* : غادة سالم (الكاتـب : ماهر العطار - آخر مشاركة : الكرملي - - الوقت: 15h31 - التاريخ: 28/03/2024)           »          تترات المسلسلات التلفزيونية (الكاتـب : راضى - آخر مشاركة : حازم فودة - - الوقت: 13h37 - التاريخ: 28/03/2024)           »          محمد شريف (الكاتـب : loaie al-sayem - آخر مشاركة : اسامة عبد الحميد - - الوقت: 23h50 - التاريخ: 27/03/2024)           »          سعاد محاسن (الكاتـب : سماعي - آخر مشاركة : نور عسكر - - الوقت: 19h25 - التاريخ: 27/03/2024)           »          الشيخ محمد صلاح الدين كباره (الكاتـب : احمد البنهاوي - آخر مشاركة : kabh01 - - الوقت: 09h52 - التاريخ: 27/03/2024)           »          سلمى (الكاتـب : حماد مزيد - آخر مشاركة : عطية لزهر - - الوقت: 09h18 - التاريخ: 27/03/2024)           »          سمير غانم- 15 يناير 1937 - 20 مايو 2021 (الكاتـب : محمد البتيتى - آخر مشاركة : نور عسكر - - الوقت: 01h14 - التاريخ: 27/03/2024)           »          سلوى رشدي - مونولجست (الكاتـب : حازم فودة - آخر مشاركة : نور عسكر - - الوقت: 00h43 - التاريخ: 27/03/2024)           »          الثنائي سعد و اكرام (الكاتـب : abuaseem - آخر مشاركة : نور عسكر - - الوقت: 00h09 - التاريخ: 27/03/2024)           »          سعاد وجدي (الكاتـب : نور عسكر - - الوقت: 23h25 - التاريخ: 26/03/2024)


العودة   منتدى سماعي للطرب العربي الأصيل > صالون سماعي > ملتقى الشعر و الأدب > نتاج الأعضاء.. شعر العامية والشعر النبطى

رد
 
أدوات الموضوع طرق مشاهدة الموضوع
  #21  
قديم 07/04/2014, 01h12
hany57 hany57 غير متصل  
مواطن من سماعي
رقم العضوية:577594
 
تاريخ التسجيل: mai 2011
الجنسية: مصرية
الإقامة: مصر
المشاركات: 179
افتراضي رد: قراءة فى أوراق قديمة

- 20 -
منيش راجع
------------------
سهران فى ليل الوجع
فارد شراع الصير
ما معايا غير مهجتى
وكام نفس فى العمر
وريح الحزن بتعاكس
ويعلا الموج
أعلى من جبال اليأس
فى قلب وليد ما شاف أمه
ولا حضن فى يوم ضمه
ومجدافى بيتكسر
على صخرة زرعها الخوف
وضاعت دفتى منى
وعينى ليه خاصمها الشوف
وفين الفجر مش باين
حلفت ماسيب أنا مكانى
ولا أفكر فى يوم أرجع
واشوف لى شط
قبل ماشوف محبوبتى
وعنيها السود
واشوف الحنة فى كفوفها
أمن .. وجود
ويرجع تانى عشاقها
بشوق فى القلب
ماله حدود
واشوفها زى ما كانت
زى ماشفتها فى حلمى
زى ماعشتها بنبضى
زى ماحبها قلبى
زى ماعينى شافتها
فى ليالى الطهر
عروسة الكل منها يغير
وكل ولادها عرسانها
منيش راجع
إلا معايا محبوبتى
ولو هافضل كدا سهران
لطول العمر
وحتى ان داب شراع الصبر

---------------------------------
هانئ الجمل
رد مع اقتباس
  #22  
قديم 11/04/2014, 00h11
hany57 hany57 غير متصل  
مواطن من سماعي
رقم العضوية:577594
 
تاريخ التسجيل: mai 2011
الجنسية: مصرية
الإقامة: مصر
المشاركات: 179
افتراضي رد: قراءة فى أوراق قديمة

- 21 -
شوفتوا الخطاب
( حلمنتيشى )
27 - 6 - 2013

--------------------------

خطب الرئيس فأبشروا
قوموا جميعا كبروا

وصل الرئيس وصحبه
اليوم يوم أزهر

شوفوا الرئيس المنتخب
هاتوا الصحافة تصور

الله أكبر ياعرب
هذا رئيس مبهر

شتم القضاء جميعه
قال القضاء مزور

أعطى الفلول براءة
على الشهيد تحسروا

وقال إن لم يرعوى
قوم عليا تمسخروا

سأذيقهم من قسوتى
ولحرها لن يصبروا

حل المشاكل كلها
فى كلمة ( فلتصبروا )

جاء الخطاب مهددا
وبالصباع يشور

انسى صباعك مرة
واسمع اناسا أبصروا

تلف الشتيمة راجعة
للى يقولها أنظروا

مبسوط بأنك قائد
بكلمة لا تقهر

للجيش ويا الشرطة
معا بفلك تبحروا

إن تضحك الدنيا لك
ففعلها بك يغدر

إن تبتسم لك ليلة
بعديها صبح أغبر

والشعب ضاق بحكمكم
أهانتموه .. تكفروا

هلا سمعت لناصح
فلتبعدوا ولتهجروا

قبل الحساب ويومه
فلهوله لن تصبروا

------------------------

هانئ الجمل
رد مع اقتباس
  #23  
قديم 12/04/2014, 00h25
hany57 hany57 غير متصل  
مواطن من سماعي
رقم العضوية:577594
 
تاريخ التسجيل: mai 2011
الجنسية: مصرية
الإقامة: مصر
المشاركات: 179
افتراضي رد: قراءة فى أوراق قديمة

-
22
-
الأوله آه ( 2 )
5 - 4 - 2013

----------------------

الأوله آه
والتانية آه
والتالته آه
الأوله آه وثورة ولادى زرعتها
والتانية آه كل الدنيا شافتها
والتالته آه عصابة جات وسرقتها
الأوله آه وثورة ولادى زرعتها بكام مليون
والتانية آه كل الدنيا شافتها مثل للكون
والتالته آه عصابة جات وسرقتها وليها دقون
الأوله آه وثورة ولادى زرعتها بكام مليون شباب وأمين
والتانية آه كل الدنيا شافتها مثل للكون تسر العين
والتالته آه عصابة جات وسرقتها وليها دقون فى توب الدين
الأوله آه وثورة ولادى زرعتها بكام مليون شباب وأمين لنا يفرح
والتانية آه كل الدنيا شافتها مثل للكون تسر العين وجات تنجح
والتالته آه عصابة جات وسرقتها وليها دقون فى توب الدين بتتمسح
الأوله آه وثورة ولادى زرعتها بكام مليون شباب وأمين لنا يفرح يسر القلب
والتانية آه كل الدنيا شافتها مثل للكون تسر العين وجات تنجح وتطرح حب
والتالته آه عصابة جات وسرقتها وليها دقون فى توب الدين بتتمسح وعودها كدب
والعصابة دى راح تهلك ودا وعدهم ونسوه
انقلبوا ع الثوار والدم البرئ سفحوه
لو السارق م الناس يقيموا عليه الحد
ولو السارق منهم تلاقيهم قوام تركوه
ورجعت أقول الأوله آه والتانية آه والتالتة آآآآآآآآآآآآآآآآآآآ ه

----------------------------------------


هانئ الجمل
رد مع اقتباس
  #24  
قديم 17/04/2014, 00h39
hany57 hany57 غير متصل  
مواطن من سماعي
رقم العضوية:577594
 
تاريخ التسجيل: mai 2011
الجنسية: مصرية
الإقامة: مصر
المشاركات: 179
افتراضي رد: قراءة فى أوراق قديمة

- 23 -
أنا وخالد صاحبى
19 - 7 - 2013
----------------------
- أهلا خالد
+ مرحب دكتور
- ليا مدة ما شفتكشى
خير ان شا الله

+ كنت فى رابعة
- بتعمل أيه ؟
+ مانتا عارف باعمل أيه !
الشرعية انقلبوا عليها
شوية عسكر .. شفت يا بيه ؟
وف الآخر يقولولك ثورة
والإعلام بيطبل ليه ؟
دا مش إعلام .. دول ناس كفرة
- واحدة واحدة بص يا خالد
عايزك دايما تعمل فكر
وكمان ماتكفرش الناس
حتى ان شفت أعمال كفر
قول ( يأتى أعمال الكفر )
ونبدأ موضوعنا من الأول
قاعدين ليه ؟
وعايزين أيه ؟

+ دكتور مرسى لازم يرجع
- شفت يوم عدا وبيرجع ؟
+ يبقا هنفضل كدا قاعدين
ومع الوقت شوف هنصعد
وهنملا كل الميادين
- لحظة يا خالد
من حقك تتظاهر سلمى
تعطل شغل ؟ .. طبعا لأ
أو فى يوم تيجى تقطع شارع
منهى عنه .. قول الحق
وف الآخر مرسى مش راجع
ملايين ياما مش عايزاه
أكتر من تلاتين مليون
مرسى خيبته كانت سابقاه
فى مشاكل الشعب ما فكر
لما زادت المعاناه
همه بس فى التمكين
عينه على المرشد ورضاه

+ بس دا جى بالصندوق
- الشعب صاحب الصندوق
+ مش كنا نستنا يكمل ؟
- لو دا ياخالد كان يوم يحصل
ماكنا نلاقى حق نشوق
بكرة ياما هتقرا قضايا
عن سرقات كات للإخوان

+ كله كدب
- وأراضى كانوا بيبيعوها
وفلوسها م الأمريكان

+ برضك كدب
- وأسرار مصر فين ودوها ؟
خيانات ياما مفيشى أمان !

+ والله كدب
- القضايا لسه مقفولة
ومطلبتش منك حلفان
تحلف ليه على حاجة فى الغيب
انها كدب أو بهتان
استنا اما تشوف الحاصل
ساعتها كل حاجة هتبان

+ السيسى خاين
- وقف عندك
السيسى واحد م الشعب
ومن مكانه بيشوف أكتر
بص لقا مصر بتضيع
شغل مخه بحب يفكر
الإخوان ناويين يبيعوها
بقانون رسمى وبيتدور
راح يجهز فى مجلس شورى
وقدامه أسابيع مش أكتر
والشعب شايف قام هب
قال مش هاسكت تانى واتحسر
غور يا مرسى انتا وجماعتك
وسنة كفاية عليك مش أكتر
ووقف السيسى فى صف الشعب
لبى الندا مش طمعان فى اكتر

+ بس أنا راجع
- راجع فين ؟
+ راجع رابعة
- ماشى براحتك
قبل ماتمشى أقول لك حاجة
القادة اللى معاكو فى رابعة
لو فيه فرصة لهم فى هروب
فى ثانية مش هتشوفهم تانى
فيهم الصادق برضه كذوب
جامعينكم وبيتحاموا بيكم
زى الدرع .. أو كوم طوب
بكرة ياما هتشوف ندالتهم
لما الكل بقا مطلوب
ولما هترجع راح تلاقينى
زى ماكنت أنا وانت زمان
ونكمل تانى فى نقاشنا
ونشوف ليه فشل الإخوان
مواضيع ياما راح نناقشها
وناس ياما ساعدناها زمان
دخلت مصر وخانت مصر
وحق ولادنا يعيشوا فى أمان
مستنيك بقا إوعا تعوق
عندك أمراض فى الميدان
التيفود وجرب وبلاوى
واوعاك ترجع لنا جربان

-----------------------

هانئ الجمل
رد مع اقتباس
  #25  
قديم 06/08/2018, 02h12
hany57 hany57 غير متصل  
مواطن من سماعي
رقم العضوية:577594
 
تاريخ التسجيل: mai 2011
الجنسية: مصرية
الإقامة: مصر
المشاركات: 179
افتراضي رد: قراءة فى أوراق قديمة

كنت فين يا حسن
-------------------------
كنت فين يا حسن واحنا بندور عليك

عارفين طبعا كنت أنا عازب
وكان الوقت كله مكاسب
واكتب شعر قافية وقالب
واسع صدرى مفيش تلاكيك

كنت فين يا حسن واحنا بندور عليك

فضلوا يزنو بقا على ودنى
اتجوز يا سيدنا لافندى
لما الصبر خلص من عندى
قلت وماله الله ما يوريك

كنت فين يا حسن واحنا بندور عليك

م السعودية جيت على طول
قلت جوازة وانا مسئول
نستحملها عرض وطول
برضو حياتى عايزة شريك

كنت فين يا حسن واحنا بندور عليك

وكنت ناوى اعزم خلانى
اخويا حمدى واخويا هانى
وعمى سعد لو كان جانى
كنت عشانه اجيب مزازيك

كنت فين يا حسن واحنا بندور عليك

بس سهى عليا ازاى
أيه اللى شغلنى عن دعواى
زعلان طبعا من جواى
صاحبى أقول له بروحى افديك

كنت فين يا حسن واحنا بندور عليك

والمهم دخلت الدنيا
من وقتها مفيش ولا ثانية
ضاعت دون أكلة والتانية
لحم كتير وحمام بفريك

كنت فين يا حسن واحنا بندور عليك

ومن يومها مكتبتش كلمة
قايد النور وبخاف م الضلمة
واملا بطنى بط وضلمة
م النت قلت يافكيك

كنت فين يا حسن واحنا بندور عليك

شوفوا م الآخر أنا مش جاى
قاعد آكل واشرب شاى
مبسوط انا بقا م اللى معاى
انسونى وبلاش تماحيك

كنت فين يا حسن واحنا بندور عليك
----------------------------------------------------
هانئ الجمل
رد مع اقتباس
رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
طرق مشاهدة الموضوع

تعليمات المشاركة
You may not post new threads
You may not post replies
You may not post attachments
You may not edit your posts

BB code is متاحة
كود [IMG] متاحة
كود HTML معطلة

الانتقال السريع إلى


جميع الأوقات بتوقيت GMT. الساعة الآن 16h00.


 
Powered by vBulletin - Copyright © 2000 - 2010, Jelsoft Enterprises Ltd