طلبات نوتة أ / عادل صموئيل الجزء الثانى

[زينة الغريبي]

المشاركة الأصلية كتبت بواسطة زينة الغريبي

شكرا استاذ عادل على هذه الاغاني الجميلة و الرائعة
عزيزتى زينة
ارجعى صفحة او اتنين تلاقى مقطوعة موسيقية لعبد الوهاب اسمها : اليها
عايزمك تعزفيها وتسمعيها للأستاذ بتاعك
مع اطيب تحياتى عادل صموئيل

شكرا استاذ عادل و انشاء الله في الاسبوع القادم سأخبرك برأي استاذ رشيد في تدوين الاغنية.. و على فكرة الاستاذ موصيني على أن امده بكل جديد من أغاني عبد الحليم الطويلة و فريد كل ما تدونه و اغاني ام كلثوم القديمة الحان رياض و زكريا أحمد و المقطوعات الصامته مثل عزيزة و ابن البلد و ليالي لبنان و ليالي الجزائر لعبد الوهاب لأنه في اغلب المناسبات الموسيقية يعزفوا اما عزيزة او غيرها من القطع الصامته و قد أعجب بأغنية عواطف من تدوينك و مقطوعة عبد الوهاب حياتي من تدوين الاستاذ طارق

الاخت العزيزة
الفرق بين تدويناتى والتدوينات القديمة انى بالليل كنت اعمل مع العمالقة وفى الصباح كنت اعمل مدرس موسيقى يعنى بعمل مع ناس بتبدأ من الصفر والدرجات المحدودة اللى بعد الصفر ومن هنا حسيت ان النوت المكتوبة بصعوبة احترافية صعب جدا المبتدئين يعزفوها .. ومن هنا عملت طريقتى وهى تبيط النوتة مع عدم الاخلال باللحن طبعا .. يعنى انتى ممكن تلاقى نوتتين واحدة صعبة وواحدة سهلة ولو عزفتيهم يطلع نفس الشىء ولكن تختلف ان النوتة السهلة الجميع ممكن يعزفوها اما الصعبة خمسة % فقط هم اللى يقدروا يعزفوها ... وبالطبع لو سألتى نفسك ليه استاذك عايز يبشوف كل مدوناتى ؟
لأن النوتة السهلة بترفع من مستوى تلاميذه بعكس النوت الصعبة
يعنى هو لو اعطى تلاميذه النوت السهلة التلميذ ممكن يعزف فى السنة 360 لحن
لكن لو اعطاهم نوت صعبة التلميذ يادوب ممكن يعزف فى السنة عشر الحان بطلوع الروح
وهنا التلميذ يحس انه استفاد من الاستاذ .. يعنى لو تلميذن عند استاذين واحد عزف فى سنة 100 مقطوعة والآخر عزف خمس مقطوعات
اكيد شكل الاستاذ اللى انجز اكتر بيبقى احلى
فيه حاجة مهمة انا سعدت بها كثيرا مع الاخوة الشباب اللى بيدونوا .. انهم لو كانوا شافوا النوت القديمة الصعبة فقط كانت حاتبقى تدويناتهم صعبة لكن لما شافوا النوت السهلة بتاعتى اكيد حسوا بالفرق وبيدونا النوت اسهل وده شىء مهم جدا للمستقبل
مع اطيب تحياتى

[Dr.Fouad]

المشاركة الأصلية كتبت بواسطة Dr.Fouad

تعجز الكلمات عن وصف ابداعك و مجهودك
ابداع بمعنى الكلمة و يعجز اللسان عن الشكر
بعد اذن حضرتك انا ليا استفسار صغير
انا نزلت اغلب نوت العندليب لانى فعلا بعشقه و سمعتهم ببرنامج PhotoScore
وبجد انت فنان مفيش غلطة بس انا عايو اعرف النوت ديه لما تتنفز على البيانو الايد اليسري بتلعب ايه ؟انا مبتدئ جدا و بحاول افهم بس
يعنى مثلا زى قارئة الفنجان بلعب جزء منها يمين بس عارف الشمال المفروض تعوف ايه فلو ممكن حضرتك توضحيلي يكون لك عظيم الشكر و العرفان
و مرة اخرى مشكور عل الابداع فى التدوين
الاخ العزيز
اولا اهلا بك فى المنتدى
ثانيا انت عندك اورج كهربائى ولا بيانو من القديم ؟
لأن البيانو بيحتاج اولا دراسة علمية لليد اليسرى وبعدين مع الخبرة وكتر الشغل الانسان بيقدر يعمل مصاحبة على الموسيقى اللى مكتوبة باليد اليمنى فقط من عنده
اما الاورج دائما لو تلاحظ ان العازف بيعزف بيده اليمنى فقط واليد اليسرى بتعمل حاجات تانية يعنى ممكن تعمل مصاحبات اليكترونية يعنى بتلمس صباع واحد والارج مبرمج على مصاحبات او تغيير النغمات او الايقاع
مع اطيب تحياتى عادل صموئيل

الف شكر على ردك استاذى الفاضل
انا عندى اورج مش بيانو و فيه نظام معين فلا بيخليه يعمل دمج للنغمات اللى بتتلعب بليد اليسرى
بس مش بالضغط المفرد لازم يبقى كرد ثلاثى او رباعى
علشان يشتغل
انا افتكرت فى الاول ان الكردات ديه بتبقى مكتوبة فى النوتة معرفش انها بتبقى اجتهاد من العازف
الف مليون شكر على ردك سيدي الفاضل
اخى العزيز
هى الكوردات او اليد اليسرى بتبقى مكتوبة فى النوتة بس فى الموسيقى الغربية او الكلاسيكية او المقطوعات المعمولة خصيصا للبيانو
ودى بيبقى مفتاحين يعنى اليد اليمنى مفتاح صول واليد اليسرى مفتاح فا وده بيدى طبقة اغلظ لن اليد اليسرى بتتحرك فى المنطقة الاغلظ من البيانو
ودى محتاجة دراسة جامدة يعنى كتب تكنيك البيانو وبتبدأ من الصفر وبالتدريج يعنى الاول مصاحبات سهلة ثم اصعب وهكذا
والعازف لما بيقرأ نوتة فى مفاتح صول ( او نوت الخط اللحنى المنفرد ) بيمشى بعينه افقى مع اللحن
لكن البيانو الازف بيمشى بعينه افقى ورأسى فى نفس الوفق والمقصود بالرأسى انو بيقرأ من فوق لتحت يعنى النغمات اللى بتتعزف مع بعض طبعا
بس انا لما سألأتك انت عندك اورج ولا بيانو ليه ؟
ل البيانو القديم او الكلاسيكى مفيش فيه مصاحبات ولكنه بيتعمد على اداء العازف نفسه يمين وشمال يعنى العزف لو عزف باليد اليمنى فقط بيبقى فاضى خالص فيه حاجة ناقصة وعشان يعزف باليد اليسرى لازم حاجتين انو تكون قدامه نوتة مكتوب فيها الايدين او انو يكون عنده الخبرة انه يركب من نفسه ايه على ايه والا يطلع نشاز مفزع
اما الاورج الكهربائى لو تلاحظ 90 % من العازفين او 90% من عزفهم بيبقى باليداليمنى اما اليد اليسرى فهى اما بتعمل مصاحبات بلمسة واحدة او تغيير الايقاع
وده الاختلاف اللى بين البيانو والاورج , يعنى تسمع عازف على الاوق تلاقيه يجنن لكن لو جلس على بيانو بيتكشف اذا كان بيعرف بيانو ولا لأ
مع اطيب تحياتى عادل صموئيل

[عادل صموئيل]

احبائى
أقدم لكم من اعمال الموسيقار فريد الاطرش

زمان ياحب


مع اطيب تحياتى

[salhi_haithem]

بسم الله ماشاء الله عليك يا أستاذ عادل
و اللهي أبدعت و كما قال فريد في نفس الاغنية ( يا احلى شبئ فى الكون ياروح الروح يانور يا عبير)
هذه اكثر اغنية بحبها في حياتي كم انت فنان و فريد يا ستاذ عادل
و النوتة كالعادة مذهلة و جميله جدا و كالعادة فريد فى تدوينك , فريد فى اعمالك, فريد فى احساسك, فريد فى اختيارتك للاغاني,اذن هى العبقريه.. و لم يبقى ما يدون من اعمال فريد العملاقة الا القليل و القليل و انا سعيد جــــــــــــــــــــدا
هيثم

[Dr.Fouad]

المشاركة الأصلية كتبت بواسطة Dr.Fouad

الف شكر على ردك استاذى الفاضل
انا عندى اورج مش بيانو و فيه نظام معين فلا بيخليه يعمل دمج للنغمات اللى بتتلعب بليد اليسرى
بس مش بالضغط المفرد لازم يبقى كرد ثلاثى او رباعى
علشان يشتغل
انا افتكرت فى الاول ان الكردات ديه بتبقى مكتوبة فى النوتة معرفش انها بتبقى اجتهاد من العازف
الف مليون شكر على ردك سيدي الفاضل
اخى العزيز
هى الكوردات او اليد اليسرى بتبقى مكتوبة فى النوتة بس فى الموسيقى الغربية او الكلاسيكية او المقطوعات المعمولة خصيصا للبيانو
ودى بيبقى مفتاحين يعنى اليد اليمنى مفتاح صول واليد اليسرى مفتاح فا وده بيدى طبقة اغلظ لن اليد اليسرى بتتحرك فى المنطقة الاغلظ من البيانو
ودى محتاجة دراسة جامدة يعنى كتب تكنيك البيانو وبتبدأ من الصفر وبالتدريج يعنى الاول مصاحبات سهلة ثم اصعب وهكذا
والعازف لما بيقرأ نوتة فى مفاتح صول ( او نوت الخط اللحنى المنفرد ) بيمشى بعينه افقى مع اللحن
لكن البيانو الازف بيمشى بعينه افقى ورأسى فى نفس الوفق والمقصود بالرأسى انو بيقرأ من فوق لتحت يعنى النغمات اللى بتتعزف مع بعض طبعا
بس انا لما سألأتك انت عندك اورج ولا بيانو ليه ؟
ل البيانو القديم او الكلاسيكى مفيش فيه مصاحبات ولكنه بيتعمد على اداء العازف نفسه يمين وشمال يعنى العزف لو عزف باليد اليمنى فقط بيبقى فاضى خالص فيه حاجة ناقصة وعشان يعزف باليد اليسرى لازم حاجتين انو تكون قدامه نوتة مكتوب فيها الايدين او انو يكون عنده الخبرة انه يركب من نفسه ايه على ايه والا يطلع نشاز مفزع
اما الاورج الكهربائى لو تلاحظ 90 % من العازفين او 90% من عزفهم بيبقى باليداليمنى اما اليد اليسرى فهى اما بتعمل مصاحبات بلمسة واحدة او تغيير الايقاع
وده الاختلاف اللى بين البيانو والاورج , يعنى تسمع عازف على الاوق تلاقيه يجنن لكن لو جلس على بيانو بيتكشف اذا كان بيعرف بيانو ولا لأ
مع اطيب تحياتى عادل صموئيل

الف شكر على ردودك المتميزة يا استاذنا الغالى و كان ليا عندك طلب نوتين
اولهم لسه فاكر لام كلثوم بس تكون كاملة و ثانيهم انا فى انتظارك للست برضه
و الف مليون شكر على ردودك الجميلة

اخى العزيز اشكرك على ذوقك
واشكرك انك فكرتنى بالاغنيتين دول يعنى مش معقول اكتب الكم الهائل ده وما اكتبهمش
ان شاء الله قريب جدا جدا
مع اطيب تحياتى وكل عام والجميع بخير

عادل صموئيل

[عاصم المنشاوى]

الأصدقاء
كل سنة وحضراتكم بخير...وأنا أهو باكتب لكم باللون الروز الوردى البينك ...بعد أذن الفنان (عمرو) وائل علوى...جايز ربنا يطرح فى سنة 2013 البركة...جايز
المهم طلب عاجل...بس مش سريع قوى ...يعنى ممكن على السنة الجديدة

هل حد عنده نوتة اللحن العالمى اللى غنته فيروز تحت اسم "ليلة عيد"....

طب ممكن حد يكتبهالنا....عادل باشا صموئيل ....الفنان / محمد السويفى...الفنان السكندرى /نزيه محمد...الفنان الشاب / سيد محمود SMS....

شكرا لكم...

[عادل صموئيل]

احبائى

ل عام وانتم بخير
اقدم لأخى العزيز اللحن الى طلبه
هو فعلا لحن عالمى شهير جدا وبيتعزف فى امريكا الليلة دى

واسمه

Gingle Bells

معناها دقوا الاجراس

طبعا هى فيروز لما قدمته لعبوا فيه توزيع لكن هنا اللحن الاصلى

طبعا اقدمه للجميع يعنى لحن اسهل من السهولة ونفسى كلنا نعزفه على طول مرة واحدة بريما فستا يعنى اعمله كأنه اختبار ليك

مع اطيب تحياتى وكل عام وانتم بخير

[علي ثلاثة]

متمنياتي الخالصة
لكل اعضاء هذا المنتدى
بالصحة والعافية
والاطمئنان والعيش الرغيد
وأتمنى لهم أيضا كل ما يسعدهم
ويدخل البهجة والحبور على أفئدتهم
لهم ولأبنائهم وذويهم
وجيرتهم ومن يلونهم
ومساكنيهم وأهل عشيرتهم
والأقربين لهم والأبعدين.
وللعموم: أتمنى الرضا وهدوء البال.
وكلما كان الخير أعم
كان أفضل وأتم.
وأنا سعيد بهذه العشرة الطيبة التي يكونها
أعضاء هذا المنتدى الراقي بسلوكياته
والبديع في مسامراته:
فلست ترى إلا ما يفيدك أويسليك بدعابة مستملحة.
ولا أخفيكم أنني استفدت منكم كثيرا
وأحسن اللحظات عندي عندما أفتح الحاسوب
وألج هذه الصفحات المشرقات فألتقي بخيرة الناس
وأسعد بهم على بعد الشقة
ومجددا أتمنى لكم كل خير

[عادل صموئيل]

احبائى
اولا اشكركم كلكم على المعايدات الرقيقة وكل عام وانتم بخير
واتمنى ان يكون العام الجديد احلى من العام الماضى

اول اغنية اقدمها لكن فى العام الجديد
رائعة ام كلثوم والسنباطى

لسه فاكر

انا قبل كنت دونت الكوبليه الاول ( الصبا ) كنت دونته من الدوكاه على اسا انه انطلب بمفرده ومن الدوكاه اسهل

لكن لما ندون الاغنية كاملة انا دونتها من مكانها الاصلى طبعا هم عزفوها على الطبقة الصغيرة كما تعرفون

مع اطيب تحياتى

[نور الصباح]

الاخ العزيز
انا مش ناسى
بس فيه اغنية منهم 19 ثانية فقط انت جايبها ازاى دى ؟
عادل صموئيل
sssssssssssssssssssssssssssssssss
ميت فــــــــــــــــل وأربعتاشـــــــــــــــــر على عيونكـ
يـــا جمـــــــــــيل
من فضلكـ قول لى أى واحد فى الملفات إللى 19 ثانية
وأنـــا أغيره فى ثوانى
وشكررررررررررررررررررا أخوكم
نور الصباح