* : ليلى مراد- 17 فبراير 1918 - 21 نوفمبر 1995 (الكاتـب : سماعي - آخر مشاركة : نور عسكر - - الوقت: 19h08 - التاريخ: 28/03/2024)           »          تترات المسلسلات التلفزيونية (الكاتـب : راضى - آخر مشاركة : حازم فودة - - الوقت: 16h16 - التاريخ: 28/03/2024)           »          غادة سالم (الكاتـب : ماهر العطار - آخر مشاركة : الكرملي - - الوقت: 15h31 - التاريخ: 28/03/2024)           »          عبد الحليم حافظ- 21 يونيه 1929 - 30 مارس 1977 (الكاتـب : سماعي - آخر مشاركة : fahedassouad - - الوقت: 12h28 - التاريخ: 28/03/2024)           »          محمد شريف (الكاتـب : loaie al-sayem - آخر مشاركة : اسامة عبد الحميد - - الوقت: 23h50 - التاريخ: 27/03/2024)           »          سعاد محاسن (الكاتـب : سماعي - آخر مشاركة : نور عسكر - - الوقت: 19h25 - التاريخ: 27/03/2024)           »          الشيخ محمد صلاح الدين كباره (الكاتـب : احمد البنهاوي - آخر مشاركة : kabh01 - - الوقت: 09h52 - التاريخ: 27/03/2024)           »          سلمى (الكاتـب : حماد مزيد - آخر مشاركة : عطية لزهر - - الوقت: 09h18 - التاريخ: 27/03/2024)           »          سمير غانم- 15 يناير 1937 - 20 مايو 2021 (الكاتـب : محمد البتيتى - آخر مشاركة : نور عسكر - - الوقت: 01h14 - التاريخ: 27/03/2024)           »          سلوى رشدي - مونولجست (الكاتـب : حازم فودة - آخر مشاركة : نور عسكر - - الوقت: 00h43 - التاريخ: 27/03/2024)


العودة   منتدى سماعي للطرب العربي الأصيل > صالون سماعي > دعوة موسيقية على أغنية

موضوع مغلق
 
أدوات الموضوع طرق مشاهدة الموضوع
  #1  
قديم 23/07/2007, 08h32
الصورة الرمزية Adham Osman
Adham Osman Adham Osman غير متصل  
مواطن من سماعي
رقم العضوية:27919
 
تاريخ التسجيل: mai 2007
الجنسية: مصرية
الإقامة: مصر
العمر: 68
المشاركات: 132
افتراضي لا مش أنا إللى أبكى

ياصباح النغمات والكلمات
هو ده ياجماعة اللى إحنا داخلين علشانه - الغذا - طبعا مش لازم يكون غذاء بطون لكن لو موجود مع غذاء الأرواح يبقى تمام يعنى اللى يعزم على أغنية يعمل أوردر ديليفرى مع حاجة ساقعة أو فوار علشان نهضم الغذاء التقليدى وشاى بالنعناع علشان نمخمخ فى غذاء الروح.
كمان عايزين عناوين الأخوة الموسيقيين علشان نديهم كل واحد طريحة أغانى يقوموا بتحليلها بجانب عمنا أبو حسام وبالنسبة للأخوة الداعين إحنا نعمل جمعية واللى يقبض الأول ندخل أغنيتة.
نيجى للجد أولا هذا موضوع جميل جدا وكما قال أخونا محمد سماعى هناك أغنية أو عمل موسيقى فى حياة كل منا كان لها تأثير عظيم أو تحويل فى مجرى حياته وقد يكون أكثر من عمل.
بالنسبة لى أنا أدعوكم (فى دورى علشان الأخت بيبو ماتزعلش) على رائعة محمد عبدالوهاب
لأ مش أنا اللى أبكى
هنا بيتهيألى هيكون فيه كلام عن شكل الموسيقى الغربية فى أعمال الفنان محمد عبد الوهاب
  #2  
قديم 25/07/2007, 05h54
الصورة الرمزية الألآتى
الألآتى الألآتى غير متصل  
المايسترو
رقم العضوية:1323
 
تاريخ التسجيل: avril 2006
الجنسية: مصرية
الإقامة: مصر
العمر: 68
المشاركات: 2,483
افتراضي رد: دعوة موسيقية على أغنية

بسم الله نبدأ فى تحليل أغنية ( لا مش أنا إللى أبكى ) .. التى طلبها الأستاذ ( أدهم عثمان ) ..

الكلمات للشاعر ( حسين السيد ) ..

منذ البداية .. نجد أنفسنا أمام عاشق متمرد .. كرامته بتنقح عليه .. واجعاه ..

( لأ مش أنا إللى أبكى ... ولاّ أنا إللى أشكى .... لو جار عليا هواك )

( ومش أنا إللى أجرى ... وأقول عشان خاطرى ... وأنا ليا حق معاك )

الكلام واضح .. واحد مش عاجبه الحال .. بيرفض المعامله القاسية من المحبوب ..

المهم إن صاحبنا بيكمل على نفس الوتيرة .. ( وفاكرنى حاترجاك )

وبعدين بيعلن قراره ( أنا قلتها كلمة ... وكل شئ قسمة ... ودى قسمتى وياك ) ..

فى الكوبليه الثانى .. يستمر مسلسل العتاب ويحكى لنا العاشق :

( من كام سنة لما ... دار الهوى بينا ... فاكر إحنا قلنا إيه )

( مش دى راحة قلبى ... ولا ده أمل حبى ... إللى إتفقنا عليه )

يعنى من الأخر .. المحبوب طلع عيل .. ولم يحافظ على العهد ..

وبعدين ( أنا راح زمانى هدر ... ولا كانش عندك خبر )

وعايزنى أرجع تانى ... لا ..

المسألة واضحة ياجماعة .. مافيش حد حايقدر يحل المشكلة .. صاحبنا راكب دماغة .. ومافيش قوة حاتخليه يغير رأيه ..

نيجى بقى لأخر كوبليه .. وأطول كوبليه .. هو فى الحقيقة مجموعة كوبليهات فى بعض .. لكنها مرتبطة ببعضها ..

بيقول إيه صاحبنا .. هل يستمر فى عناده ؟ .. نشوف ..

نفاجأ هنا .. أن الأخ بيتراجع .. بيدى ( مارشادير ) لورا ..

( أنا موش باعاتبك دلوقت ... أنا بدى أقول ليه ده يحصل )

( علشان نهايتك ونهايتى ... كان يجرى إيه لو كانت أطول )

الله .. إيه لعب العيال ده .. إيه التماحيك دى .. بترجع فى كلامك ياعيل .. مش قادر تستمر على موقفك ..

لأ وإيه كمان .. بيلتمس العذر للمحبوب .. بيدعى إنه مش هو السبب .. السبب هما .. هما مين ؟

العوازل طبعاً .. بيقول له :

( غيروك علموك ... تنسى وتبيع إللى كان )

( بعته ليه تنسى ليه ... فين حبيبى بتاع زمان )

ويتحول الموقف إلى النقيض تماماً .. ويبدأ العاشق فى المحلسة .. فى التمسح .. فى الرجاء ..

( فين قلبك من حبى ليه ... ليه ماسكنش جنبى )

( كان مشاركنى ف عمرى ... ونسى يشارك قلبى )

و ( ماقدرش يعرفنى ... ماعرفش يفهمنى ... وعشان إيه ماعرفش ... ده ذنبك مش ذنبى )

المسألة بقت عتاب رقيق مش كرامة بقى وكبرياء .. وعايزنى أرجع لك تانى .. لا ..


المهم إن عمنا حسين السيد .. أعطانا وجبة كاملة ودرس لكل عاشق مهجور .. علمنا أن الحب ليس فيه كبرياء .. لازم نتنازل شوية ونطاطى .. علشان مانقعدش جنب الحيطة ونسمع الزيطة ..
__________________
مع تحياتى .. محمد الألآتى .. أبو حسام .


  #3  
قديم 25/07/2007, 06h23
الصورة الرمزية الألآتى
الألآتى الألآتى غير متصل  
المايسترو
رقم العضوية:1323
 
تاريخ التسجيل: avril 2006
الجنسية: مصرية
الإقامة: مصر
العمر: 68
المشاركات: 2,483
افتراضي رد: دعوة موسيقية على أغنية

نيجى بقى للحن ...

الأغنية موزعة توزيع أوركسترالى هارمونى .. مش عارف بصراحة الموزع .. لكن ممكن يكون أندريا رايدر .. أو أى موزع أجنبى من إللى كان بيتعامل معاهم عبد الوهاب فى هذه الفترة ..


سنجد الألآت الغربية ( بيانو ، خشب ، وتريات ) بجانب الألآت الشرقية مثل القانون والناى .. فى تناغم جميل ..


تبدأ الأغنية بنبضات من الكونترباص مع البتسيكاتو ( النقر على الأوتار للكمانجات ) تعقبها جملة من الوتريات بعرضها .. وبعدها تبادليات من الخشب ( فلوت ، بيكالو ) مع مجموعة التشيللو .. ونسمع ( الكلارنيت والباصون والأبوا ) وكلها ألات نفخية ..

ويدخل عبد الوهاب ليغنى .. من مقام العجم ( الميجور ) .. ليه مقام العجم ؟

علشان يدى لنفسه حرية فى الإنتقال بين المقامات .. إستخدم عبد الوهاب الكروماتيك بطريقة بديعة .. والكروماتيك ياسادة .. هو إستعمال أنصاف النغمات المتجاورة .. وتسمى السلالم الملونة .. يعنى لو عندك بيانو .. حاتستخدم الأصابع البيضاء والسوداء على السواء .. هو ده الكروماتيك ..


حانلاحظ كمان .. الجمل المتعارضه ( الكونتربوينت ) .. تسمع جملة من مجموعة من الوتريات .. وتسمع فى نفس الوقت جملة أخرى من مجموعة أخرى من الوتريات .. جملة مختلفة .. وتتلاقى الجملتان فى النهاية .. شغل هارمونيات ..

الخشب عامل عمايلة .. إسمعوا الصفافير طول الأغنية ..( الفلوت والبيكالو ) .. بيصرخوا .. بيزأططوا .. عاملين فرح .. وخصوصاً فى الكوبليه الأخير ..

تعمد عبد الوهاب فى الجزء الأخير من الأغنية أن يقسم هذا الجزء .. إلى شطرات .. وكل شطرة بشكل مختلف ومقام مختلف .. حسب طبيعة الكلمات وما تعبر عنه من مشاعر وأحاسيس ..

إسمعوا الردود بعد كل إنتقالة .. ردود تهيئ المستمع للمقطع التالى ..

أما عبد الوهاب .. فقد نجح أن يتقمص دور العاشق الذى يرفض الهجر .. ويقنعنا أيضاً بتحوله إلى معاتب رقيق .. يتمنى عودة الوصال ..

ملاحظة أخيرة قبل أن ننهى التحليل ..

إسمعوا البيانو مع القانون أثناء الغناء .. بيصاحبوا عبد الوهاب وهو بيغنى .. البيانو آلة غربية مع القانون .. آلة شرقية ..

مش حاسين بأى مشكلة ..

وإلى تحليل أخر لأغنية أخرى ..





__________________
مع تحياتى .. محمد الألآتى .. أبو حسام .


  #4  
قديم 25/07/2007, 07h55
الصورة الرمزية Adham Osman
Adham Osman Adham Osman غير متصل  
مواطن من سماعي
رقم العضوية:27919
 
تاريخ التسجيل: mai 2007
الجنسية: مصرية
الإقامة: مصر
العمر: 68
المشاركات: 132
افتراضي رد: لا مش أنا إللى أبكى

الله ينور ياعم محمد أبو حسام ياجميل
إسمحلى أرفع الكلمات لسبب وهو إن حضرتك سبق وقلت إن الفتوة بيغنى 3 شطرات مش 2 ولا 4 علشان هو فتوة ودى موجودة بقوة هنا كمان الإعادات وهنا لى سؤال لماذا فى اللزمة عند جملة " وكفاية قلبى إنشغل ... على قلب خالى الأمل" عادها مرتين أول مرة وقالها مرة واحدة فى الأخر علما بأنى راجعت الأغنية من مصدرين علشان أتأكد:


لأ مش أنا اللى أبكى ... واللا أنا اللى أشكى ... لو جار عليا هواك
ومش أنا اللى أجرى ... وأقول عشان خاطرى ... ولا ليا حق معاك

تبقى إنت هاجرنى ... وإنت اللى ظالمنى ... وفاكرنى هأترجاك
أنا قلتها كلمة ... وكل شىء قسمة ... ودى قسمتى وياك

وكفاية قلبى إنشغل ... على قلب خالى الأمل
وعايزنى أرجع تانى لا ... أرجعلك تانى لا ... لا لا لا

من كام سنة لما ... دار الهوى بيننا ... فاكر إحنا قولنا إيه
مش دى راحة قلبى ... ولا ده أمل حبى ... اللى إتفقنا عليه

إشمعنى أنا عهدك ... صنته وراعيت ودك ... والعمر داب حواليه
لكن اللى بيحبك ... مالوش تمن عندك ... والغالى يرخص ليه؟
أنا راح زمانى هدر ... ولاكانش عندك خبر
وعايزنى أرجع تانى لا ... أرجعلك تانى لا ... لا لا لا
أنا مش بأعاتبك دلوقتى ... أنا بدى أقول ليه ليه ده يحصل؟
علشان نهايتك ونهايتى ... كان يجرى إيه إيه لو كانت أطول؟
غيروك علموك تنسى وتبيع اللى كان
بعته ليه؟ تنسى ليه؟ فين حبيبى بتاع زمان
فين قلبك من حبى ليه ليه ... ليه ماسكنشى جنبى؟
كان مشاركنى فى عمرى ... ونسى يشارك قلبى
ماقدرشى يعرفنى ... ماعرفشى يفهمنى
وعشان إيه ماعرفشى؟ ... ده ذنبك مش ذنبى
ده ذنبك ... ده ذنبك ... مش ذنبى
تبقى إنت هاجرنى ... وإنت اللى ظالمنى ... وفاكرنى هأترجاك
أنا قلتها كلمة ... وكل شىء قسمة ... ودى قسمتى وياك
وكفاية قلبى إنشغل ... على قلب خالى الأمل
وعايزنى أرجع تانى لا ... أرجعلك تانى لا ... لا لا لا
  #5  
قديم 25/07/2007, 08h50
الصورة الرمزية الألآتى
الألآتى الألآتى غير متصل  
المايسترو
رقم العضوية:1323
 
تاريخ التسجيل: avril 2006
الجنسية: مصرية
الإقامة: مصر
العمر: 68
المشاركات: 2,483
افتراضي رد: لا مش أنا إللى أبكى

اقتباس:
المشاركة الأصلية كتبت بواسطة Adham Osman مشاهدة المشاركة
وهنا لى سؤال لماذا فى اللزمة عند جملة " وكفاية قلبى إنشغل ... على قلب خالى الأمل" عادها مرتين أول مرة وقالها مرة واحدة فى الأخر علما بأنى راجعت الأغنية من مصدرين علشان أتأكد:
لأ .. هو عادها مرتين فى الأول ومرتين فى الأخر ياأستاذ أدهم .. التسجيل الموجود عندى يؤكد ذلك .. أما النسخة الموجودة فى المنتدى .. فهى ناقصة الإعادة الثانية فى الأخر .. ولو لاحظت .. ستجد أن هناك قطع أو مونتاج للإعادة الأخيرة ..

وعموماً .. عبد الوهاب عودنا على ألا نسألة فى أى شئ يفعله .. ولكن كتحليل شخصى للسبب .. سنجد أن طبيعة الجملة الكلامية تحتم عليه ذلك .. لأنه يقول ( وكفاية قلبى إنشغل ) يعنى كفاية عليكم مرتين بس .. وستلاحظ أنه أعاد نفس الجملة اللحنية فى الكوبليه الثانى برغم تغير الكلمات ( أنا راح زمانى هدر ... ولا كانش عندك خبر ) .. تقريباً .. هذه هى الخطة التى وضعها للأغنية .. وبصراحة .. عبد الوهاب يعمل إللى هو عايزة .. يعنى .. كلنا نتوقع أن يعيد الثالثة .. لكنه لا يعيد .. إنه يعمل بنظرية ( خالف تُعرف ) .. هذا هو عبد الوهاب ..


وشكراً جزيلاً على الهدية الجميلة .. أخجلتم تواضعنا ياعم أدهم ..
__________________
مع تحياتى .. محمد الألآتى .. أبو حسام .


  #6  
قديم 25/07/2007, 11h47
الصورة الرمزية سماعي
سماعي
رقم العضوية:1
 
تاريخ التسجيل: octobre 2005
الجنسية: عربية
الإقامة: سماعي
المشاركات: 3,182
افتراضي Re : لا مش أنا إللى أبكى

ازف لكم خبر جميل جدا
الفنان القدير عمار الشريعي يتابع منتدنا ومرتاح جدا من مستوى الأعضاء والشغل الي في الموقع
هذا من مصدر موثوق به
وقريبا اقتراحاته لتطوير بعض الأقسام ستظهر في المنتدى
لا اعلم إن كان سيدخل بإسمه الحقيقي ام لا
لقاء سيقع مع احد مشرفينا في خلال ايام
__________________

  #7  
قديم 25/07/2007, 18h02
الصورة الرمزية سمعجى
سمعجى سمعجى غير متصل  
مواطن من سماعي
رقم العضوية:43091
 
تاريخ التسجيل: juin 2007
الجنسية: مصرية
الإقامة: مصر
المشاركات: 895
افتراضي رد: Re : لا مش أنا إللى أبكى



ربنا يبشرك بالخير يا أستاذ محمد سماعى ..
كبير السمعجية عمنا ( عمار الشريعى ) متابع المنتدى
و ( راضى ) عنه ..
هذا خبر ب 1000 سيرفر
و حتى اذا شارك فى المنتدى باسم مستعار ..
فسوف يعرفه الأعضاء بحواسهم قبل عقولهم
الله يبشرك بالخير
__________________
شاء اللي شاء ،، و اللي داء ،، مِـن وَردِة الشـِّفة
نـَـهَـل نـبـيـذ لاِشـْـتِيـاء ،، نهـــرِين ،، و لـَم كـَـفـَّىَ
شـَـهَـقْ شـُعاع خِصرَهَا ،، سَرْسِـب نـَدَى مَصْهـور
وِ فْ كلّ سَـرسوب شُـعاع ،، مَـلايكة مُصْـطـَـفـَّــة
يا تـراب و مخلوط بماء ،، إزاى غـَوِيـت النـُّـــور
يـِفـُــــــــــور علـى سِحــرَها ،، و فِــيها يـِتخـَـفـَّـىَ

كمال
  #8  
قديم 26/07/2007, 04h25
الصورة الرمزية unicorn
unicorn unicorn غير متصل  
مواطن من سماعي
رقم العضوية:8534
 
تاريخ التسجيل: novembre 2006
الجنسية: مصرية
الإقامة: مصر
العمر: 49
المشاركات: 485
افتراضي رد: لا مش أنا إللى أبكى

والله خبر جميل
أول نجاح حقيقى للمنتدى ان يبدأ الفنانين فى متابعته
و يبدأوا فى معرفة الاراء الحقيقية للناس فى فنهم
و جايز يعد دخول استاذ عمار الشريعى منتدانا , تبدأ الأصوات الجيدة تدخل ايضا و تعرف إن فى لسة ناس لا ترضى بالهبوط ثم يقدموا حاجات جيدة تطرد الأشكال إياها من الساحة.
بس فى مشكلة إن استاذ عمار حايدخل بأى اسم مستعار و ده حيخللينا نشك فى بعض , يعنى مش بعيد امسك غازى أو محمود و أقول عرفتك يا أستاذ عمار , بتستخبّى منّى؟؟
إطلع من دول أنا هرشتك خلاص.....
__________________
أنا اللى زرعت البيوت و العيدان
ما يمنعش عقلى.. شوية جنان!!
هايرجع لإسمِك رنين الحنان
قتيل المحبة يلبّى النداا
  #9  
قديم 28/07/2007, 20h03
matar matar غير متصل  
ضيف سماعي
رقم العضوية:50574
 
تاريخ التسجيل: juillet 2007
الجنسية: مصرية
الإقامة: مصر
العمر: 65
المشاركات: 8
افتراضي رد: لا مش أنا إللى أبكى

والله راودني الأمل في أن يصل خبر هذا المنتدى الى الاستاذ العظيم عمار الشريعي وتمنيت في قرارة نفسي أن يكون عضوا به .. وجدير بهذا المنتدى ان يضم بين جنباته نوابغ الموسيقيين امثال فناننا الكبير عمار .. فهنيئا لنا لو تحقق ذلك ..:icon_roll:icon_roll

ولي تعليق بسيط اوجهه الى اخي الحبيب الآلاتي .. ان اغنيه لا مش أنا اللى ابكي اغنيه ذات كلمات رائعه جدا ومليئه بالاحاسيس والمشاعر الجميله التى اظهرها اللحن والاداء في اجمل صوره .. صعب ان اتقبل التهكم على هذه المشاعر الصادقه .. اقترح ولا تغضب مني ان تتفرغ للتعليق على اللحن وتترك التعليق على الكلمات لراضي بك فهو اقدر على ذلك .. والخلاف في الرأي لايفسد للود قضيه .. وارجو من راضي بك الا يرفض هذه المهمه .. ولكم كل حبي وودي .
  #10  
قديم 28/07/2007, 21h11
الصورة الرمزية غازي الضبع
غازي الضبع غازي الضبع غير متصل  
عاشق عبدالوهاب
رقم العضوية:3243
 
تاريخ التسجيل: juillet 2006
الجنسية: مصري
الإقامة: أم الـدنيـــــا
المشاركات: 1,213
افتراضي رد: لا مش أنا إللى أبكى

اقتباس:
المشاركة الأصلية كتبت بواسطة unicorn مشاهدة المشاركة
والله خبر جميل

أول نجاح حقيقى للمنتدى ان يبدأ الفنانين فى متابعته
و يبدأوا فى معرفة الاراء الحقيقية للناس فى فنهم
و جايز يعد دخول استاذ عمار الشريعى منتدانا , تبدأ الأصوات الجيدة تدخل ايضا و تعرف إن فى لسة ناس لا ترضى بالهبوط ثم يقدموا حاجات جيدة تطرد الأشكال إياها من الساحة.
بس فى مشكلة إن استاذ عمار حايدخل بأى اسم مستعار و ده حيخللينا نشك فى بعض , يعنى مش بعيد امسك غازى أو محمود و أقول عرفتك يا أستاذ عمار , بتستخبّى منّى؟؟

إطلع من دول أنا هرشتك خلاص.....

يا بو مندور يا صاحب القفشة الجميلة ..
عمال أضحك من ساعتها والله ..
تصدق فعلا .. كلنا هانشك في بعض .. بس لعلمك هايبان من الأسلوب والروح
لإن طبعا الأستاذ عمار الشريعي .. ذو روح جميلة معروفة ومميزة ..
وبعدين الكلام الواعي المدروس .. أكيد هايبان ويتعرف ..
الحمد لله رب العالمين
دا والله يا جماعة نجاح للمنتدى .. أو بمعنى أصح .. مزيد من النجاح لإن المنتدى فعلا ناجح والحمد لله
وكمان الأستاذ عمار معروف بخفة الدم ..
.. خفة الدم ..
إممممممممممم
يبقى إنت يا ابو مندور .. وعاملي فيها آرسين لوبين ، ومستخبي تحت اسم Unicorn
__________________
الحمد لله رب العالمين
موضوع مغلق


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
طرق مشاهدة الموضوع

تعليمات المشاركة
You may not post new threads
You may not post replies
You may not post attachments
You may not edit your posts

BB code is متاحة
كود [IMG] متاحة
كود HTML معطلة

الانتقال السريع إلى


جميع الأوقات بتوقيت GMT. الساعة الآن 19h11.


 
Powered by vBulletin - Copyright © 2000 - 2010, Jelsoft Enterprises Ltd