

ومن حقوق الزوجة..... انك تاخدها معاك
لو السفر هيطول ..... وكان المانع خطاك
وتكون عندك ثقة ........ أكيدة فيها دايما
ولو حد بينكم وقع ... ميلقاش صدى جواك

وكمان ضمن حقوقها .... إطعامها وكسوتها
وأى حاجة تعوزها ......... وكل طلباتها
إلا لو الحال ضاق ...... يلزم شوية صبر
على ماالكريم يفرجها . وتشوف باقى حاجاتها

ولو الزوجة راجعتك .... دا حق بقا ليها
فاكرين سيدنا عمر .... وزوجته قال ليها
انتى بتراجعينى ! .. شوفوا ردها كان أيه
وأقول لكم ع الرد ...... ونصلى قبليها

قالت له اسمع بقا ...... أيوه أنا براجعك
زوجات النبى راجعته ... ونبينا خير منك
طبعا ماقدر يرد ... شوفوا عظمة الإسلام
رفع مكانة الزوجة .. فى كتير بقت زيك

ومن حق زوجتك عليك .. إنك ماتهجرها
فى الفراش ولا ليلة .. وامدح فى مظهرها
الهجر دا تأديب ...... وله حالات محدودة
ع الشرع خليك ماشى ... وإوعى تنهرها

وكمان قبل الفراش ...... اديها وقت كفاية
لجل ليك تتزوق ... تشوف نفسها فى مراية
وانت كمان اتجمل ........ بالوضوء دايما
كمان اتطيب ليها ..... وضاحكها ضحكاية

أصل النساء عندكم .. ( عوان ) بقا يارجال
لهم عليكم حقوق ........... زى نبينا ماقال
وكمان حقوق ليكم ...... تاخدوها بالمعروف
وخلوا بينهم وبينكم .... الحب يكون مرسال

واللى يعامل زوجته ..... بكرم دا يبقا كريم
واللى يعاملها بمهانة ...... أكيد دا يبقا لئيم
ياترى يابو الرجالة ...... تحب صنفك أيه ؟
واسمع صلاتكو جميعا.. على رسولنا الحليم

شوفوا رسولنا الكريم ... ولمحات فى حياته
كان يساعد أهله ......... فى معظم اوقاته
من غير مايطلبوا منه ...... كان يرقع توبه
وبإيده يخصف نعله .... ويحلب كمان شاته

عليك الصلا يا حبيبى .. ياللى مفيش زيك
الشمس ويا القمر ...... نورهم سنا ضيك
بشريعة الإسلام ..... رفعت مكانة الزوجة
ياللى الحنان والرحمة . طول عمرهم زيك

------------------------

هانئ الجمل
رد مع اقتباس
  #12  
قديم 25/03/2014, 22h36
hany57 hany57 غير متصل  
مواطن من سماعي
رقم العضوية:577594
 
تاريخ التسجيل: mai 2011
الجنسية: مصرية
الإقامة: مصر
المشاركات: 179
افتراضي رد: قراءة فى أوراق قديمة

- 11 -
شكل للبيع
( 13 - 4 - 2013 )

----------------------

تنتظروا منه الخير ... وكمان بتترجوه
لو كان صحيح فيه خير ... كان يبقا خيره فى ابوه

فاكر ان الفلوس ... تبقا بها حاجة
لو انت كلك فلوس ... برضه ولا حاجة

خيمة ورا نخلتين ... تقولوا عليها دولة
من امتى يا صغيرين ... ليكو وزن جنب العتاولة

الرجالة مش بالفلوس ... بكرة تفوت الأزمة
وجزمة ملآنة فلوس ... تفضل يا ناس جزمة

إكمنه أصلا سفيه ... جاب له مساعد شاذ
النقص ساكن فيه ... وإبليس الأستاذ

جاهل ملوش إنجاز ... وأهبل فى وسط القوم
جى وعامل أستاذ ... على اللى علمه يوم

أتعرى واكسى الولاد ... وعمرى ما أمد إيدى
عبد وله أسياد ... وعايزنى أقول له يا سيدى ؟ !

الحكمة راحت فين ... فقرا وخيرنا كتير
ياللى انتوا مش عارفين ... مكانكم سيبوه للغير

حمارى دايما غشيم ... وما عندهوش أفكار
( دريسه ) يبيعه بمليم ... مبلول يشتريه بدولار

نويت تبيع الفرخة ... والبيضة أكل ولادك
بكرة تبيع الطرحة ... وتكشف ام ولادك

عليز تبيع أرضك ... فاكر يا واد عواد
مبقاشى غير عرضك ... ومدافن الأجداد

ياللى بدعت الصكوك ... أمانة ما تنسى النيل
عايزين نشوف الصكوك ... بكره فى إيد إسرائيل

----------------------------------------


هانئ الجمل
رد مع اقتباس
  #13  
قديم 26/03/2014, 22h31
hany57 hany57 غير متصل  
مواطن من سماعي
رقم العضوية:577594
 
تاريخ التسجيل: mai 2011
الجنسية: مصرية
الإقامة: مصر
المشاركات: 179
افتراضي رد: قراءة فى أوراق قديمة

- 12 -
رد الشاعر سعد الشرقاوى ( شاعر التوتة )
على شكل للبيع
وردى على الرد
( 22 - 4 - 2013 )

----------------------------

رد الشاعر سعد الشرقاوى

صاحب الجنيه بتلاقيه فى الدنيا له قيمه
والناس تشوفه تلاغيه ويفكــّروه قيمه
والكلمه تخسر عليه لو كات بدون قيمه
الجهل لمــّا ابتدى حسِبْ الرجال بالقرش
والدنيا حالها كده راح كل شئ بالقرش
والندل وسط الرجال تمنه مايسوى القرش
واللىّ كبيره القرش م الآخر مالوش قيمه
,,,,,,
من اِمته كان الجنيه يحكم ويتحكــِّم
صاحبه بيعمل بيه فى الخلق يتحكـِّم
وياخدُه سيفه على كيفه ويتحكم
والناس تهيبُه وعينها تبُصْ على جيبه
ينسى المروأه وفاكر ع الدّوام جيبه
يقع أخوه فى الخطر مايوطىّ ويجيبه
وان شاف قريبه تلاقيه يسْخر ويتهكــِّم


ابدعتم يا دكتور واصبتم كبد الحقيقة واخترقتم طريق الحقيقة المرة
ياريت بعد ان تتقبل تحياتى وتقديرى
تسمّعنى اغنية
(يا امّه قطر ع الباب)

------------------

ردى على الرد

أخى الغالى
الأستاذ
سعد الشرقاوى
يعلم الله كم أسعدنى ردكم وتواصلكم
فردودكم تقرأ كموضوعات منفصلة
لأنها غنية بما فيها من إبداع
وكم أسعدنى هذا الكم من الحكمة
وكيفية التعبير عنه
أما عن تحياتك وتقديرك أخى الكريم
فهى للعين نور وللرأس تاج
وبناء على رغبة حضرتك

أسمع حضرتك : يامه قطر ع الباب

يامه قطر ع الباب .. جيا تدلعنا
مهيشى ناوية خراب .. عايزة تنفعنا
وتشخلعنا يامه . أمه

هتاخد الآثار .. من مصر بالإيجار
بكام منعرفشى
قالوا بكام مليار .. أصل الإدارة أسرار
واحنا منفهمشى
طب أجروها قوام .. وشوفوا يدفعوا كام
دا تاريخ ملوش معنى .. يامه . أمه

قناتنا مبتصفيش .. عايزين ياعم نعيش
ياخدوها مننا بيع
تلزم قناتنا فى أيه .. بفلوسها أبقا بيه
قبل ما حظى يضيع
امضى بسرعة وقول .. قطر دى بنت أصول
وغيرها يخدعنا .. يامه . أمه

ياللى سافرت هناك .. وكبيرها ماستناك
سيبك دى شكليات
وكمان مفيشى دليل .. قطر لإسرائيل
عميلة دى إشاعات
الكل يا ويكا .. خدام لأمريكا
وخدمتها إبداعنا .. يامه . أمه

------------------

هانئ الجمل
رد مع اقتباس
  #14  
قديم 28/03/2014, 23h16
hany57 hany57 غير متصل  
مواطن من سماعي
رقم العضوية:577594
 
تاريخ التسجيل: mai 2011
الجنسية: مصرية
الإقامة: مصر
المشاركات: 179
افتراضي رد: قراءة فى أوراق قديمة

- 13 -
سرقلت أدبية
( 23 - 7 - 2010 )

---------------------------

حلفت ما البس غير توبى
وأمد على قد لحافى
وابقى واضح وكتاب مفتوح
ومفيشي عندى شيئ خافى
من ربى أطلب رزق حلال
وف بدنى أبقى متعافى
وقلمى أحبه يكون رايق
يكتب بكيفه ويتعايق
وحتى لو كان متضايق
ما يسرقشى نظم ولا قوافى

ولو نقلت أنا من غيرى
أذكر إسمه لو عارفه
أو أشير بأن دا مش عملى
بكلام الكل يكون شايفه
وكل شاعر أولى بشعره
مش ييجى غيره يقوم لاهفه
دا منتدانا وأعضاؤه
دول جوه قلبى يتلاقوا
ورمشى فرشه لو شاءوا
وياريت كلامى يصيب هدفه

----------------------------

هانئ الجمل
رد مع اقتباس
  #15  
قديم 29/03/2014, 23h08
hany57 hany57 غير متصل  
مواطن من سماعي
رقم العضوية:577594
 
تاريخ التسجيل: mai 2011
الجنسية: مصرية
الإقامة: مصر
المشاركات: 179
افتراضي رد: قراءة فى أوراق قديمة

- 14 -
قومى
( 3 - 2 - 2011 )

----------------
قومى يا أحلى عروسة
قومى نورى فى الكوشة
وادينى حضن وبوسة
الصبر منى يغير

قومى دى ليلة الحنة
يا عروسة جايه م الجنة
وللفرح ها استنى
أنا ببابك غفير

قومى وشوفى مهرك
جابوه ولاد من ضهرك
عاشوا مرارة قهرك
وعزمهم تحرير

قومى يا ام الشباب
خلاص كتبنا الكتاب
وفتحنا ليكى الباب
سوا ها نبدأ سير

قومى يا حلوة وروقى
واتزوقى لنا وفوقى
إسمك دا دم عروقى
وحبى ليكى كبير

قومى وعلى الفرحة
آدى فستانك والطرحة
يا ام العيون الجارحة
والسحر فيها خطير

قومى واسهرى ويايا
يا فرحتى وأسايا
يا سلوتى ومنايا
يا قلب والله كبير

قومى واتبغددى
والحزن دا بددى
وللفساد ارفضى
ألف باء التغيير

قومى وسوقى الدلال
يا رمز كل الجمال
جمعت كل الخصال
الحلوة يا ام الخير

قومى ودقى البيبان
على إبن ليكى شقيان
ورضيعه الحنان
عندك ولادك كتير

قومى احبكى المنديل
على الجبين بيميل
والطرف شايفه كحيل
عايز له ألف سمير

قومى استحمى فى نيلك
ونورى قنديلك
مهما سافرنا نجيلك
ودمع عينا غزير

قومى غنى ع الأرغول
خلى سمرنا يطول
ولا تسمعى لعزول
خليه يموت ويغير

قومى الصباح أهو بان
وشقشق الكروان
والكل بيكى فرحان
يا ام الندى والخير

قومى يا ست البنات
شوفى ولادك فى ثبات
لو عمرى عدا وفات
إبنى معاكى غفير

قومى وشوفى حراسك
وشربينى من كاسك
شوفى حلاوة ناسك
حلاوة ما لها نظير

قومى ردى ع الشامتين
يا عروسة زين الزين
كانوا زمان فاكرين
اللى إحنا فيه ما يصير

قومى يشوفوكى يا ستى
دول فكروكى كبرتى
أو انحنيتى وشبتى
وتعبتى م التفكير

قومى افتحى المندرة
يا حلوة يا صغيرة
يا أحلى م السكرة
وريقك أحلى عصير

قومى بقى يا أميرة
وحلى أحلى ضفيرة
وانسى زمان الحيرة
عريسك أحلى أمير

قومى بقى مين قدك
كل الزهور على خدك
جاية بتطلب ودك
وتشم أحلى عبير

قومى وصحى الزمان
وقولى له والله زمان
وآن خلاص الأوان
وآدى ميدان التحرير

قومى فى المسا أو فجر
وما تخافيش الغدر
فيه ابن فى كل شبر
حراس وفيهم الخير

قومى يا متغندرة
يا أحلى أرض وثرى
إسمك دا فوق فى الذزى
وشمس فى التنوير

قومى يا أغلى الغوالى
يا ساكنة فوق فى العوالى
نورك علينا يلالى
والبسمة عالية تطير

قومى وافتحى الأحضان
يا حضن كله أمان
كل الهنا والحنان
دا شيئ فى حضنك يسير

قومى على فى البنيان
ودلعى الصبيان
واللى رسم ع الحيطان
النيل وشمس وطير

قومى شوفى الهوجة
ومين أفكاره عوجة
جى يركب الموجة
وإيده فيها جنزير

قومى وشوفى الحرية
يا بنت لسه عفية
يا مؤدبة وشقية
وقصتك بتطير

قومى مفيش غيرك
يستاهل هوا نيلك
واللقمة من إيدك
بتبقى أحلى فطير

قومى وحشتينى
وانت ضيا عينى
أرقد تواسينى
وتيقى ليه سمير

قومى ولا يهمك
يا للى ما شيئ همك
بنتك أهى وابنك
والفعل منهم خير

قومى وقومى وقومى
يا غدايا وهدومى
ودوايا مع نومى
وانتى الهوا وعبير

قومى يا جد يا رقة
خلاص بدأنا بدقة
ولسه ع الحلو زقة
وتلبسى التغيير

-----------------------

هانئ الجمل
رد مع اقتباس
  #16  
قديم 30/03/2014, 23h20
hany57 hany57 غير متصل  
مواطن من سماعي
رقم العضوية:577594
 
تاريخ التسجيل: mai 2011
الجنسية: مصرية
الإقامة: مصر
المشاركات: 179
افتراضي رد: قراءة فى أوراق قديمة

- 15 -
ليه يا شباب
( 1 - 6 - 2011 )

-----------------------
ليه كل شويه بتتظاهر يا شباب طاهر
عارف كمان قصدك ظاهر والقلب كبير

خايف مطالبك تتغير حاجه تحير
ويقولو دا الوقت قصير ومفيش تغيير

وثورتك ييجى يسرقها مع مبدأها
واحد ما كانشى هنا بدأها وحرامى كبير

الثورة كانت شعبيه كمان سلميه
والكل مشروع لضحيه والوضع خطير

مش هاامنعك تبدى رأيك دا من حقك
ولا هااقول واحد زقك وأجندة غير

فيه حاجات أنا شايفها بس اعرفها
لأجندتك بقى قوم ضيفها عايزة التفكير

عايزك تجدول أهدافك إنت وناسك
وتجعل العلم أساسك وأساس تغيير

وأما جيشك خط أحمر إوعى تفكر
بدون حمايته تتصور الثورة تصير

ولو فيه حد من العسكر باله متحير
فى ذنب قديم له بيفكر خايف تعذير

يعنى زمان كان بيلخبط زقوه يغلط
لا قتل بإيده ولا خطط يخرج ويطير

يخرج بقى فى خروج آمن إدوه ضامن
ما يكونشى ع الثورة خازن ويعطل سير

وبلاش نشكك فى قضانا عمره حمانا
لو يحوى قلة تعبانه الحلو كتير

وفيه عناصر فى الشرطه صنعت ورطه
والباقى مافى عليه غلطه ومفيش تقصير

اللى غلط راح يتحاسب حتى الغايب
أما السليم فعليه واجب مطلب جماهير

ينزل لشغله فى الشارع عمله يتابع
ويبقى للبلطجه رادع ما يكونشى سمير

أما الحكومة شوف عيبها وبرضه راقبها
لو الفساد شفته يصيبها روح التحرير

--------------------

هانئ الجمل
رد مع اقتباس
  #17  
قديم 01/04/2014, 00h06
hany57 hany57 غير متصل  
مواطن من سماعي
رقم العضوية:577594
 
تاريخ التسجيل: mai 2011
الجنسية: مصرية
الإقامة: مصر
المشاركات: 179
افتراضي رد: قراءة فى أوراق قديمة

- 16 -
قاطع طريق
( 10 - 7 - 2011 )

---------------------------

يعنى أيه تقطع طريق
يعنى ظلم ملوش نهاية
يعنى تعطيل للمصالح
والخسارة فى النهاية
قول لى مين ينقذ غريق
وللا مين يطفى الحريق
وانت ليه تظلم بريئ
وتقف وتقطع الطريق
آدى انت شايف الاقتصاد
ضيعت كام ساعة عمل
وعن العمل حوشت العباد
والعمل هوه الأمل
ليه بتضعف ثورتك
ليه تضيق خطوتك
وتدعى حبك لمصر
وانك فداها ومهجتك
وتقف وتقطع الطريق
هيه دى معاملة حبيب
وللا دى معاملة صديق
تقف وتقطع الطريق
الطريق له اداب
زى مبقول الكتاب
وبالأدق
للطريق علينا حق
قول حقوق
اصحى فوق
وأهمها
كف الأذى
قالها الرسول المعجزة
يبقى ليه نعصى كلامه
وبادينا نمشى للمهالك
بدل ما رضوان ينتظرنا
تلاقينا رحنا عند مالك
لك حقوق ؟
أنا زيك لى حقوق
بس نختار وقتنا
ونشوف بقى امتى الطلب
بلاش وقوف هيهزنا
ويرجع علينا بالعتب
ونضر مصر أمنا
فى ضررها يبقى احنا السبب
يالله روق
اصحى فوق
شوف مطالبك
عنها عبر
المكان والوقت فين
بدون ما تقطع الطريق
------------------------

هانئ الجمل
رد مع اقتباس
  #18  
قديم 03/04/2014, 00h49
hany57 hany57 غير متصل  
مواطن من سماعي
رقم العضوية:577594
 
تاريخ التسجيل: mai 2011
الجنسية: مصرية
الإقامة: مصر
المشاركات: 179
افتراضي رد: قراءة فى أوراق قديمة

- 17 -
وجهة نظر
19 - 12 - 2011

------------------------

حقيقى فيه ناس مأجورة ............ وعايزة تقضى على الثورة
فيه ناس بتقبض م الداخل .............. وناس بتقبض من بره
ومش عايزين الجنزورى ................. ولو صبرنا أيه يجرا
الانتخابات أهى شغالة ............. إشراف قضائى وإرادة حرة
وبعد كدا جاى انتخابات .................... رئاسية ولأول مرة
مهيش ديكور وبدون تزييف ............. ولا مخاطبة لناس بره
وتييجى ناس تلعب كورة .................. قدام رياسه للوزرا
وحوواشى ييجى فى ملاكى ......... و( ميت جنيه ) أجر الفترة
والفترة ديا يوم واحد ............... مشمول بجزء من السهرة
لمصلحة مين دا بيحصل .............. حرق المبانى جوه وبره
آدى ( تاريخ مصر ) بيولع ....... دا برضو من أهداف ثورة ؟
ثوارنا إنتو على راسى ........... زى التيجان فوق روس أمرا
ليا رجاء وعشان ننجح ................ بلاش تجمع ومظاهرة
لشهر واحد أو شهرين ............ بعدين نشوف أيه راح يجرا
والأمن يمسك مجرم كان .............. إندس جوا ناس طاهرة
والاقتصاد يمشى شوية ............. دا ( كل مصر ) بقت فقرا
مش كل ( وطنى ) يبقى فلول .. ومش كل ( ثوار ) فى مظاهرة
واللى يحب ميحرقشى ..................... ولا يضر ولو ذرة
تعالوا نقعد نتفاهم ............... نرسم سوا ( مصرنا ) بكرة

------------------------------

هانئ الجمل
رد مع اقتباس
  #19  
قديم 04/04/2014, 01h24
hany57 hany57 غير متصل  
مواطن من سماعي
رقم العضوية:577594
 
تاريخ التسجيل: mai 2011
الجنسية: مصرية
الإقامة: مصر
المشاركات: 179
افتراضي رد: قراءة فى أوراق قديمة

- 18 -
فاصل ونواصل
( 27 - 4 - 2012 )


------------------

المذيع : ورجعنالكم بعد الفاصل
موضوع حلقتنا بنواصل
مصر بلدنا رايحة لفين
وجاية منين
تانى أحيى كل ضيوفى
اللى معايا هنا قاعدين
وأحيى كل مشاهدينا
فى بيوتهم لينا متابعين
أرقامنا ظاهرة على الشاشة
أى مداخلة نرحب بيها
شرط مفيش تجريح لضيوفنا
واحنا ضرورى نرد عليها
الكلمة يا دكتور وياك
قبل الفاصل
كان بتهمك
ضيف ( 1 ) :
أنا تاريخى واضح
معروف
وانت معدود م الفلول

ضيف ( 2 ) :
أنا فى الميدان من قبل منك
وانت ديل ضمن الديول
طول عمرك بتغير جلدك
خلاص فهمنا لعبتك
تتمسح دايما فى الدين
والكرسى ساكن مهجتك

ضيف ( 3 ) : دا استحواذ
ضيف ( 1 ) : لأ دى مشاركة
أصل الشعب اختار الأصلح
واحنا الأكتر

ضيف ( 3 ) : طب واللجنة ؟
ضيف ( 1 ) : كنا شوية
والأكتر كان جاى من برة

ضيف ( 2 ) : تمويلك برضه من برة
ضيف ( 1 ) : أنا تمويلى فلوس أعضاء
اشتراكات
كله بيدفع وحسب دخله
امتى يشاء
وكيف يشاء
قول جمعية
بس انت على راسك بطحة
آدى أرقام كام شيك وصلولك
تقدر تنكر ؟

المذيع : فيه تليفون
لحظة يا دكتور
متصل ( 1 ) : مساء الخير
المذيع : مساء النور
متصل ( 1 ) : يا أستاذنا أنا احييك
المذيع : شكرا ليك
متصل ( 1 ) : أمسى كمان على كل ضيوفك
المذيع : تسلم كلماتك وحروفك
متصل ( 1 ) : أوضح حاجة
المذيع : قول اتفضل
متصل ( 1 ) : أنا متابع كل حواركم
وأساتذة ليا قاعدين
موضوع حلقتكم وكلامكم
مصر بلدنا
رايحة لفين
وجاية منين
رأيى بلدنا ماشية لتحت
مصر هتخربها الميادين
الحزب الوطنى راجع تانى
وعلى اكتافه عباية الدين
ياما دايما قلت فى مقالاتى
بلاش الخلط سياسة فى الدين
يعنى مفيشى دين فى سياسة
ومفيش برضه سياسة فى دين

ضيف ( 1 ) : عمره شيوعى
المذيع : مش موضوعنا
ضيف ( ! ) : لأ موضوعى
المذيع : سيبه يكمل
كمل استاذى وجهة نظرك
بس ان تسمح على الصوت
متصل ( 1 ) : أرد الأول ع الأستاذ
اللى ماشى مع البنت اياها

( توت توت )
المذيع : يظهر انه اتقطع الصوت
أيه يا محمد ؟
فيه تليفون ؟
أيوه ألو
متصل ( 2 ) : هوا دا برضو كلام تقولوه
كلامكم والله واجع ودنى
الأستاذ اللى على شمالك
ونافش نفسه زى الدندى
دا بيقبض من كل سفارة
ويقول لى المجتمع المدنى
اللى يهمه هيقبض كام
عمره ماهمه حد يموت
يبقا دا مسلم ؟ حد يقول لى

( توت توت )
المذيع : تانى برضه اتقطع الصوت
ضيف ( 4 ) : أستاذنا دورى أنا امتى
ساعة انا قاعد
متكلمتش

المذيع : دورك جى
ضيف ( 4 ) : أنا منطقتش
المذيع : ماش اتفضل
ضيف ( 4 ) : [COLOR="rgb(255, 140, 0)"]فى خمسة وعشرين كنا لوحدينا

ضيف ( 1 ) : لولانا الثورة كانت فشلت
ضيف ( 4 ) : [COLOR="rgb(255, 140, 0)"]بأمارة أيه
جيتوا بعد تمانية وعشرين
بشوية حضروا من عندك
بكتيره راح ييجوا ألفين
إن فشلت الثورة هتسكت
تقول مش تبعى
دول خارجين
وان نجحت الثورة هتركب
وتقول كنا هنا قاعدين

ضيف ( 1 ) : انت بتكدب
ضيف ( 4 ) : [COLOR="rgb(255, 140, 0)"]اسكت اخرس[/COLOR]
المذيع : يا أساتذة دا حوار ميصحش
ضيف ( 2 ) : منتاش سامع
ضيف ( 3 ) : اسكت يا بتاع الصفقات
ضيف ( 1 ) : صفقات أيه
ضيف ( 3 ) : ويا المجلس
ضيف ( 1 ) : أحسن منك
علشان أمريكا بتحرضكوا

ضيف ( 3 ) : أمريكا دى تبقا قبلتكو
المذيع[/COLOR] : كل الناس سامعة وشايفانا
ضيف ( 3 ) : أحسن لجل يشوفوا الحاصل
المذيع : أنا مش قادر الحلقة أواصل
شوف يا محمد
اطلع فاصل


-----------------------------

هانئ الجمل
[/COLOR]
رد مع اقتباس
  #20  
قديم 06/04/2014, 00h31
hany57 hany57 غير متصل  
مواطن من سماعي
رقم العضوية:577594
 
تاريخ التسجيل: mai 2011
الجنسية: مصرية
الإقامة: مصر
المشاركات: 179
افتراضي رد: قراءة فى أوراق قديمة

- 19 -
رئيس وزارتنا
( 20 - 2 - 2012 )

-------------------------------

رئيس وزارتنا يا إخوانى .. بتصريحاته غاوى جنانى
رئيس وزارتنا يا إخوانى

أدينا عشنا لحد ما شفنا .. رئيس وزارة بيتحفنا
وتصريحاته بتقرفنا .. والله منها آه يانى
إسمع تفانينه ( الله )
من فين دا جايبينه ( الله )
رئيس وزارتنا يا إخوانى

أول ما جه هل علينا .. قطع الكهربا من حوالينا
وقال أوضة كفاية علينا .. بدل م الوحدة مبنعانى
إسمع تفانينه ( الله )
من فين دا جايبينه ( الله )
رئيس وزارتنا يا إخوانى

علشان نوفر للأوطان .. الكهربا قدر الإمكان
ونصيحة ليكو البسوا أقطان .. بلاش داكرون أو كتانى
إسمع تفانينه ( الله )
من فين دا جايبينه ( الله )
رئيس وزارتنا يا إخوانى

شفت الرغيف دا تحفة ياهوه .. يابخت الفقرا اللى بياكلوه
علشان كدا فقيرنا حسدوه .. فى النعمة غرقان ياخوانى
إسمع تفانينه ( الله )
من فين دا جايبينه ( الله )
رئيس وزارتنا يا إخوانى

هنعمل بقا توزيع للعيش .. بكروت ذكية وغيرها مفيش
خلى الشعب ياكل ويهيص .. فى العيش يبلبط من تانى
إسمع تفانينه ( الله )
من فين دا جايبينه ( الله )
رئيس وزارتنا يا إخوانى

وكل فرد يا مستمعين .. له تلات ترغفة كاملين
فى اليوم الواحد كونوا شاهدين .. على الدلع ويقولوا جانى
إسمع تفانينه ( الله )
من فين دا جايبينه ( الله )
رئيس وزارتنا يا إخوانى

يعنى ياأخى لو ضيف جالنا .. على الغدا هيسوء حالنا
بدون عشا يبقا مآلنا ..ونستنى لليوم التانى
إسمع تفانينه ( الله )
من فين دا جايبينه ( الله )
رئيس وزارتنا يا إخوانى

بعد كدا لو جالك ضيف .. قول له فين عيشك يا ظريف
لأن عيشنا خلص يا خفيف .. وبدون زعل متجيش تانى
إسمع تفانينه ( الله )
من فين دا جايبينه ( الله )
رئيس وزارتنا يا إخوانى

واسمع آخر تفانينه .. صحيح من فين دا جايبينه
فى التليفزيون ليه سايبينه .. آدى التصريح الأخرانى
إسمع تفانينه ( الله )
من فين دا جايبينه ( الله )
رئيس وزارتنا يا إخوانى

تعرفوا ان الإسهال .. اللى بييجى للأطفال
سببه الأم مفيشى فصال .. واشرح لكو ازاى ياخوانى
إسمع تفانينه ( الله )
من فين دا جايبينه ( الله )
رئيس وزارتنا يا إخوانى

نسوان بعيد عنكو عكرة .. عن النضافة مفيش فكرة .
تقعد ترضع ولبكره .. من غير غسيل صدرها يانى
إسمع تفانينه ( الله )
من فين دا جايبينه ( الله )
رئيس وزارتنا يا إخوانى

اسمح لى أستأذن معاليك .. عندى الحل الله يخليك
والحل مجانى لاجل عنيك .. اسمع للحل العقلانى
إسمع تفانينه ( الله )
من فين دا جايبينه ( الله )
رئيس وزارتنا يا إخوانى

يدعو الائمة فى مساجد .. وكل عابد أو ساجد
يدعو بقا الله الواحد .. يخلق جديد فى النسوانى
إسمع تفانينه ( الله )
من فين دا جايبينه ( الله )
رئيس وزارتنا يا إخوانى

تكون صدورها ( ديسبوزابول ) .. بدل ماتشطف أو تغسل
بعد الرضاعة دى ماتحصل .. ترميه وتلقا جديد تانى
إسمع تفانينه ( الله )
من فين دا جايبينه ( الله )
رئيس وزارتنا يا إخوانى

أو نبيع فى الأجزاخانات .. مباسم أطفال لزوم الرضعات
معقمة بكل المقاسات .. مش فكرة حلوة يا إخوانى
إسمع تفانينه ( الله )
من فين دا جايبينه ( الله )
رئيس وزارتنا يا إخوانى

أو شاليمو معمول مخصوص .. لاجل الرضاعة مصنوع م البوص
يبقا طبيعى بأقل فلوس .. تلقاه كتير فى الغيطانى
إسمع تفانينه ( الله )
من فين دا جايبينه ( الله )
رئيس وزارتنا يا إخوانى

وفيه أبحاث هنا علمية .. عن ( سونتيان ) بالحنفية
توماتيكى يغسل يا عنيه .. ( تاتش ) وفيه برضو أغانى
إسمع تفانينه ( الله )
من فين دا جايبينه ( الله )
رئيس وزارتنا يا إخوانى

والله دا كلامك يخجل .. بدل كدا شوف ايه بيحصل
وبلاش كلام خالص أفضل .. ويارب مانشوفك تانى
إسمع تفانينه ( الله )
من فين دا جايبينه ( الله )
رئيس وزارتنا يا إخوانى
-----------------------------

هانئ الجمل
رد مع اقتباس
رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
طرق مشاهدة الموضوع

تعليمات المشاركة
You may not post new threads
You may not post replies
You may not post attachments
You may not edit your posts

BB code is متاحة
كود [IMG] متاحة
كود HTML معطلة

الانتقال السريع إلى


جميع الأوقات بتوقيت GMT. الساعة الآن 07h27.


 
Powered by vBulletin - Copyright © 2000 - 2010, Jelsoft Enterprises Ltd