رد: هدى حداد
هدى : شو بيحكي مغزل الصوف الـ عم يغزل بإيد الإم ؟
بُكرا البنيّة بتكبر ومعها رَح يكبر الهَمّ
وتتشوّق للعيد وشغل الغزل يزيد
نغزل نغزل نغزل نغزل تـَنلبّسها جديد
(بيفوتوا تلات شباب)
الشباب : وشو بيحكي مغزل الصوف للإمّ اللي حدّا سرير ؟
بُكرا الصبي رَح يكبر وبدّو خلف الحبّ يطير
ويسأل حدّ العين عالـ كبرت من يومين
يسأل يسأل يسأل يسأل تـَيشوف بيتا وين
هدى : خبّرني مغزل الصوف قلـّي هالصبية خايفة ومستحية
وهربانة من درب الحبّ عرفت إنـّو البنيّات
ياللي حبّوا سهروا وتجرّحوا ونطروا وصارت تهرب من الحبّ
الشباب : وبيقلـّك مغزل الصوف حاجي تِتعب قلبا
وين بدّا تتخبّى الصبية من درب الحبّ
ناطرها ع َ باب البيت ع َ طريقا ناطر
ع َ مخدّتها ناطر إلا ّ مَ يخطفها الحبّ
هدى : بدّو ياخدها لعندو
الشباب : بدّو ياخدها
هدى : من بيتا من حضن أهلا
الشباب : بدّو ياخدها
الكلّ : دخلك يا مغزل الحبّ اغزل تياب الصبية
قبل ما يسبقها الحبّ عازمها ع َ سهريّة
وكلّ ما كبرو بنت وشب بتنطرهن ع َ أوّل درب
وبتنعاد الخبرية
|
العرض العادي
